ইন্দিয়ন রেলৱেনা ৱেস্তর্ন রেলৱেদা মীতর ৭.৫৭ ৱাংনা ৱায়র শম্নবা অমসুং ইলেক্তিফাইদ তেরিতোরীদা দবল স্তেক কন্তেনরশিং য়াওবা অমা মায় পাক্না মথৌ তৌহনবা য়াবা ১বা চাং ৱাংনা হেনগৎলক্লিবা ওভর হেদ ইক্বিপমেন্ত(ও.ঐচ.ই.)বু চেলহন্দুনা মালেমদা অনৌবা বেঞ্চমার্ক অমা শেমখ্রে । মসিগী অচৌবা মায় পাকপা অসি মালেম পুম্বদা খ্বাইদগী ইহান হানবা মায় পাক্না পাংথোকপা অমনি অমসুং ইন্দিয়ন রেলৱেদা গ্রীন ইন্দিয়াগী অচৌবা ৱাখল্লোন ওইরিবা মিশন্দা খ্বাইদগী অনৌবা থৌরাং অমা ওইনা হেনগৎহনগনি। অসিগুম্বা শিংথানিংঙাই ওইবা মওংদা শেমগৎলিবা অসিনা গদজরাতৎকী পীলনপুর অমসুং বোতাদ স্তেসন্দা জুন ১০, ২০২০দা মায় পাক্না থবক পাংহনবা হৌখিবা চাং ৱাংনা হেনগৎলক্লিবা ও.ঐচ.ই. তেরিতোরীদা ৱানা য়ৌখিবা পেন্তোগ্রাফকী দবল স্তেক কন্তেনর য়াওবা ত্রেন চেলহন্দুনা ইন্দিয়ন রেলৱেনা মায় পাক্না খ্বাইদগী ইহান হানবা রেলৱে ওইবা ঙমখ্রে।

অসিগুম্বা মখলগী থৌরাং অসি পোৎলমশিংগী হোনবগী থবক্তা ইনৌ-নৌবা থবক-থৌওং, খোংজেল অমসুং কস্তমাইজেসন্দা হেন্না পাংথোকপা হেনৎহন্নবনি। কোবিদ-১৯গী মতম অসিদা মন্ত্রালয়না পান্দম থম্লিবা অসি হৌখিবা চহীশিংদা পোৎশিং হোন্দোক-হোঞ্জিন তৌবগী চাং অদু লান্থোক্নবদা থম্লি।

২৪.০৩.২০২০দগী ১০.০৬.২০২০ ফাওবা ৱেগোন লাক্ষ ৩২.৪০দগী হেনবনা পোৎশিংগী সপ্লাই ৱাত্তনবা হোনখ্রে। মসিগী মনুংদা ৱেগন লাক্ষ ১৮দগী হেনবদি লৈবাক অসিদা তঙাই ফদনা চাংবা পোৎলমশিং হায়বদি চেং-হৱাই, থুম, চিনি, শঙ্গোম, অচাথাও, তীলহৌ, উহৈ-ৱাহৈশিং অমসুং এঞ্জাং-নাপীশিং, পেত্রোলিয়মগী পোত্থোকশিং, কোয়লা, হারশিংনচিংবা লৈবাক পুম্বদা হোন্দোক-হোঞ্জিন তৌবগীনি।

মমাংগী চহীদা চপ মান্নবা মতমদা চেং-হৱাই মিলিয়ন তন ৬.৭৯ হোনখিবা অসিগা চাংদম্নবদা এপ্রীল ১, ২০২০দগী জুন ১০ ফাওবা ইন্দিয়ন রেলৱেনা চেং-হৱাই মিলিয়ন তন ১২.৭৪ পুথোক-পুশিন তৌখ্রে।

মসিদা নত্তনা ইন্দিয়ন রেলৱেনা ২২.০৩.২০২০দগী ১০.০৬.২০২০ফাওবদা পার্সেল ত্রেন্দ ৩,৮৯৭দগী পুন্না পোৎ হোনখিবদা ৩,৭৯০দি তাইম-তেবলদা চেনবা ত্রেনশিংনি। পার্সেল ত্রেন অসিদা পুন্না পোৎ তন ১,৩৯,১৯৬ হোন্দোক-হোঞ্জিন তৌখি।

*****