মচা খায়না, মখা তানা থোরক্তনবা অমসুং লৈরিবা ফিভম অসিদগী হেঞ্জিল্লক্তনবগী খোংথাংগা  লোইননা কোবিদ-১৯ ঙাকথোক্নবা, নমথনবা অমসুং লাকশিন্ননবা খোথাং কয়ামরুম লৌখৎখ্রে। মসিবু চাং নাইনা য়েংশিল্লি অমসুং অৱাংবা থাক্তা মোনিতর তৌরি।

হৌজিক ফাউবগী ওইনা অপুনবা  পেসেন্ত ৪৫,২৯৯ লাইনা অসিদগী নাবা ফখ্রে। হৌখিবা পুং ২৪দা অপুনবা কোবিদ-১৯গী  পেশেন্ত ৩,০০২ ফগৎলকপগী রিপোর্ৎ লৈখ্রে। ফগৎলকপগী চাং অসি লেপ্তনা হেনগৎলক্লি অমসুং হৌজিক্কী ওইনদি ফগৎলকপগী চাং অসি চাদা ৪০.৩২% নি।

ভারত্তা হৌজিক-হৌজিক নারিবা মীগী মশিং  অসি ৬৩,৬২৪ নি। মখোয় পুম্নমক অসি এক্তিব মেদিকেল সুপর্ভিজন্দা লৈরি। হৌজিক-হৌজিক নারিবা মীশিং অদুগী মনুংদা কেসশিং অদুগী চাউরাক্না ২.৯৪% দি আই.সি.য়ু.দা লৈরি।

ভারত্তা শিবগী চাং অসি ৩.০৬%নি, মসি মালেমগী শিবগী চাং ৬.৬৫% দগী য়াম্না হেন্না হন্থৈ। মসিনা, মতমচানা কেসশিং অদুবু মতম চানা খঙদোকপা ঙমহৌবা অমসুং  কেসশিং অদুগী মতিক চাবা ক্লিনিকেল মেনেজমেন্ত তৌনবা ঐখোয়না হোৎনজখিবশিং অদুবু ময়েক শেংনা উৎলি।

অশিবশিং অদুগী মতাংদা নৈনবা মতমদা শিরিবশিংগী মরক্তা ৬৪%না  নুপানি অমসুং ৩৬%না  নুপিনি।.চহি মতাংগী ওইনা খায়দোকপদা, চহি ১৫দগী তাবশিংগী শিবগী চাংনা ০.৫%নি, চহি ১৫-৩০ ফাওবগী কাংলুপ্তা ২.৫%নি, চহি ৩০-৪৫ গী কাংলুপ্তা ১১.৪%নি,  চহি ৪৫-৬০ ফাওবগী কাংলুপ্তা ৩৫.১%নি অমসুং চহি ৬০দগী হেন্বাশিংগীনা ৫০.৫%নি। মখাতানা শিবগী কেসশিং অদুগী ৭৩% অমদি কো-মোরবিদিতী লৈবা কাংলুপনি। অহল ওইরবশিং (চহি ৬০গী মথক) অমসুং কো-মোরবিদিতীশিং লৈবা মীওইশিং অসিনা কোবিদ-১৯গীদমক্তা খ্বাইদগী খুদোংথিনীংঙাই ওইবা কাংলুপনি।

মীয়ামদা খঙহল্লি মদুদি কোবিদকী ওইনা চৎকদবা লমচৎ-শাজৎকী মতাংদা কম্যুনিতী এৱেয়রনেস পীবা হায়বসি লাইনা অসিনা শন্দোরকপদগী থিংনবা মরু ওইবা পাম্বৈ অমনি।ইশা লু-নান্না থম্বা, খুৎ-শা লু-নান্না থম্বা অমসুং স্বর হোনবগী লিচৎ-সাজৎশিং অমসুং অকোইবদা লৈরিবশিংগী সেনিতেশনদা মিৎয়েং চংবা মথৌ তাই।  ফেস কোভরশিং শিজিন্নবা অমসুং মীয়াম তিনবা মফমশিংদা ফেস মাস্কশিং শিজিন্নগদবনি অমসুং ফিজিকেল দিসতেন্সিং অসি ইনগদবনি। মীয়াম তিনবা লেপকদবনি। তঙাইফদবা অমসুং হকশেলগা মরী লৈনবা থবকশিং নত্তনা য়াম্না খুদোংথিনীংঙাই ওইবা কাঙলুপশিংগী মীওইশিংনা য়ুমদগী লেংদনা লৈগদবনি।

কোবিদ-১৯গা মরী লৈনবা ৱাকৎশিং, গাইদলাইনশিং অমসুং পাউতাকশিংগীদমক্তা তশেংবা অমসুং অনৌবা ই-পাউশিংগীদমক্তা চানবীদুনা https://www.mohfw.gov.in/ অমসুং @MoHFW_INDIAদা চংবীয়ু।

কোবিদ-১৯গা মরী লৈনবা তেক্নিকেল ওইবা ৱাহংশিংগীদমক্তা technicalquery.covid19[at]gov[dot]inদা  অমসুং অতোপ্পা ৱাহংশিংগীদমক্তা ncov2019[at]gov[dot]in  অমসুং @CovidIndiaSevaদগী খঙবিরবা  য়াগনি।

কোবিদ-১০গী মরমদা করিগুম্বা অমা হেক্তা খঙনীংবা লৈরগদি, হকশেল অমসুং য়াইফ য়ুম্বালগী মন্ত্রালয়গী হেল্পলাইন নম্বর +91-11-23978046 নত্ত্রগা 1075 (তোল-ফ্রী) অসিদা ফোন তৌবা য়াগনি। কোবিদ-১৯গী ওইবা রাজ্যশিং/ য়ু.তি.শিংগী হেল্পলাইন নম্বরশিংগী লিস্তসুhttps://www.mohfw.gov.in/pdf/coronvavirushelplinenumber.pdf .তা ফংবিরগনি।

****