ঙাকশেল মন্ত্রালয়

ওপরেসন সমুদ্র সেতু – আই.এন.এস. জলশ্বা তুতিকোরিনগীদমক ভারত মচা ৭০০ পুদুনা মালে থাদোকখ্রে

Posted On: 06 JUN 2020 11:05AM by PIB Imphal

মপাল লৈবাকক্কী সমুদ্র মপানশিংদগী ভারত মচাশিং সমুদ্রগী লম্বীদা য়ুমদা পুরক্নবগী লৌখৎলিবা ভারত লৈবাকসিগী ওইবা থৌরাংসিদা ইন্দিয়ন নেভীনা লৌরিবা থৌদাং – ওপরেসন সমুদ্র সেতুগী মখাদা মহাক্কী অহুমশুবা খোঙচত্তা জুন ০৪, ২০২০দা মালদিব্সকী মালেদা থুংখিবা ইন্দিয়ন নেভেল জহাজ জলাস্বানা ভারত মচা ৭০০ পুদুনা জুন ০৫, ২০২০গী নুমিদাংৱাইরম অথেংবদা ভারতকীদমক খোঙশাল্লকখ্রে‍। খোঙশাল্লমদাইগী মতমদা জহাজ অদুদা মালদিব্স কোস্ত গার্দকী কম্মান্দেন্ত কোলোনেল মোহমদ সলীম লাক্তুনা য়েংশিল্লমখি‍।

খোঙচৎ অসিগা লোয়ননা জলশ্বনা ভারত লৈঙাক্কী হেন্না পাকথোক চাউথোকপা মিসন বন্দে ভারতকী মখাদা মালদিব্স অমসুং স্রি লঙ্কাদগী ভারত মচা ২৭০০রোম ভারতকী সমুদ্র খোঙবাল তম্না মায় পাক্না পুরকখ্রে‍।

জহাজ অদুনা তোংলিবা মীশিংগী মরক্তা কোবিদকী চৎন-কাংলোন চপ চানা ঙাক্কনি অমদি জুন ০৭, ২০২০দা তুতিকোরিন য়ৌরক্কনি হায়না থাজরি‍।

পুরক্লিবা মীওইশিং অদু তামিল নাদুগী তুতিকোরিনদা কুমথহল্লগা স্তেৎ ওথোরিতীগী চেকশিন থৌরাং মখাদা শীন্নগনি‍।

*************



(Release ID: 1629924) Visitor Counter : 4