ফাইনান্স অমসুং কোর্পোরেৎ এফিয়র্সকী কেন্দ্র মন্ত্রী শ্রীমতী নির্মলা সিতারমন্না ঙসি ভিদিও কনফরেন্সকী খুত্থাংদা ন্যু দিভেলপমেন্ত বেঙ্ককী রাজ্যপালশিংগী বোর্দকী অখন্নবা মীফম য়াওখ্রে।

এজেন্দা অদুদা এন.দি.বি.গী মথংগী প্রসিদেন্তকী মীখল, ভাইস-প্রসিদেন্ত অমসুং চীফ রিস্ক ওফিসর খনবা অমদি মেম্বরশিপ চাওথোকপা য়াওখি।

শেল-থুমগী মন্ত্রীনা মহাক্কী অহানবা থম্বা ৱাফমদা ইনফ্রাস্ত্রকচরশিং শেমগৎনবগীদমক্তা এন.দি.বি.না লৌখিবা থৌদাং অদুনা ভারত য়াওনা মীহুৎ ওইরিবা লৈবাকশিংদা অফবা মায়কৈরোমদা ফগৎহনখিবা অদুগীদমক্তা থাগৎপা ফোংদোকখি। অতেনবা মতমদা, এন.দি.বি.না মীহুৎ ওইরিবা লৈবাকশিংগী বিলিয়ন $১৬৬.৬কী শেনফম ওইবা প্রোজেক ৫৫ অয়াবা পীখিবা অসি শিংথানিংঙাই ওইবা মওংদা মায় পাকপা অমনি। বেঙ্ক অসিনা মশাগী ওইবা মফম অমা মায় পাক্না শেম্লে অমসুং চাওথোকচনিংঙাই ওইনা এম.দি.বি.শিংগা লোয়ননা হোৎনমিন্নদুনা লেপ্লি হায়না শ্রীমতী সিতারমন্না হায়খি।

শেল-থুমগী মন্ত্রীনা ইং কুমজা ২০১৪দা ব্রিক্সকী মকোকথোংবশিংনা শেমখিবা ভিজন অদু য়াম্না থুনা মওং শেম্বদা লৌখিবা খ্বাইদগী অথোইবা থৌদাং লৌখিবগীদমক এন.বি.দি.গী মমাংদা প্রসিদেন্ত ওইরম্বা শ্রী কে.ভি. কামথপু থাগৎখি। কোবিদ-১৯ ইমর্জেন্সী প্রোগ্রাম লোন প্রদক্ত হৌদোক্তুনা কোবিদ-১৯বু য়াম্না থুনা লোইশিনহনখিনবা তৌরম্বা মহাক্কী থৌদাংশিং অদুনা মহাকপু নিংশিংদুনা লৈহৌরগনি।

শেল-থুমগী মন্ত্রীনা নৌনা খনবা প্রসিদেন্ত ব্রাজীলদগী শ্রী মেতেরোস ত্রোইজো অমসুং নৌনা খনবা ভাইস-প্রসিদেন্ত অমসুং সি.আর.ও. ভারত্তগী অনিল কিশোরাদা হরাও-নুংঙাইবা ফোংদোকখি। মখোয়বু হরাও-নুংঙাইবা ফোংদোকপা মতম অদুদা মসিগী খ্বাইদগী য়াংনা মাংলোমদা চংশিনবগী মওং অসি মখা তানা চত্থবগা লোয়ন-লোয়ননা মীহুৎ ওইরিবা লৈবাকশিংদা শেন পুনবা পীবদা মনুং-মপান ফাওনা, ইন্তর্নেস্নেলগী ওইবা মওংগী থাজবা অমসুং এন.দি.বি.গী মেন্দেৎ অদু থোইদোক-হেন্দোকপা মওংদা ফংনবগী মতাংদা এন.দি.বি.বু মথংগী থাক্তা পুখৎপদা নৌনা লুচিংলকপা অসিদগী আশা য়াম্না তৌই হায়না শ্রীমতী সিতারমন্না হায়খি।

*****