পেত্রোলিয়ম অমসুং নেচরেস গ্যাস মন্ত্রালয়গী মকোকথোংবা ওফিসিএলশিংগা ওইলগী সি.এম.দি.শিং অমসুং ও.এন.জি.সি., ক্রাইসিস মেনেজমেন্ত তীম অমসুং অতৈ অখং-অহৈশিংগা ইনর্জীগী ইয়ু.এস.বিভাগ(দি.ও.ই.) অমসুং ইয়ু.এস.কী অখং-অহৈশিংগা থাও অমসুং গ্যাস অমাং-অতা থোকপা লাকশিন্নবা জুন ১২,২০২০দা অসমগী, তিন্সুকিয়া জীলাগী বাঘজান্দা লৈবা ওইল ইন্দিয়া লিমিতেদ(ও.ই.এল.)গী গ্যাসকী গুহা কামথোরকপা অমসুং মৈ চাকপা অদু লাকশিন্নবগী মতাংদা মরিক চুম্না খন্ন-নৈনবগী মীফম অমা পাংথোকখ্রে। মীফম অদুদা সিঙ্গাপুরদগী মপাল-লমগী অখং-অহৈশিংসু য়াওখি।

ইয়ু.এস.কী মায়কৈদগী ইয়ু.এস.তা থোকখিবা মসিগা মান্নবা গ্যাস কামথোরকপগী থৌদোক থোকখিবগী মতাংদা মখোয়না খংহৌ-উহৌবশিং অদু ময়ামদা হায়খি। ভারতকী মায়কৈদগী মৈ অসিবু লাকশিন্নবা অমসুং মৈ শন্দোরকপা থিংনবা, ৱাতর মেনেজমেন্ত সিস্তেম, লেমখাকশিং লৌথোকপা, দ্রোনশিং য়াওনা অনৌবা তেক্নোলোজীশিং শিজিনন্নবা অমসুং গুহা অসিবু মখুম কুপশিন্নবা লোইরবা শেমদোক্নবগী ওইবা থবক-থৌওংশিং য়াওনা চত্থরিবা থবকশিং অমসুং গুহা অদুবু মখুম কুপশিন্নবগী থৌরাংশিংগী মতাংদা অমসুং শন্দোক্না হায়খি। ইয়ু.এস.কী ইনর্জী বিভাগ অমসুং অখং-অহৈশিংনা ওইল অমসুং ও.এন.জি.সি.গী অখং-অহৈশিংনা পায়খৎখিবা থৌরাংশিং অদু পাক-চাওনা শৌগৎখি অমসুং গুহা অদু মখুম কুপশিন্নবগা লোয়ননা মৈ লাকশিন্নবগী থৌরাংশিং য়াত্থোকখি। নাকল অনিমক্না লাক্কদৌরিবা নুমীৎ খরসিদা মাগী-মাগী মীৎয়েংশিং অদু অমুক হন্না হায়ননবা অমসুং গুহা মখুম কুপশিন্নবগী চত্থরিবা থবক অদু অমুক হন্না য়েংশিন্নবা ৱারেপ্নখি। মসিগী খন্ন-নৈনবা অসি হৌজিক চত্থরিবা ভারত-ইয়ু.এস.কী স্ত্রেতিজিক ইনর্জী পার্তনর্শিপকী শরুক অমা ওইনা পাংথোকখিবনি।

*****