PIB Headquarters

কোবিদ-১৯গী মতাংদা নুমিৎ খুদিংগী ফোংবা পি.আই.বি.গী বুলেতিন

Posted On: 13 JUN 2020 6:28PM by PIB Imphal

Coat of arms of India PNG images free download    

(মসিদা হৌখিবা পুং ২৪ দা থোকখিবা কোবিদ -১৯গা মরী লৈনবা চেফোংশিং, ফিল্দ ওফিসশিংদগী ফংবা পাউশিং, অমসুং পি.আই.বি.না লৌখৎপা ফেক্ত চেকশিং য়াওরি )

  • কোবিদ-১৯গী অনাবা ১৫৪৩৩০ ফগৎপদগী রিকোবরী রেত ৪৯.% য়ৌখ্রে; হৌখিবা পুং ২৪দা মীওই ৭১৩৫ নাবা ফখি
  • কোরোনাভাইরস তেস্ত তৌবগী চাং অসি হেনগৎহন্নবা কন্না হোৎনরি; লেব ৮৮৫না তেস্ত তৌরি
  • কোবিদ-১৯গী অপদেৎ ওইরবা ক্লিনিকেল মেনেজমেন্ত প্রোতোকোল ফোংখ্রে
  • মরুওইবা সপ্লাইশিং রিএল তাইম ওইনা ফংবা ফংদবগী ফীভম পীবা হকশেলগী সপ্লাই চেনগী ৱেব-বেজ সোলুসন আরোগ্যপথ হৌদোকখ্রে

কোবিদ-১৯গী অপদেৎ;নাবা ফগৎলকপগী চাং চাদা ৪৯.৯৫দা হেঙ্গৎলে

হৌখিবা পুং ২৪দা কোবিদনা-১৯না নারবা মীওই পুন্না ৭,১৩৫ নাবা ফখ্রে। মতৌ অদুম্না হৌজিক ফাওবদা অনৌবা মীওই পুন্না ১,৫৪,৩২৯ কোবিদ-১৯দগী নাবা ফখ্রে। কোবিদনা নারবশিংগী মরক্তা নাবা ফগৎলকপগী চাং অসি চাদা ৪৯.৯৫ ওইরে। হৌজিক্কী ওইনা এক্তিব কেস ১,৪৫,৭৭৯ লৈরি অমদি মখোয় পুম্নমক অকনবা মেদিকেলগী মীৎয়েং মখাদা লৈরি। ইনফেক্ত তৌরবা মীওইশিংদা নোবেল কোরোনাভাইরস দিতেক্ত তৌনবগীদমক অই.সি.এম.আর.গী তেস্তিং কেপাসিতী মখাতানা হেঙ্গৎলক্লি। সরকারগী লেবশিংগী মশিং ৬৪২দা হেঙ্গৎখ্রে অমদি প্রাইবেৎ লেবশিংগী মশিং ২৪৩দা হেঙ্গৎলে (অপুনবা ৮৮৫)। হৌখিবা পুং ২৪দা সেম্পল ১,৪৩,৭৩৭ তেস্ত তৌখি। হৌজিক ফাওবদা তেস্ত তৌখিবা অপুনবা মশিং অসি ৫৫,০৭,১৮২ শুরে। মন্ত্রালয়না কোবিদ-১৯গীদমক অপদেৎ তৌরবা ক্লিনিকেল মেনেজমেন্ত প্রোতোকোল অমা ইসু তৌখ্রে।

For details :https://pib.gov.in/PressReleasePage.aspx?PRID=1631367

প্রধান মন্ত্রী শ্রী নরেন্দ্র মোদী অমসুং লাওগী প্রধান মন্ত্রী থোংলুন সিসোলিথ অনিগী মরক্তা তেলিফোন্দা ৱারী শানখ্রে

ঙসি প্রধান মন্ত্রী শ্রী নরেন্দ্র মোদীনা লাওগী প্রধান মন্ত্রী থোংলুন সিসোলিথগা তেলিফোন্দা ৱারী শানখ্রে। মালেমগী কোবিদ-১৯ লাইচৎনা হকশেল অমসুং শেন-থুমগী খুদোংচাদবশিং থেংনরিবা অসিগী মতাংদা ৱাফম কয়া লুচিংবা অনিনা খন্নখি। লাওসতা লাইচৎ শন্দোরকপা লাকশিন্নবা লাও সরকারনা পায়খৎলিবা অকনবা থবকশিং প্রধান মন্ত্রীনা থাগৎখি। কোবিদ মতুংদা ওইরক্কদবা মালেমগী থৌরাং তৌনবা মালেমগী ওইনা মতেং পীনবা অমসুং খ্বাইদগী ফবা থবকশিং শরুক য়ামিন্নবগী তঙাইফদবা অদু লুচিংবা অনিনা য়ানখি।

অকুপ্পা মরোলগীদমকঃ https://pib.gov.in/PressReleasePage.aspx?PRID=1631229

প্রধান মন্ত্রী শ্রী নরেন্দ্র মোদী অমসুং তঞ্জানিয়াগী রাস্ত্রপতি দোক্তর জোন পোম্বে জোসেফ মেগুফুলীগী মরক্তা তেলিফোন্দা ৱারী শানখ্রে

ঙসি প্রধান মন্ত্রী শ্রী নরেন্দ্র মোদীনা তঞ্জানিয়াগী রাস্ত্রপতি দোক্তর জোন পোম্বে জোসেফ মেগুফুলীগা তেলিফোন্দা ৱারী শানখ্রে। মহাক্না ২০১৬কী জুলাইদা দার-ইস-সালামদা চৎলুবা খোঙচৎ অদু প্রধান মন্ত্রীনা নীংশিংখি অমসুং লৈবাক অসিনা মমাংঙৈদগী হৌনা তঞ্জানিয়াগা লৈনরকপা মরূপ-মপাং ওইবা মরীশিং অদু ভারতনা মরুওইনা লৌরি হায়না ফোংদোকখি। তঞ্জানিয়াগী সরকার অমসুং মীয়ামগী অনীংবশিং অমসুং দরকার ওইবশিং ফংহন্নবা লৈবাক অদুগী চাউখৎপগী খোঙচৎতা তঞ্জানিয়াগা চৎমিন্ননবা ভারতনা থাজবা পীরি হায়না মহাক্না অমুক হন্না ফোংদোকখি।

অকুপ্পা মরোলগীদমকঃ https://pib.gov.in/PressReleasePage.aspx?PRID=1631226

মরুওইবা সপ্লাইশিং রিএল তাইম ওইনা ফংবা ফংদবগী ফীভম পীবা হকশেলগী সপ্লাই চেনগী ৱেব-বেজ সোলুসন আরোগ্যপথ হৌদোকখ্রে

মরুওইবা সপ্লাইশিং রিএল তাইম ওইনা ফংবা ফংদবগী ফীভম পীনবা পান্দম থম্লিবা সি.এস.আই.আর. নেসনেল হেল্থকেয়র সপ্লাই চেন পোর্তেল https://www.aarogyapath.in জুন ১২, ২০২০দা হৌদোকখ্রে‍। অরোগ্যপথনা মেনুফেকচরশিং, সপ্লাইয়রশিং অমদি কস্তমরশিংদা কানবা পীগনি‍। সপ্লাই চেনদা শাথিনা অকায়বা পীরিবা কোবিদ-১৯ লাইচৎনা মরম ওইদুনা ওইরক্লিবা লৈবাকসিগী হকশেলগী ইমর্জেন্সী অসিগী মনুংদা মরম কয়ানা মরুওইবা পোৎলমশিং পুথোকপা অমদি য়ৌহনবদা খুদোংচাদবা মায়োক্নরি‍। ইনফোর্মেসন ফম্পাক আরোগ্যপথ অসি “আরোগ্য (হকচাঙ ফবা পুন্সি) গী মায়কৈদা চৎপা খোঙচৎ অমগী লম্বী পীবা” হায়বা ৱাখল্লোনদা হায়রিবা খুদোংচাদবশিং অসি কোকহন্নবা শেমগৎপনি‍। 

অকুপ্পা মরোলগীদমকঃ https://pib.gov.in/PressReleasePage.aspx?PRID=1631339

‘মাই লাইফ, মাই যোগ’ ভিদিও ব্লোগ্গিং কন্তেস্তকী সবমিসনগী অরোয়বা মতম জুন ২১, ২০২০ ফাওবা শাংদোক্লে

প্রধান মন্ত্রী শ্রী নরেন্দ্র মোদীনা ইকুই কুইদনা লাউথোকখিবা ‘মাই লাইফ, মাই যোগ’ ভিদিও ব্লোগ্গিং কন্তেস্তকীদমক এন্ত্রিশিং থাদোক্লকপগী অরোয়বা মতম জুন ২১, ২০২০ ফাওবা শাংদোক্লে‍। দিজিতেল ফম্পাক্তা পাঙথোক্লিবা মালেমগী ওইবা অথোই অহেন তান্নবা অসি ৬শুবা ইন্তরনেস্নেল দে ওফ যোগগী থৌরমগা মরী লৈননা অয়ুশ মন্ত্রালয় অমদি ইন্দিয়ন কাউন্সিল ওফ কলচরেল রিলেসন্স (আই.সি.সি.আর.)না পুন্না শীনবনি‍। হান্নদি কন্তেস্ত অসিগী এন্ত্রিশিং থাজিনবগী অরোয়বা তাং জুন ১৫, ২০২০ দা ওইনবা তৌরম্বনি‍। যোগ শান্নবশিংনা ভিদিও শেম্নবগী মতম মরাং কায়না ফংনবগীদমক ভারত অমসুং মপান্দগী মতম শাংদোক্নবগীদমক দিমান্দ লাক্লি‍। মরম অসিনা মন্ত্রালয় অমসুং আই.সি.সি.আর.না এন্ত্রিশিং থাজিল্লকপগী অরোয়বা মতম শাংদোক্তুনা জুন ২১দা পাঙথোক্কদবা আই.দি.ৱাই.গা চাননবা লেপ্নখি‍।

অকুপ্পা মরোলগীদমকঃ https://pib.gov.in/PressReleasePage.aspx?PRID=1631307

পি.আই.বি. ফিল্দ ওফিসতগী ফংবা ইনপুৎশিং

    • চান্দিগরঃ সেনিয়র ওফিসিএলশিং অমসুং মেদিকেল এক্সপর্তশিংগা কুপ্না খন্নরবা মতুংদা চান্দিগরগী লৈঙাক্লোইশিংনা তাং ৩০/৬/২০২০, লোকদাউন লোয়বা নুমিৎ, ফাওবগী ওইনা লেপখিবা ৱাফমশিংদি- (ক) সি.তি.য়ু.না রাজ্য অমদগী রাজ্য অমদা বস চেল্লোই, (খ) অতোপ্পা রাজ্যশিংদগী চান্দিগরদা পেসেঞ্জর পুরকপগী ওইনা অতোপ্পা রাজ্যশিংদা পীখিবা চস চৎপগী অয়াবা হন্দোক্লগনি, (গ) চান্দিগর, পঞ্জাব অমসুং হরয়ানাগী ওইবা শহর-অহুমগী বসশিংদি চেনগনি, (ঘ) ত্রেন্দা লাকপা মীওই খুদিংমক স্ক্রীন তৌরবা মতুংদা নুমিৎ ১৪নিগী সেলফ-ক্বারেন্তাইন তৌহনগনি। মখোয়না আরোগ্য সেতু এপ দাউনলোদ তৌগদবনি অমসুং মশানা মশাগী হক-শেল য়েংশিনজগদবনি। য়ু.তি.গী লৈঙাক্লোইনা য়ারিবমখৈ মরক মরক্তা য়েংশিনগনি, (ঙ) লম্বীদা অমসুং নোংথক্তা লাকপা মীওইশিংসু পথাপ অসি ইনগনি, (চ) চান্দিগরদা লম্বীদা লাকপা মীওইশিংনা লৈঙাক্লোইগী ৱেবসাইত্তগী মোবাইল ফোনগী খুত্থাংদা দাউনলোদ তৌবা য়াবা সেলফ-জেনেরেতেদ দোক্যুমেন্ত পায়গদবনি। মসিনা মখোয়না লম চৎপা অমসুং লৈফমগী ৱারোল খংবদা লৈঙাক্লোইশিংদা তেংবাংগনি। অদুগা মসিগী চে অসি পাসসু নত্তে অমসুং অয়াবা পীবগী চেশু নত্তে। মসি মখোয়না লম চৎলুবা ৱারোলগী ওফসিএল রেকোর্দ ওইবতনি, (ছ) সরকারগী/পি.এস.য়ু.গী/লন্নাইগী থবক তৌবা মীওইশিংনা শক্তাক চে উৎলবা মতমদতা ওফিস মনুং চংহনগনি।
    • পঞ্জাবঃ কোবিদনা খুন্নাইদা শন্দোরকপা থিংনবা পাংথোকপা অহানবা মখলগী থবক অমা ওইনা পঞ্জাবকী মুখ্য মন্ত্রী মোবাইলগী এপ –‘ঘর ঘর নিগ্রানি’ পুথোক্তুনা লায়চৎ অসি মরু ফংনা মুত্থৎনবা রাজ্যসিগী য়ুম্থোং খুদিংদা চৎলগা য়েংশিল্লগনি। থৌরাং অসিগী শরুক অমা ওইনা পঞ্জাবকী খুঙ্গং অমসুং শহরদা লৈবা চহী ৩০গী মথক্তা লৈবা মীওই খুদিংমক অমসুং চহী ৩০গী মখাদা লৈবা কুইনদগী অনাবা লৈরকপা নত্ত্রগা ইনফ্লুএঞ্জা লাইক ইলনেস/সিবিয়র এক্যুৎ রেস্পিরেতরী ইলনেস লৈবা মীওইশিংসু সর্বে অসিনা য়েংশিনবদা য়াওগনি। সর্বে অসিনা মীওই অমগী মমাংগী চয়োল মপুং অমগী অপুনবা মেদিকেলগী ফিভমশিং খংদোক্কনি অমসুং মখোয়গী কুইনদগী লৈরকপা লায়নাগী অপুনবা ৱারোলসিনা রাজ্যদা দেতাবেজ অমা শেম্বদা মতেং পাংগনি অমসুং মসিগী মতুং ইন্না কোবিদ লাকশিন্দুনা খুন্নাইদা শেন্দোকপা থিংনবা পথাপ য়াৎপদা মখা তানা মতেং পাংগনি।
    • হরয়ানাঃ রাজ্যসিগী চীফ সেক্রেতরীনা রাজ্য অসিনা কোরোনা ভাইরস্তগী থোক্লকপা খুদোং চাদবা খুদিংমক থেংননবা শেম-শাবা লোয়রে হায়খ্রে। মালেমগী লায়চৎ অসি অতম্ননা থেংনবা থবক্কী পথাপ কয়া য়াৎপা লোয়রে হায়না মখা তানা হায়খ্রে। চীফ সেক্রেতরীনা কোবিদ-১৯গীদমক্তা খনখিবা দিপ্যুতী কম্মিসনর অমসুং নোদেল ওফিসারশিংদা মখা তানা হান্নদগী হেন্না কন্না য়েংশিনবা, অকনবা ঙাকথোক্নবা পাম্বৈ কয়া, অথুবা মতমদা কন্তেক্ত ত্রেসিং তৌবা, আই.ই.সি.গী থবক্কী মতুং ইন্না ক্লিনিকেল মেনেজমেন্ততা মিৎয়েং চংনবা হায়খ্রে। মাস্ক উপ্পা অমসুং সোসিএল দিস্তেন্সিং তৌবা অসি মীয়াম্না খুদিংনা শুংশোই শোয়দনা ইলহনগদবনি হায়না মহাক্না হায়খ্রে। সিবিয়র এক্যুত রেস্পিরেতরী ইনফেক্সন নত্ত্রগা ইনফ্লুএঞ্জা লাইক ইলনেস লৈবা মীওইশিংবু নিংথিনা থিবা হুম্বা তৌদুনা খংদোক্লবা মতুংদা অঙনবা মতমদা মতম চানা কন্তেনমেন্ত তৌনা চিফ সেক্রেতরীনা দিপ্ত্যুতী কম্মিসনরশিংদা হায়খ্রে।
    • মহারাস্ত্রাঃ ইরাই নুমিত্তা কোবিদ-১৯গী অনৌবা কেস ৩৪৯৩ লাক্তুনা ঙসি ফাওবগী ওইনা অপুনবা কেস অসি ১০১১৪১ য়ৌখ্রে। মসগী মনুংদা পোজিতিব কেস মশিং অসি ৪৯৬১৬নি। লৈখিদবগী মশিংনা ৩৭১৭দা লৈরি। মুম্বাই শহর খক্তদা কোরোনা ভাইরস কেস ৫৫৪৫১ য়ৌদুনা মীওই ২০৪৪ লৈখিদ্রে। তাল্লক অসিদা মহারাস্ত্রা সরকারনা লন্নাইগী লেবতা কোবিদ-১৯ তেস্ত (আর.তি.-পি.সি.আর.) তৌবগী খ্বাইদগী য়াম্বা মমল অসি হান্না লুপা ৪৪০০ ওইরম্বদগী লুপা ২২০০দা লেপখ্রে।
    • গুজরাতঃ মমাংগী পুং ২৪দা অনৌবা কেস ৪৯৫ লাক্তুনা অপুনবা পোজিতিব ওইবা অনাবা ২২৫৬২ য়ৌখ্রে। হান্নগী কেন্দ্রগী ফাইনান্স সেক্রেতরী দাক্তর হশমুখ অধ্যানা লুচিংবা মীওই তরুক্না শাবা ইকোনোমিক রিবাইবেল কম্মিত্তীনা তৌগদবা থবক ২৩১ য়াওবা কোবিদ-১৯গী লায়চৎ অসিগী মতুংদা শেনলিৎলোনবু অমুক হিংগৎহন্নবা মতম অতেনবা অমসুং অশাংবগী থৌওং কয়া অমগা লোয়ননা অরোয়বা রিপোর্ত পীশিনখ্রে
    • রাজস্থানঃ ঙসি অয়ুক ফাওবদা অনৌবা কেস ১১৮ লাক্তুনা রাজ্যসিগী কোবিদ-১৯গী অপুনবা মশিং ১২১৮৬ য়ৌখ্রে। মসিদা লৈখিদবা ২৭৫, নাবা ফখ্রবা ৯১৭৫ অমসুং দিসচার্জ তৌখ্রবা ৮৭৮৪ য়াওরি। অনৌবা কেসশিং অসি অয়াম্বনা ভারতপুর অমসুং পালি জিলাদগীনি অমসুং জয়পুরনা মতুং ইন্দুন চৎলি।
    • মধ্য প্রদেশঃ হৌখিবা পুং ২৪দা অনাবা মীওই ২০২ শকখংদুনা কোরোনাভাইরকী অপুনবা কেস ১০৪৪৩ য়ৌখ্রে। মতম অসিগী মনুংদা কোবিদ-১৯গী অনাবা মাপন লৈখিদবদগী রাজ্যসিগী পুন্না লৈখিদবা মশিং ৪৪০ য়ৌখ্রে। মে ৩১দগী লোকদাউনগী অথিংবা কোম্থোকখিবদগী অনাবা মীওই ২৩৫৪ হেনগৎলকখি অমসুং মতমসিদা মীওই ৯০সু লৈখিদ্রে।
    • ছতিসগরঃ রাজ্যসিদা অনৌবা কেস ৪৭ লাক্তুনা কোরোনাভাইরসনা নাবা অপুনবা মশিং ১৪৪৫ য়ৌখ্রে।
    • অরুনাচল প্রদেশঃ ‘ভোকেল ফোর লোকেল’গী অয়ান্দম পীনবা রাজ্য অসিদা তাৱাংগী দিস্ত্রিক্ত দোমেস্তিক প্রদক্ত (দি.দি.পি.)কী মীফম অমা পাংথোকখ্রে। মে অমসুং জুনগী ওইনা আত্মানির্ভর ভারতকী মখাদা মাইগ্রেন্তশিংদা পীনবা হায়দুনা রাজ্যসিদা চনাগী এম.তি. ৩৫ পীখ্রে।
    • অসমঃ রাজ্যসিদা অনৌবা কোবিদ-১৯ কেস ২৫ লাকখ্রে। অপুনবা কেস- ৩৭১৮, এক্তিব কেস-২১২৩, নাবা ফখ্রবা- ১৫৮৪ অমসুং লৈখিদবা-৮।
    • মনিপুরঃ মৈত্রমদা লৈবা য়ুনাক্কো স্কুলদা হাংবা অনৌবা কোবিদ-১৯ কেয়র সেন্তর হাংবা য়েংশিনবদা থকশি খাসি ৱাৎপদগী রাজ্যসিদা কোবিদ-১৯গী মশিং য়ামখৎলিবনি হায়না হায়খ্রে।
    • মিজোরমঃ মিজোরম স্তেত রুরেল লাইবলিহুদ মিসমগী মখাদা লৈবা চেকাউন বিলেজগী বিলেজ ওর্গানাইজেসন্না সেরছিপ জিলাদা হাংলিবা ক্বারেন্তাইন সেন্তরশিংগী ওইনা জিলাসিগী দিপ্যুতী কম্মিসনরদা মখল কয়াগী মনা মশিং পীদুনা তেংবাংখ্রে।
    • নাগালেন্দঃ নাগালেন্দ লৌউ-শিংউ বিভাগনা কোবিদ-১৯গী মতুংদা লৌউ শিংউগী পোত্থোক পুথোকপা হেনগৎনবগীদমক রাজ্য অসিগী জিল্লা খুদিংদা মোদেল ফার্মিং ভিলেজ অমমম লিংখৎকদৌরি। হকশেল অমসুং য়াইফ-য়ুম্বাল বিভাগনা নাগালেন্দদা লাইচৎ অসিগী মনুংদা লৈবাক মচা খুদিংমক্কী ৱাখলগী ফিবম য়েংথোক্নবা ওনলাইন সর্বে অমা চত্থরি।
    • সিক্কিমঃ সিক্কিমগী এস.তি.এন.এম. হোস্পিতালদা লাইয়েংলিবা অহানবা কোবিদ-১৯ অনাবা অনীদু মপুং ফানা নাবা ফদুনা হোস্পিতাল অসিদগী ঙসি দিসচার্জ তৌখ্রে।
    • কেরলাঃ কেরলাদা নোংমাইজিং নুমিৎকী লোকদাউন্দা কোম্থোক্কদবশিং লাউথোকখ্রে। রাজ্য অসিনা জুন ২০দগী চার্তর্দ ফ্লাইৎশিংদা রাজ্য অসিদা হল্লকদবা মীওইশিংদা কোবিদ-১৯ সর্তিফিকেৎ তঙাইফদনা পায়হনগদৌরি। একজামিনেসন রিপোর্ত অদু খোংচৎ অদুগী পুং ৪৮গী মনুংদা লৌবা ওইগদবনি। মপাল থৌরম পুবা রাজ্যগী মন্ত্রী ভি. মুরালীধরন্না রাজ্য সরকারনা লৌখৎকদৌরিবাবা থবক অসি থবক ওইনা পাঙথোকপদা ওইথোকপা ৱাগনি হায়খ্রে। কেরলা মচা নিপান অমগসু গল্ফ লৈবাক্তা মঙা, নই দিল্লীদা অনী অমসুং মুম্বাইদা অমা রাজ্য অসিগী মপান্দা কোবিদ-১৯না মরম ওইদুনা লৈখিদ্রে। মসিগা লোইননা, গল্ফতা লৈখিদবা মশীং কেরলা মচা মশীং অসি ২২০ শুখ্রে। রাজ্য অসিদা অনৌবা কোবিদ-১৯ কেস ৭৮ অমগা কনফার্ম তৌখ্রে। অপুনবা মীওই ১,৩০৩ লাইয়েংবগী থবক চত্থরি অমসুং মীওই ২,২৭,৪০২না রাজ্য অসিগী তোঙান-তোঙানবা জিল্লাশিংদা ওবজর্বেসন তৌদুনা থম্লি।
    • তমিল নাদুঃ পুদুচেরীদা লাকপা কোবিদ-১৯গী অনৌবা কেস ১৩গী মনুংদা কম্পেনী অমখক্তদগী শিন্মী মঙা য়াওরি। অপুনবা কেস মশীং অসি এক্তিব কেস ৯১ লাকপগা লোইননা ১৭৬ য়ৌখ্রে, ৮২না লাইয়েংবদা ফদুনা দিসচার্জ তৌখ্রে, অমসুং অহুম্না লৈখিদ্রে। অনীশুবা তমিল নাদুগী এম.এল.এ. তেস্ত পোজিতিব ওইরে, হন্দক্না এ.আই.দি.এম.কে.দগীনি; চয়োল অসিগী অঙনবা শরুক্তা দি.এম.কে.গী জে অনবাঝগান কোবিদ-১৯না মরম ওইদুনা লৈখিদ্রে। অনৌবা কেস ১৯৮২, নাবা ফখ্রবা মশীং ১৩৪২, অমসুং লৈখিদ্রবা মশীং ১৮ ঙরাং রিপোর্ত তৌরকখি। চেন্নইদগী কেস ১৪৭৭ লাকখি। ঙরাং ফাওবদা লৈখিবা অপুনবা কেস মশীং; ৪০৬৯৮, এক্তিব কেস ১৮২৮১, লৈখিদ্রবাঃ ৩৬৭, চেন্নইদা লৈবা এক্তিব কেসঃ ১৩৯০৬।

 

  • করনাতকাঃ মেদিকেল ইদুকেসন মন্ত্রী দাক্তর কে. সুধাকরনা রাজ্যসিদা তেস্তিং তৌবগী থবক নিংথিনা শেমখ্রে হায়খ্রে, তেস্তিং তৌবদা থিন্থদরে অমসুং চিংনবা কেসশিং অসি আই.সি.এম.আর.গী প্রোতোকোলগী মতুং ইন্না চত্থরি। তুরিজমদা হকথেংননা নত্ত্রগা নাকোয়ননা তাংজবা মীওই লাখ ৩মুক্তি কোবিদ-১৯গী লায়চৎ অসিনা মরম থবক লৈররোই। ঙরাং অনৌবা কেস-২৭১, দিসচার্জ তৌখিবা-৪৬৪ অমসুং মীওই ৭ লৈখিদে। অপুনবা পোজিতিব কেস- ৬৫১৬, এক্তিব কেস-২৯৯৫, লৈখিদবা-৭৯ অমসুং নাবা ফগৎলবা-৩৪৪০।

 

  • আন্ধ্র প্রদেশঃ রাজ্যসিদা হৌখিবা পুং ২৪দা সেম্পল ১৪৪৭৭ তেস্ত তৌরবা মতুংদা অনৌবা কেস-১৮৬, দিসচার্জ তৌখিবা- ৪২ অমসুং মীওই ২ লৈখিদে। অপুনবা কেস-৪৫৮৮, এক্তিব-১৮৬৫, নাবা ফরবা-২৬৪১ অমসুং লৈখিদ্রবা-৮২।
  • তেলঙ্গানাঃ রাজ্যসিদা মহৈ তম্ফমশংশিং হাংবগী মতাংদা তং তাদনা লৈরিঙৈ মতমসিদা লন্নাইগী স্কুল কয়া অমনা ভর্চুৱেল ক্লাস হৌনখ্রে অমসুং খরা অমনা নিংথৌকাবা নুমিত্তগী হৌনবা শেম শানরি। তেলঙ্গানাগী মীয়াম্না, মরু ওইনা হাইদ্রবাদতা লৈবা মীওইশিং, রাজ্য অসি অমুক্কা হন্না তোতেল লোকদাউন তৌরগনি হায়না খল্লিবসি তোকঙানি হায়না তেলঙ্গানা সরকারনা হায়খ্রে। রাজ্যসিগী অপুনবা কেস-৪৪৮৪। ৱারাঙ্গাল জিলাদগী সরকার শেম্বা য়াওরিবা এম.এল.এ. অমনা রাজ্যসিদগী কোবিদ-১৯ পোজিতিব ওইবা অহানবা লেজিসলেচর ওইরে। অপুনবা এক্তিব কেস- ২০৩২, লৈখিদ্রবা- ১৭৪।

ফেক্ত চেক

Image

*****



(Release ID: 1631453) Visitor Counter : 12