কেমিকেল্স অমসুং ফর্তিলাইজর মন্ত্রালয়
কালেন লৌরোক মনুংদা হার ৱাৎতনা ফংহন্নবা ভিদিও কনফরেন্সকী খুৎথাংদা গৌরানা হার কম্পেনিশিংগী মীফম পাংথোকখ্রে
Posted On:
16 JUN 2020 5:09PM by PIB Imphal
কালেন লৌরোক মনুংদা লৌমীশিংদা হার মরাংকাইনা ফংহন্নবা ঙসি ভিদিও কনফরেন্সকী খুৎথাংদা কেমিকেলস অমসুং ফরতিলাইজরগী য়ুনিয়ন মিনিস্তর দি.ভি. সাদানন্দা গৌরানা হার ইন্দিস্ত্রিগী মরী লৈনবশিংগা মীফম অমা পাংথোকখ্রে। মীফম অদুদা রাজ্য মন্ত্রী মানসুখ মন্দাবিয়াসু শরুক য়াখি।
থৌরম অদুদা মিনিস্তরনা কোরোনা লাইচৎ লাকশিন্নবা সরকারদা মতেং পাংবগীদমক ইন্দস্ত্রিগী লুচিংবশিং থাগৎখি। গৌরানা হায়খি লাক্লিবা কালেন লৌরোক অসিদা হার মরাংকাইনা ফংহন্নবা মিনিস্ত্রিনা থবক পায়খৎলে।
অথিংবা কয়া লৈজরবসু, হারগী ইন্দস্ত্রিশিংনা থবক মখা চৎথবদা মিনিস্তরনা থাগৎপা ফোংদোকখি।
য়ুনিয়ন মিনিস্তরনা হায়খি কালেন লৌরোক হৌরে অমসুং লৈবাক অসিগী মফম কয়াদা লৌমীশিং লৌ উবা হৌরে। চহি অসিদা কুমগী নোং ফজনা চুরবা য়াই । মরম অদুনা চহি অসিদসু মখা তানা হার য়াম্না দরকার ওইবা য়াই। মমাং চহিগা চাংদম্নবদা, চহি অসিগী এপ্রিল, মে অমসুং জুন থাদা য়ুরিয়া অমসুং পি অমসুং কে হারশিং দি বি তিদা য়োনবা চাং য়াম্না ৱাংখি।
মহাক্না মখা তানা হায়খি কালেন লৌরোক মনুংদা য়ুরিয়া এম তি লাখ ১৭০ দরকার ওইগনি হায়না পানরি অদুগা পুথোকলিবা চাংনা চাউরাক্না এম দি লাখ ১৩৩নি। ৱাৎলিবা শরুক অসি মপান লৈবাকশিংদগী পুশিল্লক্কনি। মমাংদা মালেমগী ওইনা তেন্দর অনি কৌখ্রে অমসুং লৈবাক অসিগী লৌমীশিংগী দরকার ওইবা ফংহন্নবা ঙম্নবা ফরতিলাইজর দিপার্তমেন্তনা মখা তানা মপান্দগী হার পুশিল্লক্কনি।
মখোয়না থেংনরিবা অৱাবশিং কম্পেনি ওফিসারশিংনা ফোংদোকখি।
*****
(Release ID: 1631976)
Visitor Counter : 147
Read this release in:
Bengali
,
English
,
Urdu
,
Marathi
,
Hindi
,
Punjabi
,
Odia
,
Tamil
,
Telugu
,
Kannada
,
Malayalam