য়ুমলৈ-কৈরৈ মন্ত্রালয়

মে ৩১, ২০২০ ফাওবা লোকদাউন শাংদোকপা
স্তেৎশিংনা মখল কয়াগী জোনশিং অমসুং জোনশিং অসিদা চৎনগদবা থবক-থৌরমশিং অদু লেপচরগনি: লৈবাক শিনবা থুংনা চৎথবা থবক-থৌরম কয়াদদি অদুমক অথিংবা লৈখিগনি

কোবিদ-১৯ মেনেজমেন্তগী নেসনল দিরেক্তিবশিং লৈবাক শিনবা থুংনা মখা তানা থমখিগনি

নুমিৎদাংগী কর্ফিয়ু মখা তানা থমখিগনি

Posted On: 17 MAY 2020 8:13PM by PIB Imphal

মে ২৪,২০২০দগী থমলকখিবা লোকদাউনগী খোঙথাংশিংনা কোবিদ-১৯গী লাইচৎ লাকশিনবদা চাউনা মতেং পাংলি। মসিনা মরম ওইরগা লোকদাউন অসি মখা তানা মে ৩১,২০২০ ফাওবা শাংদোকনবা ৱারেপ লৌখ্রে। হিরম অসিদা দিজাস্তর মেনেজমেন্ত (দি.এম.) এক্ত, ২০০৫গী মখাদা হোম এফিয়র্স মন্ত্রলয় (এম.ঐস.এ.), ভারত সরকার (জি.ও.আই.)না ঙসি ওর্দর অমা থোকখি। অনৌবা চৎনা কাঙলোনশিং অদুগী মপুংওইবা ৱারোল মখাদা পীরি:

স্তেৎশিংনা মখল কয়াগী জোনশিং লেপচরগনি

অনৌবা চৎনা কাঙলোনশিংগী মখাদা, হকশেল মন্ত্রলয়না পীবা পেরামীতরশিং অদু ঙাকলগা স্তেৎশিং অমসুং য়ুনিয়ন তেরিতোরীশিং(য়ু.তি..শিং)না হৌজিক রেদ, গ্রীন অমসুং ওরেঞ্জ জোনশিং লেপথোক্লগনি। স্তেৎশিং অমসুং য়ুনিয়ন তেরিতোরীশিংনা লেপ্পগী মতুং ইন্না জোনশিং অদু দিস্ত্রিক্ত অমা, নত্ত্রগা ম্যুনিসিপাল কোর্পোরেসন/ম্যুনিসিপালিতী অমা, নত্ত্রগা সব-দিবিজন্নচিংবশিংগুম্বা হেন্না পীকপা এদমিনিস্ত্রেতিব য়ুনিৎশিং ওইবা য়াই।

রেদ অমদি ওরেঞ্জ জোনশিং মনুংদা মরী লৈনবা লোকেল ওথোরিতীনা হকশেল মন্ত্রলয়গী চৎনা কাঙলোনশিংগী মতুং ইন্না কন্তেনমেন্ত অমসুং বফর জোনশিং খায়দোক্কনি।

কন্তেনমেন্ত জোনশিংগী মনুংদা ইসেন্সিএল এক্তিবিতীশিং খক্তমক অয়াবা পীগনি। অকোয়বগী অকনবা চেকশিল-থৌরাং লৌখৎকনি অমসুং মেদিকেল ইমর্জেন্সীশিং অমদি তঙাইফদনা চঙদবা য়াদ্রবা পোৎলমশিং য়েন্থোকপগী থবক তৌরিবশিং নৎতনা কনাগুম্বা মীওই অমত্তা চৎথোক-চৎশিন তৌবা য়ারোই। বফর জোনশিং অসি অনৌবা কেসশিং হেনগৎলক্লিবা, কন্তেনমেন্ত জোন অমমমগা থংনরিবা মফমশিং অদুনি। বফর জোনশিংদা হেন্না চেকশিল থৌরাং লৌখৎপা মথৌ তারি।

লৈবাক শিনবা থুংনা অথিংবা থম্লিবা থবক-থৌরমশিং

লৈবাক শিনবা থুংনা অকক্নবা থবক থৌরমশিংদা অথিংবা অদুমক লৈখিগনি। মসিদা য়াওরিবশিং অদুদি -

  • দোমেস্তিক মেদিকেল সর্ভিসশিং, দোমেস্তিক এয়র এমব্যুলেন্স অমসুং ঙাকশেলগী নত্ত্রগা এম.ঐচ..না অয়াবা পীবা হিরমশিং নৎতনা পেসেঞ্জরশিংগী দোমেস্তিক অমসুং ইন্তর্নেসনল এয়র ত্রেবেল লোয়নমক;
  • মেত্রো রেল সর্ভিসশিং;
  • স্কুলশিং, কোলেজশিং, মহৈ তম্ফম অমসুং ত্রেন্নিং/কোচিং লোইশঙশিং চল্লাইবা;
  • বস দিপোৎশিং, রেলৱে স্তেসনশিং অমসুং এয়রপোর্তশিংদা চল্লাইবা কেনতীনশিং নৎতনা  হোতেলশিং, রেস্তোরেন্তশিং অমদি অতৈ হোস্পিতেলিতী সর্ভিসশিং;
  • সিনেমা হোলশিং, শোপ্পিং মোলশিং, জিম্নাজিয়মশিং, এন্তর্তেনমেন্ত পার্কশিংনচিংবা মী কা হেন্না তিনগদবা মফমশিং;
  • সোসিএল, পোলিতিকেল, কলচরেল অমদি মসিগা মান্নবা মীয়াম পুনবা অমসুং অতৈ অচৌবা কোংগ্রিগেসনশিং; লাইনীং-লাইশোলগী মফম/মীয়ামগী লাই খুরমফমশিংদা চংবা।

অদুম ওইনমক, ওনলাইন/দিস্তেন্স লর্নিংগী অয়াবা পীরি অমসুং থৌগৎলি; অমসুং, রেস্তোরেন্তশিংদা চানা থক্নবা পোৎলমশিংগী হোম দেলিভরী তৌনবা থোং থাক্ননবা অয়াবদি পীরি।

স্পোর্তকী থবক থৌরমশিং  হাংবা

স্পোর্তস কমপ্লেক্সশিং স্তেদিয়মশিং স্পোর্তসকী থবক থৌরমশিংখক্তগী ওইনা হাংবগী অয়াবা পীরি। অদুম ওইনমক কমপ্লেক্সশিং অসিদা থৌরম য়েংবা লাকপা মীওইশিং চঙহনবা য়ারোই।

অথিংবশিংগা লোয়ননা অয়াবা পীরিবা থবক থৌরমশিং

মীওইশিংগী চৎথোক চৎশিন য়াহন্নবা ত্রান্সপোর্তকী মখল কয়া হাংদোকখ্রে। মমাংদা এম.ঐচ.এ.না তাং ১১.০৫.২০২০দা থোকখিবা ওদর্রনা ত্রেনশিংদা মীওইশিংনা চৎথোক চৎশিন তৌবগী অয়াবা পীখি। মখা তানা মীরৈবাক মচাশিং ভারত্তগী লৌথোকপা, মীরৈবাক্তা পন্দুনা লৈরিবা ভারত মচাশিং হলহল্লকপা, ভারতকী হিরোইশিং সাইন-ওন অমসুং সাইন-ওফ তৌবা, অমদি বস অমসুং ত্রেনগী খুত্থাংদা ইন্ত্রা-স্তেৎ অমসুং ইন্তর-স্তেৎতা পন্দুনা লৈরিবা মীওইশিং পুথোক - পুশিন তৌবা মখা তানা অয়াবা পীখিগনি।

মরী লৈনবা স্তেৎশিং/য়ু.তি..শিংগী য়ানবগী মতুং ইন্না গারীশিং অমসুং বসশিং স্তেৎ অমদগী অমদা চৎথোক-চৎশিন তৌবদা অয়াবা পীরি। স্তেৎ মনুংদা গারীশিং অমসুং বসশিং চৎথোক চৎশিন তৌবা অসি স্তেৎশিং অমসুং য়ু.তি..শিংনা লেপচগনি।

কোবিদ-১৯ মেনেজমেন্তকী নেসনল দিরেক্তিবশিং

চৎনা কাংলোনশিং অসিনা মীয়াম তিনবা অমসুং থবক মফমশিংদা চৎনবা য়াবা কোবিদ-১৯ মেনেজমেন্তকী নেসনল দিরেক্তিবশিং মচা খাইনা পীরি।

চৎনা কাংলোনশিং অসিগী মখাদা চিন খুম্বা অসি শুংশোই শোইদবা তৌগদবা ওইরি; তিন শিৎপা অসি স্তেৎ/য়ু.তি.গী লোকল ওথোরিতীগী লো, রুল্স, নত্ত্রগা রিগুলেসনশিংদা য়াওরিবা অদুগী মতুং ইন্না ফাইনগা লোইননা দন্দী পীগদবনি; অমসুং মীপুম খুদিংমক্না মীয়াম তিনবা মফম অমসুং চৎথোক চৎশিন তৌবদা সোসিএল দিস্তেন্সিং ঙাক্না চৎকদবনি। লুহোংবগা মরী লৈনবা থৌরমশিংদা মীওই ৫০দগী হেন্না পুনবা য়ারোইদবনি। শোরাৎ দেব-কর্মদা পুনবা য়াবা খ্বাইদগী য়াম্বা মীশিং অসি ২০দা থম্মি। মীয়াম তিনবা মফমদা য়ু থকপা, ক্বা, গুৎখা, অমসুং খাইনি চাবা অথিংবা থম্মি।

নেসনল দিরেক্তিবশিংনা থবক মফমশিংগী অহেনবা স্তিপুলেৎশিং পীরি। ৱার্ক ফ্রোম হোম  (দবল্যু.এফ.ঐচ) অসি য়ারিবমখৈ পাংথোক্কদবনি; অমসুং ওফিসশিং অমসুং অতোপ্পা ইস্তাব্লিশমেন্তশিংদা থবক্কী মতম কান্নহনগদবনি। থর্মেল স্কেনিং, হেন্দ ৱাশ অমসুং সেনিতাইজরশিং চংফম অমসুং থোকফম অমসুং ময়ামগী ওইবা মফমশিংদা থমগদবনি; অমসুং থবক মফম পুম্নমক অমসুং অতোপ্পা সেন্সিতিব ওইবা মফম খুদিংমক চাং নাইনা সেনিতাইজ তৌগদবনি। থবক মফমশিংদা সোসিএল দিস্তেন্সিং তৌদুনা শিম্মীশিংগী মরক্তা চপচাবা অরাপ্পা থম্বা সিফশিংগী কান্নহনবা, অমসুং স্তাফশিংগী লঞ্চকী মতম কান্নহনবা অসিনচিংবা ঙাক্না চৎনবা হোৎনগদবনি।

দুকানশিং অমসুং কৈথেলশিংগা মরী লৈননা থম্বা স্তিপুলেসনশিং

লোকেল ওথোরিতীশিংনা দুকানশিং অমসুং কৈথেলশিং সোসিএল দিস্তেন্সিং ঙাক্না চৎনবা মতম কান্না-কান্নরগা হাংহনগদবনি। দুকান খুদিংমক্না পোৎ লৈবা লাকপা মীওইশিংগী মরক্তা ফুৎ তরুক্কী অরাপ্পা (খোংকাপ ২গী অরাপ্পা) থমগদবনি অমসুং মতম অমত্তদা মীওই ৫দগী হেন্না পোৎ লৈহল্লোইদবনি। 

নুমিদাংগী কর্ফ্যু

নুমিদাংগী কর্ফ্যু অসি ৭ পি.এম.দগী ৭ এ.এম.গী মরক্তা লনাই মীওইশিংনা তঙাইফদবা থবক থৌরমশিং নত্তবগী চৎথোক চৎশিন তৌবদা মখা চৎথখিগনি।

য়াম্না লায়না নারকপা য়াবা মীওইশিং ঙাকশেনবা

য়াম্না লায়না নারকপা য়াবা মীওইশিং হায়বদি চহি ৬৫ হেল্লবা মীওইশিং, মশাগী অনাবা লৈবা মীওইশিং, মীরোনবী নুপীশিং অমসুং চহি ১০গী মখাদা লৈবা অঙাংশিং তঙাই ফদবা পোৎচৈ লৌবা চৎপা নত্ত্রগা অনা-লায়েংগী থবক চৎপা নত্তনা য়ুমদা লৈগদবনি।

চৎনবা য়াদবা নত্ত্রগা অথিংবা থম্বা অকক্নবা মশিংগী নত্তনা অতোপ্পা থবক থৌরম পুম্নমক চৎননবা অয়াবা পীরগনি

মসিগী চৎনা কাংলোনশিং অসিগী মখাদা অখন্ননা ঙাক্তবা নত্তনা অতোপ্পা থবক থৌরম পুম্নমক চৎনবা য়াবগী অয়াবা পীরগনি। অদুম ওইনমক কন্তেন্তমেন্ত জোনশিংদদি মমাংদা পনখিবা অদুগুম তঙাই ফদবা থবক থৌরমশিংতমক চৎনবা য়াগনি।

স্তেৎশিংনা তোঙান-তোঙানবা জোনশিংগী মনুংদা চৎথগদবা থবক থৌরমশিং খন্দোকপা

য়েংশিল্লবা ফীভমগী মখা পোন্না স্তেৎশিং/য়ু.তি.শিংনা তোঙান-তোঙানবা জোনশিংদা অকক্নবা থবক থৌরম খরা থিংবা য়াই নত্ত্রগা মথৌ তাবগী মতুং ইন্না অথিংবশিং থম্বা য়াই।

আরোগ্য সেতু শিজিন্নবা

আরোগ্যা সেতু মোবাইল এপ্লিকেসন অসি কোবিদ-১৯না নারবা নত্ত্রগা নাবদগী খুদোংথীবদা লৈরবা মীওইশিং থুনা খঙদোকপদা মতেং পাংবা মশা-মশাগী অমসুং কাংলুপকী চুঙ্গোই অমগুম্না মথৌ তৌবা ভারত সর্কারনা শাবা মতিক মগুন লৈবা তুল অমনি। ওফিস অমসুং থবক মফমশিংদা চেকশিন থৌরাং লৌখৎপা ওইনা ইম্প্লোইয়রশিংনা চান্নবা মোবাইল ফোনশিং পায়বা ইম্প্লোইয়িশিংনা এপ্লিকেসন অসি শোইদনা হাপ্নবা অঙম্বা থাক্তা হোৎনগদবনি।  

দিস্ত্রিক্ত ওথোরিতীশিংদা মীওই খুদিংদা চান্নবা মোবাইল ফোনদা আরোগ্য সেতু এপ্লিকেসন অসি হাপ্নবা অমসুং এপ অসিদা চাং নায়না মখোয়গী হকচাংগী মরমদা থাগৎনবা পাউতাক পীনবা খঙহনখ্র। মসিনা খুদোংথীবদা লৈরবা মীওইশিং অদুদা মতমচানা হীদাক লাংথক পীবদা মতেং পাংগনি। স্তেৎ/য়ু.তি. সরকারশিংনা লোকদাউনগী চৎনা কাংলোনশিং অসি অকনবা মওংদা মখা চৎথগদবনি অমসুং মখোয়না করিগুম্বা মওং অমত্তদা দিজাস্তর মেনেজমেন্ত এক্ত ২০০৫কী মখাদা পীরিবা চৎনা কাংলোনশিং অসি থুগাইরোইদবনি।

 

লোকদাউন শাংদোকপগী ওর্দর অমসুং শেমদোক্লবা নেস্নেল গাইদলাইনশিং য়েংবীনবা মসিদা ক্লিক তৌবীয়ু

****



(Release ID: 1624856) Visitor Counter : 51