ଆଇସିଏମଆର ଦ୍ଵାରା ସେରୋ-ପର୍ଯ୍ୟବେକ୍ଷଣ ଅନୁଧ୍ୟାନରେ ଜଣାପଡିଛି ଯେ, ସର୍ଭେ କରାଯାଇଥିବା ସାମ୍ପଲ ଜନସଂଖ୍ୟାର 0.73 ପ୍ରତିଶତ କୋଭିଡ19 ଦ୍ୱାରା ସଂକ୍ରମିତ ହୋଇଛନ୍ତି ।

ଆଇସିଏମଆରର ମହାନିର୍ଦ୍ଦେଶକ ଡଃ ବଳରାମ ଭାର୍ଗବ ଆଜି ଗଣମାଧ୍ୟମକୁ ଏହି ସୂଚନା ଦେଇଛନ୍ତି । ଗତ ମାସରେ ଆଇସିଏମଆର ପକ୍ଷରୁ ରାଜ୍ୟ ସ୍ୱାସ୍ଥ୍ୟ ବିଭାଗ, ଏନସିଡିସି ଏବଂ ଭାରତସ୍ଥିତ ବିଶ୍ଵ ସ୍ୱାସ୍ଥ୍ୟ ସଂଗଠନ କାର୍ଯ୍ୟାଳୟ ପକ୍ଷରୁ ମିଳିତ ଭାବେ କୋଭିଡ-19 ପାଇଁ ସେରୋ-ସର୍ଭେ କରାଯାଇଥିଲା । ଏଥିରେ ଦେଶର 83 ଜିଲ୍ଲାରେ 28,595ଟି ପରିବାର ଓ 26,400 ବ୍ୟକ୍ତିଙ୍କୁ ନମୁନା ଭାବେ ନେଇ ପରୀକ୍ଷା କରାଯାଇଥିଲା । ଦୁଇଟି ଭାଗରେ କରାଯାଇଥିବା ଏହି ଅନୁଧ୍ୟାନର ପ୍ରଥମ ଭାଗରେ  SARS-CoV-2 ଜନସଂଖ୍ୟାର କେତେ ଭାଗକୁ ସଂକ୍ରମିତ କରିଛି ତାହାର ଅନୁଧ୍ୟାନ କରାଯାଇଥିଲା । ଦ୍ଵିତୀୟ ଭାଗ ଅନୁଧ୍ୟାନରେ ଆବଦ୍ଧ ଓ ହଟ ସ୍ପଟ ଅଞ୍ଚଳରେ କେତେ ଭାଗ ସଂକ୍ରମିତ ହୋଇଛନ୍ତି ତାହା ଦେଖାଯାଇଥିଲା ।

ଅନୁଧ୍ୟାନରୁ ସ୍ପଷ୍ଟ ଜଣାପଡିଛି ଯେ, ଲକଡାଉନ ଅଧିକ ସଂକ୍ରମଣକୁ ରୋକିବାରେ ସଫଳ ହୋଇଛି । ଆଇସିଏମଆର ହିସାବ କରି ଦେଖିଛି ଯେ, ଗ୍ରାମାଞ୍ଚଳ ତୁଳନାରେ ସହରାଞ୍ଚଳ ସଂକ୍ରମଣ ହାର 1.9 ଗୁଣା ଅଧିକ ହୋଇଥିବା ବେଳେ ସହରତଳି ଅଞ୍ଚଳରେ ଏହା 1.89 ଗୁଣା ଅଧିକ । ତେବେ ସଂକ୍ରମଣ ଯୋଗୁଁ ମୃତ୍ୟୁ ହାର ମାତ୍ର 0.08 ଭାଗ ରହିଛି । ଏସବୁ ଦୃଷ୍ଟିରୁ ବିଚାର କଲେ ଜନସଂଖ୍ୟାର ଅଧିକ ଭାଗ କୋଭିଡ ପାଇଁ ଉଦ୍ଦିଷ୍ଟ ମାର୍ଗଦର୍ଶିକା ଗୁଡିକୁ ପାଳନ କରିବା ଆବଶ୍ୟକ । ଗତ 24 ଘଣ୍ଟା ମଧ୍ୟରେ 5,823 ଜଣ ରୋଗୀ ସୁସ୍ଥ ହୋଇଛନ୍ତି । ବର୍ତ୍ତମାନ ପର୍ଯ୍ୟନ୍ତ 1,41,028 ରୋଗୀ ଆରୋଗ୍ୟ ଲାଭ କରିଥିବା ଜଣାପଡିଛି ।  କରୋନା ସଂକ୍ରମିତଙ୍କ ଆରୋଗ୍ୟ ହାର ଶତକଡା 49.21 ଭାଗ । ଦେଶରେ ବର୍ତ୍ତମାନ 1,37,448 ଜଣ ରୋଗୀ ବିଭିନ୍ନ ଡାକ୍ତରଖାନାରେ ଚିକିତ୍ସିତ ହେଉଛନ୍ତି । ଏବେ ଆରୋଗ୍ୟ ଲାଭ କରିଥିବା ରୋଗୀଙ୍କ ସଂଖ୍ୟା ସକ୍ରିୟ ରୋଗୀଙ୍କ ତୁଳନାରେ ଅଧିକ ବୋଲି ଜଣାପଡିଛି ।

କୋଭିଡ-19 ସମ୍ବନ୍ଧୀୟ ବୈଷୟିକ ତଥ୍ୟ, ମାର୍ଗଦର୍ଶିକା ଓ ନିୟମାବଳୀର ସୂଚନା ପାଇଁ ନିୟମିତ ପରିଦର୍ଶନ କରନ୍ତୁ: https://www.mohfw.gov.in/ ଏବଂ @MoHFW_INDIA ।

ଏ ସମ୍ପର୍କିତ ବୈଷୟିକ ପ୍ରଶ୍ନାବଳୀ technicalquery.covid19[at]gov[dot]in ଏବଂ ncov2019[at]gov[dot]in ଏବଂ @CovidIndiaSeva କୁ ପଠାଇ ପାରିବେ ।

କୋଭିଡ-19 ଜନିତ କୌଣସି ଜିଜ୍ଞାସା ପାଇଁ ଦୟାକରି ସ୍ୱାସ୍ଥ୍ୟ ଏବଂ ପରିବାର କଲ୍ୟାଣ ମନ୍ତ୍ରଣାଳୟର ହେଲ୍ପଲାଇନ ନଂ : + 91-11-23978046 କିମ୍ବା 1075 (ଦେୟ ମୁକ୍ତ)ରେ ସମ୍ପର୍କ କରିପାରନ୍ତି । ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳର କୋଭିଡ-19 ହେଲ୍ପଲାଇନ ନମ୍ବରଗୁଡ଼ିକର ତାଲିକା ନିମ୍ନ ୱେବସାଇଟ ରେ ଉପଲବ୍ଧ ।

https://www.mohfw.gov.in/pdf/coronvavirushelplinenumber.pdf

**********