(মসিদা হৌখিবা পুং ২৪ দা থোকখিবা কোবিদ -১৯গা মরী লৈনবা চেফোংশিং, ফিল্দ ওফিসশিংদগী ফংবা পাউশিং, অমসুং পি.আই.বি.না লৌখৎপা ফেক্ত চেকশিং য়াওরি )

• হৌজিক ফাওবদা অনাবা ৯৫,৫২৬ কোবিদ-১৯দগী লায়েংবা ঙমখ্রে। ফগৎলকপগী চাং অসি ৪৮.০৭%নি
• খ্বাইদগী শোকহল্লবা লৈবাক ১৪ অসিগী অপুনবা শীবগী মশিং অসি ভারতকা চাংদম্নবদা শরুক ৫৫.২ হেল্লি
• অপুনবা এক্তিব কেস ৯৭,৫৮১ পুম্নমক লায়েংলি
• অনীংবা লৈবা, য়াওহনবা, শেল থাদবা, ইনফ্রাস্ত্রকচর অমসুং অনৌবা থৌওংনা আত্মনির্ভর ভারত ওইহন্নবা মরু ওইবশিংনি হায়না প্রধান মন্ত্রীনা ফোঙদোকখ্রে
• ম্যুজিক অসি লৈবাক অসিগী অপুনবা পাঙ্গলগী হৌরকফম অমা ওইরক্লি: প্রধান মন্ত্রী

হকশেল অমসুং য়াইফ-য়ুম্বাল মন্ত্রালয়দগী কোবিদ-১৯গী খ্বাইদগী নৌবা পাউ- অনাবা ৯৫,৫২৬ কোবিদ-১৯দগী লায়েংবা ঙমখ্রে

হৌজিক এক্তিব কেস ৯৭,৫৮১ লৈরি অমসুং মখোয় পুম্নমক লায়েংলি। হৌখিবা পুং ২৪দা কোবিদ-১৯ অনাবা ৩৭০৮ ফগৎহনবা ঙমখ্রে। হৌজিক ফাওবদা অনাবা ৯৫,৫২৬ কোবিদ-১৯দগী লায়েংবা ঙমখ্রে। কোবিদ-১৯ অনাবশিংগী মরক্তা ফগৎলকপগী চাং অসি ৪৮.০৭%নি। ভারতকী ফগৎলকপগী চাং অসি হেনগৎলক্লি অমসুং শিবগী চাং অসি মালেমদা খ্বাইদগী নেম্বা ওইরি। ঙসি ফাওবদা শিবগী চাং অসি ২.৮২%নি।

ভারতকী মীশিং অমসুং খ্বাইদগী শোকহল্লবা লৈবাক ১৪গী অপুনবা মীশিং অসি চাওরাক্না মান্নৈ। মান্নবা মীশিং লৈজরবসু জুন ১, ২০২০ ফাওবদা খ্বাইদগী শোকহল্লবা লৈবাক ১৪ অসিগী অপুনবা কেস অসি ভারতকা চাংদম্নবদা শরুক ২২.৫ হেল্লি। খ্বাইদগী শোকহল্লবা লৈবাক ১৪ অসিগী অপুনবা শীবগী মশিং অসি ভারতকা চাংদম্নবদা শরুক ৫৫.২ হেল্লি। হায়রিবা ফীভমশিং অসিদা মতম চানা কেসশিং খঙদোকপা অমসুং কেসশিংগী ক্লিনিকেল মেনেজমেন্তকী খুথাংদা শীবগী মশীং অসি হন্থনবা মীৎয়েং থম্লি। মতম চানা কেসশিং খঙদোকপা অমসুং কেসশিংগী ক্লিনিকেল মেনেজমেন্ত তৌবগী মশা অনি লোংবা পাম্বৈনা শীবগী চাং হন্থহনবদা মতেং পাংগনি।

​অকুপ্পা ৱরোলগীদমক: https://pib.gov.in/PressReleseDetail.aspx?PRID=1628696

অনীংবা লৈবা, য়াওহনবা, শেল থাদবা, ইনফ্রাস্ত্রকচর অমসুং অনৌবা থৌওংনা আত্মনির্ভর ভারত ওইহন্নবা মরু ওইবশিংনি: প্রধান মন্ত্রী

কোরোনানা শাহৌগী খোংজেল অসি তপথহল্লম্বদি য়াই অদুবু খ্বাইদগী মরু ওইবা ৱাফমদি ঐখোয়না লোকদাউনগী মতম লোইশিন্দুনা অন-লোক্কী অহানবা তাঙ্কক্তা চংশিনবা হৌবসিনি হায়না প্রধান মন্ত্রীনা হায়খি। শেন্মিৎলোনগী শরুক অচৌবা অমা অন-লোক ফেজ অহানবা অসিদা হাংদোক্লে। রধান মন্ত্রীনা আত্মনির্ভর ভারত অমা শেম্নবা অমসুং খোংজেল য়াংনা চাউখৎপগী লম্বীদা অমুক পুরক্নবা পোৎশক মঙা হায়খি – অনীংবা লৈবা, য়াওহনবা, শেল থাদবা, ইনফ্রাস্ত্রকচর অমসুং অনৌবা পুথোকপনি। হন্দক সরকারনা লৌখিবা অচৌবা ৱারেপশিংদা পোৎশকশিং অসিগী মমি তাই হায়না মহাক্না হায়খি। সেক্তর কয়া অমসু তুংগীদমক্তা শেম শাদুনা লৈরে হায়না মহাক্না মখা তাখি। মহাক্না মখা তারদুনা মসি হন্দক্তা সরকারনা লৌখিবা শিংথানিঙাই ওইবা ৱারেপতা উবা ফঙগনি। মহাক্না তুংগীদমক সেক্তর কয়া হাংদোক্নবা শেম শাদুনা লৈরে হায়নসু ফোঙদোকখি। প্রধান মন্ত্রীনা ইন্দস্ত্রীশিংবু খুঙ্গংগী শেন্মিৎলোন্দা শেল থাদদুনা অমসুং লৌউবশিংগা চৎমিন্ননবসু হায়খি। খুঙ্গংগী মনাক নকপা মফমশিংদা এগ্রোগী পোত্থোকশিং পুথোকপা কাংলুপ অমা শেম্নবা তঙাই ফদবা ইনফ্রাস্ত্রকচরশিংসু হৌজিক শেম শারি। সরকারনা লৈবাক অসিগী চাউখৎহন্নবা চৎপগী লম্বীদা প্রাইবেৎ সেক্তরশিং অসিনা খোংলোয় ওইগনি হায়না মহাক্না হায়খি।

অকুপ্পা ৱরোলগীদমক: https://pib.gov.in/PressReleseDetail.aspx?PRID=1628613

কনফিদরেসন ওফ ইন্দিয়ন ইনদস্ত্রী চহী হৌবগী সেসন হৌদোকপদা প্রধান মন্ত্রীনা থমখিবা ৰারোল

অকুপ্পা ৱরোলগীদমক: https://pib.gov.in/PressReleseDetail.aspx?PRID=1628587

প্রধান মন্ত্রীনা এস.পি.আই.সি. এম.এ.সি.এ.ৱাই.গী মালেমগী কনভেন্সন্দা ৱা ঙাংখ্রে

অসিগুম্লবা লুরবা মতম অসিদা ঈশৈ নোংমাইগী মীওইশিংনা ৱাখল নীংহন্নদনা লৈববু প্রধান মন্ত্রীনা থাগৎপা ফোংদোক্লি অমসুং কনভেন্সন অসিগী মপুং ওইবা পান্দমদি কোবিদ-১৯না নহাশিংদা ৱাহল্লিবা অসি খরদা ওইরবসু কোক্নবনি। পুৱারিদা লান অমসুং অৱা-অনা তাবা মতমদা ঈশৈ নোংমাইনা পুক্নিং ইথিল হাপখিবা অমসুং মীয়াম্বু পুন্সিনখিবশিংবু নৌহৌননা মহাক্না মীয়ামদা নীংশিংহনখি। কবি, শৈশকপা অমসুং আর্তিস্তশিংনা অসিগুম্বা মতমসিদা মীয়ামদা থৌনা হাপ্নবা ঈশৈ অমসুং শৈরেং কয়া ইখি হায়না মহাক্না হায়খি। মালেম অসিনা মীৎনা উবা ঙমদবা য়েক্নবা অমগা লান্থেংনরিবা অসিদা শৈশকপশিং, শৈরেংবশিংনা ঈশৈ কয়া ইদুনা মীয়ামগী থাজবা হেনগৎহল্লি হায়না প্রধান মন্ত্রীনা হায়খ্রে।

অকুপ্পা ৱরোলগীদমক: https://pib.gov.in/PressReleseDetail.aspx?PRID=1628387

ওপরেসন সমুদ্র সেতু- শ্রী লঙ্কাদগী ভারত মচাশিং পুরকখিবা আই.এন.এস. জলশ্বা তুতিকোরিনগীদমক খোংশানখ্রে

ইন্দিয়ন নেভেল শিপ জলশ্বা ঙসি(জুন ১, ২০২০)নুমিদাং ৱাইরমদা শ্রী লঙ্কাগী কোলমবো থাদোকখ্রে, মসিদা ভারত মচা ৬৮৫ তোংলি অমসুং তামিল নাদুগী তুতিকোরিনগী পোর্তকীদমক খোঙশানখ্রে। ভারত লৈঙাকনা লোঞ্চ তৌখিবা মিসন ভন্দে ভারতকী মখাদা ইন্দিয়ন নেভিগী ওপরেসন সমুদ্রা সেতুগী শরুক অমা ওইনা জহাজ অসিগী অহুমশুবা খোঙচৎ অসিদা সমুদ্রগী লম্বেলদা ভরাত মচা কয়া মপাল লমগী তোর্বানশিংদগী ময়ুম লমদমদা পুরকপগী মথৌ তৌরি।

অকুপ্পা ৱরোলগীদমক: https://pib.gov.in/PressReleseDetail.aspx?PRID=1628471

ঙাকশেন মন্ত্রী রাজনাথ সিংহনা ফ্রান্সকী আর্ম ফোর্সেস মিনিস্তরগা ৱারি শানখ্রে

ঙসি ঙাকশেন মন্ত্রী রাজনাথ সিংহনা ফ্রান্সকী আর্ম ফোর্সেস মিনিস্তর ফ্লোরেন্স পার্লীগা তেলিফোন্দা ৱারি শানখ্রে। মখোয়না কোবিদ-১৯ ফিবম, ঙাকশেন অমসুং ভারত অমসুং ফ্রান্সকী মরক্তা নাকল অনিগী ঙাকশেনগী মতেং পীনবা হেনগৎহনবগী মতাংদা খন্নখি। কোবিদ-১৯ লাইচৎ থেংননবা ভারত অমসুং ফ্রান্সকী লান্মীশিংনা পায়খৎলিবা থবকশিং মিনিস্তর অনিনা থাগৎখি। কোবিদ-১৯ লাইচৎকী খুদোংচাবদা কয়া মায়োক্নরবসু লৈবাক অসিনা মতম চানা রাফেল এয়রক্রাফ পীনবা হোৎনগনি হায়না ফ্রান্সনা অমুক হন্না থাজবা পীখি।

অকুপ্পা ৱরোলগীদমক: https://pib.gov.in/PressReleseDetail.aspx?PRID=1628615

তি.আর.আই.এফ.ই.দি.না কোবিদ-১৯না মরম ওইদুনা থোক্লিবা ফীভমশিং অসিদা অৱাবা মায়োক্নরিবা ত্রাইবল আর্তিসশিংদা মতেং পাংখ্রে

মিনিস্ত্রি ওফ ত্রাইবল এফিয়র্সকী মখাদা লৈরিবা তি.আর.আই.এফ.ই.দি.না কোবিদ-১৯না মরম ওইদুনা থোক্লিবা ফীভমশিং অসিদা অৱাবা মায়োক্নরিবা ত্রাইবল আর্তিসশিংদা মতেং পাংনবা পাম্বৈ খুদিংমক পাইখৎখ্রে। মসিনা আর্তিসশিংনা মখোয়গী পোত্থোকশিং পুথোকপা অমসুং য়োনবগী থবক হৌবদা মতেং পাংনবা ত্রাইবস ইন্দিয়া রিতেল অমসুং ই-কোম প্লেৎফোর্ম (www.tribesindia.com) গী খুথাংদা অথুবা প্লান অমা লাওথোকখ্রে। মসিগী মতুং ইন্না তি.আর.আই.এফ.ই.দি.না মখোয়গী আউৎলেৎ অমসুং ই-কম্মর্স পোর্তেল খুদিংমক ত্রাইবল কম্মর্স মতেং পাংনবা হাঙদোকখ্রে। তি.আর.আই.এফ.ই.দি.না মসিগী পোত্থোকশিং অসি লৈবাক শিনবা থুংনা লৈরিবা অপুনবা রিতেল নেতৱার্কশিং অমসুং ই-কোম পোর্তেলশিংগী খুথাংদা পুক্নিং চিংশিন্নিঙাই ওইরবা দিস্কাউন্তশিংগা লোয়ননা য়োনবা হৌরগনি। ত্রাইবল মাস্তর ক্রাফমেন অমসুং নুপিশিংনা থেংনরিবা অৱাবা অসি য়েংলগা য়োল্লিবা অদুগী ১০০% ত্রাইবল আর্তিসশিংদা ত্রান্সফর তৌনবা ৱারেপ লৌখ্রে।

অকুপ্পা ৱরোলগীদমক: https://pib.gov.in/PressReleseDetail.aspx?PRID=1628652

নোবেল কোরোনাভাইরসকা লৈমিন্ননবা পাম্বৈ মঙা

নুমীৎ ৭০নিগী লোকদাউনগী মতুংদা অনলোক ১.০ থবক ওইনা পাংথোকপা হৌখ্রে। জুন ১, ২০২০দগী ওফিসিএল ওইনা হৌগদৌরিবা লোকদাউন ৫.০দগীদি শেনমিৎলোন অমসুং মহৌশাগী পুন্সি অসি চেকশিনবা অমসুং তাঙ্কক নায়না হান্নগুম্না হঞ্জিল্লক্লগনি। মসিনা অনৌবা মহৌশাগী পুন্সিগী অহৌবা ওইরগনি। মসি য়াম্না শাংবা খোঙকাপ অমদি ওইগনি। অখং অহৈ অমসুং ওফিসিএলশিংনা “ঐখোয় ভাইরস অসিগা লৈমিন্নবা তমগদবনি” হায়না হায়নরি। বেক্সিন পুথোকপদা থা কয়া ৱাৎখিগদবা অসিনা ঐখোয়না অনৌবা মহৌশাগী পুন্সি অমা হৌবা তাই। ইন্দিয়া সাইন্স ৱায়রদা ৱা ঙাংবদা ভারত সরকারগী প্রিন্সিপল সাইন্তিফিক এদবাইজর প্রোফেসর কে. বিজয় রাঘবন্না ‘ভাইরসকা লৈমিন্নবগী’ পাম্বৈ খরা হায়খি।

অকুপ্পা ৱরোলগীদমক: https://pib.gov.in/PressReleseDetail.aspx?PRID=1628559

সি.এস.আই.আর.-এন.ই.আই.এস.তি., জোর্হাৎতা কোবিদ-১৯ তেস্তিং লেবোরেতরী শঙ্গাখ্রে

নোর্থ ইস্ত ইনস্তিত্যুৎ ওফ সাইন্স এন্দ তেক্নোলোজী (এন.ই.আই.এস.তি.)গী জোর্হাৎ কেম্পসতা কোবিদ-১৯ তেস্তিং লেবোরেতরী অমা লিংখৎখ্রে‍।

অকুপ্পা ৱরোলগীদমক: https://pib.gov.in/PressReleseDetail.aspx?PRID=1628560

পি.আই.বি. ফিল্দ ওফিসশিংদগী ফংবা পাউ

• পঞ্জাব: স্তেৎ অসিনা কোবিদকী মাইয়োক্তা শোকপা লান অসি মখোংদগী হৌনবা পঞ্জাবকী চীফ মিনিস্তরনা ‘মিসন ফতেহ’কী শরুক অমা ওইনা লাইচৎ অসিগী মরমদা এৱেরনেস পীনবা থা অমা শাংবা দ্রাইভ লোঞ্চ তৌখ্রে।মিসন ফতেহ অসিগী ৱাখল্লোন অসি ফ্রনলাইন ৱার্করশিংদগী হেন্না কোনশিন্নবা কেম্পেন অসিনা পঞ্জাবকী প্রজাবু মসিগী মখাদা চলহন্দুনা কোবিদকা শোক্নরিবা লান অসি মীয়ামগী, মীয়াম্না অমসুং মীয়ামগীদমক ওইহনগদবনি হায়না চীফ মিনিস্তরনা ফোংদোকখ্রে।মীয়ামদা শাথিরবা খুদোংথিনা কয়া থোকহল্লিবা, ভারস অসিগী খুদোংথিবশিং অদু খঙদোকপা অসিনা মরু ওই হায়না লৌগদবনি। লৌখৎকদবা চেকশিন থৌরাংশিংগী খুদম অমসুং পাওতাক কয়া পীদুনা মীয়ামবু লমজিংগদবনি অমসুং মসি থুগাইবা অদু রিপোর্ত তৌগদবনি হায়খ্রে।
• হরিয়ানা: সোসিএল দিস্তেন্সিং কাংলোনশিং ঙাকনা চৎনবা খঙহনবগা লোয়ননা স্তেৎকী হোম মন্ত্রীনা স্তেৎ অসিগী দুকানশিং অয়ুক্কী পুং ৯দগী নুমিদাং পুং ৭ ফাওবা হাংবা য়াবগী অয়াবা পীখ্রে।মহাক্না হায়খি মদুদি ওদ-ইভন নত্রগা ওই-য়েৎকী ওইবা ফোরম্যুলা শীজিন্নরোই মদুগী মহুত্তা এদমিনিস্ত্রেসননা মফম অদুগী ফীভমগী মতুং ইন্না মী চিনবা কৈথেলশিংদা সোসিএল দিস্তেন্সিং কাংলোনশিং ঙাকনা চৎনবা খঙহনগনি। কেন্দ্র লৈঙাকনা পীবা য়াথংবু ঙাকপা ওইনা নুমিদাং পুং ৯দগী অয়ুক পুং ৫ ফাওবা কর্ফিয়ু থমগনি অমসুং মসিগী মনুংদা থবক থৌরম অমতা অয়াবা পীরোই।
• হিমাচল প্রদেশ: কোরোনা লাইচৎ অসি থোক্লকপগী লোকদাউন তৌরিঙৈ অসিদা হিমাচল প্রদেশতা চংলকপা মাইগ্রেন্তশিংগী ওইবা মখোয়গী দাতা বেস অমা ইনফোর্মেসন তেক্নোলোজি বিভাগনা দেভেলোপ তৌখিবা স্কিল রেজিস্তর চীফ মিনিস্তরনা লোঞ্চ তৌখ্রে। অপাম্বা মীনা skillregister.hp.gov.in.গী খুত্থাংদা রেজিস্তর তৌনবা মহাক্না হায়খি।পোর্তেল অসিদা তোঙান-তোঙানবা কম্পনীশিং অমসুং ইন্দস্ত্রীএলগী য়ুমশিংনসু মথৌ তাবশিং রেজিস্তর তৌবা য়াগনি হায়না মহাক্না হায়। মসিনা স্তেৎ অসিদা হল্লকলবা মীওইশিংগী মহৈগী থাক, হৈশীংবশিং অমসুং থবক থীরিবা অদুবু অপলোদ তৌগনি হায়না মহাক্না ফোংদোকখি। মসিনা স্তেৎ অসিদা লৈবা হৈশীংবশিং খঙদোকপা অমসুং হৈশীং অদু হেনগৎহন্নবা মথৌ তাবা অদুসু য়েংশিনগনি লোয়ননা মসিনা ইন্দস্ত্রীশিংবু বতন অমদা ক্লিক তৌবদা হৈশীংলবা মেনপাৱরগী মরমদা ই-পাওসু ফংহল্লগনি হায়না মহাক্না ফোংদোকখি
• অরুনাচল: পি.এম.কে.এস.য়াই.গী মখাদা লৌমী লিশিং ৬৮রোমদা কন্দ্র লৈঙাকনা লুপা ২০০০ পীখ্রে অমসুং স্তেৎ লৈঙাকনা অহেনবা লুপা ১০০০ মখোয়দা পীখ্রে।
• অসাম: দেফেন্স রিসর্চ অমসুং দেভেলোপমেন্ত ওর্গনাইজেসননা অসামগী তেজপুরদা লৈবা দেফেন্স রিসর্চ লেবরেতোরী অসি কোবিদ-১৯গী ওথোরাইজ তেস্তিং সেন্তর অমা ওইনা এপ্রুফ তৌরকখ্রে। অসামদা অনৌবা কোবিদ-১৯ পোজিতিব কেস ২৮ লৈখ্রে। অপুনবা কেস ১৫১৩. ফগৎখ্রবা ২৮৪, এক্তিব কেস ১২২২ অমসুং শীখিবা ৪ শুখ্রে।
• মনিপুর: মনিপুরদা অনৌবা পোজিতিব কেস অনি থেংনখ্রে। অপুনবা পোজিতিব কেস স্তেৎ অসিদা ৮৫ শুদুনা একতিব কেস ৭৪ শুখ্রে।
• মিজোরাম: গাভর্নর শ্রী স্রীধারন পিল্লাইনা মে, ২০২০দগী হৌদুনা মহাক্কী তলপগী গ্রোসকী ৩০% অদু থা তরুক চুপনা চীফ মিনিস্তর রেলিফ ফন্দদা হাপকনি খঙহনখ্রে। চীফ মিনিস্তরনা মহাক্কী তলপকী বেসিক পেগী ৬০% কোবিদ-১৯ শন্দোকপা হন্থহন্নবা চীফ মিনিস্তর রেলিফ ফন্দদা খৎথোকখ্রে।স্পীকরনা ময়াই তাংবল লৌদুনা লেজিস্লেতরশিংগা লোয়ননা ফমখিবা মীফম অদুদা লৌখিবা ৱারেপ অমগী মতুংদা মসি তৌখিবনি।
• নাগালেন্দ: লৈঙাকনা হৌজিক চৎথরিবা লোকদাউনগী চৎনা কাংলোন অসি অদুমক লৈখিগনি অমরোমদা হল্লকপা মীগী মশীং হেনৎলকপা অসিগা ইরোইন্না দিমাপুর তাস্ক ফোর্সনা মসিদা শেমদোক শেমজিন খজিক তৌরি। দিমাপুরদা লৈঙাকনা চল্লাইবা অশানবা কা অসি কোবিদ-১৯ হোস্পিতাল ওন্থোকনবা নাগালেন্দ লৈঙাকনা ৱারেপ লৌখ্রে।
• সিক্কিম: দিপ্লোমা কলেজ অমা ওইরিবা চিসোপানিগী সেন্তর ফোর কম্প্যুতরস এন্দ কম্ম্যুনিকেসন তেক্নোলোজি অসি খাথংবা সিক্কিমগী রিতর্নীশিংগী ওইবা শেল তিংদনা লৈনবা ইন্সতিত্যুস্নেল ক্বারন্তিন সেন্তর ওন্থোকখ্রে।
• মহারাস্ত্র: অনৌবা কোবিদ-১৯গী কেস ২,৩৬১ অমসুং শীখিবা ৭৬, পুং ২৪ অসিদা থেংনখ্রে, মসিনা অপুনবা কেস মশীং ৭০,০১৩ শুহনখ্রে অমসুং শীখীবা মশীং ২,৩৬৩ য়ৌখ্রে। হৌজিক এক্তিব ওইরিবা কেস মশীংনা ৩৭,৫৪৩নি। মহারাস্ত্রনা হৌজিক ফাওবদা তেস্ত ৪,৭১,৪৭৩ তৌখ্রে, মসি ভারতকী স্তেৎশিংগী ওইনা খ্বাইদগী ৱাংবা ওইরি। নোংপোক থংবদা লৈরিবা মেত্রোপোলিস অসিনা কোরোনাভাইরস অসিগী লাইচৎ লান্থেংনরিঙৈ চৈরক অসিদা জুন ৩গী নুংথিলদা নুংশিংকী খোংজেম পুংদা কিলোমীতর ১০০-১১০ ওইবা নোংলৈ নুংশিৎ নিসার্গ অসিনা অলিবাগ ফাওনা চৎকদৌরি। মসিগী চেকশিল থৌরাং ওইনা স্তেৎ ওথোরিতীনা বি.কে.সি.গী মফম অমদা লৈরিবা মতম খরাগী ওইনা শেম্বা লাইওং উৎতবা কোবিদ-১৯গী অনাবা ১৫০ অসি ৱোর্লিদা লৈবা মথক ফজনা কুপ্পা য়ুমথক্তা লৈবা ফেসিলিতী অমদা হোংদোক্নবা খন্নখ্রে।
• গুজরাৎ: অনৌবা কেস ৪২৩ হেনগৎলক্তুনা পুং ২৪ অসিদা অপুনবা কোবিদ-১৯ কেসকী মশীং ১৭,২১৭ য়ৌখ্রে। ২৬ অনৌবা শীখিবগী রিপোর্ত তৌরক্তুনা স্তেৎ অসিগী শীখিবগী মশীং ১,০৬৩ শুরে। স্তেৎ অসিগী তোঙান তোঙানবা হোস্পিতালশিংদগী কোবিদ-১৯ নরাম্বা মীওই ৮৬১ দিচার্জ তৌখিবা রেকোর্দ তৌখ্রে। মসি থারগা স্তেৎ অসিদা ফগৎখিবা মশীং ১০,০০০ হেনখ্রে। স্তেৎ এদমিনিস্ত্রেসননা হয়েং গুরজাৎকী খাথংবা সমুদ্রা খোংবালদা শোকহল্লবা য়াই হায়না পান্নরিবা নোংলৈ নংশিৎ নিসার্গ মাইয়োকন্নবা শেম শাখ্রে। চীফ মিনিস্তর ভিজেয় রুপানিনা ঙসি মরী লৈনবা দিস্ত্রিক কল্লেক্তরশিংদা লো লাইয়েং এরিয়াশিংদা লৈবা মীয়ামবু শাফগদবা মফম অমদা হয়েং নুংথিল ফাওবগী মনুংদা হোংদোকনবা য়াথং পীখ্রে।মফম হোংদোকপা মতমদা কোবিদ-১৯ শন্দোকপা থীংনবা, সোসিএল দিস্তেন্সিং তৌবা, মাস্ক উপ্পা অমসুং পি.পি.ই. স্যুতশিং শেৎনবা কল্লেক্তরশিংদা খঙহনখ্রে।
• মধ্য প্রদেশ: হৌখিবা পুং ২৪ অসিদা অনৌবা কেস ১৯৪ রিপোর্ত তৌখ্রে। স্তেৎ অসিদা হৌজিক ফাওবদা কোবিদ-১৯ কেস ৮,২৮৩ অমসুং মসিনা মরম ওইদুনা শীবা ৩৫৮ রিপোর্ত তৌখ্রে। হৌজিক ফাওবদা ভাইরস অসিনা স্তেৎ অসিগী অপুনবা দিস্ত্রিক ৫২গী মনুংদা ৫১ শোকহনখ্রে। অদুগা লিশিং ৫ হেনবনা ইনফেক্সন অসিদগী ফগৎপা ঙমখ্রে।
• রাজস্থান: অপুনবদা মীওই ১৭১ ঙসি কোবিদ-১৯ পোজিতিব ওইদুনা অপুনবা রিপোর্ত তৌবা কেস মশীং ৮,৯৮০ শুখ্রে। অদুম ওইনমক স্তেৎ অসিদা এক্তিব কেস ২,৭৪২ খক্তনি অদুগা মীওই ৬,০৪০না ফগৎলদুনা দিসচার্জ তৌখ্রে।
• ছত্তিশগর: খ্বাইদগী নৌবা পাউদা কোবিদ-১৯ অনাবা কেস ৪৫ হাপচিন্দুনা রিপোর্ত তৌবা কেস মশীং ৫৪৭ য়ৌখ্রে। স্তেৎ লৈঙাক্না রাইপুর য়াওনা দিস্ত্রিক ১৬ রেদ ওইনা লাওথোকখ্রে অদুগা দিস্ত্রিক ১৭না ওরেঞ্জ জোন ওইনা লাওথোকখ্রে।

পী.আই.বি. ফেক্ত চেক

*****