PIB Headquarters
কোবিদ-১৯গী মতাংদা নুমিৎ খুদিংগী ফোংবা পি.আই.বি.গী বুলেতিন
Posted On:
03 JUN 2020 6:57PM by PIB Imphal
(মসিদা হৌখিবা পুং ২৪ দা থোকখিবা কোবিদ -১৯গা মরী লৈনবা চেফোংশিং, ফিল্দ ওফিসশিংদগী ফংবা পাউশিং, অমসুং পি.আই.বি.না লৌখৎপা ফেক্ত চেকশিং য়াওরি )
- কোবিদ-১৯ নাবা মীওই ১০০,৩০৩ লয়েংখ্রে; ফগৎপগী চাং ৪৮.৩১% হেনগৎখ্রে।
- শীবগী চাং ২.৮০% হন্থখ্রে।
- ভারতকী খুঙ্গংদা ইতিহাসিক ওইবা থৌরাং পীনবা কেবিনেৎকী মীফমদা প্রধান মন্ত্রীনা ময়াই তাংবল লৌখ্রে; ইসেন্সিএল কম্মোদিতীস এক্ত এমেন্দ তৌখ্রে।
- শেলশিং থাদরকনবা পুক্নিং চিংশিন্নবা মন্ত্রালয়শিং/বিভাগশিংদা সেক্রেতরীশিং অমসুং প্রোজেক্ত দেবেলপমেন্ত সেলশিংগী গ্রুপ শক্তি হেনগৎহনবা লৈঙাকনা লীংখৎপদা অয়াবা পীখ্রে।
- পি.এম.জি.কে.পি.গী মখাদা লায়রবা কোতি ৪২ মুক্না শেলগী তেংবাং লুপা কোতি ৫৩,২৪৮ ফংখ্রে; পি.এম.-কিসানগী অহানবা ইন্সতোলমেন্ত ওইনা বেনিফিসরী কোতি ৮.১৯গী লুপা কোতি ১৬৩৯৪ কাইথখ্রে।
- ভিজা অমসুং ত্রাভেলগী অথীংবাশিং কোমথোক্তুনা অখন্নবা কাংলুপকী মপাল লৈবাক্কী মীওইশিং ভারততা লাকপা য়াহল্লগনি।
- ভন্দে ভারত মিসনগী মখাদা মপালদগী হল্লক্লিবা প্রজাশিংগী স্কিল মেপ্পিংগী থৌরাং তৌনবা অনৌবা ইনিসিএতিব এস.দবল্যু.এ.দি.ই.এস. লোঞ্চ তৌখ্রে।
হকশেল অমসুং য়াইফ-য়ুম্বাল মন্ত্রালয়দগী কোবিদ-১৯গী খ্বাইদগী নৌবা পাও- কোবিদ-১৯ নাবা মীওই ১০০,৩০৩ লয়েংখ্রে; ফগৎপগী চাং ৪৮.৩১% হেনগৎখ্রে।
হৌখিবা পুং২৪দা কোবিদ-১৯ অনাবা মীওই ৪,৭৭৬ নাবা ফরে। অসুম্না, অপুনবা ওইবা অনাবা মীওই ১,০০,৩০৩ কোবিদ-১৯দগী ফরে। কোবিদ-১ নারবা মীওইশিংগী মরক্তা অনাবা ফবগী চাং চাদা ৪৮.৩১ ওইরি। হৌজিক এক্তিব কেস ১,০১,৪৯৭ লৈরি অমসুং পুম্নমক অকনবা মেদিকেলগী চেকশিন-থৌরাং মখাদা লায়েংলি। শিবগী চাং চাদা ২.৮০ নি। লৈবাক শীনবা থুংনা লৈরিবা সরকারগী ৪৮০ অমসুং লনাইগী লেবোরেতোরি ২০৮(অপুনবা লেবোরেতোরি ৬৮৮)দা চাংয়েং তৌবগী মশীং হেনগৎলে। হৌজিক ফাওবদা কোবিদ-১৯গী অপুনবা সেম্পল ৪১,০৩,২৩৩ চাংয়েং তৌখ্রে, মসিগী মনুংদা ঙরাং সেম্পল ১,৩৭,১৫৮ চাংয়েং তৌখি।
লৈবাক অসিদা কোবিদ-১৯ লায়েংনবা হৌজিক ফাওবদা আইসোলেসন ফম্মুং ১,৬৬,৩২২ লৈবা কোবিদ হোস্পিতাল ৯৫২, আই.সি.য়ু ফম্মুং ২১,৩৯৩ অমসুং ওক্সিজেন ফংবা ফম্মুং ৭২,৭৬২ লৈরে। আইসোলেসন ফম্মুং ১,৩৪,৯৪৫ লৈবা কোবিদ হেল্থ সেন্তর ২,৩৯১; আই সি য়ু ফম্মুং ১১,০২৭ অমসুং ওক্সিজেন ফংবা ফম্মুং ৪৬,৮৭৫ থবক তৌরি। রাজ্যশিং/য়ুতিশিং/সেন্ত্রেল ইন্সতিতুৎশিংদা কেন্দ্রনা এন ৯৫ মাক্স লাখ ১২৫.২৮ অমসুং পর্সোনেস প্রোতেক্তিব ইকুইপমেন্ত(পি.পি.ই.) লাখ ১০১.৫৪ পীখ্রে।
অকুপ্পা ৱারোলগীদমক: https://pib.gov.in/PressReleseDetail.aspx?PRID=1628970
ভারতকী খুঙ্গংদা ইতিহাসিক ওইবা থৌরাং পীনবা কেবিনেৎকী মীফমদা প্রধান মন্ত্রীনা ময়াই তাংবল লৌখ্রে
কেবিনেৎনা ঙসি ইসেন্সিএল কম্মোদিতীস এক্তকী ইতিহাসিক ওইরবা এমেন্দমেন্ত অয়াবা পীখ্রে। লৌউ-শীংউদা অমসুং হৌগৎলক্লিবা লৌমীশিংগী ইনকমদা অওনবা অমা পুরকনবা খোংথাংনি। ইসেন্সিএল কম্মোদিতীস এক্ত এমেন্দ তৌবগা লোয়ননা মহৈ-মরোং, হৱাই-চেংৱাই, থাও শুঙনবা মরু, চানবা থাও, তিলহৌ অমসুং অলু অসিগুম্বা পোৎলমশিং অসি তঙাই ফদবা পোৎলমগী লিস্ততগী লৌথোক্লগনি।মসিনা লনাইগী ওইনা শেল থাদরিবা মীওইশিংদা কা হেন্না চৎনবা পথাপকী ওইনা য়েংশিল্লকপগী অকিবা অদু লৈহল্লরোই।নীংখা তম্না পুটোকপা, লৌবা, থাবা, য়েন্থোকপা অমসুং সপ্লাই তৌবনা শেনমীৎলোমশিংগী চাং ফগৎহল্লগনি অমসুং লৌউ-শীংউবগী সেক্তর অসিদা লনাই সেক্তর/মপালগী হকথেংন্না শেল থাদবা অসিগী পুক্নিং চীংশিনবা ঙম্লগনি। মসিনা কোল্দ স্তোরেজ অমসুং চানবা চিঞ্জাক্কী সপ্লাই চেনবু মোদর্নাইজ তৌবদা শেল থাদবসু হেনগৎহনবদা মতেং পাংলগনি।ইতিহাসিক ওইবা ৱারেপশিংনা লৌমীশিংদা কান্নবা পীরগনি অমসুং লৌউ-শীংউগী সেক্তরদসু অওনবা পুরক্লগনি।অপনবা য়াওদনা ইন্তর-স্তেৎ অমসুং ইন্ত্রা-স্তেৎকী লৌউ-শীংউগী পোৎথোক্কী ললোন ইতিক তৌবা হেনগৎনবা ওর্দিনান্স অয়াবা পীখ্রে।প্রোসেসরশিং, এগ্রিগেতরশিং, হোলসেলরশিং, অচৌবা রিতেলরশিং, এক্সপোর্তরশিংগা লোয়নবদা লৌমিশিংদা শক্তি পীরগনি?
অকুপ্পা ৱারোলগীদমক: https://pib.gov.in/PressReleseDetail.aspx?PRID=1629032
শেলশিং থাদরকনবা পুক্নিং চিংশিন্নবা মন্ত্রালয়শিং/বিভাগশিংদা “সেক্রেতরীশিং অমসুং প্রোজেক্ত দেবেলপমেন্ত সেলশিংগী গ্রুপ শক্তি হেনগৎহনবা” লৈঙাকনা শীংখৎপদা অয়াবা পীখ্রে
কেবিনেৎনা মখোয়গী অয়াবা পীদুনা “ভারততা শেল থাদরকনবা পুক্নিং চিংশিন্নবা ভারত লৈঙাক্কী মন্ত্রালয়শিং/বিভাগশিংদা সেক্রেতরীশিং অমসুং প্রোজেক্ত দেবেলপমেন্ত সেলশিংগী গ্রুপ শক্তি হেনগৎহনবা” অমা শেমগৎপা য়াখ্রে। মসিগী মেকানিজম অসিনা ২০২৪-২৫তা য়ু.এস.$ ত্রিলিয়ন ৫গী ইকনোমী ওইবগী ভারতগী পান্দম ফংহন্নবা মথৌ তৌগনি।কোবিদ-১৯গী লাইচৎ থোক্লিঙৈ চৈরক অসিদা, ভারত অসি হৌজিক লৈবাক অসিদা এফ.দি.আই. ইনফ্লোসকী পুক্নিং চীংশিনবা য়াবগী খুদোংচাবা অমা ফঙলি মরুওইনা অনৌবা মফমদা শেল থাদবা হেনগৎহনবা অমসুং খুদোংথিবা হন্থহনবা পাম্লিবা অচৌবা কম্পনীশিং। ভারততা শেম থাদবগীদমক শেল থাদরিবশিংবু মতেং পাংনবা অমসুং থৌগৎনবা অমসুং ইকনোমীগী মরু ওইবা সেক্তরশিংদা চাউখৎপা হেলহন্নবগীদমক এমপাৱরদ গ্রুপ ওফ সেক্রেতরীস (ই.জি.ও.এস.) অয়াবা পীখ্রে। ‘প্রোজেক্ত দেবেলপমেন্ত সেল’ (পি.দি.সি.) অসিসু শেল থাদবা য়াবা প্রোজেক্তশিং কেন্দ্র লৈঙাক অমসুং স্তেৎ লৈঙাকশিংগী মরক্তা চুংশিন্নদুনা হেনগৎনবা অমসুং অসুম তৌদুনা ভারতকী পাইপলাইনদা লৈরিবা শেল থাদবা য়াবা প্রোজেক্তশিং হেনগৎহন্দুনা অমসুং মসিনা এফ.দি.আই.গী ইনফ্লোশিং হেনগৎহনগনিদমক অয়াবা পীখ্রে।
অকুপ্পা ৱারোলগীদমক: https://pib.gov.in/PressReleseDetail.aspx?PRID=1629036
প্রধান মন্ত্রী গরীব কল্যান পেকেজকী হৌজিক ফাওবগী মায় পাকপা
লুপা লাখ কোতি ১.৭০গী প্রধান মন্ত্রী গরীব কল্যান পেকেজকী শরুক অমা ওইনা সরকারনা নুপীশিং অমসুং অহল ওইরবা লায়রবা মীওইশিংদা শেলগী তেংবাং অমসুং চেং লেম্না পীখি। পেকেজ অসি নিংথিনা চলায়নবা হায়দুনা কেন্দ্র অমসুং রাজ্য সরকারনা কুপ্না য়েংশিল্লি। প্রধান মন্ত্রী গরীব কল্যান পেকেজ (পি.এম.জি.কে.পি.)কী মখাদা মীওই কোতি ৪২ মুক্না শেলগী তেংবাং লুপা কোতি ৫৩,২৪৮ ফংখ্রে। পি.এম.-কিসানগী অহানবা ইন্সতোলমেন্ত ওইনা বেনিফিসরী কোতি ৮.১৯গী লুপা কোতি ১৬৩৯৪ কাইথখ্রে। জন ধনগী একাউন্ত লৈবা নুপী কোতি ২০.০৫ (৯৮.৩৩%)দা অহানবা ইন্সতোলমেন্ত ওইনা লুপা কোতি ১০,০২৯ পীখ্রে।
অকুপ্পা ৱারোলগীদমক: https://pib.gov.in/PressReleseDetail.aspx?PRID=1628877
ভিজা অমসুং ত্রাভেলগী অথীংবাশিং কোমথোক্তুনা অখন্নবা কাংলুপকী মপাল লৈবাক্কী মীওইশিং ভারততা লাকপা য়াহল্লগনি
ভারত লৈঙাকনা অখন্নবা মপাল লৈবাক্কী মীওই কাংলুপ ভারততা লাকপা মথৌ তাবশিংগী ওইনা ভিজা অমসুং ত্রাভেলগী অথীংবশিং কোমথোকপগী মতাংদা খন্নখ্রে। মসিদা ৱারেপনখিবগী মতুং ইন্না অখন্নবা মপাল লৈবাক্কী মীওই কাংলুপশিং ভারততা লাকপা য়াহল্লগনি মদুদি মপালগী বজিনেসমেন; মপালগী হকশেলগী শিনফম পাইওবা মীওইশিং, হকশেলগী রিসর্সরশিং, ইঞ্জিনীয়রশিং অমসুং তেক্নিসিয়ন; মপালগী ইঞ্জিনীয়রিং, মেনেজিরিএল, দিজাইন নত্রগা অতোপ্পা স্পেসিএলিস্ত; মপালগী তেক্নিকেল স্পেসিএলিস্তস অমসুং ইঞ্জিনিয়রশিং। মথক্কী কাংলুপশিং অসিগী মপাল লৈবাক্কী মীওইশিংনা ইন্দিয়ন মিসনশিং/ মপালগী পোস্তশিংদগী অনৌবা বিজিনেস ভিজা নত্রগা ইমপ্লোইমেন্ত ভিজা থারকপা য়াগনি।
প্রধান মন্ত্রী অমসুং য়ু.এস.এ.গী রাস্ত্রপতিগী মরক্তা তেলিফোন্দা ৱারী শানখ্রে
ঙসি প্রধান মন্ত্রী শ্রী নরেন্দ্র মোদীনা য়ুনাইতেদ স্তেৎ ওফ অমেরিকাগী রাস্ত্রপতি হিজ এক্সিলেন্সি দোনাল্দ ত্রম্পকা তেলিফোন্দা ৱারী শানখ্রে। রাস্ত্রপতি দোনাল্দ ত্রম্পনা গ্রুপ তরেৎকী য়ু.এস.না রাস্ত্রপতি ওইবগী মতাংদা ফোংদোকখি অমসুং ভারত য়াওনা মরুওইবা লৈবাকশিং য়াওহন্নবা হৌজিক লৈরিবা মেম্বরশিং অসিগী মথক্তা অতোপ্পশিং হাপচিন্নবগী মহাক্কী অপাম্বা ফোংদোকখি। মসিগী মতাংদা, য়ু.এস.এ.দা মথংদা পাংথোক্কদৌরিবা জি-৭ মীফমদা প্রধান মন্ত্রী নরেন্দ্র মোদী শরুক য়ানবা মহাক্না চেবাউ পীরকখি। কোবিদ মতুংগী মালেম অসিদা ওইরক্কদৌরিবা অশেংবা ফিবমশিং অদু খঙদুনা ফোরম অসি পাকথোক-চাউথোক্নবা হোৎনরকলিবা মহাক্কী অফবা অমসুং তুংগী উবা ঙম্বা অদুগীদমক প্রধান মন্ত্রী মোদীনা রাস্ত্রপতি থাগৎখি। প্রধান মন্ত্রীনা হায়খি পাংথোক্কদৌরিবা মীফম অদু মাইপাক্নবা য়ু.এস. অমসুং অতৈ লৈবাকশিংগা থবক তৌমিন্নবদা ভারতনা হরাওগনি।
অকুপ্পা ৱারোলগীদমক: https://pib.gov.in/PressReleseDetail.aspx?PRID=1628807
মপালদগী হল্লক্লিবা প্রজাশিংগী স্কিল মেপ্পিং লৈঙাকনা তৌগদৌরি
হৌজিক থোক্লিবা লাইচৎ অসিনা মরম ওইদুনা ঐখোয়গী খ্বাইদগী হৈথৌ-শিংথৌরবা ৱার্কফোর্স লৈবাক অসিদা হল্লকহন্নবা পান্দমদা লোয়ননা ভারত লৈঙাকনা ভন্দে ভারত মিসনগী মখাদা হল্লক্লিবা প্রজাশিংগী স্কিল মেপ্পিং থৌরাং অমা তৌনবা অনৌবা ইনিসিএতিব এস.দবল্যু.এ.দি.ই.এস. (স্কিল্দ ৱার্কস এরাইভেল দাতাবেস ফোর এমপ্লোইমেন্ত সপ্পোর্ত) লোঞ্চ তৌখ্রে। মসি স্কিল দেবেলপমেন্ত অমসুং ইন্ত্রাপ্রিনরশিপ মন্ত্রালয় অমসুং সিভিল এভিএসন মন্ত্রালয় অমসুং মপাল থৌরম পুবা মন্ত্রালয়গী অপুনবা ইনিসিএতিব অমনি মসিনা মতিক চারবা প্রজাশিং মখোয়গী লৈজরিবা স্কিলশিং অমসুং এক্সপিরিয়েন্সতা য়ুম্ফম ওইরগা ভারতকী অমসুং মপাল কম্পনীশিংগী অপাম্বা থুংহন্নবা পান্দম থমদুনা শেমখিবা দাতবেস অমনি। ইনিসিএতিব অসিনা থম্লিবা পান্দমদি হল্লক্লিবা প্রজাশিং অসিবু চান্নবা থবক্কী খুদোংচাবা পীনবা হোৎনবনি। মসিনা খোমজিল্লক্লিবা ইনফোর্মেসন অসিবু স্তেৎ লৈঙাকশিং, ইন্দস্ত্রীকা মরী লৈনবশিং অমসুং এমপ্লোইয়রশিং য়াওনা মরুওইবা স্তেকহোল্দরশিংগা মসি খঙমিন্নবা অমসুং মসিগী মরমদা খন্নবা ঙমহল্লগনি।
অকুপ্পা ৱারোলগীদমক: https://pib.gov.in/PressReleseDetail.aspx?PRID=1628976
কন্দ্রগী ঐচ.আর.দি. মন্ত্রীনা হাইয়র সেকেন্দরী স্তেজকীদমক (ক্লাস ১১ অমসুং ১২) এল্তর্নেতিব একাদমিক কেলেন্দর ফোংখ্রে।
কন্দ্রগী হ্যুমেন রিসোর্স দেবেলপমেন্ত মন্ত্রী, শ্রী রামেশ পোখ্রিয়া ‘নিশাঙ্ক’না ঙসি ন্যু দিল্লিদা হাইয়র সেকেন্দরী স্তেজকীদমক (ক্লাস ১১ অমসুং ১২) এল্তর্নেতিব একাদমিক কেলেন্দর ফোংখ্রে। কেলেন্দর অসি এ.ঐচ.আর.দি.গী লুচিং মখাদা এন.সি.ই.আর.তি.না দেবেলোপ তৌবনি, মসিনা কোবিদ-১৯না মরম ওইদুনা য়ুমদা লৈরিঙৈ মনুংদা মহৈরোইশিংনা মখোয়গী মমা-মপাশিং অমসুং ওজাশিংগী মতেংগী খুত্থাংদা মহৈ-মশিংগী ওইবা থবক থৌরমশিং তৌহনগনি।থৌরম অসিদা ৱা ঙাংলদুনা, ঐচ.আর.দি. মন্ত্রীনা হায়খি কেলেন্দর অসিনা ওজাশিংদা মখল কয়াগী তেক্নোলোজিগী ওইবা তুলশিং অমসুং সোসিএল মেদিয়া তুলশিং করম্না শীজিন্নগদগে হায়বা তাকনবা গাইদলাইনশিং য়াওরি, লর্নর, মমা-মপাশিং অমসুং ওজাশিংনা য়ুমদা লৈরিঙৈদা শীজিন্নবা য়াই তুলশিং অসিনা নুংঙাইনা অমদি লায়না মহৈ মশিংগী ওইবদা খঙবা হেনগৎহনবা অমসুং পুক্নিং চিংশিন্নেঙাই ওইবা মওংশিং য়াওরি। অদুম ওইনমক, মসিনা থাক খেৎনবা তোঙান তোঙানবা তুলশিং অমসুং প্লেৎফোর্মশিং-মোবাইল, রেদিও, তেলিভিজন, এস.এম.এস, অমসুং মখল কয়াগী সোসিএল মেদিয়া, অসি মহৈরোইশিংনা এক্সেস তৌবা য়াহন্নবসু খন্থরি।
অকুপ্পা ৱারোলগীদমক: https://pib.gov.in/PressReleseDetail.aspx?PRID=1628948
ওপরেসন সমুদ্র সেতু- শ্রী লঙ্কাদগী ভারত মচাশিং পুরকখিবা আই.এন.এস. জলশ্বা তুতিকোরিন্দা থুংখ্রে
কোলোম্বো, স্রী লঙ্কাদগী ভারত মচা ৬৮৫ পুদুনা লাকখিবা ভারতকী নেভীনা “ওপরেসন সমুদ্র সেতু”গীদমক্তা শিজিন্নখিবা আই.এন.এস. জলশ্বা জুন ২, ২০২০দা তুতিকোরিন্দা চংলকখ্রে। ভারত মচাশিং পুদুনা লাকখিবা অদু স্রী লঙ্কাদা লৈবা ইন্দিয়ন মিসন্না শিনখিবনি। তঙাই ফদ্রবা স্ক্রীনিং তৌরবা মতুংদা পেসেঞ্জরশিং কুমথনরকখি। সমুদ্রদা লাক্লিঙৈ মতমদা কোবিদকা মরী লৈনবা চেকশিন থৌরাং পুম্নমক লৌখৎখি। পেসেঞ্জরশিং অদু তুতিকোরিনগী লৈঙাক্লোইশিংনা ওকখি অমসুং মখোয়বু জহাজতগী নিংথিনা কুম্থরক্নবা, হেলথ স্ক্রীনিং তৌনবা, ইমিগ্রেসন অমসুং পুথোক পুশিন তৌননবসু শিন লাংখি। মখোয়বু পুরকখিবগা লোয়ননা ভারতকী নেভীনা হৌজিক চৎলিবা লায়চৎ অসিগী মনুংদা পুন্না ভারত মচা ২১৭৩, মালদিবতগী ১৪৮৮ অমসুং স্রী লঙ্কাদগী ৬৮৫, পুথোরকখি।
অকুপ্পা ৱারোলগীদমক: https://pib.gov.in/PressReleseDetail.aspx?PRID=1628714
এম.এস.এম.ই.গী মন্ত্রালয়না এম.এস.এম.ই.শিংগী মখল খায়দোক্নবগী অনৌবা চৎনা কাংলোনশিং চৎনহন্নবা থবক থৌরমশিং পাইখৎখ্রে
কেন্দ্রগী মাইক্রো, স্মোল অমসুং মেদিয়ম ইন্তর্প্রাইজশিংগী মন্ত্রালয় (এম./ও. এম.এস.এম.ই.শিং)না লৈবাক অসিদা এম.এস.এম.ই.শিংগী শক্তম অমসুং নিয়মশিংদা অপৱার্দ রিভিজন চৎনহন্নবগীদমক্তা লম্বি শেম্নবা গেজেত নোতিফিকেশন অমা থোকখ্রে। অনৌবা শক্তম অমসুং নিয়মশিং অসি ২০২০গী জুলাই ১দগী চৎনবা হৌরগনি। ২০০৬তা এম.এস.এম.ই. দিবেলপমেন্ত এক্ত অসি পুথোকখিবদগী চহি ১৪গী মতুংদা ২০২০গী মে ১৩দা আত্মনির্ভর ভারত পেকেজতা এম.এস.এম.ই.গী শক্তমদা রিভিজন অমা লাউথোকখি। লাউথোকখিবা অসিগী মতুং ইন্না, মাইক্রো মেন্যুফেকচরিং অমসুং সর্বিস য়ুনিৎশিংগী শক্তম অসি ইনবেস্তমেন্তকী লুপা কোতি ১ অমসুং তর্নওবরগী লুপা কোতি ৫দা হেনগৎখি। স্মোল য়ুনিৎশিং অসিগী লিমিৎ অদু ইনবেস্তমেন্তকী লুপা কোতি ১০ অমসুং তর্নওবরগী লুপা কোতি ৫০দা হেনগৎখি। মসিগা চপ মান্ননা মেদিয়ম য়ুনিৎকী লিমিৎ অদু ইনবেস্তমেন্তকী লুপা কোতি ২০ অমসুং তর্নওবরগী লুপা কোতি ১০০দা হেনগৎখি। ভারত সরকারনা ০১.০৬.২০২০দা এম.এস.এম.ই.গী শক্তম অসিগী রিভিজন মখাতানা হেনগৎনবগীদমক্তা ৱারেপ লৌখি। মেদিয়ম ইন্তরপ্রাইজশিংগীদমক্তা ওইনা হৌজিক্তি ইনবেস্তমেন্তকী লুপা কোতি ৫০ অমসুং তর্নওবরগী লুপা কোতি ২৫০ ওইহল্লগনি।
অকুপ্পা ৱারোলগীদমক: https://pib.gov.in/PressReleseDetail.aspx?PRID=1628925
এপ্রিল ১, ২০২০দগী হৌদুনা ই.পি.এফ.ও.না সবস্ক্রাইবর লাখ ৫২.৬২গী কে.ৱাই.সি. অপদেৎ তৌখ্রে
কোবিদ-১৯গী লাইচৎ লাকপা অসিদা ওনলাইন সর্ভিসশিং ফংহনবা অমসুং খুদোংচাবা অসি হেনগৎনবা মরু ওইবা অমা ওইরক্লি, ই.পি.এফ.ও.না মখোয়গী সবস্ক্রাইবর লাখ ৫২.৬২গী নো য়োর কস্তমর (কে.ৱাই.সি.) দাতা এপ্রিল অমসুং মে ২০২০দা অপদেৎ তৌখি। মসিদা সবস্ক্রাইবর লাক ৩৯.৯৭গী আধার সীদিং তৌবা, সবস্ক্রাইবর লাক ৯.৮৭গী মোবাইল সীদিং (য়ু.এ.এন. এক্তিভেসন) তৌবা, সবস্ক্রাইবর লাক ১১.১১গী বেঙ্ক একাউন্ত সীদিং তৌবা য়াওরি।কে.ৱাই.সি. অসি য়ুনিভর্সেল একাউন্ত নম্বর (য়ু.এ.এন.)গা কে.ৱাই.সি.গী ৱারোলশিংগা লোয়ননা লিঙ্ক তৌবগী খুত্থাংদা সবস্ক্রাইবরশিংগী আইদেন্তিতী ভেরিফিকেসন তৌবদা মতেং পাংলিবা ৱান-তাইম প্রোসেস অমনি।
অকুপ্পা ৱারোলগীদমক: https://pib.gov.in/PressReleseDetail.aspx?PRID=1628922
কেন্দ্রগী মন্ত্রীগা ফিল্ম প্রদ্যুসরশিং, সিনেমা একজিবিস্নরশিংগী এসোসিএসন অমসুং ফিল্ম ইন্দস্ত্রীগী মীহুৎশিংগা লোয়ননা মীফম অমা পাংথোকখ্রে
ইনফোর্মেসন অমসুং ব্রোদকাস্তিংগী কন্দ্রগী মন্ত্রীগা ফিল্ম প্রদ্যুসরশিং, সিনেমা একজিবিস্নরশিংগী এসোসিএসন অমসুং ফিল্ম ইন্দস্ত্রীগী মীহুৎশিংগা লোয়ননা মীফম অমা ভিদিও কনফরেন্সিংগী খুত্থাংদা পাংথোকখ্রে।মীফম অসি মন্ত্রীনা ইন্দস্ত্রী অসিনা কোবিদ-১৯না মরম ওইদুনা মাইয়োক্নরিবা অৱাবশিং অসিগী হীরমদা খন্ননবা কৌখিবনি, মসিদা পার্তিশিং অসিনসু মখোয়গী মীহুৎশিং মন্ত্রীদা থাখি। প্রদক্সনগা মরী লৈনবা থবক থৌরমশিং অমুক হৌনবগী হীরম অসিদা, স্তেন্দর্দ ওপরেতিং প্রোসিদ্যুরশিং লৈঙাকনা থোকখ্রে হা্য়না মন্ত্রীনা ফোংদোকখি। সিনেমা হোলশিং হাংদোক্নবগী অপাম্বা ফোংদোক্নরকপা অসিগা লোয়ননা জুন থাদা কোবিদ-১৯ লাইচৎ অসিগী ওইরকপা ফীভম য়েংলবা মতুংদা মীহুৎশিং অসিদা পাও পীরক্কনি ফোংদোকখ্রে।
অকুপ্পা ৱারোলগীদমক: https://pib.gov.in/PressReleseDetail.aspx?PRID=1628754
মেক ইন ইন্দিয়া চাওনা হেনগৎহনখ্রে; এম.ও.দি.না ও.এফ.বি.দা লুপা কোতি ১,০৯৪গী মমল ওইবা অপগ্রেদ তৌরবা বি.এম.পি. ইনফেন্তরি কোম্বেৎ ভেহিকল ১৫৬ পীনবা ইন্দেন্ত অমা তৌখ্রে।
সরকারগী ‘মেক ইন ইন্দিয়া’ চাওনা হেনগৎহন্নবা খোঙথাং অমা ওইনা মিনিস্ত্রি ওফ দিফেন্স (এম.ও.দি.)গী একুইজিসন ৱিংনা রক্সা মন্ত্রী শ্রী রাজনাথ সিংহগী অয়াবগা লোয়ননা ওর্দনান্স ফেক্তরি বোর্দ (ও.এফ.বি.)দা ইন্দিয়ন আর্মিগী মেকানাইজ ফোর্সশিংনা শীজিন্নবা অপগ্রেদেদ ফিচরশিংগা লোয়ননা বি.এম.পি. ২/২k ইনফেন্তরি কোম্বেৎ ভেহিকল (আই.সি.ভি) ১৫৬ পীনবা ইন্দেন্ত অমা তৌখ্রে।
ইন্দিয়ন রেলৱেজনা লৈবাক অসিদা জুন ২, ২০২০ (পুং ১০.০০) ফাওবদা “শ্রমিক স্পিসিএল” ত্রেন ৪১৫৫ মথৌ তৌহনখ্রে অমদি মে ১দগী পেসেঞ্জর লাক্ষ ৫৭ হেন্না মখোয়-মখোয়গী ময়ুম রাজ্যশিং তান্না “শ্রমিক স্পিসিএল” ত্রেন্না য়ৌহনখ্রে
জুন ২, ২০২০ ফাওবদা পুন্না “শ্রমিক স্পিসিএল” ৪১৫৫ লৈবাক অসিগী তোঙান-তোঙানবা রাজ্যশিংদগী থবক তৌখ্রে। অয়ুক্কী পুং ১০ ফাওবদা ত্রেন ১০২ চেনখি। হৌজিক ফাওবদা “শ্রমিক স্পিসিএল”না মাইগ্রেন্ত লাক্ষ ৫৭ হেন্না নুমীৎ ৩৩নিসিদা পুখ্রে। মসিগী ত্রেন ৪১৫৫ অসি তোঙান-তোঙানবা রাজ্যশিংদগী লমথারকখি। অয়াম্বা ত্রেনশিং হৌরকখিবা মকোক থারিবা রাজ্যশিং/য়ুনিয়ন তেরিতোরীশিং অদুদি গুজরাত (ত্রেন ১০২৭), মহারাস্ত্র (ত্রেন ৮০২), পঞ্জাব (ত্রেন ৪১৬), উত্তর প্রদেশ (ত্রেন ২৮৮) অমসুং বিহার (ত্রেন ২৯৪)নি। মসিগী “শ্রমিক স্পিসিএল”শিং অসি লৈবাক অসিগী তোঙান-তোঙানবা রাজ্যশিংদা লমথুংফম ওইখি। খ্বাইদগী মশিং য়াম্না ত্রেনশিং থুংখিবা রাজ্য মঙা অদুদি উত্তর প্রদেশ (ত্রেন ১৬৭০), বিহার (ত্রেন ১৪৮২), ঝারখন্দ (ত্রেন ১৯৪), ওরিশা (ত্রেন ১৮০), নোংচু বেঙ্গল (ত্রেন ১৩৫)নি।
অকুপ্পা ৱারোলগীদমক: https://pib.gov.in/PressReleseDetail.aspx?PRID=1629043
কেবিনেৎনা ফার্মাকোপিয়া কম্মিসন ফোর ইন্দিয়ন মেদিসিন অমসুং হোমিয়োপেথীবু অয়ুশ মন্ত্রালয়গী মখাদা লৈবা সবওর্দিনেৎ ওফিস অমা ওইনা লিংখৎনবা অয়াবা পীখ্রে
কেন্দ্রগী কেবিনেৎনা ফার্মাকোপিয়া কম্মিসন ফোর ইন্দিয়ন মেদিসিন অমসুং হোমিয়োপেথী (পি.সি.আই.এম. অমসুং ঐচ.) অসিবু অয়ুশ মন্ত্রালয়গী মখাদা লৈবা সবওর্দিনেৎ ওফিস অমা ওইনা মসিদা ফার্মাকোপিয়া লেবরেতোরী ফোর ইন্দিয়ন মেদিসিন অমসুং হোমিয়োপেথিক ফার্মাকোপিয়া লেবরেতোরী হায়রিবা সেন্ত্রেল লেবরেতোরী অনি অসি মঙোন্দা পুনশিন্দুনা অমুক হন্না লিংখৎনবা অয়াবা পীখ্রে। হৌজিক্কী ওইনা পি.সি.আই.এম. অমসুং ঐচ. অসি ওতোনোমস বোদি অমনি। পুনশিনবা অসিগী পন্দমদি ইনফ্রাস্ত্রকচরগী খুদোংচাবশিং, তেক্নিকেল মেনপাৱর অমসুং ওর্গনাইজেসন অহুম অসিগী শেল-থুমগী লাকফম অদু চাউখৎহনবনি মসিনা অয়ুর্ভেদা, সিদধা, উনানি অমসুং হোমিয়োপেথীকী হীদাকশিংগী ফমশিং অদু স্তেন্দর্দাইজ তৌদুনা মখোয়গী ফজনা রিগুলেৎ অমসুং ক্বালিতী কন্ত্রোল তৌবা হেনগৎহনবনি।
সেন্ত্রেল এমপ্লোইমেন্ত গরেন্তী কাউন্সিলগী ২১শুবা মীফমদা শ্রী নরেন্দ্র সিংহ তোমারনা ময়াই তাংবল লৌখ্রে
কন্দ্রগী খুঙ্গং চাউখৎ থৌরাং, লৌউ-শীংউ অমসুং লৌমীগী য়াইফ থৌরাং অমসুং পঞ্চা্য়তী রাজকী মন্ত্রী শ্রী নরেন্দ্র সিংহ তোমারনা ময়াই তাংবল লৌদুনা ভিদিও-কনফরেন্সিংগী খুত্থাংদা ০২.০৬.২০২০দা সেন্ত্রেল এমপ্লোইমেন্ত গরেন্তী কাউন্সিলগী ২১শুবা মীফম পাংথোকখ্রে। ত্রান্সপরেন্সি অমসুং একাউন্তেবিলিতী ফংনবা পান্দমদা লৈঙাক অসিনা মহাত্মা গন্ধী এন.আর.ই.জি.এ.গী ৱার্করশিংগী বেঙ্ক একাউন্ততা খুৎশুমল ১০০% পীনবা অমসুং মরী লৈনবা সোসিএল ওদিৎকী থবকশিংদা মীৎয়েং থমদুনা খোংথাং পুম্নমক লৌখৎলি। শেনবা চহী ২০২০-২১গী ওইনা লুপা কোতি ৬১,৫০০ এলোকেৎ তৌখ্রে, মসি খ্বাইদগী ৱাংবা ওইগদৌরিবনি। অহেনবা লুপা কোতি ৪০,০০ প্রোগ্রাম অসিগীদমক আত্মানির্ভর ভারত অভিয়ানগী মখাদা লায়রবা শীন্মীশিংদা কোবিদ-১৯না অৱাবা মাইয়োকনহল্লিবা মতম অসিদা থবক পীনবা ওইগনি। প্রোগ্রাম অসিগী মকাদা স্তেৎশিং/য়ু.তি.শিংদা লুপা কোতি ২৮,০০০ হান্ননা কাইথখ্রে।
অকুপ্পা ৱারোলগীদমক: https://pib.gov.in/PressReleseDetail.aspx?PRID=1628782
পি.আই.বি. ফিল্দ ওফিসশিংদগী ফংবা পাউ
- চন্দিগর: য়ু.তি. এদমিনিস্ত্রেতরনা ইন্তর স্তেৎকী ঙমখৈদা রেন্দম স্ক্রিনিং পাঙথোক্নবা দিরেক্তর গেনরল ওফ পুলিসতা য়াথং পীখ্রে। ভিজিতর খুদিংমক্তা আরোগ্য সেতু দাউনলোদ তৌনবা অমসুং সেল্ফ- মোনিতরিং তৌনবা খঙহনখ্রে। এদমিনিস্ত্রেতিবনা মেদিকেল ইন্সতিত্যুসন অহুমগী মকোকশিংদা অমুক্তং লায়েংবা ফঙনবা চয়োল কয়া ঙাইদুনা লৈরক্লবা অনাশিংনা লায়েংবা ফঙনবা ও.পি.দি.ফেসিলিতিশিং হেনগৎহন্নবা হায়খ্রে।
- পঞ্জাব: চীফ মিনিস্তরনা পঞ্জাব ইলেক্ত্রিসিতি রিগুলেতরি কম্মিসননা কোবিদ লোকদাউননা মরম ওইদুনা রেভিন্যু গাপ লৈরকপদগী দোমেস্তিক পাৱর তারিফ হন্থনবা লৌখিবা ৱারেপ্পু তরাম্না ওকখ্রে অমসুং রেৎ অসিনা মীয়ামগী য়েংলগা মখাতানা রেস্নলাইজ তৌবা, মমাংদা চঙশিল্লগনি হায়না থাজবা থম্মী হায়না ফোঙদোকখ্রে। কোরোনাভাইরসকী লাইচঃ অমসুং মতম শাংনা স্তেৎ অসিদা লোকদাউন থম্লকপনা মরম ওইদুনা রিভিন্যুদা চাওনা অমাংবা অমা থেংবা অসিদা পঞ্জাব চীফ মিনিস্তরনা কোবিদ সেলনা জুন ১দগী হৌরগা য়ু য়োনবা হৌনবা অয়াবা পীখ্রে। খোঙথাং অসিনা শেনবা চহী অসিগী লুপা কোতি ১৪৫কী স্তেৎ মোব এদিস্নল রিভিন্যু মতেং পাঙলগনি।
- হরিয়ানা: হরিয়ানা সরকারনা পব্লিক ত্রান্সপোর্ততা খুদোংচাবা পীনবা তেক্সি, কেব এগরিগেতরশিং, মেক্সি কেব অমসুং ওতো রিক্সো দ্রাইভরশিংগা মরি লৈননা গাইদলাইনশিং থোকখ্রে। তেক্সি অমসুং কেব এগ্রিগেতরশিংনা দ্রাইভর থারগা খ্বাইদগী য়াম্না পেসেঞ্জর অনি পুবদা অয়াবা পীগনি হায়না ত্রান্সপোর্ত দিপার্তমেন্তনা ফোঙদোকখ্রে। মসিনা গারি অমদা খ্বাইদগী য়াম্না মীওই অহুম পুবা য়াগনি হায়নি। মেক্সি কেবশিংনা মখোয়গী সিত্তিং কেপাসিতিগী তঙ্খাই অমা পুবা য়াগনি। ওতো রোক্সো অমসুং ই রিক্সোশিংনা দ্রাইভরগী মথক্তা মীওই অনি পুবা য়াগনি। মসিগা মান্ননা চকা অমনি পনাবা গারিদা মীওই অমা তোংবা য়াগনি অমসুং মীওই অনিমক হেলমেৎ, মাস্ক অমসুং গ্লোব উপ্পা মেন্দেতরি ওই। মীনা থৌবা রিক্সোশিংনা পেসেঞ্জর অনিদগী হেন্না পুবা য়ারোই। দ্রাইভর অমসুং পেসেঞ্জর খুদিংমক্না মতম চুপ্পদা মখোয়গী মমাই মাস্ক নত্রগা ফীনা খুমগদবনি। মোতোর ভেহিকশিং চাং নাইনা সেনিতাইজ তৌগদবনি অমসুং দ্রআউভর অমসুং পেসেঞ্জরশিংনা চাং নাইনা সেনিতাইজর শীজিন্নগদবনি। মীওই খুদিংমক্না মতম চুপ্পদা সোসিএল দিস্তেন্সিং ঙাক্না চৎকদবনি।
- অরুনাচল প্রদেশ: লৌমী ৬৭,৯৯৮না পি.এম.কে.এস.ৱাই.গী মখাদা লুপা ২০০০গী মটক্তা অহেনবা লুপা ১০০০ স্তেৎ লৈঙক্তগী ফঙখ্রে। স্তেৎ অসিদা কোবিদ-১৯গী অপুনবা কেস ২৮নি।
- অসাম: অনৌবা কোবিদ-১৯ কেস ৫১ অসামদা ফঙখ্রে। ২৮না ধুব্রিদগী, ১৩না দর্রঙদগী, ৫না করিমগঞ্জতগী, ৩না সোনিৎপুরদগী অমসুং ২না লখিমপুরদগী ওইদুনা অপুনবা কেস ১৬৭২ শুরে হায়না স্তেৎ হকশেল মন্ত্রীনা ফোঙদোকখ্রে।
- মনিপুর: অনাবা ১৩ দিসচার্জ তৌখিবগা লোয়ননা মনিপুরদা ফগৎলকপগী চাং ২৫ পর্সেন্ত য়ৌখ্রে। স্তেৎ অসিদা এক্তিব কেস ৭৬কা লোয়ননা অপুনবা কেস ১০২নি।
- মেঘালয়: তমিল নাদুদগী মে ১৯দা হল্লকখিবা মেঘালবগী ৱেস্ত গারো হিল দিস্ত্রিক্তগী কোবিদ-১৯ পোজিতিব ওইবা মীওই অদু ফগৎলকখ্রে অমসুং নেগেতিব ওইখ্রে। মহাক ক্বারিন্তিন্দা লৈরি। এক্তিব কেস ১৬নি অমসুং ফগৎখিবা ১৩নি।
- মিজোরাম: হৌজিক ফাওবগী ওইনা মে ৩১, ২০২০দা থোখিবা লোকদাউন ৫.০গী গাইদলাইনদা অহোংবা লৈতে হায়না চীফ সেক্রেতরিনা ফোঙদোকখ্রে। হন্দক্তা স্তেৎ অসিদা কোবিদ-১৯গী অনৌবা কেস ১৩ ফঙখ্রে।
- নাগালেন্দ: কোবিদ-১৯ লান্থেংনবদা হেল্থ কেয়র প্রোফেস্নলশিংগী অৱাৎপা মেনকৎনবা দোক্তর ২৭ খনখ্রে। দিমাপুর ত্রেদরশিংনা নোর্মল ব্যুজিনেস টক থৌরমশিং থিংজিনবা লৌথোক্নবা সরকারদা হায়জখ্রে।
- সিক্কিম: সিক্কিম রিভাইবল কম্মিতিগী চিয়র্মন তুরিজম সেক্তরনা কোবিদ-১৯ লোকদাউননা মরম ওইদুনা স্তেৎনা লুপা কোরি ৫০০ মাংজখ্রে।
- ত্রিপুরা: ঙসি তেস্ত তৌখিবা সেম্পল ৮২১গী মনুংদা মীওই ৪৯না কোবিদ-১৯ পোজিতিব ওইখ্রে। মখোয়গী মনুংদা অয়াম্বনা মমাংদা অতোপ্পা মফমদা চৎলুবা অমসুং মী পুল্লুবা লৈ।
- কেরেলা: কোনুংদা তেস্ত তৌখিবা সেম্পল পোজিব ওইখিবা খ্রিস্তিয়ন প্রিস্ত অমা শীখিবগদী হেল্থ পর্সনল ১৫ অন্দর ওবজর্বেসন্দা থমখ্রে। দুবাইদগী নেদুম্বাসেরি এয়রপোর্ততা থুংখিবা এয়র ইন্দিয়াগী পাইলোৎ নু্পী অমগী মথক্তা কোরিন্তিন রুলশিং ঙাক্তবগী কোচিদা কমপ্লেন্ত অমা থাংগৎখ্রে। স্তেৎ কেবিনেৎনা চয়োল অমগী স্কুল মহৈরোইশিংগী ওনলাইন ক্লাসশিংগী ত্রাইএল রন শাংদোকখ্রে। থংনবা দিস্ত্রিকশিং ফাওবগী বস সর্ভিস ঙসিদগী হৌখ্রে। হয়েংদগী গুরুভায়ুর তেম্পলদা লুহোংবাশিংগী অয়াবা পীরগনি। গল্ফতা কেরেলা মচা তরেৎ শীখিদুনা অপুনবা ২১০ লান্থোকখ্রে। ন্যু দিল্লীদা মলায়ালি নর্স অমা ঙসি লৈখিদ্রে। ঙরাং মীওই ৮৬ পোজিতিব ওইখি। অনাবা ৭৭৪না লায়েংলি।
- তামিল নাদু: জে.আই.পি.এম.ই.আর., পুদুচেরিদা হেল্থকেয়র ৱার্কর তরুক কোবিদ-১৯ পোজিতিব ওইখ্রে; য়ু.তি. অসিদা অপুনবা কেস ৯০ শুখ্রে। শ্রী লঙ্কাদা পন্দুনা লৈরিবা মীওই ৬৮৬ ‘ওপরেসন সমুদ্র সেতু’গী মখাদা আই.এন.এস.না পুরকখ্রে; ঙসি অয়ুক জহাজ অসিনা ভি.ও. চিদম্বরানর পোর্ত, তুতিকুদিদা থুংখি। স্তেৎ লৈঙাক্না লৌমীশিংনা মখোয়গী পোত্থোক স্তেৎ শিনবা থুংনা মতিক চাবা মমল পীগে হায়বশিংদা য়োলহন্নবা ওর্দিনান্স চৎনবা হৌখ্রে। ঙরাং অনৌবা কেস ১,০৯১গা লোয়ননা তমিল নাদুদা কোবিদ মশীং ৱাংখৎখ্রে। ৮০৬ কেসনা চেন্নাইদগীনি। হৌজিক ফাওবদা অপুনবা কেস: ২৪৫৮৬, এক্তিব কেস: ১০৬৮০, শীবা মশীং: ১৯৭, দিসচার্জ তৌখিবা: ১৩,৭০৬নি। চেনাইদা এক্তিব কেস ৭৮৮০নি।
- কর্নাতক: সাইক্লোন নিসর্গানা উত্তরা কনাদাগী কঙফাল য়ৌরকখ্রে; কোস্তল দিস্ত্রিক খুদিংমক অকনবা চেকশিন থৌরাংগা লোয়ননা লৈখ্রে। সি.এম.গী ওফিসতা পেপর ফাইল অমত্তা শুখিদ্রে; ফাইল খুদিংমক ই-ওফিস সোফৱেয়রগী খুথাংদা ক্লিয়রেন্স তৌরগনি। স্তেৎ লৈঙাক্না জুলাই ১গী স্কুলশিং অমুক হাংনবা খন্নখ্রে; মিং চনবগী প্রোসেসনা জুন ৮তগী হৌরবা য়াই। স্তেৎ পি.য়ু.সি. চাংয়েং: শেমদোক্লবা চাংয়েংগী সেন্তর অমসুং মহৈরোইগী দিতেলশিংগী তেন্তেতিব লিস্ত থোকখ্রে। হোম ক্বারিন্তিন গাইদলাইনশিং ঙাক্তবা মীওইশিংদা এফ.আই.আর.শিং লৌখৎনবা সি.এম.না খঙহনখ্রে। অনৌবা কেস ৩৮৮ রিপোর্ত তৌখ্রে অমসুং মসিগী মনুংদা ৩৬৭না ইন্তর-স্তেৎ কেসশিংনি। অপুনবা পোজিতিব কেস: ৩৭৯৬, এক্তিব কেস: ২৩৩৯, শীবা: ৫২ অমসুং ফগৎলকপা: ১৪,০৩নি।
- আন্ধ্র প্রদেশ: স্তেৎ লৈঙাক্না ফাইল তৌখিবা পিতিসন ককথৎলদুনা সুপ্রীম কোর্তনা লৈঙাক্কী বিল্দিংশিংদগী অপীবা মতম চয়োল মরিগী মনুংদা পার্তিগী মচুশিং লৌথোক্না ওর্দর থোকখ্রে অমসুং কন্তেম ওফ কোর্ত ফাইল তৌবগী ৱার্নিং পীখ্রে। ভুধার নম্বর পীনবা লমশিংগী অমুক হন্না সর্ভে তৌনবা স্তেৎনা অয়াবা পীখ্রে। সেম্পল ৮,০৬৬ তেস্ত তৌরবা মতুংদা হৌখিবা পুং ২৪দা অনৌবা কেস ৭৯, দিসচার্জ তৌখিবা ৩৫ অমসুং অশীবা মরি রিপোর্ত তৌখ্রে। অপুনবা কেস: ৩২৭৯নি। এক্তিব:৯৬৭, ফগৎলকপা:২২৪৪, শীবা: ৬৮নি। এক্তিব কেস ৩৬২গা লোয়ননা পোজিতিব ওইবা অপুনবা মাইগ্রেন্ত মশীং ৫৭৬নি। মপান লৈবাক্তগী লাকপা কেস ১১৯গী মনুংদা ১১৮না এক্তিব ওইরি।
- তেলঙ্গনা: কাহেন্না নাদবা অনাবাশিং য়ুমদা লায়েংবা য়ারগনি হায়না আই.সি.এম.আর.না স্তেৎতা থোকখিবা ইন্সত্রক্সনশিংগী মতুংদা হকশেল বিভাগনা করিগুম্বা ইমুং অমগী মীওই অমখক নারবদি মখোয় য়ুমদা লায়েংবা য়ারগনি হায়না ফোঙদোকখ্রে। তেলঙ্গনা হাই কোর্তনা মাইগ্রেন্ত ৱার্করশিংগী ইসু খন্ননবা পোলিসি পুথোক্নবা স্তেৎ লৈঙাক্তা খঙহনখ্রে। ওস্মানিয়া মেদিকল কোলেজগী পি.জি. দোক্তর মঙা অমগা কোবিদ-১৯ পোজিতিব ওইখ্রে; মেদিকল কোলেজ অসিদা অপুনবা মশীং হৌজিক ১২ শুখ্রে। স্তেৎ অসিদা ঙরাং অনৌবা কোবিদ-১৯ কেস ৯৯ রিপোর্ত তৌখ্রে অদুগা মসিগী মনুংদা ৮৭না কম্ম্যুনিতি ত্রান্সমিসননি অমসুং ১২না অতোপ্পা স্তেৎতগী লাকপা মাইগ্রেন্তশিংগী মরক্তগীনি। জুন ২ ফাওবদা তেলঙ্গনাদা অপুনবা কেস ২,৮৯১নি মসিগী মনুংদা ৪৪৬না মাইগ্রেন্ত ৱার্কর অমসুং মীরৈবাক্তগী হল্লকপশিংনি।
- মহারাস্ত্র: অনৌবা কোবিদ-১৯ অনাবা ২২৮৭ রিপোর্ত তৌরদুনা স্তেৎ অপুনবা পোজিতিব ওইবা কেস মশীং ৭২,৩০০ শুখ্রে, মসিগী মনুংদা ৩৮,৪৯৩না এক্তিব কেসশিংনি। হোৎস্পোৎ মুম্বাইদা লৈবাকপোকপা নুমিৎতা অনৌবা অনাবা ১১০৯ রিপোর্ত তৌখ্রে।
- গুজরাত: লৈবাকপোকপা নুমিৎতা অনৌবা কোবিদ-১৯ অনাবা ৪১৫ রিপোর্ত তৌরদুনা স্তেৎ অসিগী কোরোনাভাইরস পোজিতিব ওইবা অপুনবা মশীং ১৭,৬৩২ শুখ্রে। লৈবাকপোকপা নুমিৎতা অনাবা ২৯ শীখিবগা লোয়ননা স্তেৎ অসিদা শীখিবা মশিং ১০৯২ য়ৌখ্রে। স্তেৎ হকশেল বিভাগনা অনাবা ১,০১৪দগী হেন্না মপুংফানা ফগৎলদুনা হোস্পিতালদগী দিসচার্জ তৌখ্রে।
- রাজস্থান: ঙসি অয়ুক ফাওবদা অনৌবা কোবিদ-১৯ অনাবা ১০২গা লোয়ননা স্তেৎ অসিদা কোরোনাভাইরস পোজিতিব ওইবা অপুনবা মশীং ৯৪৭৫ শুখ্রে মসিগী মনুংদা অনাবা ৬৫০৬না ফগৎলকখ্রে অমসুং হৌজিক ফাওবদা স্তেৎ অসিগী তোঙান তোঙানবা হোস্পিতালশিংদগী অনাবা ৫৯৭৭না দিসচার্জ তৌখ্রে। অনৌবা অনাবাশিং অসি ঙসি জয়পুরদগী রিপোর্ত তৌখি।
- মধ্য প্রদেশ: কোবিদ-১৯গী অনৌবা কেস ১৩৭ রিপোর্ত তৌরদুনা স্তেৎ অসিগী কোরোনাভাইরস পোজিতিব অপুনবা মশীং ৮৪,২০ শুখ্রে মসিগী মনুংদা ২৮৩৫না এক্তিব কেসশিংনি। মসিগী অনৌবা অনাবশিং অসি অনম্বনা ইন্দোরদগী অমসুং মতুংদা নীমুচ দিস্ত্রিক্ততগী রিপোর্ত তৌখি। ঙসি নীমুচতগী অনাবা ২৩, ভোপালদগী ৩৫ অমসুং জবলপুরদগী ৬ ফগৎপগী রিপোর্ত তৌখ্রে
- ছতিশগর: খ্বাইদগী নৌবা পাোগী মতুং ইন্না অনৌবা কোবিদ-১৯ কেস ৯ রিপোর্ত তৌরকখ্রে। মসিনা অপুনবা কোরোনাভাইরস পোজিতিব ওইবা কেস ৫৬৪ শুখ্রে, ৪৩৩না এক্তিব কেসনি। অনৌবা কেসশিং অসি বালোদবাজার, কোরবা অমসুং বালোদতগীনি। স্তেৎ অসিদা হোম ক্বারন্তিন তৌদুনা লৈরিবা মীওই ৫১,৫৮৮নি।
- গোৱা: কোবিদ-১৯ নাবা অনৌবা কেস ৬ রিপোর্ত তৌরকখ্রে, স্তেৎকী কোরোনাভাইরস পোজিতিব ওইবা মীওইগী মশীং ৭৯ য়ৌখ্রে, মসিগী মনুংদা ২২না এক্তিব কেসনি। অনাবা মীওই ১৩ লৈবাকপোকপা নুমিৎতা ফগৎখিবগী রিপোর্ত লাক্লি।
পি.আই.বি. ফেক্ত চেক
*****
(Release ID: 1629236)
Visitor Counter : 220
Read this release in:
English
,
Urdu
,
Hindi
,
Marathi
,
Assamese
,
Bengali
,
Punjabi
,
Gujarati
,
Tamil
,
Telugu
,
Kannada
,
Malayalam