ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ
ପ୍ରଧାନମନ୍ତ୍ରୀ ଏବଂ ଲାଓ ପ୍ରଧାନମନ୍ତ୍ରୀଙ୍କ ମଧ୍ୟରେ ଟେଲିଫୋନ ବାର୍ତ୍ତାଳାପ
Posted On:
12 JUN 2020 8:44PM by PIB Bhubaneshwar
ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଆଜି ଲାଓ ପ୍ରଧାନମନ୍ତ୍ରୀ ମହାମହିମ ଡଃ ଥୋଙ୍ଗଲୌନ ସିସୌଲିଥଙ୍କ ସହ ଫୋନ ଯୋଗେ କଥା ହୋଇଛନ୍ତି ।
କୋଭିଡ-19 ବୈଶ୍ଵିକ ମହାମାରୀ ଦ୍ଵାରା ସ୍ୱାସ୍ଥ୍ୟ ଏବଂ ଆର୍ଥିକ କ୍ଷେତ୍ରରେ ଦେଖାଦେଇଥିବା ଆହ୍ଵାନ ଉପରେ ଦୁଇ ନେତା ସେମାନଙ୍କ ମତ ବିନିମୟ କରିଥିଲେ । ମହାମାରୀର ବ୍ୟାପକତାକୁ ରୋକିବା ଦିଗରେ ଲାଓ ସରକାରଙ୍କ ଦ୍ୱାରା ଗ୍ରହଣ କରାଯାଇଥିବା ପ୍ରଭାବଶାଳୀ ପଦକ୍ଷେପକୁ ପ୍ରଧାନମନ୍ତ୍ରୀ ପ୍ରଶଂସା କରିଥିଲେ ।
କୋଭିଡ ପରବର୍ତ୍ତୀ ବିଶ୍ଵ ପାଇଁ ପ୍ରସ୍ତୁତ ହେବା ଲାଗି ଉଭୟ ନେତା ଆନ୍ତଃରାଷ୍ଟ୍ରୀୟ ସହଯୋଗର ଆବଶ୍ୟକତା ଏବଂ ସର୍ବୋତ୍ତମ ଅଭ୍ୟାସ ଓ ଅଭିଜ୍ଞତା ବାଣ୍ଟିବା ନେଇ ସହମତ ହୋଇଥିଲେ ।
ଲାଓ ସହିତ ଭାରତର ଐତିହାସିକ ତଥା ସାଂସ୍କୃତିକ ସମ୍ପର୍କ ଉପରେ ପ୍ରଧାନମନ୍ତ୍ରୀ ଆଲୋକପାତ କରିଥିଲେ ଏବଂ ଭାଟ ଫୋରେ ବିଶ୍ୱ ଐତିହ୍ୟ ସ୍ଥଳର ପୁନରୁଦ୍ଧାର କାର୍ଯ୍ୟରେ ସମ୍ପୃକ୍ତି ନେଇ ସନ୍ତୋଷ ବ୍ୟକ୍ତ କରିଥିଲେ । ଲାଓର ବିକାଶମୂଳକ କାର୍ଯ୍ୟକ୍ରମ, ଦକ୍ଷତା ବିକାଶ ଏବଂ ଛାତ୍ରବୃତ୍ତି ପାଇଁ ଭାରତର ସମର୍ଥନ ଲାଗି ଲାଓ ପ୍ରଧାନମନ୍ତ୍ରୀ ଧନ୍ୟବାଦ ଅର୍ପଣ କରିଥିଲେ ।
ମୂଲ୍ୟବାନ ଅଂଶୀଦାର ସୁଦୂର ପଡ଼ୋଶୀ ରାଷ୍ଟ୍ର ଲାଓ ସହିତ ଏହାର ବିକାଶରେ ସହଭାଗୀତାର ଧାରା ଜାରି ରଖିବା ନେଇ ଭାରତର ପ୍ରତିବଦ୍ଧତାକୁ ପ୍ରଧାନମନ୍ତ୍ରୀ ଦୋହରାଇଥିଲେ ।
**********
(Release ID: 1631301)
Visitor Counter : 288
Read this release in:
English
,
Urdu
,
Marathi
,
Hindi
,
Manipuri
,
Assamese
,
Bengali
,
Punjabi
,
Gujarati
,
Tamil
,
Telugu
,
Kannada
,
Malayalam