শেল-থুম মন্ত্রালয়

লো অমসুং প্রোসিজরগা মরী লৈননা জি.এস.তি. কাউন্সিলনা পীবা পাউতাক

Posted On: 12 JUN 2020 4:08PM by PIB Imphal

ঙসি শেল-থুম অমসুং কোর্পোরেৎ এফিয়র্সকী কেন্দ্রগী মন্ত্রী শ্রীমতি নিরমলা সিতারামন্না ময়াই তাংবল লৌদুনা ৪০রক শুবা জি.এস.তি. কাউন্সিলগী মীফম ভিদিও কনফরেন্সিংগী খুত্থাংদা ফমখ্রে। মীফম অদুদা কেন্দ্রগী শেল-থুম অমসুং কোর্পোরেৎ এফিয়র্সকী রাজ্যগী মন্ত্রী শ্রী অনুরাগ থাকুরগা লোইননা রাজ্য অমসুং য়ুনিয়ন তেরিতোরীশিংগী শেল-থুমগী মন্ত্রী অমসুং শেল-থুম অমসুং রাজ্য/য়ু.তি.শিংগী মকোক থোংবা ওফিসরশিংসু শরুক য়াখি।

লো অমসুং প্রোসিজরদা অহোংবা লৈরিবশিংগা মরী লৈননা জি.এস.তি. কাউন্সিলনা মখাগী পাউতাকশিং অসি শেমখি।

১. লল্লোন ইতীক্তা লাইহন্নবা খোংথাংশিং:

ক. মমাঙগী রিতর্নশিং থেংনা থাবগী লৌবা ফীদা হন্থবাঃ

রিতর্ন থাবদা লোইশিলহৌদবা অৱাৎপা লৈরিবশিং লোইশিন্ননবগী খোংথাং অমা ওইনা, জুলাই ২০১৭দগী জনুৱারী ২০২০ ফাওবগী তেক্স পেরদকী ফোর্ম জি.এস.তি.আর.-৩বি. থাহৌদবশিংগী লেত ফীশিংবু মখাগীশিংসিগী মতুং ইন্না হন্থরে/কোকপীরেঃ-

অ. তেক্স থীনিংঙাই ওইদ্রবদি লেত ফী 'নিল' ওইরগনি;

আ. করিগুম্বা তেক্স থীনিংঙাই ওইরগনা খ্বাইদগী ৱাংবা লেত ফী অসি রিতর্ন অমদা লুপা ৫০০/- দা লেপ্পা।

হায়রিবা লেত ফী হন্থরিবশিং অসি ১.০৭.২০২০দগীনা ৩০.০৯.২০২০ ফাওবগী মনুংদা থাবা জি.এস.তি.আর.-৩বি. রিতর্নশিংদা চৎনগনি।

খ. অপীকপা তেক্সপেয়রশিংনা ফেব্রুৱারী, মার্চ অমসুং এপ্রিল ২০২০গী তেক্স পেরদশিংগী রিতর্ন থাবা থেংবদা অহেনবা কোমথোপীবাঃ

অপীকপা তেক্সপেয়রশিং ( অপুনবা তর্নওবর লুপা কোতি ৫ ফাওবা ওইবা)গী ওইনা ফেব্রুৱারী, মার্চ অমসুং এপ্রিল ২০২০গী মনুংদা সপ্লাই তৌবদা খুদোংচাদবা নংখ্রবশিংনা হায়রিবা থাশিং অসিদগী অকক্নবা তাং (জুলাই ৬, ২০২০ ) ফাওবদা রিতর্ন থেংনা থাবগী লেত ফীগী শেন্দোই অসি চহীদা ১৮% ওইরম্বদগী ৩০.০৯.২০২০ ফাওবদা চহীদা ৯% ওইবা। অতোপ্পা ৱাহৈ অমদনা, হায়রিবা থাশিং অসিগী ওইনা, অপীকপা তেক্স পেয়রশিংদগী কোমথোক্নবা পীখ্রবা তাং (জুলাই ৬, ২০২০) ফাওবদা শেন্দোই অমত্তা লৌরোই, অমসুং মসিগী মতুংদগীদি ৩০.০৯.২০২০ ফাওবদা শেন্দোইগী চাং অসি ৯% ওইগনি।

গ. অপীকপা তেক্স পেয়রশিংগী মখা তাবা তেক্স পেরদশিং (মে, জুন অমসুং জুলাই ২০২০)দা কোমথোকপীবাঃ

কোবিদ-১৯ লাইচৎকী মনুংদা, অপুনবা তর্নওবর লুপা কোতি ৫ ফাওবা ওইবা তেক্সপেয়রশিংগীদমক, করিগুম্বা মে, জুন অমসুং জুলাই, ২০২০গী মনুংদা তৌগদবা সপ্লাইশিংদা শোকহনখিবা ফোর্ম জি.এস.তি.-৩বি.গী রিতর্ন অদু সেপ্তেম্বর, ২০২০ (চোন্থবা থাশিংদু কোন্না লাউথোক্লকখিগনি) ফাওবদা থাখিবা ওইরবদি লেত ফী অমসুং শেন্দোই অদু ৱেবরনা মখা তাবা কোমথোকপা।

. রেজিস্ত্রেসনগী কেন্সেলেসন হন্দোক্নবা হায়জবশিংগী ওইনা পেরদ অদু অমুক্তং শাংদোকপীবাঃ

কেন্সেল তৌখ্রবা জি.এস.তি. রেজিস্ত্রেসন অদু মতম চানা রিস্তোর তৌবা ঙমহৌদ্রবা তেক্সপেয়রশিংবু ঙমজনবগীদমক রেজিস্ত্রেসন অদু ১২.০৬.২০২০ ফাওবগী মনুংদা কেন্সেল তৌখ্রবশিংগী ওইনা রেজিস্ত্রেসন কেন্সেল তৌবদু হন্দোকচনবা এপ্লিকেসন থাবগী খুদোংচাবা পীবীবা।

২. সি.জি.এস.তি. এক্ত ২০১৭ অমসুং আই.জি.এস.তি. এক্ত, ২০১৭বু শেমদোক-শাদোকখিবা ফাইনান্স এক্ত, ২০১৭কী অখন্নবা ক্লোজশিং অদু ৩০.০৬.২০২০দগী চৎনবা হৌরগনি।

*****

নীংশিংজবা অমাঃ জি.এস.তি. কাউন্সিলগী পাউতাকশিং অসি মসিগী রিলিজ অসিদা স্তেকহোল্দর খুদিংমক্না খঙবা নুংঙাইনবা অরাইবা লোন্দা পীবনি। হায়রিবা অসিমক লোগী ওইবা থবক খুদিংমক লৌখৎপা য়াবা চান্নবা সার্কুলর/নোতিফিকেসনশিংগী খুথাংদা চৎনবা য়াগনি।



(Release ID: 1631411) Visitor Counter : 47