প্রধানমন্ত্রীগী লোইশঙ
প্রধান মন্ত্রী শ্রী নরেন্দ্র মোদী অমসুং লাওগী প্রধান মন্ত্রী থোংলুন সিসোলিথ অনিগী মরক্তা তেলিফোন্দা ৱারী শানখ্রে
Posted On:
12 JUN 2020 8:44PM by PIB Imphal
ঙসি প্রধান মন্ত্রী শ্রী নরেন্দ্র মোদীনা লাওগী প্রধান মন্ত্রী থোংলুন সিসোলিথগা তেলিফোন্দা ৱারী শানখ্রে।
মালেমগী কোবিদ-১৯ লাইচৎনা হকশেল অমসুং শেন-থুমগী খুদোংচাদবশিং থেংনরিবা অসিগী মতাংদা ৱাফম কয়া লুচিংবা অনিনা খন্নখি। লাওসতা লাইচৎ শন্দোরকপা লাকশিন্নবা লাও সরকারনা পায়খৎলিবা অকনবা থবকশিং প্রধান মন্ত্রীনা থাগৎখি।
কোবিদ মতুংদা ওইরক্কদবা মালেমগী থৌরাং তৌনবা মালেমগী ওইনা মতেং পীনবা অমসুং খ্বাইদগী ফবা থবকশিং শরুক য়ামিন্নবগী তঙাইফদবা অদু লুচিংবা অনিনা য়ানখি।
ভারতকী কলচর অমসুং পুৱারীদা লাওসগা লৈনবা মরীশিং প্রধান মন্ত্রীনা পনখি অমসুং ভাৎ ফৌদা ৱজ্ঞর্ল্দ হেরিতেজ সাইৎ অমুক হন্না শেমজিনবদা শরুক য়াবদা অপেনবা ফোংদোকখি। লাওগী চাউখৎ-থৌরাংগী থবকশিং, ত্রেনিং পীবা অমসুং স্কোলরশিপশিং পীবদা ভারতনা শৌগৎপগীদমক লাওগী প্রধান মন্ত্রীনা ভারতকী প্রধান মন্ত্রী থাগৎখি।
ভারতকা নক্নবা মগুন লৈবা লৈবাক অমা ওইনা লাওগী চাউখৎ-থৌরাংগী থবকশিংদা ভারতনা মখা তানা মতেং পাংগনি হায়না প্রধান মন্ত্রীনা অমুক হন্না থাজবা পীখি।
***
(Release ID: 1631303)
Visitor Counter : 226
Read this release in:
English
,
Urdu
,
Marathi
,
Hindi
,
Assamese
,
Bengali
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam