PIB Headquarters

কোবিদ-১৯গী মতাংদা নুমিৎ খুদিংগী ফোংবা পি.আই.বি.গী বুলেতিন

Posted On: 30 MAY 2020 6:35PM by PIB Imphal

  

(মসিদা হৌখিবা পুং ২৪ দা থোকখিবা কোবিদ -১৯গা মরী লৈনবা চেফোংশিং, ফিল্দ ওফিসশিংদগী ফংবা পাউশিং, অমসুং পি.আই.বি.না লৌখৎপা ফেক্ত চেকশিং য়াওরি )

  • ফগৎপগী চাং ৪৭.৪%দা খঙহেন হেনগৎখ্রে, কোবিদ-১৯দগী ফাগৎখ্রবা/দিচার্জ তৌখ্রবা মীশিং ৮২,৩৬৯ শুদুনা হৌখিবা পুং ২৪দা ১১,২৬৪ ফগৎখ্রে।
  • এক্তিব কেস মশীং ৮৬,৪২২দা হন্থখ্রে।
  • কোবিদ-১৯গী হৌজিক ফাওবদা তেস্ত ৩৬,১২,২৪২ তৌখ্রে, মসিদা ১,২৬,৮৪২না ঙরাং তৌখি।
  • ঐখোয়না অপুনবা ওইনা হোৎন্দুনা লেবররশিং, মাইগ্রেন্ত ৱার্করশিং, হোকরশিং অমসুং লৈবাক অসিগী মীপুম খুদিংমক্কী অৱাবশিং হন্থহনবা হোৎনরি হায়না প্রধান মন্রীনা ফোংদোকখ্রে।
  • লৈঙাকনা লোকদাউন মনুংদা মীয়ামগী চেং হৱাইশিং পুথোক-পুশিন তৌরদুনা লেম্না ফংহল্লি।

হৌখিবা পুং ২৪দা, কোবিদ-১৯না নাবা অপুনবা মীওই ১১,২৬৪ লায়েংদুনা ফহনখ্রে; ফগৎপগী চাং ৪৭.৪০%দা খঙহেন হেনগৎখ্রে, পুং ২৪দা ৪.৫১% হেনগৎখ্রে; এক্তিব ওইবা অনাবগী মশিং ৮৯,৯৮৭ফগী ৮৬,৪২২দা হন্থখ্রে

হৌখিবা পুং ২৪দা, কোবিদ-১৯না নাবা অপুনবা মীওই ১১,২৬৪ লায়েংদুনা ফহনখ্রে। মসি নোংমদা অনাবা ফগৎহনবগী মশিং খ্বাইদগী ৱাংনা রেকোর্দ তৌখিবা ওইখি। মসিনা হৌজিক ফাওবদা কোবিদ-১৯দগী নাবা ফগৎখ্রবগী মশিং ৮২,৩৬৯ শুখ্রে। মসিনা মরম ওইরগা কোবিদ-১৯ নারিবা মীওইশিংগী মরক্তা ফগৎলকপগী চাং ৪৭.৪০% ওইদুনা মমাং নুমিৎকী ফগৎপগী চাং ৪২.৮৯%দগী ৪.৫১% হেনগৎখ্রে। অনাবা ফগৎলকপগী মশিং ৱাংখৎলকপনা এক্তিব কেস মশিংসু মে ২৯দা ৮৯,৯৮৭ লৈরম্বদগী হৌজিক এক্তিব কেস ৮৬,৪২২ হন্থখ্রে। এক্তিব কেসশিং হৌজিক মখা তানা লায়েং চৎথরি।

মে ৩০,২০২০ ফাওবদা হৌখিবা নুমিৎ ১৪গী দব্লিং তাইম অসি ১৩.৩ ওইখি, মসি হৌখিবা নুমিৎ হুমনি অসিদা ১৫.৪দা হেনগৎখ্রে। শীবগী চাংনা ২.৮৬% ওইরি। মে ২৯,২০২০ ফাওবদা আই.সি.য়ু.দা লৈবা এক্তিব ওইরিবা কোবিদ-১৯ নাবা ২.৫৫% লৈ, ভেন্তিলেতরদা ০.৪৮% অমসুং ওক্সিজেন সপ্পোর্ততা লৈবা ১.৯৬%নি। লৈঙাক্কী লেবোরেতরী ৪৬২ অমসুং লনাইগী লেবোরেতরী ২০০ লৈদুনা লৈবাক অসিদা তেস্তিংগী চাংসু হেনগৎখ্রে। পুলপ পুন্না কোবিদ-১৯গী তেস্ত ৩৬,১২,২৪২ হৌজিক ফাওবদা তৌখ্রে, অমরোমদা সেম্পল ১,২৬,৮৪২না ঙরাং তেস্ত তৌখিবনি।

অকুপ্পা ৱারোলশিংগীদমক: https://pib.gov.in/PressReleseDetail.aspx?PRID=1627908

 

ইকায় খুম্নরবা প্রধান মন্ত্রীগী চিথী

‘...ভারত্তা কোরোনা লাকপা মতমদা মালেমগী চৈথেং অমা ওইগনি হায়না অয়াম্বনা কিনখি। অদুবু ভারতকী অপুনবা থৌনা অমসুং ভারত মচাশিংগী তৌবা ঙম্বশিং অদুনা মালেমগী তৌবা ঙমবা অমসুং ইনাক খুল্লবা লৈবাকশিংগী লাম্বা তৌনরে। ভারতকী লান্মীশিংনা কোরোনা লান্মীশিং ইকায়খুম্নবা উৎতুনা খুবাক খুবা অমসুং মৈ থানবা, জনতা কর্ফ্যু নৎত্রগা লোকদাউন মীয়াম্না ইনবা অসিনা শ্রেস্থ ভারতগীদমক অদোম্না এক ভারত অদু উৎপনি।

লাইচৎ অসিনা কনাগুম্বা মীওই অমতা অৱাবা চৈথেং পীদে হায়বা য়ারোই। মসিনা ঐখোয়গী শিন্মীশিং, কোইনা চৎলগা থবক শুরিবা শিন্মীশিং, খুৎহৈবশিং, হোকরশিং অমসুং অপীকপা উদ্যোগশিংদা থবক শুরিবা শিন্মীশিংদা চাউনা চৈথেং পীখি। মসিগী অৱাবশিং অসি কোকহন্নবা ঐখোয়না অমতা ওইনা থবক পায়খৎলি।

অদুম ওইনমক ঐখোয়না থেংনরিবা খুদোং চাদবশিং অসি মাং তাকহন্নবা অমা ওইহন্দনবা চেকশিন্না লৈগদবনি। মরম অদুনা ভারতমচা খুদিংমক্না নিয়মশিং অমসুং কাংলোনশিং ইনবা য়াম্না মরু ওই। ঐখোয় হৌজিক ফাওবদা খাংবা কনবা উৎখ্রে অমসুং মখা তানা উৎকদবনি। মসি ভারতনা অতৈ লৈবাকশিংদগী হেন্না শাবা অমসুং অফবগী মরুওইবা মরম অমনি। মসিগী লানফম অসি য়াম্না কুইগনি অমসুং ঐখোয়গী অপুনবা ৱারেপ অদু ঐখোয়গী মাইপাকপগী লম্বেলদা চৎকদবনি..’।

অকুপ্পা ৱারোলশিংগীদমক: https://pib.gov.in/PressReleseDetail.aspx?PRID=1627794

 

লোকদাউন মনুংদা চাওখ্রবা লৈবাক অসিগী মীপুম খুদিংমক্তা লেম্না চেং হৱাইশিং পীখি অমসুং মশীং য়াম্না পুথোক-পুশিন তৌখিবা অদু হৌখিবা চহী অমা অসিদা মন্রালয় অসিগী খ্বাইদগী চাওনা মাইপাকপনি হায়না শ্রী রাম ভিলাস পাসৱননা ফোংদোকখ্রে

কঞ্জুমর এফিয়র্স, ফুদ & পব্লিক দিস্ত্রিব্যুসনগী কন্দ্রগী মন্ত্রী, শ্রী রাম ভিলাস পাসৱননা মহাক্কী মন্ত্রালয়না হৌখিবা চহী অমা অসিদা মাইপাকখিবা পন্দমশিং অমসুং থৌরাংশিং ঙসি ময়ামদা খঙহনখ্রে। খ্বাইদগী চাওবা মাইপাকপা অসি লৈঙাকনা লোকদাউন মনুংদা মীয়ামগীদমক লেম্না চেং হৱাই পুথোক-পুশিন তৌবা অমসুং য়েন্থোকপা ঙমবা অসিনি। শ্রী পাসৱননা ফোংদোকখি মদুদি কঞ্জুমর প্রোতেক্সন এক্ত, ২০১৯, সি.দবল্যু.সি. চৎনহনবনা খ্বাইদগী ৱাংবা তর্নওভর ফংবা ঙমখি, মসিনা এফ.সি.আই.গী ওথোরাই তৌবা কেপিতেল লুপা কোতি ৩,৫০০দগী লুপা কোতি ১০,০০০দা হেনগৎখি অমসুং ৱান নেসন, ৱান রেসন কার্দকী মায়োলদা চৎলি অমসুং মসি মন্ত্রালয় অসিনা হৌখিবা চহী অমা অসিদা লৈঙাক অসিনা তৌখিবা শীংথানিঙাই ওইবা থবকশিংগী মনুংদা অমনি।

অকুপ্পা ৱারোলশিংগীদমক: https://pib.gov.in/PressReleseDetail.aspx?PRID=1627917

 

রক্সা মন্ত্রী শ্রী রাজনাথ সিংনা য়ু.এস. দিফেন্স সেক্রেতরীগা ফোনদা ৱারী শানখ্রে

রক্সা মন্ত্রী, শ্রী রাজনাথ সিংনা য়ু.এস.কী সেক্রেতরী ওফ দিফেন্স, দা. মার্ক তি. এসপরগা ঙরাং তেলিফোন্দা ৱারী শানখ্রে। মন্ত্রী অনি অসিনা কোবিদ-১৯গী লাইচৎ অসিগা লান্থেংনবদা থেংনখিবা, খংখিবশিং অদুগী মতাংদা অমনা অমদা শম্লপ্পা ৱারী কয়া শানখি অমসুং মসিগী মতাংদা লৈবাক অনি অসিগী মরক্তা নিংথিনা তেংবাং পীনবগী মতাংদা ৱারেপ লৌখি। মখোয়না দিফেন্সকা মরী লৈননা লৈবাক অনি অসিগী দিফেন্সকা মরী লৈনবা থবক থৌরমশিংদা তেংবাং পীনবগী মতাংদা খুমাং কয়া য়াম্না চাউশিল্লবগে হায়বসু য়েংশিনখি অমসুং দিফেন্সকী পার্তনরশিপ মখাতানা চাউখৎহন্নবা মখোয়না থাজবসু পীনখি।

অকুপ্পা ৱারোলশিংগীদমক: https://pib.gov.in/PressReleseDetail.aspx?PRID=1627702

 

ব্রিক্সকী তেক্স ওথোরিতীশিংগী মকোকশিংগা মীফম পাংথোকখ্রে

ব্রিক্স লৈবাকশিং- ব্রাজিল, রুসিয়া, ভারত, চিনা অমসুং খা এফ্রিকাগী তেক্স ওথোরিতীশিংগী মকোকশিংগা মীফম অমা মে ২৯, ২০২০দা পাংথোকখ্রে। ফাইনান্স সেক্রেতরীনা ব্রিক্স লৈবাকশিংদা ভারতনা মখল কয়াগী থৌরাংশিং পাইখৎতুনা কমপ্লাইয়েন্সকী মথৌ তাবশিং দিফর তৌবা, পেমেন্তশিং থেংদরকপদা শেন্দোইগী চাং হন্থহনবা, ৱিৎহোল্দিং তেক্স রেৎ হন্থহনবা য়াওনা লাইচৎ অসিনা তেক্সপেয়রশিংদা পীবা অৱাবা অদু হন্থহল্লি হায়না খঙহনখি।ব্রিকস লৈবাকশিংদা কোবিদ-১৯গা মরী লৈন্না মশা-মশাগী তেক্স এদমিনিস্ত্রেসনশিংনা মতম মতমগী ওইনা পাইখৎপা তেক্সকী ওইবা থৌরাংশিং অদু ফোংদোক্তুনা লাইচৎ অসিনা ফিসকেল অমসুং ইকনোমিক্তা পীবা ইম্পেক অদু ঐখোয়না হেন্না খঙনবা ময়ামদা খঙহল্লু হায়না মহাক্না হায়খি অমসুং লাইচৎ অসি লাকশিনবা অমসুং মসিদগী ফগৎলক্নবা ঐখোয়গী লৈঙাকশিংনা হোৎনবদা মতেং ওইনবা মখল কয়াগী ওইথোকপা য়াবা তেংবাংশিং অদুসু পুথোক্নবা মহাক্না পুক্নিং থৌগৎখি।

অকুপ্পা ৱারোলশিংগীদমক: https://pib.gov.in/PressReleseDetail.aspx?PRID=1627742

 

কোবিদ-১৯গী চৈরক অসিদা এম.ও.এফ.পি.আই.গী গ্রীভান্স সেলনা ইন্দস্ত্রীদগী ইস্যু ৫৮৫কী মনুংদা ৫৮১ লোইশিনখ্রে

ফুদ প্রোসেসিং ইন্দস্ত্রীশিংগী মন্ত্রালয়গী গ্রীভান্স সেলদা লাকখিবা ইস্যু ৫৮৫কী মনুংদা ৫৮১ প্রোএক্তিব এপ্রোচ অমসুং মতম চানা রেদ্রেসেল তৌবগা লোয়ননা লোইশিন্দুনা কোকহনখ্রে। শেম-থুম মন্ত্রালয়, হোম পুরিবা মন্ত্রালয় য়াওনা অতোপ্পা মরী লৈনবা ওথোরিতীশিং অমসুং মশা-মশাগী স্তেৎ লৈঙাক্কা লোয়ননা তাস্ক ফোর্সনা মসিগী ইস্যুশিং অসি লৌখৎলি।

অকুপ্পা ৱারোলশিংগীদমক: https://pib.gov.in/PressReleseDetail.aspx?PRID=1627872

 

মাংজিল থারিবা ওনলাইন ত্রাবেল এজেন্তশিংগী মীহুৎকা তুরিজম & কলচর মন্ত্রীগা উনখ্রে

মাংজিল থারিবা ভারতকী ওনলাইন ত্রাবেল এজেন্তশিং(ও.তি.এ.শিং)না ন্যু দিল্লিদা তুরিজম & কলচরগী কন্দ্রগী মন্ত্রী(ইঞ্চার্জ)গা উন্নখ্রে। খন্ন-নৈনবা অদুদা মপুং ওইনা খন্নখ্রিবা অসি হোতেলশিং অমসুং এক্কমোদেসন য়ুনিৎশিং চেকশিন্না হাংদোকপনি, মসিদা এক্কমোদেসন য়ুনিৎশিং অমসুং লম কোইবগা মরী লৈনবা থবক থৌরমশিংদা লোকদাউনগী মতুংদসু চৎনা কাংলোনশিং অদু মপুং ফানা খুদোংথিবা থোক্তনবা অমসুং লুনানবা ঙাক্না চৎপা হায়বনচিংবা য়াওখি।

অকুপ্পা ৱারোলশিংগীদমক: https://pib.gov.in/PressReleseDetail.aspx?PRID=1627670

 

রিসর্চ অমসুং ইন্নোভেসন হেনগৎহনবা: বাইওতেক্নোলোজি বিভাগনা কোবিদ-১৯গী বাইও বেঙ্ক ৪ লীংখৎখ্রে

কোবিদ-১৯ লাইচৎ হন্থহন্নবা, ভেক্সিনশিং, দাইগনোস্তিকশিং অমসুং থেরাপ্যুতিকশিং দেভেলোপ তৌনবদা আর.&দি.না হোৎনগদবনি হায়না খঙহনখ্রে। কোবিদ-১৯ পোজিতিব ওইবা মীওইগী লৌখিবা স্পেসিমেনশিং অদু আর.&দি.গী হোৎনবদা কান্নবা রিসোর্স অমা ওইরগনি। নিতি আয়োগনা কোবিদ-১৯গা মরী লৈনবা বাইও স্পেসিমেনশিং অমসুং রিসর্চকী দাতা সিয়র তৌবগী গাইদলাইনশিং নৌনা ইস্যু তৌখ্রে।‌ইন্দিয়ন কাউন্সিল ওফ মেদিকেল রিসর্চ(আই.সি.এম.আর.)গী কেবিনেৎ সেক্রেতরীনা পীখিবা দিরেক্তিবশিংগী মতুং ইন্না বাইও-রিপোজিতরী ১৬তা কোবিদ-১৯ অনাবগী ক্লিনিকেল সেম্পলশিং কলেক তৌবা, স্তোর তৌবা অমসুং মেন্তেন তোনবা খঙহনখ্রে।মমিং য়াওরবা বাইও-রিপোজিতরী ১৬ অদুদি মখাদা পীরি: আই.সি.এম.আর. – ৯, দি.বি.তি. – ৪ অমসুং সি.এস.আই.আর.- ৩।

অকুপ্পা ৱারোলশিংগীদমক: https://pib.gov.in/PressReleseDetail.aspx?PRID=1627861

 

কলচরস মন্ত্রালয়গী গন্ধী স্ম্রিতি অমসুং দারশন সমিতিনা জরখন্দ এদমিনিস্ত্রেসনদা কোবিদ-১৯ লান্তেংনবদা মতেং ওইনবা পি.পি.ই. কিৎশিং অমসুং অতৈ অতোপ্পা পোৎলমশিং থাখ্রে

কোবিদ-১৯ লান্তেংনবগী ন্যু দিল্লিগী গন্ধী স্ম্রিতি অমসুং দারশন সমিতি অমসুং রজাস্থানগী লুপিন হ্যুমেন ৱেলফিয়র এসোসিএসননা মে ২৯, ২০২০দা পি.পি.ই. কিৎ ২০০, থর্মোমীতর ৫০, পি.সি.এস. নাইত্রিল গ্লোব ১০,০০০, মাক্স ১১০০০ অমসুং ফেস শীল্দ ৫০০ জরখন্দগী ত্রাইবেল দিস্ত্রিক খুনতিগী দিস্ত্রিক এদমিনিস্ত্রেসননা শীজিন্ননবা লেম্না থারকখ্রে।

অকুপ্পা ৱারোলশিংগীদমক: https://pib.gov.in/PressReleseDetail.aspx?PRID=1627755

 

পি.এফ.সি.না উত্তরাখন্দ লৈঙাক্তা কোবিদ-১৯গী মাইয়োক্তা লান্থেংনবদা মতেং ওইনবা পি.পি.ই. কিৎশিং অমদি এম্বুলেন্স পীরগনি

পাৱর মন্ত্রালয়গী মখাদা লৈবা সেন্ত্রেল পি.এস.য়ু. পাৱর ফাইনান্স কোর্পরেসন লিমিতেৎ (পি.এফ.সি.)না উত্তরাখন্দ লৈঙাকতা শেলগী মতেং ওইনা লুপা কোতি ১.২৩ পীগদৌরি। ফন্দ অসিনা ফ্রন্তলাইন স্তাফকীদমক পি.পি.ই. কিৎ ৫০০ অমসুং মপুং ফানা ইক্বিপ তৌরবা এম্ব্যুলেন্স ০৬ লৈশিন্ননবা উত্তরাখন্দ স্তেৎকী হকশেল বিভাগতা শীন্নরগনি।

অকুপ্পা ৱারোলশিংগীদমক: https://pib.gov.in/PressReleseDetail.aspx?PRID=1627869

 

Scaling up of COVID testing centres (Hub and spoke model) in National research laboratories and Universities নেস্নেল রিসর্চ লেবোরেতরীশিং অমসুং য়ুনিভর্সিতীশিংদা কোবিদ তেস্তিং সেন্তরশিং (হব অমসুং স্পোক মোদেল) হেনগৎহনখ্রে

লৈবাক শিনবা থুংনা তেস্ত তৌবা হেনগৎনবা, সিতী/রিজনেল ক্লস্তরশিংনা হব অমা অমসুং স্পোক মোদেল লিংখৎখ্রে, মসিনা লৈবাক অসিদা লৈবা লৈঙাক্কী ইন্সতিত্যুসনশিংদা কোবিদ-১৯ সেম্পলশিং তেস্ত তৌবা হেনগৎহল্লগনি। সেম্পল কলেকসন, হেন্দলিং/প্রোসেসিং(বি.এস.এল.-২ ফেসিলিতী) অমসুং তেস্তিং(আর.তি.-পি.সি.আর.) অনিমক্কী অসিদা হৈরবা অমসুং খুৎলাই শুরবা ইন্সতিত্যুসনশিং অমসুং লেবোরেতরীশিংনা হব অমা ওইনা মথৌ তৌরি অমসুং মখোয়গী মখাদা আর.তি. পি.সি.আর. মেচিনশিং লৈবা অমসুং তেস্তিং ফেসিলিতী হেনগৎপদা মথৌ তাবা মেনপাৱর লৈবা লেবোরেতরী মশিং কয়া লৈরি।

অকুপ্পা ৱারোলশিংগীদমক: https://pib.gov.in/PressReleseDetail.aspx?PRID=1627871

 

পি.আই.বি. ফিল্দ ওফিসশিংদগী ফংবা পাউ

  • চন্দিগর: হকশেলগী প্রিন্সিপাল সেক্রেতরি মপান লৈবাক্তগী মীওই ১১৬ চন্দিগরদা য়ৌরকখ্রে অদুগা মসিগী মনুংদা মথৌ তাবা তেস্তশিং তৌরবা মতুংদা ২৯না দিসচার্জ তৌখ্রে হায়না ফোঙদোকখ্রে। দোমেস্তিক ফ্লাইয়র 281সু চন্দিগর য়ৌরকখ্রে অমসুং ভারত সরকারগী গাইদলাইনশিংগী মতুং ইন্না মখোয়বু ময়ুমদা সেল্ফ-মোনিতরিং তৌনবা খঙহনখ্রে। চন্দিগরগী এদভাইজরনা ফোঙদোকখ্রে মদুদি চন্দিগর এদমিনিস্ত্রেসননা কাহেন্না নাদবা অমসুং কাহেন্না নাবা অনাবা অনিমক লায়েং চত্থনবা ফমুং ৩,০০০গা লোয়ননা শেম শাদুনা লৈরে। অনাবশিং লায়েংবদা ভেন্তিলেতরশিং, ওক্সিজেন, পি.পি.ই.শিং নত্রগা হিদাক লাংথক্কী অৱাৎপশিং লৈতে। ভারত সরকারগী গাইদলাইনশিংগী মতুং ইন্না চাং নায়না তেস্ত তৌরি। চয়োল খুদিংগী কন্তেনমেন্ত জোনশিং পেরিওদিক ওইনা য়েশিল্লি।
  • পঞ্জাব: মখাতানা কোবিদ-১৯ লাকশিনবদা মপাঙ্গল কনখৎনবা কোরোনা ভাইরস শন্দোকপা থীংনবা থোক্লিবা ইন্সত্রক্সনশিং অসুং গাইদলাইনশিং থুগায়বশিংগী পেনাল্তিশিং হেনগৎহনখ্রে। হৌজিক মীয়াম তিনবা মফমদা মাস্ক উপতবগী পেনাল্তি লুপা ৫০০, হোম ক্বারিন্তিন ইন্সত্রক্সনশিং ঙাক্তবগী লুপা ২,০০০, মীয়াম তনবা মফমদা তিন শীৎপগী লুপা ৫০০, দুকান মপুশিং/পোৎচৈ য়োল্লিবা মফমশিংদা সোসিএল দিস্তেন্সিং ঙাক্তবগী লুপা ২০০০: বস মপুশিংনা সোসিএল দিস্তেন্সিং ঙাক্তবগী লুপা ৩০০০: কারশিংগী লুপা ২০০০ অমসুং ওতো রিক্সো/চকা অনি পানবা গারী মচাগীনা লুআপ ৫০০ ওইরগনি।
  • হরিয়ানা: হরিয়ানা তুরিজম কোর্পোরেসননা মালেমগী কোবিদ-১৯গী লাইচৎ মনুংদা কোবিদ অনাবশিং লায়েংলিবা দোক্তরশিং অমসুং পেরামেদিকেল স্তাফতা মখোয়গী তুরিস্ত কমপ্লেক্সশিংদা লেম্না লৈফম চাফম পীরি। কোবিদ-১৯গী য়েংলগা লৈবাক শিনবা থুংনা লাওথোকখিবা লোকদাউনগী মনুংদা কোবিদ অনাবশিং লায়েংলিবা দোক্তরশিংদা লৈফম চাফমগী খুদোংচাবশিং তুরিস্ত কমপ্লেক্সশিংদা লেম্না পীনবা ৱারেপ লৌখি।
  • হিমাচল প্রদেশ: চীফ মিনিস্তরনা ইন্দস্ত্রেলিস্তশিং মরু ওইনা হীদাক লাংথক্কী ইন্দস্ত্রীদা কোবিদ-১৯গী লাইচৎ মায় পাক্না লান্থেংনবদা থৱাই য়াওনা মতেং পাংবগীদমক থাগৎপা ফোঙদোকখ্রে। মহাক্না হায় স্তেৎ অসি দ্রগ অমসুং গেনেরিক ময়াম অমা পুথোকপগী মরু ওইবা মফম অমা ওইনা থোরক্লে অমসুং লৈবাক মনুং অমসুং মপানগী কৈথেলশিংদা অচৌবা শরুক অমা চনবা ঙমলে। মহাক্না ইন্দস্ত্রেলিস্তশিংনা মতম কুইনা কোরোনাভাইরস মায়পাক্না লান্থেংনবদা শিজিন্নগদবা পি.এম. কিয়র্স অমসুং ঐচ.পি. এস.দি.এম.এ. কোবিদ-১৯ স্তেৎ দিজাস্তর রেস্পোন্স ফন্দদা অচৌবা তেঙবাং পীবীনবা হায়খ্রে।
  • কেরেলা: কোঝিকোদতা ক্বারিন্তিনদা লৈরিঙৈদা ৱান্থরক্তুনা শীখিবা মীরৈবাক্তগী লাকপা নুপা অদুগী কোবিদ-১৯গী তেস্ত রিজল্ত নেগেতিব ওইদুনা পুক্নিং লাঙতক্নবগী পুংফম অদু লোইশিনখ্রে। তিরুবন্থপুরমদগী লাপ্না লৈবা মফমদা ক্বরিন্তিন তৌরগা লৈরিবা পুলিসমেন ৮গী তেস্ত রিজল্ত নেগেতিব ওইখ্রে। বীহারদা হন্নবগী ত্রেন দিমান্দ তৌরদুনা পথানামথীত্তদগী মফম অনিদা মাইগ্রেন্ত লেবররশিংনা প্রোতেস্ত তৌখি। ওথোরিতিশিংনা কনুরদা লোকদাউনগী অথীংবশিং চাওনা থুগায়রকপদগী ত্রিপল লোকদাউন থম্নবা খন্নখ্রে। মরক অসিদা গল্ফ লৈবাকশিংদা কেরেলা মচা অহুম কোবিদ১৯না মরম ওইদুনা লৈখ্রিদে। ঙরাং স্তেৎ অসি শীবা অনি অমসুং অনৌবা পোজিতিব কেস ৬২ রিপোর্ত তৌখ্রে। অনাবা ৫৭৭না লায়েংলি অদুগা স্তেৎ শিনবা থুংনা মীওই ১,২৪,১৬৭ কুপ্না য়েংশিল্লি।
  • তামিল নাদু: স্তেৎ অসিনা খুঙ্গংগী শেনমিৎলোন ফগৎনবা লুপা কোতি ৩০০গী কোবিদ১৯গী তেংবাংগী পেকেজ লাওথোকখ্রে। চেনাই-অন্দমান জহাজ সর্ভিস মখা চত্থখ্রে। চহী ৪৭ শুরবা লোরি দাইবর অমা তমথিরবা ভাইরস অসিনা শীহনখিদুনা নমক্কলদা কোবিদ১৯গী অহানবা শীবা রেকোর্দ তৌখ্রে; হৌজিক ফাওবদা ৭৮ পোজিতিব ওইখ্রে অমসুং ৭৭ লায়েংবা ঙমখ্রে। তি.এন. শীনা থুংনা লৌখিবা সেম্পল ৯০গী মনুংদা বন্দী ৪০ পোজিতিব ওইখ্রে। ঙরাং অনৌবা কেস ৮৭৪গা লোয়ননা স্তেৎকী তেলি লিশিং ২০ য়ৌখ্রে। হৌজিক ফাওবদা অপুনবা কেস:২০,২৪৬, এক্তিব কেস: ৮৬৭৬, শীবা: ১৫৪, দিসচার্জ:১১,৩১৩নি। চেনাইদা এক্তিব কেস ৬৩৫৩নি।
  • কর্নাতক: সেক্তর কয়ামরুমদগী ফিদবেক লাকখ্রবা মতুংদা স্তেৎ লৈঙাক্না নোমাইজিং নুমিৎ মপুংফানা সতদাউন তৌবা অদু লৌথোকখ্রে। চৎথোক চৎশিন তৌরিবশিংনা প্রাইবেৎ লেবশিং তেস্ত তৌবগী লুপা ৬৫০ থীরগনি; তেস্তিংগী পুলিং মেথদ চৎনরগনি। নোংমদা হেনগৎপগী অতোপ্পা রেকর্দ অমগা লোয়ননা ইরাই নুমিৎতা কর্নাতকতা কোবিদ পোজিতিব ওইবা কেস ২৪৮ থেংনরদুনা অপুনবা মশীং ২,৭৮১ য়ৌখ্রে। হৌজিক ফাওবদা অপুনবা কেস মশীং:২,৭৮১, এক্তিব কেস:১৮৩৭, শীবা মশীং ৪৮, ফগৎলকপা:৮৯৪ শুখ্রে।
  • অন্ধ্র প্রদেশ:. সি.এম.না রাইতু ভারোসা কেন্দ্রাস ১০,৬৪১ওনলাইনদা লোঞ্চ তৌখ্রে মসিনা একর ৫ ফাওবগী লম লৈবা লৌমীশিংদা চহীগী শেল ওইনা লুপা ১৩,৫০০গী ইন্সেনতিবকী কান্নবা পীগনি, এস.সি.,এস.তি.,বি.সি. অমসুং মশিং য়ামদবা কাংলুপতা চনবা লৌশান পীরগা লৌ উরিবা লৌমীশিংসু স্কিম অসিগী মখাদা কান্নবা পীগনি। শেমফম অসিদা চহীগী ওইনা কান্নবা ্পীদুনা ইমুং অমদা লুপা ৬,০০০ সেন্তরনা পি.এম. কিশান যোজনাগী মখাদা লৌমী লাখ ৫১গী মথক্তা কান্নবা পীরি অমসুং গুহাশিং লেম্না তৌবিরি & নোংমাদা পুং মপাল লেম্না মৈ থালহল্লি। সেম্পল ৯৫০৪ তেস্ত তৌবদা অনৌবা কেস ৭০, শীবগী রিপোর্ত লাক্তে লোয়ননা পুং ২৪ অসিদা ৫৫ দিচার্ক তৌখি।অতোপ্পা স্তেৎতা লৈবা কেস ৪০৬ শুদুনা এক্তিব কেস ২১৭ লৈরি। অপুনবা মপানদা লৈবা পোসিতিব কেস মশিং ১১১ ওইরি।
  • তেলঙ্গনা: আই.সি.এম.আর.না নেস্নেল ইন্সতিত্যুৎ ওফ ন্যুত্রিসনগা খুৎশম্নরগা তেলঙ্গনাগী সহরদা লৈবা মীশিংগী মরক্তা সার্স-কোব-২ অনাবা খংদোক্নবা হাবদরাবাদতা লৈবা কন্তেনমেন্ত জোন মঙাদা রেপিদ সর্ভে অমা পাঙথোকপা হৌখ্রে। আই.সি.এম.আর. অমসুং এন.আই.এন. তীম্না স্তেৎ লৈঙাক্কী ওফিসিএলশিংগী মতেংগা লোয়ননা থাংজ অমসুং নোংমাইজিং নুমিৎতা সেম্পল ১০০ লৌরগনি। মে ৩০ ফাওবদা তেলঙ্গনাদা অপুনবা কেস ২৪২৫ য়ৌখ্রে। মাইগ্রেন্ত ১৮০ অমসুং মীরৈবাক্তগী হল্লকপা মীওই ২৩৭ পোজিতিব ওইখ্রে।
  • অসাম: অসামগী জোর্হাততা সি.এস.আই.আর-এন.ই.আই.এস.তি. কোবিদ-১৯ তেস্তিং লেবোরেতি মথৌ তৌবা হৌরগনি। অসামদা কোবিদ১৯গী অনৌবা পোজিতিব কেস ৪৩ ফঙখ্রে। অপুনবা কেস ১১০০, এক্তিব কেস ৯৬৮, ফগৎলকপা ১২৫ অমসুং শীখিবা ৪নি।
  • মনিপুর: মনিপুরদা পোজিতিব কেস অমগা ফঙখ্রে। অপুনবা কেস ৬০ শুখ্রে।
  • মিজোরাম: মথৌ পাঙথোকপদা কোবিদ-১৯না মরম ওইদুনা লৈখিদবশিংদা সেন্ত্রেল সিভিল সর্ভিসেস (পেন্সন) রুল্সনা ১৯৭২না গভর্ন তৌবা লুপা লাখ ২০গী কম্পেসেসন অমা সরকারগী শীন্মিগী ইমুং মনুংদা পীরগগনি।
  • নাগালেন্দ: কোবিদ-১৯ লাইচৎকী য়েংলগা নাগালেন্দদা লৈবা স্কুল অমসুং কোলজশিং ফিশিং কোকপীখ্রে। মসিনা মহৈরোই লিংশিং কয়াদা অৱাবা পোৎলুম হন্থহল্লগনি হায়রদুনা মহৈরোই লুপশিংনা খোংথাং অসিবু থাগৎপা ফোঙদোকখ্রে। কোবিদ-১৯গী বেঙ্গলুরুদা লৈবা নাগা তাস্ক ফোর্সনা স্পিসিএল ত্রেনশিং নংহৌদবা নাগাশিংদা লৈফম চাফম পিখ্রে।
  • সিক্কিম: কোবিদ-১৯ পোজিতিব ওইরবা অনাবশিং লায়েংবদা শীজিন্নবা সিক্কিমদা লৈবা এস.তি.এন.এম. হোস্পিতালগী অহানবা বেতসকী হেল্থকেয়র ৱার্কর ৩২ নুমিৎ ১৪গী ক্বরিন্তিনগী থাখ্রে।
  • মহারাস্ত্র: অনৌবা অনাবা ৬৯২ পোজিতিব ওইবা থেংনরদুনা অপুনবা কেস ৬২,২২৮ য়ৌখ্রে। এক্তিব ওইবা কোবিদ কেস অসি ৩৩,১২৪নি অদুগা স্তেৎ অসিদা শীবা মশিং ২,০৯৮ রিপোর্ত তৌখ্রে। অমরোমদা মহারাস্ত্র লৈঙাক্না স্তেৎ শিনবা থুংনা হীদাক মনাগী পোৎলমশিং চাবা, ওথোকপা অমসুং থোকপা থীংবগী মরুওইবা ৱারেপ অমা লৌখ্রে।
  • গুজরাত: অনৌবা কেস ৩৭২ রিপোর্ত তৌরদুনা কোবিদ-১৯ অপুনবা কেস মশীং ১৫,৯৪৪ য়ৌখ্রে। হৌখিবা পুং ২৪ অসিদা অহমেদবাদনা খ্বাইদগী ৱাংবা কেস ২৫৩ রিপোর্ত তৌখি, দিস্ত্রিক তরাতরুক্না ইরাই নুমিৎতা দিজিৎ অমদা হেনগৎপা ওইখি। স্তেৎ অসিদা হৌজিক কোবিদ-১৯গী এক্তিব কেস ৬,৩৫৫ লৈরি। হৌজিক ফাওবদা অয়াম্বা শ্রমিক এক্সপ্রেস ত্রেনশিংগী খুথংদা ময়াম অমা য়াওনা তোঙান তোঙান ত্রান্সপোর্তকী খুথাংদা মাইগ্রেন্ত ৱার্কর লাখ ১৪ মখোয়গী ময়ুম স্তেৎতা থাখ্রে।
  • মধ্য প্রদেশ: স্তেৎ অসিদা কোবিদ-১৯ কেস ৭,৬৪৫ শুখ্রে মসিগী মনুংদা ৩০৪২না এক্তিব কেসনি। স্তেৎ লৈঙাক্না শিন্মীশিংদা থবক পীনবা অখন্নবা স্কিম ‘রোজগার সেতু’ লোঞ্চ তৌখ্রে। মসিগী স্কিম অসিগী মখাদা শিন্মীশিং ইন্দস্ত্রিশিং, কন্সত্রক্সনগী থবকশিং অমসুং মখোয়গী হৈ শিংবগী মতুং ইনবা থবকশিংদা থবক পীরগনি।
  • রাজস্থান: ঙসি অনৌবা কেস ৪৯ রিপোর্ত তৌরদুনা স্তেৎকী কোবিদ-১৯ পোজিতিব ওইবা কেস ৮৪১৪ শুখ্রে, মসিগী মনুংদা হৌজিক ফাওবদা অনাবা ৫২৯০ ফগৎপা ঙমখ্রে। এক্তিব কেস মশীং লেংদনা লৈরে অদুগা ফগৎলকপগী চাংনা হৌখিবা নুমিৎ তরুক অসিদা হেনগৎলক্লে।
  • ছত্তিশগর: স্তেৎ অসিদা রাইপুরদগী অহানবা ওইনা কোবিদ-১৯গা মরি লৈননা শীবগী রিপোর্ত তৌখ্রে। এক্তিব ওইবা কেসনা ৩১৪ শুখ্রে, হৌজিক ফাওবদা অনাবা ১০০ ফগৎপা ঙমখ্রে।

পি.আই.বি. ফেক্ত চেক

******



(Release ID: 1628011) Visitor Counter : 14