ভারত্তা লাকপা মথৌ তাবা অকক্নবা কাঙলুপ খরগী মীরম মচাশিংগীদমক ভিজা অমদি ত্রাভেলগী অথিংবা কোমথোকপগী ৱাফম ভারত লৈঙাক্না খন্নরে‍। মখাদা পীরিবা কাঙলুপকী মীরম মচাশিং ভারত্তা লাকপা য়াহন্নবা ৱারেপ লৌরে:-

মীরমগী লল্লোন ইতিক তৌবা মী নন-সেদ্যুল কম্মর্সিএল/চার্তর্ ফ্লাইততা বিজিনেস ভিজা (শান্ন-খোৎৎনবগী বি-৩ ভিজা নত্তবা) পায়রগা ভারত্তা লাকপশিং‍।

মীরমগী হকশেলগী থৌমী, হকশেলগী থিজিল্লোয়, ইঞ্জিনিয়রশিং অমদি তেক্নিসিয়ানশিং ভারতকী লেবোরেতরীশিং অমদি ফেক্তরীশিং য়াওনা হেল্থ সেক্তর ফেসিলিতীশিংদা তেক্নিকেল ওইবা থবক্কীদমক লাকপা‍। মসি শকখঙলবা অমদি রেজিস্তর তৌরবা হেল্থকেয়র ফেসিলিতী, রেজিস্তর তৌরবা ফার্মাসিউতিকেল কম্পেনী নৎত্রগা ভারতকী এক্রেদিতেদ য়ুনিভর্সিতীদগী লেত্তর ওফ ইনভাইতেসন পায়বগী মখা পোনগনি‍।

মীরমগী ইঞ্জিনিয়রিং, মেনেজরিএল, দিজাইন নৎত্রগা অতৈ স্পিসিএলিস্তশিং ভারত্তা লৈবা মীরমগী বিজিনেস এন্তিতিশিংগীদমক ভারত্তা লাকপশিং‍। মসিদা মেনুফেকচরিং য়ুনিতশিং, দিজাইন য়ুনিতশিং, সোফৱেয়র অমদি আই.তি. য়ুনিতশিং লোয়না লোয়ননা ফাইনেন্সিএল সেক্তর কম্পেনীশিং (বেঙ্কিং অমদি নন-বেঙ্কিংক ফাইনেন্সিএল সেক্তর ফার্মশিং) পুম্নমক কোনশিনগনি‍।

মীরমগী তেক্নিকেল স্পিসিএলিইস্তশিং অমদি ইঞ্জিনিয়রশিং ভারত্তা লৈবা মীরমগী মেচিনরীশিং অমদি ইকুইপমেন্ত ফেসিলিতী ইন্সতোল তৌবা, শেমবা অমদি মেন্তেনেন্সকীদমক রেজিস্তর তৌরবা ভারতকী বিজিনেস এন্তিতী অমদগী পীরকপা ইনভাইতেসনগা লোয়ননা লাকপশিং‍। মসি খুৎলায়শিং ইন্সতোল তৌবা নৎত্রগা ৱারেন্তী মনুংগী ওইবা নৎত্রগা য়োল্লবা মতুংগী সর্ভিসিং নৎত্রগা কম্মর্সিএল তর্মদা শেম্বগী ওইবা য়াই‍।

মথক্তা পল্লিবা মীরম মচাশিংনা চৎনবগী মতুং ইন্না মপাল লমদা লৈবা ইন্দিয়ন মিসনশিং/পোস্তশিংদগী অনৌবা বিজিনেস ভিজা নৎত্রগা এম্প্লোইমেন্ত ভিজা লৌগদবনি‍। মপাল লমদা লৈবা ইন্দিয়ন মিসনশিং/পোস্তশিংনা পীবা মতম লোইদ্রিবা লোং তর্ম মল্তিপল এন্ত্রী বিজিনেস ভিজা (শান্ন খোৎনবগী বি-৩ ভিজা নত্তবা) পায়বা মীরম মচাশিংনা মখোয়গী ভিজা অদু মরী লৈনবা ইন্দিয়ন মিসন/পোস্তশিংদা রি-ভেলিদেত তৌগদবনি‍। অসিগুম্বা মীরম মচাশিং অসি হান্ননা লৌখিবা মখল অমত্তগী ইলেক্ত্রোনিক ভিজা শীজিন্নদুনা ভারত্তা লাকপদা অয়াবা পীরোই‍।

ওফিসিএল ওইবা চেরোল য়েংনবগীদমক মসিদা নম্বিয়ু

*****