রেলৱেজ মন্ত্রালয় (এম.ও.আর.)না হকশেল অমদি য়াইফ য়ুম্বাল মন্ত্রালয় (এম.ও.ওচ.এফ.দবল্যু.) অমসুং গৃহ মন্ত্রালয় (এম.ঐচ.এ.)গা তানরবা মতুংদা জুন ১, ২০২০দগী হৌরগা ইন্দিয়ন রেলৱেজগী ত্রেন সর্বিস শরুক খরগা অমুক হান্নগী ফীভমদা হঞ্জিলহল্লগনি হায়না লাউথোকখ্রে‍। জুন ১দগী চেনবা হৌগদৌরিবা ত্রেন ২০০ অসিগী অহানবা নুমিত্তা পেসেঞ্জর লাখ ১.৪৫ হেনবনা তোংদুনা চৎকদৌরি‍। হয়েং (হায়বদি জুন ১, ২০২০) ইন্দিয়ন রেলৱেজনা পেসেঞ্জর সর্বিস ২০০ এনেক্সচরদা (লিঙ্ক মখাদা পীরি) য়াওরিবা অসিগী মতুং ইন্না চেনবা হৌহল্লগনি‍।

পেসেঞ্জর ত্রেন সর্বিস তাঙ্কক নাইনা হান্নগী ফীভমদা হঞ্জিলহন্নবগী মরুওইবা খোংথাঙ অমা ওইনা ইন্দিয়ন রেলৱেজনা হয়েংদগী হৌনা ত্রেন ২০০ মে ১দগী হৌনা চেল্লিবা শ্রামিক স্পিসিএল ত্রেনশিং অমসুং মে ১২, ২০২০দগী হৌনা চেল্লিবা অখন্নবা এ.সি. ত্রেন (ত্রেন ৩০) অসিগী মথক্তা চেনবা হৌরগনি‍।

হায়রিবা ত্রেনশিং অসি রিগুলর ত্রেনগী পরিংদা চেনগদবনি‍। হায়রিবশিং অসি মপুং থানা রিজর্ব তৌরবা এ.সি অমসুং নন এ.সি. ক্লাসশিং য়াওবা ত্রেনশিংনি‍। জেনেরেল (জি.এস.) কোচশিং রিজর্ব সিত্তিং একোমোদেসন লৈগনি‍। ত্রেন অসিদা রিজর্ব তৌদবা কোচ অমত্তা লৈরোই‍। ক্লাসকী মতুং ইন্না লৈজবা মশাগী ভরা লৌগনি অমদি রিজর্ব জি.এস. কোচ (জেনেরেল সিত্তিং)শিংগীদি রিজর্ব তৌবনা মরম ওইরগা রিজর্ব ত্রেনশিং অসিগী ওইনা সেকেন্দ সিত্তিং (২এস) ভরা লৌগনি অমদি পেসেঞ্জর খুদিংমক্তা সিত পীগনি‍।

ঙসি অয়ুক পুং ৯ তাবা মতমদা পেসেঞ্জরশিংগী অপুনবা বুকিং ২৫,৮২,৬৭১নি‍। হায়রিবা ত্রেনশিং অসিগী বুকিং তৌবা অসি ওনলাইনদা আই.আর.সি.তি.সি.গী ৱেবসাইত নৎত্রগা মোবাইল এপকী খুত্থাংদা তৌরি‍। ইন্দিয়ন রেলৱেজনা রিজর্বেসন কাউন্তরশিং, কম্মন সর্বিস সেন্তরশিং (সি.এস.সি.) অমসুং তিকেতিং এজেন্তশিংগী খুত্থাঙদসু মে ২২, ২০২০দগী বুকিং তৌবা য়াহল্লে‍।

মাঙজৌননা খঙহনখিবগী মতুং ইন্না ইন্দিয়ন রেলৱেজনা ১২-০৫-২০২০দগী হৌখিবা অখন্নবা রাজধানি মখলগী ত্রেন ৩০ অমদি ০১.০৬.২০২০দগী হৌগদবা অখন্নবা মেল এক্সপ্রেস ২০০ (পুন্না ত্রেন ২৩০) গী চৎন-পথাপশিং হোংদোক্লে‍। অখন্নবা ত্রেন ২৩০মক্কী এদভান্স রিজর্বেসন পিরিয়দ (এ.আর.পি.) মতম নুমিৎ ৩০নিদগী নুমিৎ ১২০দা হেনগৎনবা ৱারেপ লৌখ্রে‍। ত্রেন ২৩০মক্তা পার্সেল অমসুং লগেজকী বুকিং তৌবা য়াগনি‍। হায়রিবা অহোংবশিং অসি মে ৩১, ২০২০গী অয়ুক পুং ৮দগী চৎনবা হৌখ্রে‍। অতোপ্পা চৎন-পথাপশিং হায়বদি করেন্ত বুকিং, লম্বী মতাইদা লৈবা স্তেসনশিংদা ততকাল কোতা সিত এল্লোকেসননচিংবশিং হান্না চৎনবা অকক্নবা মতম নাইবা ত্রেনশিংগুম্না লৈগনি‍। হায়রিবা চৎন-পথাপশিং অসি ইন্দিয়ন রেলৱেজগী ৱেবসাইত www.indianrailways.gov.in তা ত্রাফিক কম্মর্সিএল দিরেক্তোরেততা য়াওবা কম্মর্সিএল সর্কুলর হেদকী মখাদসু য়েংবা য়াগনি‍।

চার্তিং অমসুং ত্রেনশিং কাখৎপা:

• আর.এ.সি. অমসুং ৱেত লিস্ত লৈরিবা চৎন-পথাপকী মতুং ইন্না শেমগনি
• অনরিজর্ব তিকেত (য়ু.তি.এস.) অমত্তা পীরোয় অমদি খোঙচৎ মনুংদা পেসেঞ্জর অমত্তদা ত্রেন মনুংদা তিকেত পীরোয়
• অয়াবশিং – মপুং ফানা কনফার্ম তৌরবা অমসুং আর.এ.সি. পেসেঞ্জরশিংগা লোয়ননা পার্সিএল্লী ৱেতলিস্তেদ তিকেত পায়বশিং (করিগুম্বা সিঙ্গল পি.এন.আর.দা ওইরগদি কনফার্ম তৌরবা অমসুং দব্লিউ.এল. পেসেঞ্জর অনিমক)য়ু য়াহনগনি‍।
• য়াদবশিং – ৱেতলিস্তেদ পেসেঞ্জরশিং
• ততকাল তিকেত ককপা জুন ৩০, ২০২০গী খোঙচৎকীদমক জুন ২৯, ২০২০দগী অমদি মতৌ অসুম্না য়াগনি‍।
• অহানবা চার্ত য়ামদ্রবদা খোঙশানবা হৌগদবা পুং ৪গী মমাঙদা শেমগনি অমসুং অনিশুবা চার্ত য়ামদ্রবদা খোঙশানগদবা পুং ২ ৱাৎলিঙৈদা (হৌজিক চৎনরিবা মিনত ৩০ অসি নত্তবদা) শেমগনি‍।
• পেসেঞ্জর পুম্নমক শোয়দনা স্কৃন তৌগনি অমদি লায়ওং লৈতবা পেসেঞ্জরশিংখক্তমক ত্রেন কাখৎপা অমদি মনুংদা চঙবা য়ানগনি‍।
• হায়রিবা অখন্নবা ত্রেনশিং অসিদা চৎলিবশিংনা মখাদা পীরিবা চেকশিন থৌরাংশিং অসি ইনগদবনি:
• ১. পেসেঞ্জর খুদিংমক চঙলকপা মতমদা অমদি খোঙচৎ মনুংদা মায়খুম/মাস্ক উপকদবনি
• ২. পেসেঞ্জরশিংনা স্তেসনদা থর্মেল স্কৃনিং তৌনবগীদমক্তা স্তেসনদা মিনত ৯০ মাঙজৌননা য়ৌরক্কদবনি‍। লায়ওং লৈতবা পেসেঞ্জরশিংখক্তমক চৎপা য়াহনগনি‍।
• পেসেঞ্জরশিংনা সোসিএল দিস্তেন্সিং ইনগদবনি‍।
• পন্থুংফম য়ৌরবা মতমদা পেসেঞ্জরশিংনা পন্থুংফম ওইরিবা স্তেৎ/য়ু.তি.শিংনা পীবা হকশেলগা মরী লৈনবা চৎন-কাঙলোনশিং চপ চানা ইনগদবনি‍।

কেন্সেলেসন অমদি রিফন্দগী চৎন-পথাপ: রেলৱে পেসেঞ্জর্স (কেন্সেলেসন ওফ তিকেত এন্দ রিফন্দ ওফ ফ্যের) রুল্স, ২০১৫ চৎনগনি‍। মসিগী মথক্তা করিগুম্বা পেসেঞ্জর অদু লায়হৌ লৈবা নৎত্রগা কোবিদ-১৯গী লায়ওং লৈবদগী চৎপদা অথিংবা লৈরবদি ভরা হন্দোকপগী ৱাফম লৈগনি‍।

করিগুম্বা স্কৃনিং তৌবা মতমদা পেসেঞ্জর অমা মশা শাগৎলবা/কোবিদ-১৯গী লায়ওং লৈরবা অসিনজিংবা ফীভমদা মহাক কনফার্ম তিকেত পায়জরবসু খোঙচৎ অদু চৎপা য়াহল্লোই‍। মসিগুম্বা মতাংদা মখাগী অসুম্না পেসেঞ্জর অদুদা ভরা মপুং ফানা হন্দোক্কনি‍:‍-

• সিঙ্গল পেসেঞ্জর ওইবা পি.এন.আর.দা
• পার্তী তিকেততা করিগুম্বা পেসেঞ্জর অমা চৎপদা য়ারোইদবা ফীভম লৈরবা অদুগা পি.এন.আর. অদুদা য়াওরিবা পেসেঞ্জর অতৈসু খোঙচৎ অদু চৎপা পামদ্রবদি পেসেঞ্জর খুদিংমক্তা ভরা মপুং ফানা হন্দোক্কনি‍।
• পার্তী তিকেততা করিগুম্বা পেসেঞ্জর অমা চৎপদা য়ারোইদবা ফীভম লৈরবা অদুগা পি.এন.আর. অদুদা য়াওরিবা পেসেঞ্জর অতৈদি খোঙচৎ অদু অদুমক চৎপা পাম্লবদি চৎপা য়াদ্রিবা পেসেঞ্জর অদুখক্কী ওইনা ভরা মপুং ফানা হন্দোক্কনি‍।

মথক্তা পীরিবা ৱাফমশিংসিদা স্তেসন অদুমক্কী চঙফম/চেক্কিং/স্কৃনিং পোইন্ত অদুমক্তদা পেসেঞ্জর অমা নৎত্রগা অমদগী হেনবদা কোবিদ ১৯ লায়ওং লৈবদগী চৎপা য়াদ্রবা পেসেঞ্জর মশীং থাদুনা পেসেঞ্জর অদুদা তি.তি.ই. সর্তিফিকেত (লৈরিবা চৎন-কাঙলোনগী মতুং ইন্ন) পীগনি‍।

তি.তি.ই. সর্তিফিকেত ফংলবা মতুংদা খোঙচৎকী নুমিৎ ১০নিগী মনুংদা চৎখিদ্রবা পেসেঞ্জরশিংগী ভরা হন্দোক্নবগীদমক তি.দি.আর. ফাইল তৌগদবনি ‍।

কেতরিং: ভরাদা কেতরিংগী চার্জ য়াওরোই‍। প্রিপেদ মিল বুকিং, ই-কেতরিংগী খুদোংচাবা লৈরোই‍। অদুম ওইনমক আই.আর.সি.তি.সি.না চাননবা পোৎলম খরা অমদি থক্নবা পেকেজ ঈশিং পেমেন্ত বেসিসতা পেন্ত্রী কার য়াওবা অকক্নবা ত্রেন খরদা ফংহনগনি‍। মসিগা মরী লৈনবা ঈপাউ তিকেত বুকিং তৌবা মতমদা পেসেঞ্জরশিংদা ফংহনগনি‍। রেলৱে স্তেসনশিংদা লৈবা লেঙদবা কেতরিং অমসুং ভেন্দিং য়ুনিতশিং (মল্তিপর্পজ সস্তোলশিং, বুকস্তোলশিং, মিস./কেমিস্ত স্তোলনচিংবা) হাংগনি‍। ফুদ প্লাজা অমসুং রিফ্রেসমেন্ত কানচিংবশিংগী মতাংদদি থোঙদোক্লবা পোৎলমশিং ফমথদুনা চানবগী খুদোংচাবা থমদনা লৌরগা চৎখিনবা মওংদা পীবা য়াগনি‍।

লাইনেন অমসুং কম্বল: ত্রেন মনুংদা লাইনেন, কম্বল অমসুং পর্দাশিং অমত্তা পীরোই‍। পেসেঞ্জরশিংনা খোঙচৎতুগীদমক মখোয় মশাগী লাইনেন পুজরক্নবা পাউতাক পীরি‍। কোচশিংদা মনুংদা এ.সি.গী শাবগী চাং ফীভমসিগী মতুং ইন্না থমগনি‍।

পেসেঞ্জরশিং অমগা অমগা মায়োক্ননা চৎথোক চৎশিন তৌদনবা রেলৱে স্তেসনশিংদা চঙবগী অমদি থোকপগী গেত তোঙান তোঙান্না লৈহন্নবা জোনেল রেলৱেজশিংদা পাউতাক পীখ্রে‍। জোনেল রেলৱেশিং স্তেসন অমদি ত্রেন মনুংদা স্তেন্দর্দ ওইবা সোসিএল দিস্তেন্সিং চৎন-পথাপশিংনা লমজিংগনি অমদি সেফতী, সিক্যুরিতী অমদি হাইজিন প্রোতোকোলশিং ঙাক্কনি‍।

পেসেঞ্জর খুদিংমক্না আরোগ্য সেতু এপ্লিকেসন লৌথদুনা শীজিন্নগদবনি‍। পেসেঞ্জরশিং পোৎচৈ য়ামদনা পুরগা চৎনবা পাউতাক পীরি‍।

এনেক্সচরগী লিঙ্ক

****