হ্যুমেন রিসোর্স চাউখৎ-থৌরাংগী মন্ত্রালয়
কেন্দ্রগী ঐচ.আর.দি. মিনিস্তরনা ক্লাস X অমসুং XIIকী লেমহৌরিবা পরিক্ষাশিংগী তারিক লাউথোকখ্রে
Posted On:
18 MAY 2020 5:04PM by PIB Imphal
কেন্দ্রগী হ্যুমেন রিসোর্স দিবেলপমেন্ত মন্ত্রী শ্রী রামেশ পোখরিয়াল ‘নিশঙ্ক’না ঙসি নই দিল্লীদা সি.বি.এস.ই.গী ক্লাস X অমসুং XIIকী লেমহৌরিবা পরিক্ষাশিংগী তারিক লাউথোকখ্রে। মন্ত্রীনা হায়খি মদুদি ক্লাস Xগী পরিক্ষাশিং অসি নোর্থ ইস্ত দিল্লী খক্তগী মহৈরোইশিংগীদমক পাংথোক্কনি, অদুগা ক্লাস XIIকী পরিক্ষাশিং অসিনা নোর্থ ইস্ত দিল্লী য়াওনা লৈবাক্কী মফম খুদিংদা লৈরিবা মহৈরোইশিংগীদমক পাংথোক্কনি। পরিক্ষা পুম্নমক অয়ুক পুং ১০.৩০দগী নুংথিল পুং ১.৩০ ফাওবগী মরক্তা পাংথোক্কনি।
মসিগী মমাং মে ৫দা মহৈরোইশিংগা ৱেবিনর ইন্তরেক্সন অমগী মনুংদা শ্রী পোখরিয়ালনা হায়খি মদুদি সি.বি.এস.ই.গী ক্লাস X অমসুং XIIকী লেমহৌরিবা পরিক্ষাশিং জুলাই ১দগী ১৫ ফাওবগী মরক্তা পাংথোক্লগনি।
তাঞ্জা অসিদা শ্রী পোখরিয়ালনা হায়খি মদুদি ঐচ.আর.দি. মন্ত্রালয়না পরিক্ষাগী মতম লাউথোকপা মতমদা মহৈরোইশিংনা পরিক্ষাগীদমক শেম-শানবা মতম মরাং কায়না ফংহন্নবা ৱারেপ লৌখি, হৌজিক্তি মহৈরোইশিংনা মখোয়গী শেম-শাবদা পুক্নিং চংবা ঙম্লগনি। মন্ত্রীনা মখা তাখি মদুদি মসিগী মথক্তা ঐখোয়না মহৈরোইশিং মসুং ওজাশিংগী হকশেলদা অকায়বা পীদনবা পরিক্ষা পাংথোকপা মতমদা সোসিয়েল দিস্তেন্সিং ঙাকনা চৎহন্নবসু খংহনখ্রে। মন্ত্রীনা পরিক্ষা অসিগীদমক মহৈরোইশিংদা মহাক্কী ওইবা য়াইফ পাউজেলসু পীখি।
ক্লাস Xগী এগজাম দেত শীৎকীদমক মফম অসিদা ক্লিক তৌবীয়ু
ক্লাস XIIকী এগজাম দেত শীৎকীদমক মফম অসিদা ক্লিক তৌবীয়ু
****
(Release ID: 1625062)
Visitor Counter : 136
Read this release in:
Tamil
,
Telugu
,
English
,
Urdu
,
Hindi
,
Marathi
,
Bengali
,
Punjabi
,
Gujarati
,
Odia
,
Kannada
,
Malayalam