হৌজিক ওইরিবা কোবিদ-১৯ লাইচৎনা মরম ওইদুনা নোংমগী থবক থৌরমশিংদা তপথহল্লকপা অমসুং মীয়াম চত্থোক-চৎশিন্দা অথিংবা লৈবা অসিনা হন্দক চহীগী ওইনা পাঙথোক্কদৌরিবা মালেমগী যোগগী নুমিৎ অসিদা যোগগী ওইবা হকশেল ফহনবা অমসুং ৱাখল পোথাহনবগী মগুন অসি উৎপদা পান্দম থম্লগনি। মসি ফংনবগীদমক, জুন ২১গী অয়ুক পুং ৬.৩০দা মীয়াম্না য়ুম-য়ুমদা মতুং ইন্দুনা তৌজনবা দুরদর্শন্দা উৎকদবা অয়ুশ মন্ত্রালয়না ত্রেনরনা লুচিংবা সেসন অমা পাঙথোক্কনি।

ওইরক্লিবা অনৌবা ফিবম অসিদা, আই.দি.ৱাই. পাঙথোকপগী চৎনবী অমা লাক্লিবসিগী পান্দমদি যোগগী নুমিত্তা মসিনা পীরিবা কান্নবশিংদা মায় ওনশিন্দুনা য়ুমদা যোগ তৌনবা হোৎনবনি। অয়ুশ মন্ত্রালয়না মসিগী চৎনবী অসিবু "য়ুমদা যোগ, ইমুং-মনুংগা যোগ" হায়বা নুংগী ওইবা ৱাহন্থোক অসি প্রোমোৎ তৌদুনা মসিগী থবক থৌরমশিংদা শৌগৎলি।

হন্দক্কী চহীগী ওইনা, জুন ২১ অসি মালেমগী থাক্তা মালেমগী যোগগী নুমিৎ হায়না পালন তৌরি। মসিগী থৌরম অসিবু ভারতকী নাৎ অমসুং চৎনবী পালন তৌবা ওইনা মমাঙদসু মীয়াম্না থৱাই য়াওনা শরুক য়াখি। হন্দক্কী চহীদদি আই.দি.ৱাই. অসি হকশেলগী ওইবা খুদোংথীবা অমা থোক্লিঙৈ চৈরক্তা তাররে। মসিনা মরম ওইদুনা আই.দি.ৱাই. পাঙথোকপসি হকচাং ফনবা অমসুং ৱাখল শান্তি তান্নবা ওইনা থোক্লে।

ঙসিদি মালেম পুম্বা অৱাবা ৱাখল পুরি অমসুং কোবিদ-১৯ লাইচৎনা নুংশুক নুংজানহল্লে। যোগ শান্নবনা হকচাং অমসুং ৱাখল নুংঙাইহনবা মরম্না মতম অসিদদি অদুক্কী মতীক চানবা মতাং অমা ওইররে। অসিগুম্বা খুদোংথীরবা মতম অসিদদি মীয়াম্না যোগদগী য়াম্না মরুওইবা প্রমান তৌদুনা উৎলবা কান্নবা অনী ফংগদৌরিঃ ক) মীয়ামগী হকশেলদা কান্নবা অমসুং হকচাং ফগৎহনবা, অমসুং খ) মসি মালেম পুম্বগী ওইনা ৱাখল ৱাবা ফহল্লি হায়না য়ানরি।

মিনিৎ ৪৫ শাংবা কম্মন যোগ প্রোতোকোল (সি.পি.ৱাই.) অসি মালেম পুম্বদা মমিং চৎলবা যোগগী থৌরম অমা ওইরে অমসুং মসিনা হেক হেক হৌবদগী আই.দি.ৱাই.গী ময়োল ওইদুনা লাক্লি। হায়রিবসি যোগগী লুচিংবা গুরু অমসুং খঙ-হৈরবশিংগী কাংলুপ অমনা শেমখিবনি, অমসুং মসিদা হকচাং ফগৎনবা, ৱাখল, পুক্নিং অমসুং মীয়াম পুম্বগী স্পিরিচুএল হেলথ ফগৎনবা অফবা প্রেক্তিসশিং য়াওরি, হায়রিবশিং অসি য়ূমদা নুমিৎ খুদিংগী পাঙথোকপা য়ারবশিংনি। মসি চহী নাইদনা অমসুং নুপা নুপী খায়দনা মীয়াম্না লায়না অচম্বা ত্রেনিং অমগী মখাদা নত্ত্রগা ওনলাইন ক্লাসশিংগী খুথাংদা তৌজবা য়াই।

অয়ুশ মন্ত্রালয়না মীয়ামদা কম্মন যোগ প্রোতোকোলবু মন্ত্রালয় অসিগী যোগগী পোর্তেলদা, মসিগী সোসিএল মীদিয়া হেন্দলশিংদা অমসুং তেলিভিজন্দা য়াওরিবা রিসোর্সশিং অসি শীজিন্নদুনা তম্নবা পুক্নিং থৌগৎলি। প্রসার ভারতিনসু নুমিৎ খুদিংগী কম্মন যোগ প্রোতোকোল দি.দি. ভারতিদা অয়ুক পুং ৮দগী ৮.৩০ ফাওবা জুন ১১, ২০২০দগী শন্দোরক্লি। মসিগী প্রোগ্রাম অসি অয়ুশ মন্ত্রালয়গী সোসিএল মীদিয়া হেন্দলশিংদসু ফংলি। মসিগী পান্দমদি মীয়ামদা ওদিও অমসুং ভিজুএলগী খুথাংদা উত্তুনা ইলেক্ত্রোনিক মীদিয়ম্না কম্মন যোগ প্রোতোকোল তম্বীবনি।

কম্মন যোগ প্রোতোকোল হান্না হৈনহনবনা মীয়াম্বু মপুং ফানা শেম শাদুনা লৈহনবা অমসুং আই.দি.ৱাই. ২০২০দা শরুক য়ানবা শেম শাবা অমসুং মালেমগা লোইননা মখোয় মখোয়গী য়ুমদগী জুন ২১, ২০২০গী অয়ুক পুং ৬.৩০দা যোগ পাঙথোকপনি। মখা তানা, মন্ত্রালয় অসিনা চপ মান্নবা মতমদা মীয়াম পুম্ববু মতুং ইলহন্নবা ত্রেনর অমনা লুচিংদুনা যোগ তৌবগী তেলিকাস্ত অমা উৎকনি, মসিগী অকুপ্পা মরোলদি অতেনবা মতমদা লাউথোরক্লগনি। মনা চাউনা থম্বা ভিদিও কন্তেস্ত (ঐগী পুন্সি ঐগী যোগ ভিদিও ব্লোগিং কন্তেস্ত) অমসু মীয়ামদা মখোয়না তোঙান-তোঙানবা যোগ আশন পাঙথোক্লিবশিংগী অতেনবা ভিদিওশিং নমদুনা থাগৎনবগী পুক্নিং থৌগৎপা ওইনা চাংদম্নবা অমা পাঙথোক্লি।

" য়ুমদা যোগ, ইমুং-মনুংগা যোগ" হায়বা থিম অসি ইন্সতিত্যুসন অমসুং মীওই কয়া অমনা মাঙজৌননা লৌখৎনখ্রে। মৈসুরু জিল্লাগী এদমিনিস্ত্রেসন্না যোগ ফেদরেসন ওব মৈসুরুগা খুৎশম্নরগা আই.দি.ৱাই. থৌরম অসি মীওই লাখ ১ হেনবা মখোয় মখোয়গী য়ুমগী মাংগোন্দগী অমত্তা ওইনা পাঙথোক্নবা শীল্লি। নেচরোপেথী অমসুং যোগবু য়োকখৎনবা এন.জি.ও. অমা ওইরিবা ইন্তর্নেসনেল নেচরোপেথী ওর্গনাইজেসন (আই.এন.ও.)না মখোয়গী মেম্বর লাখ ২৫ রোমগা লোইননা মখোয় মখোয়গী য়ূমগী মাংগোন্দগী যোগ অমত্তা ওইনা সি.ৱাই.পি.দা য়ুম্ফম ওইরগা পাঙথোক্নবা শেম শারি। ধরমসালাগী এস.দি.এম. গ্রুপ ওব ইন্সতিত্যুসন (করনাতাকা)না "য়ুমদগী যোগ, ইমুং-মনুংগা লোইননা যোগ"গী থৌরম অসি জুন ২১, ২০২০গী অয়ুক পুং ৭তগী মীওই ৫০,০০০গা লোইননা পাঙথোক্নবা হোৎনরি। অতোপ্পা ওর্গনাইজেসন কয়া অমনসু মহৈলোইশঙশিং য়াওনা থৌরম অসিগী পাঙথোকপগী অকুপ্পা থবকশিং লোইশিন্নখ্রে। ওর্গনাইজর কয়া অমনা মীয়াম্বু মখোয় মখোয়গী য়ূমদা লৈননবগীদমক পুক্নিং চিংশিন্নবা সোসিএল মীদিয়া অমসুং দিজিতেল প্লেৎফোর্মশিং শীজিন্নরি।

*****