গৃহ মন্ত্রালয় (এম.ঐচ.এ.)না কোবিদ-১৯ লান্থেংননবা অমসুং কন্তেনমেন্ত জোনশিংগী মপান্দা লৈরিবা মফমশিংদা তাঙ্কক নাইনা অমুক হাংদোক্নবা অনৌবা গাইদলাইন অমা ঙসি পুথোকখ্রে। গাইদলাইনশিং অসিনা অসি জুন ১, ২০২০দগী জুন ৩০, ২০২০ ফাওবা চৎনগনি। হৌজিক্কী ওইনা অনলোক ১ অমুক হাংদোকপগী তাঙ্কক অসিদা শেল-থুমগী ওইবদা পান্দম ওইগনি। অনৌবা গাইদলাইনশিং অসি রাজ্যশিং অমসুং য়ুনিয়ন তেরিতোরীশিংগা পাক-শন্না খন্নখিবশিংদা য়ুম্ফম ওইরগা পুথোক্লকখিবনি।

লৈবাক পুম্বদা মার্চ ২৪, ২০২০দগী লোকদাউন থমজিনখি। মরুওইবা থবকশিং পাংথোকপা নত্তনা অতোপ্পা থবক পুম্নমক্তা অথিংবা থমখ্রে। মথং-মথং ওইনা তাঙ্কক নাইবা মওংদা অমসুং কোবিদ-১৯ শন্দোরকপা থিংনবা অচৌবা পান্দম অদুদা য়েংঙগা লোকদাউনগা মরী লৈনবা পায়খৎপা থৌরাংশিং কোমথোকখ্রে।

অনৌবা গাইদলাইনশিং অসিগী মরুওইবা অথোইবশিং লোকদাউনগী পায়খৎপা থৌরাংশিং অসি কন্তেনমেন্ত জোনশিংদা অকনবা মওংদা থমগনি। হকশেল মন্ত্রালয়গী পুথোকখিবা গাইদলাইনশিং অসি খন্নরবা মতুংদা রাজ্য/য়ুনিয়ন তেনিতোরীশিংনা মসিগীশিং অসিগী পনখৈ য়াৎকনি। কন্তেনমেন্ত জোনশিংগী মনুংদা, কোল্লিবা মফম অদুদা হকচিনবা মওংদা য়েংশিনগনি অমসুং মরুওইবা থবকশিংখক্তমক পাংথোকপা য়াগনি।

হান্ননা অথিংবা থমখ্রবা থবকশিং অদু কন্তেনমেন্ত জোনশিংগী মপান্দা তাঙ্কক নাইনা হকশেল মন্ত্রালয়না থম্লকপা স্তেন্দর্দ ওপরেতিং প্রোসিদ্যুর অদু ইন্দুনা য়ান্নরবা ৱাফম অমগা লোয়ননা অথিংবা অদু লৌথোক্কনি:

অহানবা তাঙ্কক (জুন ৮, ২০২০দগী হাংনবা অয়াবা পীখ্রে)

• লাইনিং-লাইশোনগী মফমশিং অমসুং মীয়াম্না লাই খুরুম্ফম;
• হোতেলশিং, রেস্তোরেন্তশিং অমসুং থুংলবা মীশিংবু থৌগল তৌবগী থবকশিং; অমসুং
• শোপ্পিং মোলশিং

হকশেলগী মন্ত্রালয়গা মরী লৈনবা কেন্দ্রগী মন্ত্রালয়শিং/বিভাগশিং অমসুং অতৈ স্তেকহোলদরশিংগী পাউতাক্তগী সোসিএল দিস্তেন্সিং ঙাক্না চত্তুনা কোবিদ-১৯ শন্দোরকপদগী ঙাকথোক্নবা মথক্কী থবকশিং অসিগা মরী লৈনবা এস.ও.পি. থোক্লগনি।

তাঙ্কক II

রাজ্যশিং অমসুং য়ুনিয়ন তেরিতোরীশিংগা খন্নরবা মতুংদা মহৈলোয়শংশিং, কোলেজশিং, এদজুকেস্নেল/ত্রেনিং/কোচিংগী ইন্সতিত্যুৎনচিংবশিং হাংদোক্লগনি। রাজ্য সরকারশিং/য়ুনিয়নগী লৈঙাকশিংদা মপা-মমাশিং অমসুং অতৈ হোলদরশিংগা সংস্থানগী থাক্তা খন্ননবা হায়খ্রে। ফীদবেকশিংদা য়ুম্ফম ওইদুনা জুলাই, ২০২০দা ইন্সতিত্যুতশিং অসি অমুক হন্না হাংনবগী থবক পায়খৎনবা ৱারেপ অমা লৌখ্রে।

অকক্নবা লৈবাকপুম্বগী ওইনা অথিংবা লৈগদবা থবকশিংগী অকক্নবা মশিং

• ইন্তরনেস্নেল ফ্লাইতশিংদা পেসেঞ্জরশিং চৎপা;
• মেত্রো রেলশিংগী চৎপা হৌবা;
• সিনেমা হোলশিং, জিম্নাজিয়মশিং, স্বীমিং পুলশিং, ইন্তরতেনমেন্ত পার্কশিং, থিএতরশিং, বারশিং অমসুং ওদোতোরিয়মশিং, এসেমব্লী হোলশিং অমসুং মান্নবা মফমশিং; অমসুং,
• সোসিএল/ রাজনীতিগী ওইবা/ শান্ন-খোৎনবা/ ইন্তরতেনমেন্ত/ লাইরিক-লাইশু/ নাৎকী/ লাইনিং-লাইশোনগী থৌরমশিং/ অমসুং অতৈ মী য়াম্না তীনবশিং।
• মথক্কী থবকশিং অসি হৌবগী তাং অদু তাঙ্কক III দা ফীভম্না য়াবগী মখা পোনগনি।

মীশিং অমসুং পোৎলমশিং পুবদা অথিংবা লৈতবা

• রাজ্যশিং অমসুং রাজ্যশিংগী মনুংদা লৈবশিংদা মীশিং অমসুং পোৎলমশিং পুবদা অথিংবা লৈরোই। অসিগুম্বা মখলগী পুথোক-পুশিন তৌবা অসিগী তোঙানবা পর্মিসন/ এপ্রুবেল/ ই-পর্মিৎকী মথৌ তারোই।
• অদুম ওইনমক, করিগুম্বা রাজ্য/য়ুনিয়ন তেরিতোরীগী মফমশিংদা মীয়ামগী হকশেলগা মরী লৈনবা মরমশিং অমসুং ফীভমশিংগী চাংশিং অদুদা য়ুম্ফম ওইদুনা মীয়াম্বু চাং নাইনা চৎনহন্নবগী ৱাফম পুখৎলবদি অসিগুম্বা চত্থোক-চৎশিন্দা অথিংবশিং অসি চৎনহনবদা অমসুং মসিগা মরী লৈনবা থবক-থৌওংশিং অদু ঙাক্না চৎনবগা মরী লৈনবদা মাংজৌননা পাক-শনবা মওংদা খংহল্লি।

মরু ওইবা নত্তবা থবকশিং পুম্নমক্কী ওইনা মীশিং চত্থোক-চৎশিন তৌবদা নুমীদাংগী কার্ফিয়ু অদু অদুম মখা তানা চৎনখিগনি। অদুম ওইনমক নৌনা শেমদোক্লবা কার্ফিয়ুগী মতম অদু নুমিদাং পুং ৯দগী অয়ুক্কী পুং ৫ ফাওবা ওইগনি।

কোবিদ-১৯ য়েংশিনবগী থবক-থৌরমগী ওইনা জাতীগী ওইনা ইন্নবা চৎন-কাংলোনশিং অসি সোসিএল দিস্তেনশিং শোয়দনা ইন্দুনা লৈবাক শিন-থুংনা ঙাক্না চৎকদবনি। .

রাজ্যশিংনা লেপকদবা কন্তেনমেন্ত জোনশিংগী মপান্দা পাংথোক্কদবা থবকশিং

রাজ্যশিং অমসুং য়ুনিয়ন তেরিতোরীশিংনা ফীভম অদুগী চাংদা য়েংলগা কন্তেনমেন্ত জোনশিংগী মপান্দা অকক্নবা থবকশিংদা অথিংবা থম্বা য়াই নত্রগা অসিগুম্বা অথিংবশিং অসি মথৌ তাবশিংদা থম্বা য়াই।

শোল্লবা মীশিংগীদমক ঙাকথোক্নবা থবকশিং

শোল্লবা মীশিং, হায়বদি চহী ৬৫গী মথক ওইরবা মীশিং, অনাবা মীশিং অমসুং মীরোনবীশিং অমসুং চহী ১০গী মখাগী অঙাংশিবু তঙাই ফদবা পোৎলমশিং অমসুং হকশেলগী ওইবশিং ফংনবগী মরমশিংগী নত্তনা য়ুমদা লৈনবা হায়খ্রে।

আরোগ্য সেতু শিজিন্নবা

আরোগ্য সেতু হায়রিবা মোবাইলগী এপ অসি ভারত সরকারনা কোবিদ-১৯না নাহল্লবা মীশিংবু থুনা মশক খংদোক্নবা শেমগৎপা য়াম্না শক্তি লৈবা তুল অমনি।

মতৌ অসিগুম্না মীশিংগী অমসুং মীওই কাংলুপকী ওইনা ঙাকথোক্নবগী থবক তৌই। শোয়দনা ঙাকথোক্নবগী পান্দমদা বিভাগ কয়াগী থোংদগী মসিগী এপ্লিকেসন অসি শিজিন্ননবা পাওতাক পীরি।

গৃহ মন্ত্রালয়গী গাইদলাইনশিং য়েংনবা মসিদা ক্লিক তৌবীয়ু

*****