ঙাকশেল মন্ত্রালয়
কোবিদ-১৯ লাকশিন্নবগীদমক্তা রক্সা মন্ত্রী শ্রী রাজনাথ সিংনা ওস্ত্রেলিয়াগী দিফেন্স মন্ত্রীগা ফোন্দা ৱারী শানখ্রে
Posted On:
26 MAY 2020 3:28PM by PIB Imphal
রক্সা মন্ত্রী শ্রী রাজনাথ সিংনা ঙসি ওস্ত্রেলিয়াগী দিফেন্স মন্ত্রী সুকুমারী লিন্দা রৈনোল্দসকা ফোন্দা ৱারী-ৱাতাই শানখ্রে।
দিফেন্স মন্ত্রী অনি অসিনা কোবিদ-১৯গী লাইচৎ অসিগী মায়োক্তা মখোয়না লৌখৎলিবা থবক-থৌরমশিং অদুগী মতাংদা খন্নখ্রে। শ্রী রাজনাথ সিংনা কোবিদ-১৯গী মাবোক্তা মালেমগী থাক্তা হোৎনরিবা অসিদা ভারতনা লৌরিবা থৌদাংশিং অদুগী মতাংদা সুকুমারী লিন্দা রৈনোল্দসতা খংহনখ্রে অমসুং লাইচৎ অসিগী মায়োক্তা মালেমগী ওইনা লান্থেংনরিবা অসিদা লৈবাক অনি অসিগী মরক্তা মতেং পাংনবগী ৱাফমশিংগী মতংদা খন্নখ্রে। মখোয়না ভারত-ওস্ত্রেলিয়াগী ওইবা স্ত্রেতেজিক পার্তনর্শিপ ওইবনা কোবিদ-১৯গী মতুংদা থোরক্কদবা শিংনবশিং অদুবু লৈবাক অনি অসিগা লোইননা অতোপ্পা লৈবাকশিংগা পুন্দুনা থবক তৌমিন্নদুনা থেংনবগী খুদোংচাবা অমা পীরি।
মন্ত্রী অনিমক্না ভারত-ওস্ত্রেলিয়া অসি স্ত্রতেজিক পার্ৎনর্শিপ ওইবগী ফ্রেমৱার্ক অসিগী মখাদা লৈবাক অনি অসিগী মরক্তা দিফেন্স অমসুং সেক্যুরিতীগী ওইবা থবক থৌরমশিংগী মতাংদা মতেং পাংনবগী লৌখৎখিবা অনৌবা খোংথাংশিং অদুবু খুমাং চাউশিনহন্নবা অপংম্বশিং অদুসু ফোংদোকখি।
***
(Release ID: 1627037)
Visitor Counter : 204
Read this release in:
English
,
Urdu
,
Marathi
,
Hindi
,
Assamese
,
Bengali
,
Punjabi
,
Odia
,
Tamil
,
Telugu
,
Kannada
,
Malayalam