হৌজিক্কী ওইনা এক্তিব কেস ৯৭,৫৮১ লৈরি অমসুং মখোয়শিং অসি অকনবা মেদিকেলগী মিৎয়েং মখাদা লৈরি। হৌখিবা পুং ২৪ অসিদা পুন্না কোবিদ-১৯গী পেসেন্ত ৩৬০৮ লাইনা অসিদগী নাবা ফখ্রে। কোবিদ-১৯গী পেসেন্তশিং অসিগী মরক্তা ফগৎলকপগী চাং অসি ৪৮.০৭%নি। ভারতকী ওইনা ফগৎলকপগী চাং অসি লেপ্তনা হেনগৎলক্লি অমসুং শিবগী চাংদি মালেমগী ওইনা খ্বাইদগী নেম্বশিংগী মনুংদা অমনি। ঙসি ফাওবদা শিবখিবগী চাং অসি ২.৮৩%নি।

ভারতকী মীশিং অমসুং খ্বাইদগী হেন্না শোকহল্লবা লৈবাক ১৪গী অপুনবা মীশিংগা হাইরপ মান্নৈ। মীশিং মান্নজরবসু, ২০২০গী জুন ১ ফাওবদা খ্বাইদগী হেন্না শোকহল্লবা লৈবাক ১৪ অসিগী অপুনবা কেসশিং অদু ভারত্তা লৈরিবা কেসশিং অসিদগী শরুক ২২.৫ হেল্লি। খ্বাইদগী হেন্না শোকহল্লবা লৈবাক ১৪ অসিদা কোবিদ-১৯না মরম ওইরগা শিখিবগী অপুনবা অদুনা ভারত্তগী শরুক ৫৫.২ হেল্লি।

ফিভম অসিদা, মরু ওইনা মিৎয়েং চংগদবদুদি মতম চানা কেসশিং অসি খঙদোকপা অমসুং কেসশিং অসিগী ক্লিনিকেল মেনেজমেন্ত মতম চানা তৌদুনা য়ারিবমখৈ শিবগী চাং অসি হন্থহনন্নবা হৌৎগদবনি। শিববগী মশিংদা য়াম্না নেম্লিবসি, মতম চানা কেস খঙদোকপা অমসুং কেসশিং অসিগী ক্লিনিকেল মেনেজমেন্ত মতম চানা তৌহৌবা, হায়রিবা লালোং অনি অসিগী মপালদগীনি হায়বা য়াই।

করিগুম্বা কোবিদ-১৯না মরম ওইরগা শিখিবগী লৈরিবা দেতা অসি নৈনরবদি, ভারত্তা কোবিদ-১৯না মরম ওইরগা শিখিবা ৫০% অসিদা ভারতকী মীশিংগী (চহি ৬০গী মথক্কী মীওইশিং) ১০% খক্তনি। ভারত্তা কোবিদ-১৯না মরম ওইরগা শিখিবশিং অদুগী ৭৩%দি কো-মোর্বিদিতীশিং (দাইবেতিস য়াওনা, হাইপর্তেন্সন, কার্দিয়ো ভাসক্যুলর অমসুং রেসপিরেতরী দিজিজশিং) লৈবা মীওইশিংনি। মরম অদুনা খ্বাইদগী হেন্না খুদোংথিনীংঙাই ওইবা কাংলুপশিং অসিবু চেকশিন্না ঙাক-শেনবা তঙাইফদে।

মসিগী মতাংদা হঞ্জিন-হঞ্জিন্না হায়খ্রে মদুদি য়াম্না খুদোংথিনীংঙাই ওইবা পেসেন্তশিংদা কোবিদ-১৯ ঙাকথোক্নবা মখাদা পীরিবশিং অসি য়াওহন্দুনা লৌখৎকদবা চেকশিন-থৌরাংশিং অদুদি: হান্নদগী লৈরকপা মেদিকেল কন্দিশনশিং (খুদম ওইনা দাইবেতিস, হাইপর্তেন্সন অমসুং কার্দিয়ো ভাসক্যুলর দিজিজশিং)গী কেসতা দোক্তরশিংনা পীবা হিদাকশিং অদু চাং নাইনা মখা চত্থবা; অয়ুশকী মন্ত্রালয়না তাকপা ইম্যুনিতী খনখৎনবগী পাম্বৈশিং অদু শিজিন্নবা খুদম ওইনা হর্বল তী থকপা, ‘কাথা’ শিজিন্নবা, করিগুম্বা মেদিকেলগা মরী লৈনবা পাউতাক্কী মথৌ তাবা মতমদা (খুদম ওইনা সঞ্জীবনি)গুম্বা তেলিমেদিসিন শিজিন্নবা; কোবিদ-১৯গী পেসেন্তশিংগা শোক্না-শম্নরুব্রা হায়বা য়েংশিন্নবা আরোগ্য এপ শিজিন্নদুনা কোবিদ-১৯গী লাইনা হায়বদু ঙন্না লখঙদোকপা অমসুং হকচাংগী ফিভম তোইনা ইশানা য়েংশিঞ্জবা। খংজিনগদবা অমনা করিগুম্বা য়াম্না হেন্না খুদোংথিনীংঙাই ওইবা মীওইশিং অদুনা কোবিং-১৯গী লাইনা অসি নাবগী খুদম ফংলবদি, মখোয়না হেল্পলাইন নম্বরশিংগী খুত্থাংদা তেলিমেদিকেলগী ওইবা নত্রগা দোক্তরদা ইশা চত্তুনা মেদিকেল গাইদেন্স লৌগদবনি।

প্রজাশিংনা ইচম-চম্বা খোংথাংশিং খুদম ওইনা খুৎ-শা অমসুং রেপিরেতরীগী অফবা হাইজিন নীংথিনা চৎপা; খরিগুম্বা কনাগুম্বা অমনা নাবগী খুদম ফংলবদি মখোয়গা কাহেন্না নকশিন্নবদগী লেপ্পা; য়াম্না হেন্না খুদোংথিনীংঙাই ওইবশিং অদুগী মতেং পাংবা মতমদা অরাপ্পা থম্বা; মীয়াম তিনবা মফমশিং অমসুং ধর্মগী ওইবা, মী পুনবদগী লেপ্তুনা য়াম্না খুদোংথিনীংঙাই ওইবা কাংলুপশিং অদুগী মতেং পাংবদা শরুক য়াবা য়াই।

য়াম্না তঙাইফদনা মথৌ তাবা নত্তনা য়ারিবমখৈ য়ুমদা লৈবীনবা পাউতাক পীজরি।

ঐখোয়না কোবিদ-১৯গী মায়োক্তা মাইপাক্নবা, ঐখোয়না মসিবু মীয়ামগী ইহৌ, ‘জন অভিয়ান’ ওইহনসি। প্রজাশিংদা #IndiaWillWin অসি শিজিন্নবা অমসুং মীয়ামদা খঙহনবা, ঙাকথোকনবা হোৎনবা অমসুং মতম চানা লায়েংবা হায়রিবা থবক থৌরম অহুম অসিগী ঐখোয় মশেলবু মতেং পাংনবা কোবিদ-১৯গী মায়োক্তা লান্থেংননবা ৱাশকমিন্নসি হায়না হায়জরি।

কোবিদ-১৯গা মরী লৈনবা ৱাকৎশিং, গাইদলাইনশিং অমসুং পাউতাকশিংগীদমক্তা তশেংবা অমসুং অনৌবা ই-পাউশিংগীদমক্তা চানবিদুনা https://www.mohfw.gov.in/ অমসুং @MoHFW_INDIA দা চংবিয়ু।

কোবিদ-১৯গা মরী লৈনবা তেক্নিকেল ওইবা ৱাহংশিংগীদমক্তা technicalquery.covid19[at]gov[dot]in দা অমসুং অতোপ্পা ৱাহংশিংগীদমক্তা ncov2019[at]gov[dot]in অমসুং @CovidIndiaSeva দগী খঙবিরবা য়াগনি।

কোবিদ-১০গী মরমদা করিগুম্বা অমা হেক্তা খংনীংবা লৈরগদি, হকশেল অমসুং য়াইফ য়ুম্বালগী মন্ত্রালয়গী হেলপলাইন নম্বর +91-11-23978046 নত্রগা 1075 (তোল-ফ্রী) অসিদা ফোন তৌবা য়াগনি। কোবিদ-১৯গী ওইবা রাজ্যশিং/ য়ু.তি.শিংগী হেলপলাইন নম্বরশিংগী লিস্তসু https://www.mohfw.gov.in/pdf/coronvavirushelplinenumber.pdf .তা ফংবিরগনি।