আই.সি.এম.আরনা পাংথোকপা সেরো-সর্ভিলিয়েন্সকী মতুংইন্না সর্ভে তৌখিবা অপুনবা মীশিংগী চাদা ০.৭৩ সারস-কোরোনাভাইরস-২না নাহনবগী খুদম ফংলে হায়রি । ৱাফম অসি ঙসি আই.সি.এম.আরগী দিরেক্তর জেনরেল দোক্তর বালরাম বারগাবানা মেদিয়াদা ফোংদোকখিবনি ।

রাজ্যগী হেল্থ দিপার্তমেন্তশিং, এন.সি.দি.সি অমসুং দব্লিউ.ঐচ.ও ইন্দিয়াগী মতেংগা লোয়ননা ২০২০গী মে থাদা আই.সি.এম.আরনা কোবিদ-১৯গী অহানবা সেরো-সর্ভিলেন্স পাংথোকখি । থিজিনবা অদু জিলা ৮৩গী য়ুমথোং ২৮,৫৯৫ অমসুং মীওই ২৬,৪০০দা পাংথোকখি । থিজিনবা অদুদা হোৎস্পোত সহরশিংগী লাইচৎ লৈবা মফমশিংগী অপুনবা মীশিংগী শরুক মচেৎ অমা সারস-কোরোনাভাইরস-২না কয়া য়াম্না শোকহনবগে হায়বা য়েংখি ।

লোকদাউন মনুংদা পায়খৎলিবা থবকশিং অদুনা লায়না শন্দোকপা তপথহনবা অমসুং কোবিদ-১৯ য়াংনা শন্দোরকপা থিংবা ঙম্মি হায়বা ময়েক শেংনা থিজিনবা অদুদগী খঙবা ঙমখি । আই.সি.এম.আরনা খুঙ্গংগী লমশিংগা চাংদম্নখি, লাইচৎ শন্দোকপগী খুদোংথিবা অসি সহরগী মফমশিংনা শরুক ১.০৯ হেনখি অমসুং সহরগী স্লমশিংনা শরুক ১.৮৯ হেনখি । লায়না অসিনা শিহনবগী চাদা ০.০৮ ওইরি । অপুনবা মীশিংগী য়াম্লবা শরুক মতম মতমগী মতুংইন্না কোবিদকী দরকার ওইবা লিচৎ-শাজৎ ঙাক্না চৎপা দরকার ওইরি ।

হৌখিবা পুং২৪দা কোবিদ-১৯ অনাবা মীওই ৫,৮২৩ অনাবা ফরে । অসুম্না, অপুনবা ওইনা অনাবা মীওই ১,৪১,০২৮ কোবিদ-১৯দগী ফরে । কোবিদ-১ নারবা মীওইশিংগী মরক্তা অনাবা ফবগী চাং চাদা ৪৯.২১ওইরি । হৌজিক এক্তিব কেস ১,৩৭,৪৪৮ লৈরি অমসুং পুম্নমক মেদিকেলগী চেকশিন-থৌরাং মখাদা লায়েংলি । হৌজিক অনাবা মীওইশিংগী মশিংদগী অনাবা ফরবা মীওইশিংগী মশিংনা হেল্লে ।

কোবিদ-১৯গা মরী লৈনবা তেক্নিকেল ওইবা ৱাফমশিং, চৎন-কাংলোনশিং অমসুং চেকশিনৱাশিংগী অচুম্বা অমসুং অনৌবা পাউগীদমক চাংনাইনা https://www.mohfw.gov.in দা চংবীয়ু ।

কোবিদ-১৯গা মরী লৈনবা তেক্নিকেল ওইবা ৱাহংশিংগীদমক technicalquery.covid19[at]gov[dot]in দা ইমেল থাবা য়াই অমসুং অতোপ্পা ৱাহংশিংগী ওইনা ncov2019[at]gov[dot]in অমসুং ত্বুইতশিংগী ওইনা @CovidIndiaSeva শীজিন্নবা য়াগনি ।

কোবিদ-১৯গী মতাংদা ৱাহং অমা হেক্ত হংনিংবা লৈরবদি হেল্থ অমসুং ফেমিলি ৱেলফিয়ার মিনিস্ত্রিগী হেল্পলাইন নম্বর : +৯১-১১-২৩৯৭৮০৪৬ নৎত্রগা ১০৭৫(তোল ফ্রি)দা কোল তৌবীয়ু । কোবিদ-১৯গী মতাংদা রাজ্যশিং/য়ুতিশিংগী হেল্পলাইন নম্বরশিং https://www.mohfw.gov.in/pdf/coronvavirushelplinenumber.pdf দা ফংগনি ।

*****