আয়ুশ
‘মাই লাইফ, মাই যোগ’ ভিদিও ব্লোগ্গিং কন্তেস্তকী সবমিসনগী অরোয়বা মতম জুন ২১, ২০২০ ফাওবা শাংদোক্লে
Posted On:
13 JUN 2020 10:14AM by PIB Imphal
প্রধান মন্ত্রী শ্রী নরেন্দ্র মোদীনা ইকুই কুইদনা লাউথোকখিবা ‘মাই লাইফ, মাই যোগ’ ভিদিও ব্লোগ্গিং কন্তেস্তকীদমক এন্ত্রিশিং থাদোক্লকপগী অরোয়বা মতম জুন ২১, ২০২০ ফাওবা শাংদোক্লে। দিজিতেল ফম্পাক্তা পাঙথোক্লিবা মালেমগী ওইবা অথোই অহেন তান্নবা অসি ৬শুবা ইন্তরনেস্নেল দে ওফ যোগগী থৌরমগা মরী লৈননা অয়ুশ মন্ত্রালয় অমদি ইন্দিয়ন কাউন্সিল ওফ কলচরেল রিলেসন্স (আই.সি.সি.আর.)না পুন্না শীনবনি।
হান্নদি কন্তেস্ত অসিগী এন্ত্রিশিং থাজিনবগী অরোয়বা তাং জুন ১৫, ২০২০ দা ওইনবা তৌরম্বনি। যোগ শান্নবশিংনা ভিদিও শেম্নবগী মতম মরাং কায়না ফংনবগীদমক ভারত অমসুং মপান্দগী মতম শাংদোক্নবগীদমক দিমান্দ লাক্লি। মরম অসিনা মন্ত্রালয় অমসুং আই.সি.সি.আর.না এন্ত্রিশিং থাজিল্লকপগী অরোয়বা মতম শাংদোক্তুনা জুন ২১দা পাঙথোক্কদবা আই.দি.ৱাই.গা চাননবা লেপ্নখি।
প্রধান মন্ত্রীনা মে ৩১দা মন কি বাতকী ৱারোলদা মীপুম খুদিংমক্না ‘মাই লাইফ, মাই যোগ’ ভিদিও ব্লোগ্গিং কন্তেস্ত অসিদা শরুক য়ানবা ৱাফম থমখি। কন্তেস্ত অদুনা যোগনা মীওই কয়াগী পুন্সিদা পুরকপা অহোংবশিংদা অহেনবা মীৎয়েং থমদুনা ৬শুবা আই.দি.ৱাই. পাঙথোকপগা মরী লৈনবা থৌরমশিংগী মরক্তা অমা ওইরে।
কন্তেস্ত অসিদা শরুক য়ানবগীদমক যোগ প্রাক্তিস মখল ৩ (ক্রিয়া, আসনা, প্রনায়ম, বন্ধ নৎত্রগা মুদ্রা) শান্নবগী মিনত ৩ শাংবা ভিদিও অমগা যোগ শান্নবনা মখোয়গী পুন্সিদা পীরিবা ইথিলগী মরমদা অতেনবা ভিদিও মেসেজ অমগা লোয়ননা থাগৎলক্কদবনি। ভিদিওশিং অসি ফেসবুক, ত্বিত্তর, ইনস্তাগ্রাম নৎত্রগা মাইগোভকী ফম্বাক্তা কন্তেস্তকী হেসতেগ #MyLifeMyYogaINDIA অমদি চানবা কাংলুপকী হেসতেগ হাপ্তূনা থাগৎলকপা য়াই। শরুক য়ানবগী অকুপ্পা চৎন-পথাপশিং অয়ুশ মন্ত্রালয়গী যোগ পোর্তেল (https://yoga.ayush.gov.in/yoga/) দা ফংগনি।
কন্তেস্ত অসি তাঙ্কক অনি থোক্না পাঙথোক্কনি। অহানবা তাঙ্কক্তা লৈবাক-লৈবাক্কী ওইবা ভিদিও ব্লোগ্গিং কন্তেস্ত পাঙথোক্তুনা লৈবাক্কী থাক্তা অথোইবশিং খনগৎকনি। অদুগা মখা তারকপদা তোঙান তোঙানবা লৈবাকশিংগী অথোইবশিংগী মরক্তগী মালেমগী ওইবা মনা ফংগদবশিং খনগৎকনি। কন্তেস্ত অসি অথোই অহেন তান্নরিবা মীওইশিংনা থাগৎলকপা ভিদিওদা ফোঙদোরকপগী মতুং ইন্না যোগনা মীওই কয়াগী পুন্সিদা পুরকপা অহোংবা ইথিলশিং থিদোক্নবগী থৌরাং অমনি।
শরুক য়াগদবশিংনা এন্ত্রিশিং নহা (চহী ১৮গী মখা), অহল, (চহী ১৮গী মথক) অমসুং যোগ প্রোফেসনেলশিং, নুপা অমদি নুপীগী তোঙান তোঙান্না কোনশিল্লবা কাঙলুপ ৩গী মখাদা থাজিল্লকপা য়াগনি । ভারত মচা কন্তেস্তেন্তশিংগীদমক অহানবা তাঙ্কক্কী ওইনা কাঙলুপ খুদিংগী ১বা, ২শুবা অমদি ৩শুবা রেঙ্কশিংগী শেনগী মনা মথংশিৎনা লুপা লাখ ১, লিশিং ৫০, অমদি লিশিং ২৫ লাউথোকখ্রে। মালেমগী থাক্তা ১বা, ২শুবা অমদি ৩শুবা রেঙ্কশিংগী শেনগী মনা য়ু.এস. দোল্লর ২৫০০, য়ু.এস. দোল্লর ১৫০০ অমদি য়ু.এস. দোল্লর ১০০০ লাউথোকখ্রে।
অয়ুশ মন্ত্রালয়না মীপুম খুদিংমক্তা শাংদোক্লিবা মতম অসিগী খুদোংচাবা লৌদুনা পন্থবা তৌদনা ভিদিও থাগৎলক্নবা ৱাফম থম্লি।
******
(Release ID: 1631335)
Visitor Counter : 203