কেন্দ্রগী লেবর অমসুং এমপ্লোইমেন্ত মন্ত্রালয়গী মখাদা লৈরিবা স্তেচুতরী বোদি অমা ওইরিবা এমপ্লোইয়ীজ প্রোবিদেন্ত ফন্দ ওর্গনাইজেসন (ই.পি.এফ.ও.)না কোবিদ-১৯গী লোকদাউনগী ৱারবা মতম অসিদা মখোয়গী মেম্বরশিংনা হীংবদা অৱাবা থেংনরিবা অসি কোকহন্নবা মতম চানা অমসুং কান্নগদবা মওংদা সর্বিসশিং মখোয়গী মেম্বরশিংদা ফংহন্নবা অঙম্বা থাক্তা হোৎনরি। ই.পি.এফ.ও.না অঙকপা ওইনা লোকদাউনগী অথিংবা মরক্তা লাখ ৩৬.০২ ক্লেম তৌরদুনা ২০২০গী এপ্রিল অমসুং মেগী থা মনুংদা মসিগী মেম্বরশিংদা লুপা কোতি ১১,৫৪০ য়েন্থোকখ্রে। মসিগী মনুংদা ক্লেম লাখ ১৫.৫৪না প্রধান মন্ত্রী গরিব কল্যান যোজনা (পি.এ.জি.কে.ৱাই.)গী মখাদা হন্দক্তা কোবিদ -১৯ এদভান্স হৌদোকখিবা অদুগা মরী লৈননা ক্লেম তৌরিবশিংদা লুপা কোতি ৪৫৮০ য়েন্থোকখি।

অৱাবা মতম অসিগী মনুংদা কোবিদ-১৯ এদভান্সনা ই.পি.এফ.ও.গী মেম্বরশিংদা, মরু ওইনা থাগী খুৎশুমল লুপা ১৫,০০০দগী তাবা মেম্বরশিংদা চাউনা কান্নবা পীখি। থা অহুমগী বেসিক ৱেজেস অমসুং দি.এ. নত্ত্রগা ই.পি.এফ. একাউন্ত অদুদা মেম্বর অদুগী লৈরিবা ক্রেদিৎকী শেমফমগী ৭৫% ফাওবগী, অনিগী মরক্তা য়ামদবা অদু কোবিদ-১৯ এসভান্স ওইনা ফংবা অসিনা শীন্মী কয়াদা মতম চানা অৱাবা কোকহনবীরি মসিনা মখোয়বু শেন পুথবদগী কনবীরি।

লোকদাউন মতম মনুংদা অপুনবা ক্লেম তৌরিবা ৭৪% হেনবা অসি ৱেজ স্লেব-ৱাইজ দাতাদা য়েংবদা খুৎশুমল লুপা ১৫,০০০দগী তাবা স্লেবতা চল্লি। খুৎশুমল লুপা ৫০,০০০দগী হেনবা ইনকম ৱাংবা কাংলুপনা ক্লেম তৌরকপা অসি ২% খক্তা ওই। চাউরাক্না ক্লেমশিং অসিগী ২৫%দি খুৎশুমল লুপা ১৫,০০০দগী লুপা ৫০,০০০গী মনুংদা লৈবা কাংলুপকী মেম্বরশিংনা তৌরকপনি।

থবক মফমদা সোসিএল দিস্তেন্সিংগী কাংলোনশিং ঙাক্তুনা, ই.পি.এফ.ও.না স্তাফ ৫০%গী মখাদা লোকদাউন মনুংদা থবক শুরি। মেনপাৱরগী অৱাৎপা লৈহন্দনা, ই.পি.এফ.ও.না অঙকপা ফংনা নুমিৎ ১০দগী চাউরাক্না নুমিৎ ৩গী মনুংদা কোবিদ-১৯ এদভান্সশিং ক্লেম তৌরকপা ফংহনখি। মসিগী মথক্তা, এপ্রিল-মে ২০১৯গী ফংহনখিবা ক্লেম লাখ ৩৩.৭৫গা য়েংনবদা এপ্রিল-মে ২০২০গী ওইনা অপুনবা ক্লেম লাখ ৩৬.০২ ফংহনখি লোয়ননা স্তাফ ৫০%গী মখানা থবক কারকখি মসি ৱার্কফোর্সকী প্রদক্তিবিতিদা ১০০% হেনগৎপনি। স্তাফকী থাজবা মাংহন্দবগী মথক্তা, ক্লেমশিং ফংহনবদা আর্তিফিএল ইন্তেলিজেন্স শীজিন্নবনা অচৌবা রোল অমা লৌবা অসিনা অনৌবা পান্দম ফংহনবদা মাই পাকহল্লি।

ই.পি.এফ.ও. ওফিসশিং অসি স্কেলেতল স্তাফনা চল্লাইবা ওইবনা মখোয়গী মেম্বরশিংগী অনিংবশিং থুংহন্নবা করিগুম্বা অনৌবা অমা পুথোকপা মথৌ তাখি। অৱাবা অসিবু খুদোংচবা ওনথোক্তুনা, ই.পি.এফ.ও.না অতেনবা নুমিৎ মঙানি খক্তগী মতমগী মনুংদা মখোয়গী অহানবা ওতোমেতিক ক্লেম সেতলমেন্ত সিস্তেম অমা লোঞ্চ তৌখি। কোবিদ-১৯গী ক্লেমগী ৫৪% ফাওবদি ওতো মোদকী খুত্থাংদা ফংহনখ্রে। মসিগী সিস্তেম অসিনা মতুং তারকপদা ই.পি.এফ.ও.গী ক্লেম সেতলমেন্ত তৌবগী মতম অসি চাং য়াম্না ৱাংনা হন্থহল্লগনি।

ওতোমেসন অমসুং থৱায় য়াওবা ৱার্কফোর্সকা লোয়ননা, অৱাবা তারবা মতম অসিদা মখোয়গী মেম্বরশিংগী য়াইফনবা মতেং পীদুনা, ই.পি.এফ.ও.না ৱার্কিং দে খুদিংগী লুপা কোতি ২৭০ রোমগী ক্লেম ৮০,০০০ হেনবা সেতল তৌহল্লি।

*****