ভারত সরকারনা লৈবাক অসিদা কোবিদ-১৯ ঙাকথোক্নবা অমসুং মেনেজমেন্তকীদমক রাজ্যশিং/য়ুনিয়ন তেরিতোরীশিংগা লোয়ননা তোঙান-তোঙানবা খোংথাং কয়া পায়খৎলি। মসিবু চাং নাইনা অৱাংবা থাক্তা য়েংশিল্লি।

ভারতনা কোবি-১৯ শন্দোকপগী খোংজেল তপথহনবা ঙম্লি অমদি ইম্পেক্ত অদু কোবিদ-১৯ কেসশিংগী দেতাদা উবা ফংগনি। গ্লোবেল স্কেল মীশিং লাখ খুদিংগী কেস ৬২.৩ অদুগা চাংদম্নবদা ভারতকী মীশিং লাখ খুদিংগী কেস ৭.৯ ওইরি। মদুগা মান্ননা মীশিং লাখ খুদিংদা শিবগী চাং অসি মালেমগী ওইনা ৪.২ ওইবদা ভারতকী ওইনা ০.২ ওইরি।

ক্লিনিকেল মেনেজমেন্ত অমসুং রিকোবরীদা মিৎয়েং থম্বনা রিকোবরী রেৎ হেঙ্গৎহল্লে। ঙসি ফাওবদা মীওই ৪২,২৯৮ নাবা ফদুনা চাদা ৩৯.৬ নাবা ফরে। লাইনা অসি লাইয়েংবা ঙম্মি হায়বা নীংশিংহল্লে অমদি ভারতনা এদোপ্ত তৌরিবা ক্লিনিকেল মেনেজমেন্ত প্রোতোকোলশিং অসি ইফেক্তিব ওইরি। রিকোবরী দেতাদা মসি উবা ফংলে মদুদি মেনেজমেন্তকী মখাদা এক্তিব কেস পুম্নমক্কী চাউরাক্না চাদা ২.৯না ওক্সিজেন সপোর্ত দরকার ওইরি, মেনেজমেন্তকী মখাদা এক্তিব কেস চাদা ৩না আই.সি.য়ু. সপোর্ত দরকার ওইরি অমদি মেনেজমেন্তকী মখাদা এক্তিব কেস চাদা ০.৪৫না ভেন্তিলেতর সপোর্ত দরকার ওইরি। ভারতনা কোবিদ দেদিকেতেদ হেল্থ ইনফ্রাস্ত্রকচরশিং অপগ্রেদ তৌবদা পুল্লপ পুন্না মিৎয়েং থম্লি।   

কোবিদ-১৯গা মরী লৈনবা তেক্নিকেল ইসুশিং, গাইদলাইনশিং অমসুং এদভাইজরীদা ঔথেন্তিক অমসুং অপদেত ওইবা ইনফোর্মেশন পুম্নমক্কীদমক চানবীদুনা চাং নাইনা ভিজিৎ তৌবীয়ু https://www.mohfw.gov.in/.

কোবিদ-১৯গা মরী লৈনবা তেক্নিকেলগী ৱাহংশিং technicalquery.covid19[at]gov[dot]inদা অমসুং অতোপ্পা ৱাহংশিং ncov2019[at]gov[dot]inদা ইমেল তৌবীরকপা য়াগনি।

কোবিদ-১৯দা করিগুম্বা মখল অমা হেক্তগী ৱাহং লৈরগদি হকশেল অমসুং য়াইফ য়ুম্বাল মন্ত্রালয়গী হেল্পলাইন নম্বর +91-11-23978046 নত্রগা 1075 (তোল-ফ্রী)দা চানবীদুনা কোল তৌবীরকউ। কোবিদ-১৯দা রাজ্যশিং/য়ুনিয়ন তেরিতেরীশিংগী হেল্পলাইন নম্বরশিংগী লিস্ত মখাগী অসিদগী ফংবীগনি https://www.mohfw.gov.in/pdf/coronvavirushelplinenumber.pdf .

****