PIB Headquarters
কোবিদ-১৯গী মতাংদা নুমিৎ খুদিংগী ফোংবা পি.আই.বি.গী বুলেতিন
Posted On:
17 MAY 2020 6:28PM by PIB Imphal
(মসিদা হৌখিবা পুং ২৪ দা থোকখিবা কোবিদ -১৯গা মরী লৈনবা চেফোংশিং, ফিল্দ ওফিসশিংদগী ফংবা পাউশিং, অমসুং পি.আই.বি.না লৌখৎপা ফেক্ত চেকশিং য়াওরি )
- হৌজিক ফাওবদা লৈবাক অসিদা কোবিদ-১৯গী কেস ৯০,৯২৭ রিপোর্ত তৌখ্রে, মসিগী মনুংদা মীওই ৩৪,১০৯ নাবা ফখ্রে, ফগৎলকপগী চাং ৩৭.৫%, শিবগী মশিং ২৮৭২ য়ৌখ্রে।
- হৌখিবা পুং ২৪দা, অনৌবা কনফর্ম তৌরবা কেস ৪,৯৮৭ লাকখ্রে।
- দা. হর্শ বর্ধন্না হায়খ্রে মদুদি কোবিদ-১৯গা মায়োক্নবদা অমগা অমগা লাপথোক্নবা অমদি থক্সি-খাসি ঙাক্না চৎপা অসি খুন্নাইগী ওইবা ভেক্সিন অমনি।
- শেল-থুম মন্ত্রীনা আত্মনির্ভর ভারত অভিয়ানগী অরোইবা তাঙ্কক্তা সরকারগী রিফোর্মশিং অমসুং সেক্তর তরেৎকী তেংবাংশিং লাওথোকখ্রে।
- NDMAনা রাজ্য অপুনবদা মাইগ্রেন্তশিং মনীং তম্না চৎহনবা ঙম্ননবা ওনলাইন দেশবোর্দ অমা শেমখ্রে।
- মাইগ্রেন্তশিংদা চাননবা পোৎলম লেম্না ফংহন্নবা আত্মনির্ভর ভারত স্কিম হৌদোকখিবনি
- ত্রেনগী শম্নবা জিলা খুদিংমক্তগী রেলৱেনা শ্রমিক ত্রেল চেলহন্নবা শেম শাখ্রে।
দা. হর্শ বর্ধনঃ কোবিদ-১৯গা মায়োক্নবদা অমগা অমগা লাপ্না লৈনবা অমসুং থক্সি-খাসি ঙাকপা অসি ‘খুন্নাইগী ওইবা ভেক্সিন’ অমনি; “ঐখোয়গা ফগৎলকপগী চাং অসি ৩৭,৫%নি, অমসুং তেস্ত লাখ ২২দগী হেন্না তৌখ্রে”
লৈবাক অসিনা লোকাউন ৩.০দগী থোক্লমদাই অসিদা, হকশেল অমসুং য়াইফ-য়ুম্বাল মন্ত্রী দা. হর্শ বর্ধন্না ফোংদোকখ্রে, “নুমিৎ ১৪নিগী মমাংদা দব্লিংগী মতম ১১.৫ ওইরম্বদগী হৌখিবা নুমিৎ হুম্নিদা ১৩.৬ ওইদুনা ফগৎলক্লে।” মহাক্না হায়খি মদুদি শিবগী চাং ৩.১%দা তাথরে অমসুং ফগৎলকপগী চাং ৩৭.৫% ওইদুনা হেনগৎলক্লে। মহাক্না মসিসু পনখি মদুদি (ঙরাং ফাওবদা)কোবিদ-১৮গী অনাবা ICU লৈবগী চাং ৩.১%, ভেন্তিলেতর হাপ্পগী চাং ০.৪৫% অমসুং ওক্সিজেনগী মতেং পীবগী চাং ২.৭% ওইখি। মে ১৭, ২০২০ ফাওবদা, লৈবাক অসিদা পুন্না কেস ৯০,৯২৭ রিপোর্ত তৌখিবগী মনুংদা মীওই ৩৪,১০৯ নাবা ফখরে অমসুং ২,৮৭২না শিখ্রে। হৌখিবা পুং ২৪দা, অনৌবা কনফর্ম ওইরবা কেস ৪,৯৮৭ লাকখ্রে।
দা. হর্শ বর্ধন্না ফোংদোকখি মদুদি ভারতনা মহৌশাগী ওইবা ফিভমদা হঞ্জিল্লকপা উরিবা অসিদা, অচম্বা হকশেলগী পাম্বৈসিং ঙাকপা খুদম ওইনা সাপোন্না খুৎ তোইনা সেকেন্দ কুন হামদোকপা নত্ত্রগা অলকোহল-বেজ সেনিতাইজর শিজিন্নবা, মীয়াম তিনবা মফমদা তিন শিত্তবা, থবক শুফমশিং, তোইনা শিজিন্নবা লৈমাইশিং খুদম ওইনা তেবলগী মথকশিং সেনিতাইজ তৌবা, মীয়াম তিনবা মফমদা ইশা অমসুং অতোপ্পগী শোইদ-ঙামদনবা ফেস কভর মতম পুম্নমক্তা শিজিন্নবা অসি য়াম্না তঙাইফদে। মহাক্না হায়খি মদুদি অমগা অমগা লাপ্না লৈনবা অসি ঐখোয়না ফংলিবা খ্বাইদগী ফবা ভেক্সিন অমনি অমসুং মরম অসিনা অতোপ্পগা ৱারী শানবা অমদি অচৌবা মীফমশিং য়াওবা মতমদা ‘দো গজ কী দুরী’ ঙাকপা অসি য়াম্না মরু ওই।
শেল-থুম মন্ত্রীনা আত্মনির্ভর ভারত অভিয়ানগী মখাদা সেক্তর তরেৎতা সরকারগী রিফোর্মশিং অমসমুং তেংবাংগী পাম্বৈশিং লাওথোকখ্রে
সরকারগী রিফোর্মশিং অমসুং মতেংগী মাইকৈদা ৫শুবা অমসুং অরোইবা তাঙ্কক লাওথোক্লদুনা, শ্রীমতী সীতারমন্না ঙসি ইম্প্লোইমেন্ত ফংহনবা, বিজিনেস্তা মতেং পীবা, ললোন-ইতিক তৌবা লাইথোকহনবা, অমসুং রাজ্য় সরকারশিং লোইননা এজুকেসন অমসুং হেল্থ সেক্তরগীদমক্তা পাম্বৈ তরেৎকী অকুপ্পা ৱারোল ফোংদোকখ্রে। মসিদা ইম্প্লোইমেন্তকী শাহৌ হাপ্নবা, তুংগী লাইচৎকীদমক ভারত্তা পব্লিক হেল্থ অমসুং অতৈ হেল্থকী রিফোর্মশিং শেম-সানবা, কোবিদকী মতুংদা তেক্নোলোজী দ্রািভন এজুকেসন অমসুং ইক্বুইতী, IBCগা মরী লৈনবা পাম্বৈশিংগী তোংদা ললোন-ইতিক তৌবা লাইহনবা, কম্পেনীজ এক্তকী অহোবশিং মেনসিনবা, কোর্পোরেৎশিংগী অমসুং অনৌবা পব্লিক সেক্তর পোলিসীগী ললোন-ইতিক তৌবদা লাইহনবা, মরোমদোম লেপচবা ভারতকীদমক MGNREGতা লুপা করোর ৪০,০০০ কাইথোকপা য়াওরি। মহাক্না মসিসু লাওথোকখি মদুদি শুপ্নগী ২০২০-২১গীদমক্তা রাজ্যশিংগা পুবগী ঙমখৈদা ৩%দগী ৫%দা হেনগৎপা অমসুং রাজ্য থাক্তা রিফোর্ম তৌবা।
কেন্দ্রগী শেল-থুম অমসুং কোর্পোরেৎ এফিয়র্স মন্ত্রী শ্রীমতী নির্মলা সীতারমন্না কোবিদ-১৯গী মায়োক্তা চৎথরিবা লানফমদা ভারতকী শেনমিৎলোন্দা মথৌ তাবা ঙাকলৌ পীনবগীদমক আত্মনির্ভর ভারত অভিয়ানগী ৫শুবা তাঙ্কক্কী মতাংদা অকুপ্পা ৱারোল পুথোকখ্রে
FMনা ঙসি লাওথোকখিবা অসিনা ঐখোয়গী খুঙ্গংগী শেনমিৎলোন অমসুং ইনফ্রাস্ত্রকচরদা ইনোৎ হাপ্পগা লোইননা লাইরবা অমসুং মাইগ্রেন্ত ৱর্কর ককোর কয়াদা থবক ফংহল্লগনিঃ য়ুমলৈ-কৈরৈ মন্ত্রী
কেন্দ্রগী য়ুমলৈ-কৈরৈ মন্ত্রী, শ্রী অমিৎ শাহনা, ঙসিগী লাওথোকখিবা ইকোনোমিক পেকেজ অসিগীদমক প্রধান মন্ত্রী শ্রী নরেন্দ্র মোদী অমসুং শেল-থুম মন্ত্রী শ্রীমতী নির্মলা সীতারমনবু থাগৎপা ফোংদোকখ্রে। মহাক্না হায়খি, “মোদী সরকারনা ঙসি লাওথোকখিবা অসিনা আত্মনির্ভর ভারতকা মংলান অসি তুং কোইনা চৎহল্লগনি। খোংথাংশিং অসিনা বিজিনেস সেক্তরগীদমক্তা গেম চেঞ্জর অমা ওইরগনি, মসিনা লাইরবা করোর কয়াদা থবক পীরগনি।”
শেল-থুম মন্ত্রীনা চাউখৎপগী অনৌবা মতোল অমা লাওথোকখ্রে; সেক্তর নিপালদা স্ত্রকচরেল রিফোর্মশিংনা ‘আত্মনির্ভর ভারত’কী লম্বীদা খোং থাংজিল্লক্লি
শেল-থুম মন্ত্রীনা থাংজা নুমিত্তা আত্মনির্ভর ভারতকী লম্বীদা খোংজেল য়াংনা ইনভেস্ত তৌনবগীদমক মখাগী পোলিসী রিফোর্মশিং অসি লাওথোকখ্রেঃ শক্তি পাইরবা সেক্রেতরীশিংগী কাংবু অমগী থোংদা ইনভেস্তমেন্তকী ক্লিয়রেন্স খোংজেল য়াংনা পাংথোক্কনি, ইনভেস্তরশিং/রাজ্য সরকারশিংগা লোইননা ইনভেস্তিবল প্রোজেক্তশিংবু শেম-শাননবা মন্ত্রালয় খুদিংমক্তা প্রোজেক্ত দিবেলপমেন্ত সেল লিংখৎকনি; অনৌবা ইনভেস্তকী অথোই-অহেন তান্ননবগীদমক ইনভেস্তমেন্ততা পুক্নীং চিংশিলহনবদা রাজ্যশিংগী রেঙ্কিং লৈগনি; সোলর PV মেন্যুফেকচরিংগুম্বা লমশিংদা অনৌবা চেম্পিয়ন সেক্তরশিংদা ইনোৎ পীননবা ইন্সেন্তিব স্কিমশিং হৌদোক্কনি; এদভান্স সেল বেত্তরী স্তোরেজ অসিনচিংবা। শেল-থুম মন্ত্রীনা মখাগী স্ত্রকচরেল রিফোর্মশিং অসি কোয়লা, মিনরেল, দিফেন্স প্রদক্সন, সিবিল এবিয়েসন, পাৱর সেক্তর, সোসিয়েল ইনফ্রাস্ত্রকচর, স্পেস অমসুং এতোমিক ইনর্জীগুম্বা লম নিপালদসু লাওথোকখি।
কেন্দ্রগী য়ুমলৈ-কৈরৈ মন্ত্রীনা কেন্দ্রগী শেল-থুম মন্ত্রীনা লাওথোকখিবা স্ত্রকচরেল রিফোর্মগী পাম্বৈশিং থাগৎখ্রে
কেন্দ্রগী শেল-থুম মন্ত্রীনা লাওথোকখিবা স্ত্রকচরেল রিফোর্মগী পাম্বৈশিং অদুবু থাগৎলদুনা কেন্দ্রগী য়ুমলৈ-কৈরৈ মন্ত্রী শ্রী অমিৎ শাহনা হায়, “ঙসিগী পুৱারী ওইরবা ৱারেপ অসিগীদমক ঐনা PM শ্রী নরেন্দ্র মোদী অমসুং FM শ্রীমতী নির্মলা সীতারমনবুথাগৎচরি। ৱারেপশিং অসিনা ঐখোয়গী শেনমিৎলোন্দা তশেংনমক খোংজেল হাপ্লগনি অমসুং মসিদগী আত্মনির্ভর ভারতকীদমক্তা ঐখোয়না হোৎনরিবশিং অসিসু খোংজোল য়াংহল্লগনি।” মহাক্না হায়খি মদুদি PM মোদীগী মন্ত্র ‘রিফোর্ম, পর্ফোর্ম অমসুং ত্রান্সফোর্ম’ অসি হৌখিবা চহি ৬তগী ভারতকী তোপ-তোপ্পা চাউখৎপগী মরম ওইদুনা লাক্লি।
মাইগ্রেন্ত লেবরশিংগী লেম্না চাননবা পোৎলম ফংহন্নবা আত্মনির্ভর ভারত স্কিম হৌদোকখিবনি
আত্মনির্ভর ভারত পেকেজগী মখাদা, ভারত সরকারনা ৱারেপ অসি লৌখি মদুদি NFSA নত্ত্রগা রাজ্যগী স্কিম PDS কার্দ পাইদবশিংদা থা অনি হায়বদি মে অমসুং জুন, ২০২০গীদমক্তা থা অমগী চেং কে.জি. ৫গী চাংদা চাননবা হৱাই-চেংৱাই লেম্না ফংহনগনি। স্কিম অসি থবক্তা ওন্থোকপদা চাউরাক্না পুন্না লুপা করোর ৩,৫০০ চংগনি অমসুং মসি কেন্দ্র সরকারনা লোইনা পুথোক্কনি। স্কিম অসিগী মখাদা, ভারত পুম্বগী চাননবা হৱাই-চেংৱাইগী এলোকেসন অসি মেত্রিক তন লাখ (LMT) ৮নি। স্কিম অসিগী মখাদা, হৱাই-চেংৱাইগী দিলিবরী অসি ফুদ কোর্পোরেসন ওফ ইন্দিয়া (FCI)না হান্ননা হৌখ্রে।
নেস্নেল মাইগ্রেন্ত ইনফোর্মেসন সিস্তেম (NMIS) – মাইগ্রেন্ত ৱর্করশিংগী কেন্দ্রগী ওনলাইন রিপোজিতরী অমা – রাজ্য পুম্নমক্তা মখোয়গী সীমলেস মুবমেন্ত য়ৌশিনবা ঙম্ননবা NDMAনা লিংখৎপা
মাইগ্রেন্তশিংগী চৎথোক-চৎশিনগী মতাংদা ই-পাউ লৌননবা অমসুং রাজ্য পুম্নমক্তা পন্দুনা লৈরিবা মাইগ্রেন্তশিংগী কোম্না চৎথোক-চৎশিন য়াহন্নবা নেস্নেল দিজাস্তর ওনলাইন মেনেজমেন্ত ওথোরিতী (NDMA)না ওনলাইন দেশবোর্দ অমা – নেস্নেল মাইগ্রেন্ত ইনফোর্মেসন সিস্তেম (NMIS) শেমখ্রে। ওনলাইন পোর্তেল অসি মািগ্রেন্ত ৱর্করশিংগী মতাংদা সেন্ত্রেল রিপোজিতরী শেমদুনা থমগনি অমসুং মখোয়গী মরমদম ফাওভা চৎপদা লাইথোকহন্নবগীদমক রাজ্য মনুংদা কম্যুনিকেসন/কো-ওর্দিনেসন তৌনবদা মতেং পাংগনি।
মাইগ্রেন্তশিংগী শোইদ-ঙামদবা অমদি থুনা চৎথোক-চৎশিন তৌবা ঙম্ননবা, ভারতকী রেলনা লৈবাক অসিদা রেলৱেগা শম্নবা জিলা খুদিংমক্তগী শ্রমিক স্পিসিয়েল ত্রেল চেলহন্নবা শেম-শারে
ভারতকী রেলনা লৈবাক অসিদা রেলৱেগা শম্নবা জিলা খুদিংমক্তগী শ্রমিক স্পিসিয়েল ত্রেল চেলহন্নবা শেম-শারে। রেলৱেগী মন্ত্রীনা লৈবাক অসিগী দিস্ত্রিক্ত কলেক্তরশিংদা পন্দুনা লৈরিবা লেবরশিং অমসুং মখোয়গী পন্থুংফমগী লিস্ত শেম-শানবা অমসুং মদুবু রাজ্যগী নোদল ওফিসরগী থোংদা রেলৱেদা থারক্নবা হায়খ্রে। ভারতকী রেলৱেনা নোংমদা চাউরাক্না শ্রমিক স্পিসিয়েল ত্রেন চেলহনবা ঙম্লি, অদুবু হৌজিক্কী ওইনদি মসিগী তঙ্খাইদগী তানা শিজিন্নরি।
অকুপ্পা ৱারোলগীদমকঃ: https://pib.gov.in/PressReleseDetail.aspx?PRID=1624541
ও.পি.সমুদ্র সেতু ফেজ-2 আই.এন.এস. জলাশ্বনা মালদিবতগী ভারত মচা ৫৮৮ ময়ুমদা পুরকখ্রে
ও.পি. সমুদ্র সেতুগীদমক্তা থবক্তা শিজিন্নরিবা আই.এন.এস. জলাশ্বনা মালদিবকী মালেদগী ভারত মচাশিংবু ময়ুমদা পুরক্নবগী অনিশুবা খোংচৎ ওইনা ঙসি অয়ুক কোচী হার্বরদা চংলকখ্রে। জহাজ অসিনা নুপী ৭০ (মমা ওইরগদৌরবী ৬) য়াওনা ভারতকী নাগরিক ৫৮৮ অমসুং অঙাং ২১ কোচীন পোর্ত ত্রস্তকী সমুদ্রিকা ক্রুইস তর্মিনেলদা জহাজদগী কুমথহল্লকখ্রে।
কেন্দ্র মন্ত্রী দা. জিতেন্দ্র সিংহনা কোবিদকী মতুংগী ফিভমগী মতাংদা অৱাং নোংপোক্কী রাজ্য নিপালগী চীফ সেক্রেতবীশিং অমসুং সেনিয়র ওফিসরশিংগা লোইননা খন্ন-নৈনখ্রে
পুং অমগী ভিদিও কনফরেন্সকী মীফমদা, অরুনাচল প্রদেস, অসম, মনিপুর, মেঘালয়, মিজোরম, নাগালেন্দ, সিক্কিম অমসুং ত্রিপুরাগী সরকারগী মীহুৎশিংনা লৈবাক্কী তোঙান তোঙানবা মফমশিংদগী লাক্লিবা শিন্মীশিং অমসুং অতৈশিংদা প্রধান মন্ত্রীগী করোর লাখ ২০গী ইকোনোমিক পেকেজনা পীরিবা ইথিল অমসুং লাক্কদৌরিবা মতম অসিদা কোমথোক্কদৌরিবা অসিগী মতাংদা হৌজিক্কী ওইরিবা ফিভমগী মতাংদা পাউদমখি।
পি.আই.বি. ফিল্দ ওফিসশিংদগী ফংবা পাউ
- অরুনাচল প্রদেশঃ মে অমসুং জুন থা অনিগীদমক PMGKYগী মখাদা ফংহনখিবা হৱাই 200 MT হান্ননা গোদাউন অনিদা থুংখ্রে। রাসন কার্দ পাইদবশিংগীদমক NAFEDনা অথুবা মতমদা অহোনবা হৱাই-চেংৱাই ফংহল্লগনি।
- অসমঃ দিল্লীদগী লাকখিবা জোরহাৎ দিস্ত্রিক্তকী ৱর্দ নং. ৩দগী চহি মাপল শুরবা নুপামচা অমা কোবিদ-১৯ পোজিতিব ওইখ্রে। অপুনবা কেস ৯৬, এক্তিব কেস ৫১, ফগৎলকপা ৪১, শিখিবা ২। অসমগী হকশেল মন্ত্রী ত্বীৎ তৌখ্রে।
- মনিপুরঃ লৌউ-শিংউ, MSMEশিং অমসুং MNREGAগী থবকশিং কোমথোকপগা লোইননা সরকারনা মে ৩১ ফাওবা লোকদাউন শাংদোকখ্রে। লোইননা তেস্ত তৌগদবা ৱাৎলিবশিং অসি লোইদ্রিফাওবদী মখাগী লম্বীদা রাজ্য অসিদা চংলক্নবগী অনৌবা পর্মিৎসু পীররোই।
- মেঘালয়ঃ গুজরাত্তা মহৈ তম্বা অমদি তবক তৌবা মেঘালয়দগী পুন্না মীওই ১৬৩ গুৱাহাতী রেলৱে স্তেসন্দা থুংখ্রে।
- মিজোরমঃ মিজোরমগী সর্চিপ জিলাদগী তমিল নাদু অমদি পুদুচেরীদা পন্দুনা লৈরকপা মীওই ৩৬ রাজ্যদা থুংখ্রে অমসুং একলব্য রেসিদেন্সিয়েল স্কুল হোস্তেলদা ক্বরেন্তাইন তৌরি।
- নাগালেন্দঃ মনিপুরদা পন্দুনা লৈরকপা নাগালেন্দগী মীওই ১৩৪ বস ৬তা মরমদম য়ৌখ্রে। Nagaland: 134 citizens of Nagaland who were stranded in Manipur reach home in 6 buses. মীয়াম অমদি কোলেজগী শরুক খরনা মহৈতম্ফম শঙবু ক্বরেন্তাইন সেন্তর ওন্থোকপা য়াখিদ্রে।
- সিকিমঃ স্তেত প্রোজেক্ত দাইরেক্তর, এজুকেসন দিপার্তমেন্ত, ভিম থতলনা হায়খ্রে মদুদি মহৈ-মশিংগী মচাকশিং য়াওরবা লেপ্তোপশিং মনুং হঞ্জিনবা মফমদা লৈবা মহৈরোইশিংদা থারি।
- চন্দীগরঃ লোকদাউন্না মরম ওইদুনা, মাইগ্রেন্ত ৱর্কর, লাইনীংবা, সমকোইবা, মহৈরোই অমসুং অতৈ মীওই খরা চন্দীগরদা পন্দুনা লৈরি। হায়রিবা মীওইশিং অসি চৎথোক-চৎশিন তৌবদা কোম্ননবা চন্দীগরগী লৈঙাক্না মখোয ময়ুমদা হনবদা নুংঙাইনা থৌরাং শিল-লাংলি। খরা
- পঞ্জাবঃ হৌখিবা নুমিৎ মরিনি অসিগী মনুংদা নোংমগী অনৌবা কেসশিংগী মশিং হন্থরকপা চৈরক্তা পঞ্জাবকী চীফ মিনিস্তরনা মে ১৮দগী অকনবা কর্ফ্যু অদু অকক্নবা পব্লিক ত্রান্সপোর্ত হৌদোকপা অমসুং কন্তেনমেন্ত জোনশিং নত্তবা মফমশিংদা কোমথোকপশিং য়াওনা মে ৩১ ফাওবগী লোকদাউননা মহুৎ শিন্নবা লাওথোখখ্রে।
- হরিয়ানা: চীফ মিনস্তরনা প্রধান মন্ত্রী শ্রী নরেন্দ্র মোদীদা লুপা লাখ করোর ২০গী অচৌবা ইকনোমিক পেকেজ অমা লাওথোকপদা অপিকপা দুকান্দারশিং, লৌমীশিং অমসুং শিন্মীশিং, লৌউ-শিংউগী সেক্তরগী য়াইফনবগী তোঙান-তোঙানবা স্কিমশিং য়াওহনবা মান্দিশিংগী ইনফ্রাস্ত্রকচর ফগৎহনবা অমসুং ‘পুম্নমক্কী য়ুম শাবা’গী থাজবা পীবগী অখন্ননা থাগৎপা ফোংদোকখ্রে।
- হিমাচল প্রদেশ: চীফ মিনিস্তরনা পঞ্চায়ত প্রধানশিংদা কোবিদ-১৯গা মরি লৈননা মখোয়গী মফমশিংদা লৈবা মীয়ামবু ৱাখল তাহনবদা পুক্নিং চংনা স্তেৎ সরকারগী মতেং পাংনবা অমসুং লৈবাক অসিগী অতোপ্পা মফমশিংদগী থুংলবা মীওইশিংবু হোম ক্বারিন্তিন তৌখিদনবা হোৎনবদা মতেং পাংনবা পুক্নিং চিংশিনখ্রে।
- কেরলা: স্তেৎ ফাইনান্স মিনিস্তরনা সেন্তরগী শেল পুবগী অকক্নবা হেনগৎপগী লাওথোকখিবা অদু তরাম্না ওকলদুনা হায় মদুদি মমাংদা থম্লিবা চৎনা কাংলোনশিং অসি লৌথোক্কদবনি নত্রগা স্তেৎশিংগা তান্নগদবনি। শেল পুবগী অক্নবা হেনগৎপা অসি স্তেৎ চহীগী লাকপা আইগী তঙ্খাই মাংবখক কোনগদবনা মরমনা মহাক্না স্তেৎনা য়ুনিয়ন বজেৎতগী মসিগী ইনকমগী ৫% পুবা য়াহনগদবনি হায়না দাবী তৌখি।তমিল নাদু: মে ৩১ ফাওবা তি.এন.দা লোকদাউন শাংদোকখ্রে; দিস্ত্রিক ২৫দা পব্লিক ত্রান্সপোর্ত হৌরগনি; চেনাই য়াওনা অতোপ্পা দিস্ত্রিক ১২দা অথিংবা থমখিগনি।
- কর্নাতক: সি.এম.না হায়খ্রে মদুদি অত্মানির্বর ভারতকী মখাদা ঙসি লাওথোকখিবশিং অদুনা স্তেৎতা কান্নবা ফংহল্লগনি অমসুং থবক ফংবগী খুদোংচাবশিং হেনগৎলগনি। মিনরেল সেক্তরশিংদা হোংদোক-হোংজিন তৌখিবা পোলিসি অসিনা স্তেৎকী মিনরেল পোলিসিদা মতেং পাংলগনি অমসুং লৌথোকপগী থবক থৌরমশিং কাহেন্না অৱাবা য়াওদনা পাংথোকপা য়ারগনি হায়না মহাক্না ফোংদোকখ্রে।.
- আন্ধ্র প্রদেশ: য়ুমথংনবা স্তেৎশিংদা লৈরিবা মাইগ্রেন্ত ৱার্করশিংগী স্তেৎনা শেল তিংদনা চৎথোক-চৎশিন তৌবগী খুদোংচাবা পীরগনি। পুলিসতা লাথি-চার্জ শিজিন্নদবা চৎনা-কাংলোনশিংগা লোইননা মাইগ্রেন্ত ৱার্করশিং তকথোক্নবগী মরমদা সর্কুলর থোকখ্রে। সরকারগী শিন্মীশিংদা মার্চতগী তলব মপুংফানা পীবা অমসুং মসিগা মরি লৈনবা জি.ও চৎনদনা থম্বা হায়বা দাবী তৌরদুনা তলব হন্থবগী মায়োক্তা এ.পি হাই কোর্ততা পিতিসন অমা থাংগৎখ্রে।
- তেলঙ্গনা: বন্দে ভারত মিসনগী শরুক অমা ওইনা এয়র ইন্দিয়াগী অখন্নবা প্লেন অমদা চিকাগো (ইউ.এস.এ)দগী হায়দরাবাদতা হল্লকখিবা ভারতকী পেসেঞ্জর 168 নোংমাইজিং নুমিৎকী ৪.৪৫ এ.এম.দা থুংখ্রে। তেলঙ্গনাদা চয়োল অসিগী মথক্তা ৱাংখৎলকপা অদু মখা চৎথরকপা ওইনা কোবিদ-১৯ গ্রাফ অদু ১,৫০৯ য়ৌখ্রে। ইকুই কুইদনা তেলঙ্গনাদা হল্লকখিবা মাইগ্রেন্ত ৱার্কর ৫২ হৌজিক ফাওবদা ভাইরস অসিগী তেস্ত তৌখ্রে।
পি.আই.বি. ফেক্ত চেক
****
(Release ID: 1624795)
Visitor Counter : 145
Read this release in:
English
,
Urdu
,
Hindi
,
Marathi
,
Assamese
,
Bengali
,
Punjabi
,
Gujarati
,
Tamil
,
Telugu
,
Kannada
,
Malayalam