ଦେଶରେ ଲକଡାଉନ କଟକଣା କୋହଳ କରାଯାଇ ସାମାଜିକ ଓ ଆର୍ଥିକ କାର୍ଯ୍ୟକଳାପ ଆରମ୍ଭ କରାଯାଇଥିଲେ ମଧ୍ୟ କରୋନା ସଂକ୍ରମଣ ସମ୍ଭାବନା ଥିବା ସ୍ଥାନଗୁଡିକରେ ଏସବୁ ପାଇଁ ସ୍ୱାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରଣାଳୟ ପକ୍ଷରୁ ଏସଓପି ଜାରି କରାଯାଇଛି । ସାମାଜିକ ଓ ଆର୍ଥିକ କାର୍ଯ୍ୟକଳାପ ଆରମ୍ଭ ହୋଇଥିବା ସତ୍ଵେ ଏହି ମାର୍ଗଦର୍ଶିକା ପାଳନ କରାଗଲେ ସଂକ୍ରମଣ ସମ୍ଭାବନା ହ୍ରାସ ପାଇପାରିବ ।  

ବିଭିନ୍ନ କାର୍ଯ୍ୟାଳୟରେ ସଂକ୍ରମଣ ରୋକିବା ଲାଗି ପ୍ରତିଷେଧମୂଳକ ବ୍ୟବସ୍ଥା ପାଇଁ ଜାରି ଏସଓପି https://www.mohfw.gov.in/pdf/1SoPstobefollowedinOffices.pdf ରୁ ମିଳିପାରିବ ।

ପୂଜାସ୍ଥଳରେ ସଂକ୍ରମଣ ରୋକିବା ଲାଗି ପ୍ରତିଷେଧମୂଳକ ବ୍ୟବସ୍ଥା ପାଇଁ ଜାରି ଏସଓପି https://www.mohfw.gov.in/pdf/2SoPstobefollowedinReligiousPlaces.pdf ରେ ମିଳିପାରିବ ।

ରେଷ୍ଟୁରାଣ୍ଟରେ ସଂକ୍ରମଣ ରୋକିବା ଲାଗି ପ୍ରତିଷେଧମୂଳକ ବ୍ୟବସ୍ଥା ପାଇଁ ଜାରି ଏସଓପି https://www.mohfw.gov.in/pdf/3SoPstobefollowedinRestaurants.pdf ରେ ମିଳିପାରିବ ।

ସପିଙ୍ଗ ମଲରେ ସଂକ୍ରମଣ ରୋକିବା ଲାଗି ପ୍ରତିଷେଧମୂଳକ ବ୍ୟବସ୍ଥା ପାଇଁ ଜାରି ଏସଓପି

https://www.mohfw.gov.in/pdf/4SoPstobefollowedinShoppingMalls.pdf ରେ ମିଳିପାରିବ ।

ହୋଟେଲ ଏବଂ ଆତିଥ୍ୟ ସ୍ଥାନରେ ସଂକ୍ରମଣ ରୋକିବା ଲାଗି ପ୍ରତିଷେଧମୂଳକ ବ୍ୟବସ୍ଥା ପାଇଁ ଜାରି ଏସଓପି

https://www.mohfw.gov.in/pdf/5SoPstobefollowedinHotelsandotherunits.pdf ରେ ମିଳିପାରିବ ।

କୋଭିଡ-19 ବୈଶ୍ଵିକ ମହାମାରୀ ଯୋଗୁଁ ଓପିଡିରେ ପାଇଥିବା ଔଷଧପତ୍ରର ଅର୍ଥ ଫେରି ପାଇବା ପାଇଁ ହିତାଧିକାରୀମାନଙ୍କୁ ମନ୍ତ୍ରଣାଳୟ ପକ୍ଷରୁ ନୂତନ ନିୟମାବଳୀ ଜାରି କରାଯାଇଛି, https://www.mohfw.gov.in/pdf/OPDmedicinesspecialsanctionCOVID.pdf ରେ ମିଳିପାରିବ ।

ଗତ 24 ଘଣ୍ଟା ମଧ୍ୟରେ 5,355 ଜଣ କରୋନା ରୋଗୀ ସୁସ୍ଥ ହୋଇଛନ୍ତି । ସେଦୃଷ୍ଟିରୁ ଏପର୍ଯ୍ୟନ୍ତ ଆରୋଗ୍ୟ ଲାଭ କରିଥିବା ରୋଗୀଙ୍କ ସଂଖ୍ୟା 1,09,462ରେ ପହଞ୍ଚିଛି । ଆରୋଗ୍ୟ ହାର 48.27% ରହିଥିବା ବେଳେ 1,10,960 ସକ୍ରିୟ ରୋଗୀ ଚିକିତ୍ସାଧୀନ ଅଛନ୍ତି ।  

ବର୍ତ୍ତମାନ ପରୀକ୍ଷାଗାର 507କୁ ବୃଦ୍ଧି ପାଇଥିବା ବେଳେ ଘରୋଇ ପରୀକ୍ଷାଗାର 217କୁ ବୃଦ୍ଧି ପାଇଛି । ଗତ 24 ଘଣ୍ଟା ମଧ୍ୟରେ 1,43,661ଟି ନମୁନା ପରୀକ୍ଷା କରାଯାଇଥିବା ବେଳେ ଏପର୍ଯ୍ୟନ୍ତ 43,86,379ଟି ନମୁନା ପରୀକ୍ଷା କରାଯାଇଛି ।

କୋଭିଡ ସମ୍ପର୍କିତ ସ୍ୱାସ୍ଥ୍ୟ ଭିତ୍ତିଭୂମି କ୍ରମଶଃ ସୁଦୃଢ ହେଉଥିବା ବେଳେ ଆଜିସୁଦ୍ଧା (05.06.2020) 957ଟି ଉତ୍ସର୍ଗୀକୃତ କୋଭିଡ ହସ୍ପିଟାଲରେ 1,66,460ଟି ଏକାନ୍ତ ଶଯ୍ୟା, 21, 473 ଆଇସିୟୁ ଶଯ୍ୟା ଏବଂ 72,497ଟି ଅମ୍ଳଜାନ ସହାୟକ ଶଯ୍ୟା ରହିଛି । 2,362 କୋଭିଡ ସ୍ୱାସ୍ଥ୍ୟ କେନ୍ଦ୍ରରେ 1,32,593ଟି ଏକାନ୍ତବାସ ଶଯ୍ୟା, 10,903ଟି ଆଇସିୟୁ ଶଯ୍ୟା ଓ 45,562ଟି ଅମ୍ଳଜାନ ସହାୟକ ଶଯ୍ୟା କାର୍ଯ୍ୟକ୍ଷମ ହୋଇଛି । 11,210ଟି ସଙ୍ଗରୋଧ କେନ୍ଦ୍ର ଏବଂ 7,529 କୋଭିଡ ଯତ୍ନ କେନ୍ଦ୍ରରେ 7,03,786ଟି ଶଯ୍ୟା କରୋନା ମହାମାରୀ ମୁକାବିଲା ପାଇଁ ଉପଲବ୍ଧ ହୋଇଛି । ଏପର୍ଯ୍ୟନ୍ତ କେନ୍ଦ୍ର 128.84 ଲକ୍ଷ ଏନ-95 ମାସ୍କ ଏବଂ 104.74 ଲକ୍ଷ ବ୍ୟକ୍ତିଗତ ସୁରକ୍ଷା ଉପକରଣ (ପିପିଇ) ରାଜ୍ୟ / କେନ୍ଦ୍ରଶାସିତ ଅଞ୍ଚଳ କେନ୍ଦ୍ରୀୟ ପ୍ରତିଷ୍ଠାନଗୁଡିକୁ ଯୋଗାଇଦେଇଛନ୍ତି ।

କୋଭିଡ-19 ସମ୍ବନ୍ଧୀୟ ବୈଷୟିକ ତଥ୍ୟ, ମାର୍ଗଦର୍ଶିକା ଓ ନିୟମାବଳୀର ସୂଚନା ପାଇଁ ନିୟମିତ ପରିଦର୍ଶନ କରନ୍ତୁ: https://www.mohfw.gov.in/ ଏବଂ @MoHFW_INDIA ।

ଏ ସମ୍ପର୍କିତ ବୈଷୟିକ ପ୍ରଶ୍ନାବଳୀ technicalquery.covid19[at]gov[dot]in ଏବଂ ncov2019[at]gov[dot]in ଏବଂ @CovidIndiaSeva କୁ ପଠାଇ ପାରିବେ ।

କୋଭିଡ-19 ଜନିତ କୌଣସି ଜିଜ୍ଞାସା ପାଇଁ ଦୟାକରି ସ୍ୱାସ୍ଥ୍ୟ ଏବଂ ପରିବାର କଲ୍ୟାଣ ମନ୍ତ୍ରଣାଳୟର ହେଲ୍ପଲାଇନ ନଂ : + 91-11-23978046 କିମ୍ବା 1075 (ଦେୟ ମୁକ୍ତ)ରେ ସମ୍ପର୍କ କରିପାରନ୍ତି । ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳର କୋଭିଡ-19 ହେଲ୍ପଲାଇନ ନମ୍ବରଗୁଡ଼ିକର ତାଲିକା ନିମ୍ନ ୱେବସାଇଟ ରେ ଉପଲବ୍ଧ ।

https://www.mohfw.gov.in/pdf/coronvavirushelplinenumber.pdf

**********