হকশেল অমসুং য়াইফ-য়ুম্বাল মন্ত্রালয়

কোবিদ-১৯গী অপদেৎ

নাবা ফগৎলকখ্রবা মী মশিংনা এক্তিব ওইবা মী মশিংদগী হেনখ্রে

আই.সি.এম.আর.না সেম্পল লাক্ষ ৫০দগী হেন্না তেস্ত তৌখ্রে

কোবিদ-১৯ লাকশিনবদা রাজ্যশিংদা মতেং পাংনবা শহর ৬তা সেন্ত্রেলগী তীমশিং মথৌ তৌহনখ্রে

Posted On: 10 JUN 2020 4:20PM by PIB Imphal

হৌখিবা পুং ২৪দা য়াম্লবদা অনাবা মীওই ৫,৯৯১ লায়েংদুনা ফগৎহনখ্রে। মসি য়াওরগা ফগৎখিবা মী মশিং অসি পুন্না ১,৩৫,২০৫ অদুগা হৌজিক-হৌজিক এক্তিব ওইরিবা মী মশিংনা পুন্না ১,৩,৬৩২নি। ইহান হানবা ওইনা ফগৎখিবা মী মশিংনা এক্তিব ওইবা মী মশিংদগী হেনখ্রে। ফগৎলকপগী চাং অসি ৪৮.৮৮%নি।

আই.সি.এম.আর.না তেস্ত তৌখিবগী মশিং অসিসু লাক্ষ ৫০ হেনখিদুনা ঙসি ৫০,৬১,৩৩২ য়ৌখ্রে। হৌখিবা পুং ২৪ অসিদা আি.সি.এম.আর.না সেম্পল ১,৪২,২১৬ তেস্ত তৌখ্রে। আই.সি.এম.আর.না মহীক চংলবা মীশিংদা নোবেল কোরোনাভাইরসকী তেস্ত তোবগী চাং অসি মখা তানা অসুম হেনগৎহল্লক্লি। সরকারগী লেবশিং অসিগী মশিং অসি ৫৯০ হেনখ্রে অমসুং লন্নাইগী লেবশিং অসিনা ২৩৩ হেনখ্রে (পুন্না ৮২৩)। তেক্নিকেলগী ওইবা মতেং ফংহন্নবা সেন্ত্রেলগী তীমশিং মথৌ তৌহনখ্রে অমসুং মুম্বাই, অহমদবাদ, চেন্নই, কোলকত্তা, দিল্লী অমসুং বেঙ্গলুরু হায়রিবা সহর তরুক অসিদা কোবিদ-১৯ গী পায়খৎলিবা মীয়ামগী ওইবা হকশেলগী থৌরাংশিং অসি য়েংশিন্নবা স্তেৎ হেল্থ দিপার্তমেন্ত অমসুং ম্যুনিসিপাল হেল্থ ওফিসিএলশিংদা শিন্নখ্রে।

তীম অসিনা হায়রিবা সহর তরুক অসিদা কোবিদ-১৯গী মতাংদা মীয়ামগী ওইবা হকশেল য়েংশিন্নবগীদমক্তা মথংগী চয়োলগী মনুংদা য়েংশিন খোংচৎ চৎকদৌরি। তীম অসিনা স্তেৎ হেল্থ দিপার্তমেন্ত অমসুং হকশেল অমসুং য়াইফ-য়ুম্বালয় মন্ত্রালয়না পায়খৎপা থবকশিংগী নুমীৎ খুদিংগী ওইবা রিপোর্ত অমা পীশিনগনি। মখোয়না তঙাই ফদবা অমা হেক থোরকপদা পাও পীগনি অমসুং য়েংশিন খোংচৎ অসি লোইশিনদ্রিঙৈগী মমাংদা য়েংশিল্লুবা অমসুং থাঙ্গৎলকপা ৱাফমশিংগী রিপোর্ত অমসু পীশিনগনি।

কোবিদ-১৯গী মতাংদা থাজনিংহাই ওইবা অমসুং অপদেত তৌরবা ই-পাওশিংগা মরি লৈনবা তেক্নিকেল ওইনা খুদোংচাদবশিং, গাইদলাইনশিং অমসুং এদভাইজরীশিংগীদমক্তা চাং নাইনাঃ https://www.mohfw.gov.in/ অমসুং @MoHFW_INDIA দা য়েংবিয়ু।

কোবিদ-১৯গা মরি লৈনবা তেক্নিকেল ওইবা ৱাহংশিং অদু technicalquery.covid19@gov.in দা অমসুং অতোপ্পা ৱাহংশিংগী ওইনা ncov2019@gov.in অমসুং @CovidIndiaSeva দা থাবা য়াগনি।

কোবিদ-১৯গা মরি লৈনবা ৱাহংশিংগীদমক্তা হকশেল অমসুং য়াইফ য়ুম্বাল মন্ত্রালয়গী হেল্পলাইন নম্বর: +91-11-23978046 নত্রগা 1075 (তোল-ফ্রী)দা কোল তৌবিয়ু। কোবিদ-১৯গী মতাংদা রাজ্যশিং/য়ুনিয়ন তেরিতোরীশিংগী হেল্পলাইন নম্বরশিং অসি https://www.mohfw.gov.in/pdf/coronvavirushelplinenumber.pdf দা ফংবিগনি।

*****



(Release ID: 1630729) Visitor Counter : 17