মরুওইবা ৱাফমশিং

* থবক ফংবা হেনগৎহন্নবা এম.জি.এন.আর.ই.জি.এসকী চাকথুং লুপা ক্রোর ৪০,০০০ হেনগৎলে।

* তুংদা লাক্কদবা লাইচৎশিংগী ভারতনা থৌরাং তৌনবা মীয়ামগী হকশেলদা অমসুং অতোপ্পা হকশেলগী অহোংনবশিং পুরক্নবা শেন থাদবা হেনগৎলে।

* কোবিদ মতুংদা তেক্নোলোজিদা য়ুম্ফম ওইবা লাইরিক-লাইসু তম্বগী থবক পায়খৎপা।

* আই.বি.সিগা মরী লৈনবা থৌরাংশিংগী মখাদা ললোন-ইতিক্কী থবক লাইহনবা মখা তানা হেনগৎহনবা।

* কম্পেনি এক্ত দিক্রিমিনেল্লাইজেসন তৌবা।

* কোরপোরেৎশিং ললোন-ইতিক্কী থবক লাইহনবা।

* অনৌবা , মশা-মরোমদোম লেপচবা ভারত অমগীদমক পব্লিক সেক্তর ইন্তরপ্রাইজ পোলিসি শেম্বা

* ২০২০-২১ খক্তগী ওইনা রাজ্যশিংনা শেন পুবগী চাং চাদা ৩দগী চাদা ৫দা হেনগৎহনবা অমসুং রাজ্য থাক্তা অহোংবশিং পুরক্নবা হোৎনবা।

প্রধান মন্ত্রী শ্রী নরেন্দ্র মোদীনা মে ১২, ২০২০দা ভারতকী জি .দি.পিগী চাদা ১০গা মান্নবা লুপা ক্রোর লাখ ২০গী অখন্নবা শেন-থুমগী পেকেজ অমা লাউথোকখি। মহাক্না অত্মা নির্ভর ভারত নৎত্রগা মশা-মরোমদোম লেপচবা ভারত অমা শেমগৎনবা তকশিনখি। অত্মা নির্ভর ভারতকী য়ুম্বী মখোং মঙা-ইকোনোমি, ইনফ্রাস্ত্রকচর , সিস্তেম, ভাইব্রেন্ত দেমোক্রাফি অমসুং দিমান্ত মহাক্না পুথোকখি।

অত্মা নির্ভর ভারত অভিয়ানগী মখাদা কোবিদ-১৯ থেংননবা পেকেজগী মতাংদা ঙসি পাংথোকখিবা ৫সুবা প্রেস কনফরেন্সতা মহাক্কী হৌদোকপগী ৱারোলদা ফাইনান্স অমসুং কোরপোরেৎ এফেয়ার্স মিনিস্তর শ্রীমতি নিরমালা সিতারমন্না মে ১২, ২০২০দা লৈবাক্কী মীয়ামদা ৱা ঙাংবদা প্রধান মন্ত্রী নরেন্দ্র মোদীনা থমখিবা পান্দম অদু মহাক্না পনখি। প্রধান মন্ত্রীগী ৱাফম পল্লদুনা নিরমালা সিতরামন্না হায়খি লৈবাক অমা ওইনা ঐখোয় অরুবা ফিবম অমদা লৈরি। কোবিদ-১৯ লাইচৎনা পাউজেল অমা অমসুং খুদোংচাবা অমা পীরে। হৌজিক ঐখোয় অত্মা নির্ভর ভারত অমা শেমগৎপা দরকার ওইরে।

ফাইনান্স মিনিস্তরনা হায়খি অত্মা নির্ভর ভারতকী ৱারেপ লৌনবা লম, শিন্মী, লিকুইদিতি অমসুং আইনশিং অসি অত্মা নির্ভর ভারত পেকেজদা য়ুম্ফম ওইগনি। মসিগী অৱাবা অমসুং শিংনবা অসি মশা মরোমদোম লেপচবা ভারত অমা শেমগৎনবা খুদোংচাবা অমনি।

ফাইনান্স মিনিস্তরনা হায়খি ঙসি লাউথোক্লিবা অসি পরিং নাইনা চৎথরক্লিবা অহোংবশিং মখা তারকপনি। লোকদাউন হেক মতুংদা, ঐখোয়না প্রধান মন্ত্রী করিব কলয়ান পেকেজ লাউথোক্লে। লুপা ক্রোর লাখ ১.৭০গী পেকেজ অসিগী শরুক অমা ওইনা, লায়রবশিং, অহলশিং , নুপীশিং অমসুং লৌমীশিংদা লেম্না চেং অমসুং শেন পীনবা সরকারনা লাউথোকখি। পেকেজ অসি য়াংনা পায়খৎনবা লেপ্তনা য়েংশিল্লি। প্রধান মন্ত্রী করিব কলয়ান পেকেজগী মখাদা লায়রবা মীওই ক্রোর ৪১রোম লুপা ক্রোর ৫২,৬০৮গী শেনগী মতেং ফংখ্রে। প্রধান মন্ত্রী করিব কলয়ান পেকেজ অসিনা দাইরেক্ত বেনিফিৎ ত্রান্সফর(দি বি তি) শীজিন্নরি। হৌখিবা চহি খর অসিদা ঐখোয়না পায়খৎখিবা থবকশিংনা মরম ওইদুনা ঐখোয়না করিগুম্বা খর পাংথোকপা ঙম্লিবনি।

রাজ্যশিংনা চেং মেত্রিক তন লাখ ৮৪ চিংখ্রে অমসুং তোঙান-তোঙানবা রাজ্যশিংদা হৱাই মেত্রিক তন লাখ ৩.৫ হেন্না থাখ্রে। য়াম্লবা হৱাইশিং ফংহনবগীদমক ফাইনান্স মিনিস্তরনা এফ.সি.আই , নাফেদ অমসুং রাজ্যশিং থাগৎখি।

সরকারগী অহোংবশিং অমসুং থবক ওইনা পাংথোক্কদবশিং অরোইবা অমসুং ৫সুবা ওইনা লাউথোকপা অসিদা ফাইনান্স মিনিস্তরনা থবক ফংহন্নবা, ললোন-ইতিক মতেং পাংনবা, ললোন-ইতিক নুংঙাইনবা, লাইরিক তম্বা অমসুং হকশেলগী লমদা পায়খৎকদবা থবক ৭ লাউথোকখি।

১.থবক ফংবা হেনগৎহন্নবা এম.জি.এন.আর.ই.জি.এসকী চাকথুং লুপা ক্রোর ৪০,০০০ হেনগৎলে

হৌজিক সরকারনা থবক ফংবা হেনগৎহন্নবা এম.জি.এন.আর.ই.জি.এসকী চাকথুং লুপা ক্রোর ৪০,০০০ হেনগৎলে। মসিনা নোংচুথা মতমদা ময়ুমদা হল্লক্লবা শিন্মীশিংগী অহেনবা থবকশিং য়াওনা নুমিৎ ক্রোর ৩০০ রোমগী থবকশিং ফংহনবদা মতেং পাংগনি। ঈশিং তুংশিন্দুনা থম্নবা থবকশিং য়াওনা তুংকোইনা লৈহৌগদবা হিংনবা লম্বীশিং পীগদবা থবকশিং পাংথোক্তুনা খুঙ্গংগী শেন-থুমগী ফিবম ফগৎহনগনি।

২. হকশেলগী অহোংবশিং অমসুং থবকশিং

খুঙ্গং অমসুং সহরগী মফমশিংদা লৈরবা হেল্থ অমসুং ৱেলনেস সেন্তরশিং ফগৎহন্দুনা অমসুং অপীকপা হেল্থ ইন্সতিতুৎশিংদা শেন থাদুনা হকশেলগী লমদা সরকারনা তৌরবা চাদিং হেনগৎহনগনি। লাইচৎশিং লাকশিন্নবা জিলাশিং অমসুং ব্লোকশিংগী থাক্তা লৈরিবা সরকারগী লেবশিং অমসুং হেল্থ য়ুনিতশিং মপাঙ্গক কনখৎহন্দুনা অমসুং পুনশিন্দুনা জিলা পুম্নমক্তা লৌনগনবা লায়নাশিংগী হোস্পিতাল ব্লোকশিং লিংখৎকনি। আই.সি.এম.আরগী নেসনেল ইন্সতিতুসনেল প্লেতফোর্মনা রিছর্সকী থবকশিং পুক্নিং থৌগৎকনি। নেসনেল দিজিতেল হেল্থ মিসনগী মখাদা নেসনেল দিজিতেল হেল্থ ব্লুপ্রিন্ত অমা পায়খৎলে।

৩.কোবিদ মতুংদা খুদিংমক কান্নবা ফংগদবা তেক্নোলোজিদা য়ুম্ফম ওইবা লাইরিক তম্বা

দিজিতেল/ওনলাইনদা লাইরিক তম্নবা পিএম ই-বিদ্যা কৌবা থৌরম অমা অথুবদা হৌদোক্লগনি। মহৈরোয়শিং, ওজাশিং অমসুং মমা-মপাশিংগী পুক্নিং-ৱাখল নুংঙাইনা লৈনবা মনোদর্পন কৌবা থৌরম অমা অথুবদা হৌদোক্লগনি। স্কুল, অপীকপা অঙাং অমসুং ওজাশিংগী অনৌবা করিকুলম অমসুং পেদাগোজিকেল ফ্রেমৱার্কসু হৌদোক্লগনি। ২০২৫ ফাওবদা ক্লাস ৫ তম্লিবা মহৈরোয় খুদিংমক হৈফম থোকপা চাং অদু য়ৌনা হৈন্নবা নেসনেল ফাউন্দেসনেল লিতরেসি এন্দ নুমেরেসি মিসন ২০২০গী দিশেম্বরদা হৌদোক্লগনি।

৪.আই.বি.সিগা মরী লৈনবা থবকশিংগী খুৎথাংদা ললোন-ইতিক্কী থবকশিং লাইবা হেনগৎহনবা

ইন্সোলভেন্সিগী থবকশিং পায়খৎনবা খ্বাইদগী পীকপা শেনফমগী চাং লুপা লাখ ১দগী ক্রোর ১দা হেনগৎলে। ইন্সোলভেন্সি কোদকী সেক্সন ২৪০এগী মখাদা এম.এস.এম.ইশিংগী অখন্নবা ইন্সোলভেন্সি পাংথোক্নবা থৌরাং অমা অথুবদা লাউথোক্লগনি।

লাইচৎ অসিগী ফিবমগী য়েংলগা, অনৌবা ইন্সোলভেন্সিগী থবকশিং পায়খৎপা চহি অমা লেপ্লগনি। ইন্সোলভেন্সিগী থবকশিং পায়খৎনবা কোদকী মখাদা কোবিদ-১৯গা মরী লৈনবা শেন তোলবশিং “দিফোল্ত” ওইনা লৌদনবা কেন্দ্র সরকারনা ৱারেপ লৌরে।

৫. কম্পিনিস এক্ত ইন্দবশিং দিক্রিমিনেল্লাইজেসন ওইহনবা 

সি.আর. এস রিপোর্ত পীদবা, বোর্দকী রিপোর্ত ফজনা পীদবা, দিফোল্তশিং ফাইল তৌদবা, এ.জি.এম পাংথোকপা মতম থেংথবা অসিগুম্বা কম্পেনিস এক্ত মখাদা অপীকপা তেক্নিকেল ওইবা অশোইবা থবকশিংদিক্রিমিনেল্লাইজেসন ওইহনবা য়ারে। এমেন্দমেন্তশিং অসিনা ক্রিমিনেল কোর্তশিং অমসুং এন.সি.এল.তি দরকার ওইহন্দ্রে। কম্পাউন্দেবল ওফেন্স ৭ লৌথোক্লে অমসুং ওফেন্স ৫না অতোপ্পা পাম্বৈ অমনা য়েংশিল্লগনি।

৬.কোর্পোরেৎশিং ললোন-ইতিক্কী থবক লাইহনবা

মরুওইবা অহোংবশিং :

• অয়াবা ফংদুনা মপান্দা লৈরিবা ভারতকী পব্লিক কম্পেনিশিংগী সেকুরিতিশিং দাইরেক্ত লিস্তিং তৌবা।
• স্তোক একচেঞ্জশিংগী এন.সি.দি লিস্ততা য়াওরিবা লনাই কম্পেনিশিং লিস্তেৎ কম্পেনি ওইনা লৌরোই।
• কম্পেনিস এক্ত, ১৯৬৫গী পার্ত ৯এ(প্রদুসর কম্পেনিস)গী প্রোবিজনশিং কম্পেনিস এক্ত, ২০১৩দা য়াওহনবা।
• এন.সি.এল.এ.তিগী অহেনবা/অখন্নবা বেঞ্জশিং শেম্নবা শক্তি পীরে।
• অপীকপা কম্পেনিশিং, মীওই অমগী কম্পেনিশিং, প্রদুসর কম্পেনিশিং অমসুং স্তার্দ-অপশিংনা অরানবা তৌবগী চৈরাকশিং পীকথবা।

৭. অনৌবা , মশা-মরোমদোম লেপচবা ভারত অমগীদমক পব্লিক সেক্তর ইন্তরপ্রাইজ পোলিসি শেম্বা

অনৌবা থৌশিল অমা সরকারনা লাউথোক্লনি -

• • মীয়ামগী য়াইফনবা পি.এস.ইশিং য়াওবা দরকার ওইবা মরুওইবা সেক্তরশিংগী লিস্ত অথুবদা লাউথোক্লগনি।
  • মরুওইবা সেক্তরশিংদা, য়ামদ্রবদা ইন্তরপ্রাইজ অমা পব্লিক সেক্তরদা লেংদনা লৈগনি অদুবু লনাই সেক্তর য়াওবগী অয়াবা পীগনি।
  • অতোপ্পা সেক্তরশিংদা, পি.এস.ইশিং লনাই ওন্থোক্লগনি।
  • লৈঙাক্কী চাদিং হন্থহন্নবা, মরুওইবা সেক্তরশিংদা লৈরিবা ইন্তরপ্রাইজশিং মশিং ১দগী ৪ফাওবদা ওইরগনি; অতোপ্পশিংনা লনাই ওন্থোকপা/পুনশিনবা/হোল্দিং কম্পেনিশিংগী মখাদা লৈহল্লগনি।

৮. রাজ্য সরকারশিংদা মতেং পাংবা

২০২০-২১ খক্তগী ওইনা রাজ্যশিংনা শেন পুবগী চাং চাদা ৩দগী চাদা ৫দা হেনগৎহনবা কেন্দ্রনা ৱারেপ লৌরে। মসিনা রাজ্যশিংদা লুপা ক্রোর লাখ ৪.২৮গী অহেনবা শেনফম ফংহল্লগনি। পুগদৌরিবা শেনফম অদু ফাইনান্স কম্মিসন্না পীবা পাউতাকশিং য়াওনা অকক্নবা অহোংবশিং পাংথোকপদা শীজিন্নগদবনি। অহোংবশিং অদু হিরম মরিদা ওইগনি : ‘লৈবাক অমা রেসন কার্দ অমা’ চৎনহনবা, ললোন-ইতিক্কী থবক লাইহনবা, মৈ ফংহনবা অমসুং অর্বান লোকেল বোদি রেভিনিউ অসিনি। মখাগী মওং অসিদা এক্সপেন্দিচর দিপার্তমেন্তনা অকক্নবা স্কিম লাউথোক্লগনি :

• চাদা ০.৫০ অনকন্দিসনেল ইনক্রিজ
• চাদা ০.২৫গী ত্রাঞ্জ ৪গী চাদা ১ অকক্নবা অহোংবা থবকশিংদা শীজিন্নগদবনি
• য়ামদ্রবদা অহোংবা হিরম মরীগী মনুংদা অহুমদা মাইপাক্লবদি মখা তানা চাদা ০.৫০ ওইহনগনি।

অত্মা নির্ভর ভারত অসি থবক ওইনা পাংথোক্নবা পায়খৎকদবা থবকশিংগী অতেনবা ৱারোল অমা পীদুনা ফাইনান্স মিনিস্তরনা থৌরম অদু লোইশিনখি।

****