ঙসি কনফিদরেসন ওফ ইন্দিয়ন ইন্দস্ত্রী (সি.আই.আই.)গী ১২৫শুবা চহীগী সেসন্দা প্রধান মন্ত্রীনা ভিদিও কনফরেন্সকী খুত্থাংদা হৌদোকপগী ৱা ঙাংখ্রে। হন্দক্কী চহীগী কনফরেন্স অসিগী হিরমদি “অনৌবা মালেমগী ভারত শেমগৎপাঃ পুন্সি, পুন্সি মহিং, শাহৌ” নি।

থৌরম অসিদা ৱা ঙাংবদা প্রধান মন্ত্রী নরেন্দ্র মোদীনা কোরোনানা মরম ওইদুনা অসিগুম্বা ওনলাইনগী থৌওং অসিনা অনৌবা মহৌশা অমা ওইরে হায়খি। অসিগুম্না খুদোংচাদবা কয়াগী মরক্তগী লম্বী অমা পুথোকপা ঙম্বসি মীওইবগী খ্বাইদগী কনবা মপাঙ্গলনি হায়না মহাক্না হায়খি। মাইকৈ অমদনা ভাইরস অসি লান্থেংননবা অকনবা চেকশিন থৌরাং লৌখত্তুনা পুন্সি কয়া কল্লি অমসুং মাইকৈ অমদনা ঐখোয়গী শেন্মিৎলোনবু খোংজেল য়াংনা ফগৎহন্নবা হোৎনরি হায়না মহাক্না হায়খি।

হন্দক্কী চহীগী সেসন অসিগী হিরম পল্লদুনা প্রধান মন্ত্রীনা “শাহৌ অমুক হন্না ফংবা”গী ৱা খন্নবা হৌদোকপগীদমক ভারতকী ইন্দস্ত্রীশিংবু থাগৎপা ফোঙদোক্লি। মহাক্না ইন্দস্ত্রীশিংদা মসিগী ৱাংমদা চৎনবা হায়খি অমসুং ঐখোয়না শুংশোই শোইদনা শাহৌ অমুক্কা ফংগনি হায়খি। মহাক্না ভারতনা ইরাং থেংনবা ঙম্বগী মতিক, ভারতকী তৌবা ঙম্বা অমসুং তেক্নোলোজী, ভারতকী অনৌবা পুথোকপা ঙম্বগী ৱাখল্লোন, ভারতকী লৌউবশিং, এম.এস.এম.ই.শিং, ওন্তপ্রিনরশিংদা থাজবা লৈরিবা অসিনা ঐখোয়গী শাহৌ শোইদনা হন্না ফংবা ঙমগনি হায়না ফোংদোকখি।

কোরোনানা শাহৌগী খোংজেল অসি তপথহল্লম্বদি য়াই অদুবু খ্বাইদগী মরু ওইবা ৱাফমদি ঐখোয়না লোকদাউনগী মতম লোইশিন্দুনা অন-লোক্কী অহানবা তাঙ্কক্তা চংশিনবা হৌবসিনি হায়না পি.এম.না হায়খি। শেন্মিৎলোনগী শরুক অচৌবা অমা অন-লোক ফেজ অহানবা অসিদা হাংদোক্লে। জুন ৮গী মতুংদদি অতোপ্পা কয়া অমসু হাংদোক্লগনি। শাহৌ অমুক হন্না লৌশিনবা হৌরে হায়না মহাক্না হায়খি।

কোরোনা ভাইরসনা মালেমদা শন্দোরকপা হৌবা মতমদা ভারতনা মতম চানা অচুম্বা খোংথাং কয়া অমা লৌখৎখি হায়না প্রধান মন্ত্রীনা হায়খি। অতোপ্পা লমশিংগা চাংদম্নবদা ঐখোয়গী লোকদাউন অসিনা কয়া য়াম্না কান্নবা ফংখিবগে হায়বদু ঙসিদি খঙলে হায়না মহাক্না হায়খি। কোরোনাগী মায়োক্তা ঐখোয়গী শেন্মিৎলোন ফগৎহনবা হায়বসি ঐখোয়না খ্বাইদগী হান্না তৌফম থোকপনি হায়না মহাক্না হায়খি। মসিগীদমক্তা সরকারনা খুদক্তা অমসুং মতম শাংনা কান্ননবা ৱারেপ কয়া লৌরি হায়না মহাক্না মখা তাখি।

হৌজিক ওইরিবা ইরাং অসিগী মনুংদা মীয়াম্বু মতেং পাংনবা সরকারনা পায়খৎখিবা খোংথাং কয়া অমা প্রধান মন্ত্রীনা পনখি। প্রধান মন্ত্রী গরীব কলয়ান য়োজনানা লাইরবশিংদা হকথেংননা মতেং পাংখি। স্কিম অসিগী মখাদা বেনিফিসরী কোতি ৭৪ রোমদা রেসন য়েন্থোকখি। মাইগ্রেন্ত শিন্মীশিংদা রেসন লেম্না য়েনখি। নুপী, নাম্ম-শোইবা, অহল-লমন, শিন্মী অমসুং মীওই খুদিংনা মসিগী কান্নবা ফংখি। লোকদাউন মনুংদা সরকারনা লাইরবশিংদা গ্যাস সিলিন্দর কোতি ৮ হেনবশিং লেম্না পীখি। লন্নাইগী থবক তৌবা মীওই লাখ ৫০সু মখোয়গী বেঙ্ক একাউন্ততা মখোয়গী ই.পি.এফ.কী ২৪% সরকারগী মাইকৈদগী ফংখি অমসুং মসিগী শেনফম অসি চাউরাক্না লুপা কোতি ৮০০নি।

প্রধান মন্ত্রীনা আত্মনির্ভর ভারত অমা শেম্নবা অমসুং খোংজেল য়াংনা চাউখৎপগী লম্বীদা অমুক পুরক্নবা পোৎশক মঙা হায়খি – অনীংবা লৈবা, য়াওহনবা, শেল থাদবা, ইনফ্রাস্ত্রকচর অমসুং অনৌবা পুথোকপনি। হন্দক সরকারনা লৌখিবা অচৌবা ৱারেপশিংদা পোৎশকশিং অসিগী মমি তাই হায়না মহাক্না হায়খি। সেক্তর কয়া অমসু তুংগীদমক্তা শেম শাদুনা লৈরে হায়না মহাক্না মখা তাখি।

ঐখোয়গী ওইনদি শেমদোকপা হায়বসি পংখন্দা খনবা ৱারেপ নত্তে হায়না পি.এম.না হায়খি। ঐখোয়গীদি শেমদোকপা অসি খল নায়বা, হান্ননা য়াৎথোক্লবা, পুন্সিল্লবা, অমগা অমগা শম্নবা অমসুং তুংগী ওইনা খল্লগা পাংথোকপা থৌওংশিংনি। লন্নাইগী ফর্মশিংদা পুক্নিং থৌগৎকদবা ইন্সোলবেন্সী এন্দ বেঙ্ক্রপসি কোদ (আই.বি.সি.), বেঙ্ক পুন্সিনবা, জি.এস.তি. অমসুং ফেসলেস আই.তি. এসেস তৌবনচিংবা সরকারগী খোংথাং কয়া অমগী মতাংদসু পনখি।

লৈবাক অসিনা থাজবা থমদ্রবা পোলিসী কয়া অমা শেমদোক্নবা খোংথাংশিংসু পায়খৎলি হায়না প্রধান মন্ত্রীনা হায়খি। নীংতম্বা ফংলবা মতুংদা লৌউ-শিংউগী সেক্তরদা চৎনরম্বা চৎনবী অসিনা লৌউবশিংবু ময়ায়দা লৈবা মীওইশিংগী মখুত্তা লৈহল্লি হায়না প্রধান মন্ত্রীনা হায়খি। এগ্রিকলচরেল প্রদ্যুস মার্কেৎ কমিতী (এ.পি.এম.সি.) এক্ত শেমদোকখ্রবা মতুংদদি হৌজিক লৌউবশিংনা মখোয়গী পোত্থোকশিং অসি মীওই অমা হেক্তদা অমসুং লৈবাকসিগী রাজ্য অমা হেক্তদা য়োনবা য়াবগী হক লৈরে।

ঐখোয়গী শিন্মীশিংগী য়াইফ য়ুম্বালবু য়েংলদুনা শিন্মীশিংগীদমক্তা অহোংবা অমা পুরক্নবা শেমদোক্লিবা অসি থবক ফংবগী খুদোংচাবা হেনগৎনবনি হায়না প্রধান মন্ত্রীনা হায়খি। প্রাইবেৎ সেক্তরশিং চংবা য়ারমদবা নন-স্ত্রেতজিক সেক্তরশিংসু হৌজিক্তি হাংদোক্লে। কোয়লাগী সেক্তর্দা কম্মর্সিএল মাইনীং তৌবসু হৌজিক্তি য়ারে হায়না মখা তানা হায়খি। মাইনীং সেক্তর, ইনর্জী সেক্তর নত্ত্রগা রিসর্চ অমসুং তেক্নোলোজী, ইন্দস্ত্রীশিংনা ভারতনা চংশিল্লক্লিবা মাইকৈ অসিদা হিরম খুদিংদা খুদোংচাবা ফংগনি অমসুং নহারোলশিংগী ওইনসু অনৌবা খুদোংচাবা কয়া অমা পীগনি। হায়রিবশিং অসি লান্থোক্তুনা হৌজিক্তি লৈবাক অসিগী স্ত্রেতজিক সেক্তরশিংদা লন্নাইগী লুপশিংনা শরুক য়াবা ফংলকপা অসিসু অওইবা ওইরক্লি। হৌজিক্তি নখোয়না স্পেস সেক্তরদা নত্ত্রগা এতোমিক ইনর্জীগী লমদা অনৌবা কয়া থিজিন্নিংবশিং অদু থবক ওইনা পাংথোকপা য়ারগনি হায়না পি.এম.না হায়খি।

মাইক্রো, স্মোল এন্দ মীদিয়ম ইন্তর্প্রাইস (এম.এস.এম.ই.) সেক্তর অসি লৈবাকসিগী ইকোনোমিক ইঞ্জিনগুম্বনি অমসুং মসিনা জি.দি.পি.দা ৩০%গী শরুক পীরিবনি হায়না প্রধান মন্ত্রীনা হায়খি। ইন্দস্ত্রী অসিনা এম.এস.এম.ই.গী মতম কুইনদগী পীগদবা ৱাহন্থোক অদু হৌজিক্তি পীরে হায়না মহাক্না হায়খি। মসিনা এম.এস.এম.ই.শিংনা অতোপ্পগী মতেং লৌদনা চাউখৎপা ঙমহল্লগনি। লৈবাক অসিদা এম.এস.এম.ই.শিংদা লৈরিবা মীওই কোতি কয়া অসিদা কান্নবা পীবা ওইনা মালেমগী ওইবা লুপা কোতি ২০০গী মথক্তা লৈবা তেন্দর খুদিংমক্তা অথিংবা থমখ্রে হায়না মহাক্না মখা তাখি।

মালেম্না ভারত্তা থম্বা থাজবা য়াম্না হেনগৎলে হায়না পি.এম.না হায়খি। ভারতনা লম ১৫০ হেনববু হিদাক-লাংথক পীদুনা মতেং পাংখি হায়না মহাক্না মখা তাখি। মালেম্না থাজবা য়াবা খোংলোয় অমা থীরি হায়না মহাক্না হায়খি। ভারত্তা তৌবা ঙম্বগী মতিক অমসুং পাঙ্গল লৈ। ভারত্তা থম্লক্লিবা থাজবা অসিগী মপুং ফাবা খুদোংচাবা লৌগদবনি হায়না মহাক্না হায়খি।

শাহৌ হন্না অমুক লৌবসি য়াম্না লুবদি নত্তে হায়না হায়খি। খ্বাইদগী অচৌবা ৱাফমদি ভারতকী ইন্দস্ত্রীদা আত্মনির্ভর ভারত হায়বা লম্বী অমা লৈরিবসিনি। আত্মনির্ভর ভারতকী ৱাহন্থোক অসিদি ঐখোয় পাঙ্গল কনখৎলক্তুনা মালেমবু শাগোল্লক্কনি হায়বনি হায়না মহাক্না শুগাইনা তাকখি। আত্মনির্ভর ভারতনা মালেমগী শেন্মিৎলোন্দা মতেং পাংদুনা মপুং ফানা পুনশিনগনি হায়বনি।

ঐখোয়গী ইরমদম মনুংদা পোত্থোক মতিক চানা পীবা ঙমদুনা মালেমদসু পীবা ঙম্নবা অচৌবা থৌরাং অমা শেম্বগী তঙাইফদবগী মতাংদা প্রধান মন্ত্রীনা পনখি। সি.আই.আই.গুম্বা অচৌবা ইন্সতিত্যুসনশিংনা মাং থানা থোক্লক্তুনা কোরোনাগী মতুংদা ভারতপু মরোমদোম লেপচবা লৈবাক অমা ওইহন্নবা অনৌবা শক্লোন অমা লৌ হায়না হায়খি। মালেমগী পোৎশিংসু ভারত্তা শানবগী তঙাইফদবগী মতাংদসু মহাক্না পনখি। সেক্তর খুদিংমক্তা পোত্থোক হেন্না পুথোকপা ঙম্নবা ইন্দস্ত্রীশিংনা পান্দম অমা থম্নবসু মহাক্না হায়খি। মহাক্না ইন্দস্ত্রীশিংবু থা অহুমগী মনুংদা কোতি চামরোমগী শেনফমগী পর্সনেল প্রোতেক্সন ইক্বিপমেন্ত পুথোকপগীসু থাগৎপা ফোংদোকখি।

প্রধান মন্ত্রীনা ইন্দস্ত্রীশিংবু খুঙ্গংগী শেন্মিৎলোন্দা শেল থাদদুনা অমসুং লৌউবশিংগা চৎমিন্ননবসু হায়খি। খুঙ্গংগী মনাক নকপা মফমশিংদা এগ্রোগী পোত্থোকশিং পুথোকপা কাংলুপ অমা শেম্নবা তঙাই ফদবা ইনফ্রাস্ত্রকচরশিংসু হৌজিক শেম শারি। সরকারনা লৈবাক অসিগী চাউখৎহন্নবা চৎপগী লম্বীদা প্রাইবেৎ সেক্তরশিং অসিনা খোংলোয় ওইগনি হায়না মহাক্না হায়খি। ইন্দস্ত্রীশিংগী আত্মনির্ভর ভারত অভিয়ানগা মরী লৈনবা তঙাই ফদবা খুদিংমক পীগনি হায়না মহাক্না হায়খি। ইন্দস্ত্রী খুদিংমক্না ভারত অসি মরোমদোম লেপচবা ঙমহন্নবা ৱারেপ লৌদুনা পান্দম অসি ফংনবা লৈজবী পাঙ্গল পুথোক্তুনা হোৎনবীয়ু হায়না প্রধান মন্ত্রীনা হায়খি।

***