প্রাইম মিনিস্তর শ্রী নরেন্দ্র মোদীনা ময়াই তাংবল লৌরগা ফংমখিবা য়ুনিয়ন কেবিনেৎনা পার্সিএল ক্রেদিৎ গরেন্তি স্কিম (পি.সি.জি.এস.)গী অহেনবা শরুক অমগী খুত্থাংদা পব্লিক সেক্তর বেঙ্কশিং (পি.এস.বি.)গী এন.বি.এফ.সি.শিং/এম.এফ.শিং / মাইক্রো ফাইনান্স ইন্সতিত্যুসনশিং (এম.এফ.আই)না থোকপা রেতিং এ.এ.. অমসুং মখা (চহি অম ফাওবগী ওরিজিনেল/ইনিসিএল মেচ্যুরিতিগা লোয়ননা অনরেতেদ পেপরশিং য়াওনা) লৈবা বোন্দশিং নত্ত্রগা কম্মর্সিয়ল পেপরশিং (সি.পি.) পর্চেজ তৌবদা অহানবা মাংবগী ২০% ফাওবা সোভরেন পোর্তফিলিও গরেন্তী পীনবা অয়াবা পীখ্রে।

কেবিনেৎনা পুল্দ এসেৎশিং লৈবদা মখাদা পীরিবা অসিদা হেনগৎহন্দুনা হৌজিক লৈরিবা পি.সি.জি.এ. অসি শেমদোকপদা অয়াবা পীখ্রে –

১.০৮.২০১৮গী মাংওইননা হৌখিবা চহী অমগী মতমগী মনুংদা  তেক্নিকেলগী মরমশিং খক্তদা এস.এম.এ-১ কাংলুপকী মখাদা রেপোর্ত তৌখিবা এন.বি.এফ.সি.শিং/ঐস.এফ.সি.শিং  ইলিজিবল ওই। মমাংদা স্কিম অসিগী মখাদা মসিগী মতম অসিগী মনুংদা এস.এম.এ.-১ নত্র্গা  এস.এম.এ.-২ ওইনা রিপোর্ত তৌখিবা এন.বি.এফ.সি.শিং/ঐস.এফ.সি.শিং  ইলিজিবল ওইদে।

• নেৎ প্রোফিৎ ক্রাইতেরিয়াদা কোমথোক্তুনা মসিনা মরী লৈনরিবা এন.বি.এফ.সি./ঐস.এফ.সি.না শেনবা চহী এফ.ৱাই.২০১৭-১৮, এফ.ৱাই.২০১৮-১৯ অমসুং ২০১৯-২০গী মনুংদা য়ামদ্রবদা অমদা হৌজিক ফাওবদা শেনদোং ফংলগনি। মমাংদা এন.বি.এফ.সি./ঐস.এফ.সি. না য়ামদ্রবদা এফ.ৱাই.২০১৭-১৮ অমসুং ২০১৮-১৯গী শেনবা চহী অমদা অপুনবা শেনদোং অমা ফংলমগনি।

• এসেৎশিংগী ওরিজিনেসনগী তাংগী মতাংদা ক্রাইতেরিয়া কোমথোকপদা পুলরেতিংগী অহানবা তাংগী মমাংদা য়ামদ্রবদা থা তরুক ফাওবা অনৌবা এসেৎশিং ওরিজিনেৎ তৌবা য়াওই। মমাংদা স্কিম অসিগী মখাদা ৩১.৩.২০১৯ ফাওবগী এসেৎশিং খক্তা ওরিজিনেৎ তৌবা ইলিজিবল ওইরম্মি।
• পুল্দ এসেৎশিং লৈনবগীদমক স্কিম অসি ৩০.০৬.২০২০দগী ৩১.৩.২০২১ ফাওবা শাংদোকখ্রে।

হৌজিক লৈরিবা পি.সি.জি.এস. অসি ১১১২.২০১৯দা থোকপনি অমসুং শেন্থুম মরাং কায়না লৈবা  এন.বি.এফ.সি.শিং/এম.এফ.সি.শিংদগী রেত বি.বি.বি+ নত্ত্রগা লুপা করোর ১,০০,০০গী মমল ওইবা পুল্দ এসেৎশিং লৈবদা পি.এস.বি.শিংদা অহানবা মাংবগী ১০% ফাওবা সোভরেন গরেন্তী পীবা অমনি। ব্যুজিনেসকী থবক থৌরমশিং লোকদাউন তৌবগা লোয়ননা কোবিদ-১৯ থোরকপা অসিনা হৌজিক এন.বি.এফ.সি.শিং অমসুং ঐচ.এফ.সি.শিং মতেং পাংনবা অএনবা খোংথাং লৌবা মথৌ তারে অমসুং এন.বি.এফ.সি.শিং/ঐচ.এফ.সি.শিংগা লোয়ননা অপীকপা বোরোৱরশিংদা শেল পুথোকপদা অচৌবা থৌদাং লৌরিবা এম.এফ.আই.শিংদসু বোন্দশিং/সি.পি.শিং লৈবদা সোভরেন গরেন্তী অমা পীদুনা মতেং পাংগনি; অমসুং হৌজিক লৈরিবা পি.সি.জি.এস.অসি কভরেজ চাওথোকহন্দুনা এসেৎকী মাইকৈদা লেপকনি।

ইমপ্লিমেন্তেসন সেদ্যুল:

জি.ও.আই.না পীবা ৱান তাইম পার্সিএল ক্রেদিৎ গরেন্তি অসি পুল্দ এসেৎশিং লৈবগী মার্চ ৩১, ২০২১ফাওবা মতম পীখিগনি অমসুংবোন্দশিং.সি.পি.শিং লৈনবা স্কিম অসিদা পীরিবা মতম নত্ত্রগা পুল্দ এসেৎশিং অমসুং বোন্দশিং/সি.পি.শিং অনিমক লৈবগী লুপা করোর ১০,০০০ গী গরেন্তী য়াওনা সর্কারনা থুনা মতম পীরগনি।

চৈথেং:

কোবিদ-১৯গী অৱাবা অমসুং মসিদগী থোরকপা লোকদাউনগী অথিংবশিংনা অপুনবা শেনমিৎলোনদা তথরকপা অমা লৈজরবসু লোন খোমগৎপা অমসুং অনৌবা লোন পীবদা মায় পাকওইদবা ফল অমা লৈগনি। মসিনা এন.বি.এফ.সি./ঐচ.এফ.সি./এম.এফ.আই. সেক্তরগী এসেৎ ক্বালিতিগী ফল অকায়বা পীবদা নত্তনা লোন পুবগী চাং হন্থবগা লোয়ননা মাইক্রো, স্মোল অমসুং মেদিয়ম ইন্তর্প্রাইসশিং (এম.এস.এম.) খংহেন হেনগৎপগা লোয়ননা বোরোৱিং কোস্তশিং ৱাংগনি। আর.বি.আই.গী মোরেতোরিয়ম্না এসেৎশিংগী মাকৈদা মতেং খরা পাংলবসু সেক্তর অসি অৱাবা মায়োক্নবা মসিং হেনগৎলক্কবা মওংদা লৈ। হান্না লৈরিনা স্কিম অসিগী এক্তেন্সন অসি মরি লৈনবশিংগী কা্ন্নবা পীরগনি। মসিদগী হেন্না হান্না লৈরম্বা পি.সি.জি.এস. অসিনা এসেৎকী মায়কৈদা স্কিমগী পাকশন্না কোনশিনবা ঙমলগনি। অপীকপা অমসুং ময়াই ওইনা সেগমেন্তশিংদা কঞ্জম্পসন দিমান্দগা লোয়ননা কেপিতেল ফোর্মেসন লেংদনা থম্বদা ‌এন.বি.এফ.সি.শিং, ঐচ.এফ.সিশিং অমসুং এম.এফ.আই.শিং মরুওইবা থৌদাং লৌরকপনা মখোয়না অথিংবা লৈতনা শেন্থং ফংবা মথৌ তাই অমসুং শাংদোক্লবা পি.সি.জি.এস. অসিনা মসি সিস্তেমেতিক ওইনা য়াহনগনি হায়না থাজৈ। 

****