তমথিরবা কোবিদ-১৯দগী নান্থোরক্নবা ভারত সরকারগী কেমিকেল্স অমসুং ফর্তিলাইজর্স মন্ত্রালয়গী মখাদা লৈবা থোইদোক-হেন্দোকপা নেস্নেল ইন্সতিত্যুৎ অমা ওইরিবা সেন্ত্রেল ইন্সতিত্যুৎ ওফ প্লাস্তিক ইঞ্জিনীয়রিং অমসুং তেক্নোলোজী(সিপেত)না ৱর্ল্দ হেল্থ ওর্গনাইজেসন/আই.এস.ও.গী গাইদলাইনশিংগী মতুং ইন্না পী.পী.ই অমসুং অতৈ মরি লৈনবা পোত্থোকশিং শাবা অমদি সর্তিফাইদ তৌবা হেল্থ কেয়রগী লমশিংদা রিসর্স অমসুং দিবেলপমেন্ত(আর.অমসুং দী.)কী থবক-থৌরমশিং পায়খৎকদৌরি।

কেবিনেৎ সেক্রেতরিয়েৎনা হায়রকখিবগী মতুং ইন্না সিপেত্তা হেল্থ কেয়রগী লমশিংদা আর.অমসুং দী.গী থবক-থৌরাংশিং পায়খৎনবা হায়রক্লে হায়না সিপেতনা ৱাফম ফোংদোরকখ্রে। ৱর্ল্দ হেল্থ ওর্গনাইজেসন/আই.এস.ও.গী গাইদলাইনশিং অমদি নেস্নেল অক্রিদেসন বোর্দ ফোর তেস্তিং অমসুং কেলিব্রেসন লেবোরেতরিজ( এন.এ.বি.এল. )গী মতুং পি.পি.ই অমসুং অতৈ মরি লৈনবা পোত্থোকশিং সিপেত অহুম: ইন্সতিত্যুত ওফ তেক্নোলোজী( আই.পি.তি.)গী সেন্তরশিং, মমিং ওইনা হায়রবদা আই.পি.তি. ভুবনেশ্বর, চেন্নাই অমসুং লখনৌদা অথুবা মতমদা তেস্ত তৌনবগী খুদোংচাবশিং অদু লৈরগনি।

সিপেত: সেন্তর ফোর স্কিলিং অমসুং তেক্নিকেল সপোর্ত(সি.এস.তি.এস.) মুর্থালনা ‘কোরোনোভাইরস’কী মায়োক্তা লান্থেংনবদা ঙাকথোক্নিংঙাই ওইবা ইকুইপমেন্ত অমা ওইনা ৱার্করশিং, লৌমীশিং, শিন্মীশিং, পুলিস পর্সোনেলনচিংবশিং মতেং পাংনবা ‘ফেস শীল্দ’ শাখ্রে।

সিপেত:সি.এস.তি.এস., জয়পুর; সিপেত: আই.পি.তি., লখনৌ অমসুং সিপেত:সি.এস.তি.এস. মদুরাইনা ফেস শীল্দ শাখ্রে অমসুং ফ্রেমশিং শাবগী থবক চত্থরি।

এদমিনিস্ত্রেতিব মন্ত্রালয়না তাক্লকপগী মতুং ইন্না তঙাই ফদবা পোৎলমশিং ফংহনবদা মতেং ওইনবা সিপেতনা চাননবা চেং-হৱাইগী পেকেৎ শেম্বা তেস্ত তৌনবা থবক হেনগৎহনখ্রে।

অপনবা কয়া লৈরিবশিংদু লোইশিন্ননবা থবক-থৌরমশিং পায়খত্তুনা অমদি থম্লকখিবা ৱাফমশিংগী মতুং ইন্না ওন-লাইন ত্রেনিং প্রোগ্রামশিং অমসুং ইন্দস্ত্রীশিংগীদা তেক্নোলোজীগী তেংবাং থোং-থোংদা থবকশিং ফংহনবগী মীহুৎ মাপনগী কোর-তীম অমা শেমখ্রে। মতৌ অসিগুম্না, সিপেতনা খ্বাইদগী মী য়ামদনা শিফ্ত অহুম; সোসিএল দিস্তেন্সিং ইন্দুনা থবক তৌনবা ৱাফম থমখ্রে।

তমথিরবা কোবিদ-১৯গী অৱাবা ফীভম অসিগী মতমদা তেবাং পীনবা, সিপেতনা পি.এম.কেয়র্স ফন্দ অমসুং লোকেল বোদী / ম্যুনিসিপাল কোর্পোরেসন / রাজ্য সরকারগী ওথোরিতীশিংদা শেল কত্থোক্তুনা কম্ম্যুনিতী ৱেলফেয়রগী থবক পায়খৎখ্রে। সিপেতকী এমপ্লোই খুদিংমক্না পুন্না নোংমগী তোলোপ অপুনবা শেনফম লুপা লাক্ষ ১৮.২৫ পী.এম.কেয়র্স ফন্দা কৎথোকখ্রে।

হৌজিক ফাওবদা সিপেতনা তোঙান-তোঙানবা লোকেল বোদীশিং/ ম্যুনিসিপাল কোর্পোরেসন / রাজ্য সরকারগী ওথোরিতীশিংদা সিপেতকী অঙম্বা ওথোরিতীনা অয়াবা পীদুনা কোরোনাগী ভাইরস(কোবিদ-১৯) শন্দোরকপনা ভারত সরকারনা লোকদাউন থমজিনখিবনা অৱাবা নংলবশিং অমসুং মাইগ্রেন্ত লেবরশিংগী লৈফম-চাফম পীদুনা অৱাবা কোকহন্নবা লুপা লাক্ষ ৮৫.৫০ কৎথোকখ্রে।

*****