কঞ্জ্যুমর এফিয়র্স, ফুদ প্রোসেসিং অমসুং পাব্লিক দিস্ত্রিব্যুসন মন্ত্রালয়

আত্মনির্ভর ভারতকী মখাদা করোর ৮গী মাইগ্রেন্ত লেবরশিং অমসুং মখোয়গী ইমুং-মনুংশিংদা চানবা চেং-হৱাই লেম্না ফংহনগদৌরি

রাজ্যশিং/য়ুনিয়ন তেরিতোরীশিংদা চেং-হৱাইশিং লেম্না ফংহনগনি; ভারত সরকারনা অচংবা শেল পুম্বা পুথোক্কনিঃ শ্রী রাম বিলাস পাসৱান
অগস্ত ২০২০দা রাজ্য/য়ুনিয়ন তেরিতোরী ২৩না জাতি অমা কার্দ অমগী শরুক অমা ওইরগনি

Posted On: 16 MAY 2020 5:20PM by PIB Imphal

মোদী সরকারনা মাইগ্রেন্ত লেবরশিং অমসুং লাইরবশিংগী অৱাবদা শরুক য়ারি অমশুং ফূদ এন্দ কঞ্জুমর এফেয়র্সকী মন্ত্রালয়না মীপুম খুদিং চরা হেন্দনবা হোৎনবা য়াবা হোৎনরি। ঙসি কৃশি ভৱন্দা ভিডিও কনফরেন্স তৌদুনা পাউমীশিংগা  উনবা অমদা কঞ্জুমর এফেয়র্স, ফূদ এন্দ পব্লিক দিস্ত্রিব্যুসনগী কেন্দ্র মিনিস্তর, শ্রী রাম বিলাস পাসৱান্না হায়খ্রে। মে ১২, ২০২০দা ভারতকী প্রধান মন্ত্রি শ্রী নরেন্দ্র মোদীনা লুপা কোতি লাক্ষ ২০ গী অখন্নবা পেকেজ অমা লাউথোকখ্রে। শেন্মিৎলোনগী পাম্বৈ অমা ওইনা (আত্মনির্ভর ভারত অভিয়ান)গী মখাদা অতেনবা মতম অমদি অশাংবা মতমগী মওংদা লাইরবশিংগীদমক পাম্বৈ হৌদোক্লি হায়না শেল-থুমগী মন্ত্রী শ্রীমতি নির্মলা শিতারমন্না হায়খ্রে। হায়রিবশিং অসিগী মনুংদা লাইরবা মাইগ্রেন্ত লেবর কোতি ৮দা চেং হৱাই লেম্না ফংহল্লগনি হায়রি। নেস্নেল ফুদ সেক্যুরিতী এক্ত নৎত্রগা রাজ্যগী স্কীম পি.দি.এস. কার্দ পায়দবা মীওইশিংদা মীওই খুদিংগী থা অমদা কে.জি. ৫ গী চাংদা থা অনিগী (মে অমসুং জুন থাগী ) চেং-হৱাই ফংহবা য়াওরি।  

https://static.pib.gov.in/WriteReadData/userfiles/image/image001GKV5.jpg

কঞ্জুমর এফেয়র্স অমদি ফুদ অমসুং পব্লিক দিস্ত্রিব্যুসনগী মন্ত্রী শ্রী রাম পাসৱান্না ভিদিও কনফেরেন্স তৌদুনা ঙসি ন্যু দিল্লীদা প্রেসকা ৱারী শানবা

কোবিদ-১৯গী অরেপ্পা লৈতবা মওংগী ওইরিবা ফীভমসিদা মাইগ্রেন্তশিংগী অৱাবা কোকহন্নবা অমসুং মখোয়গী ইমুং-মনুংশিংদা শোয়দনা চেং-হৱাই ফংহন্নবা এল.এম.তি.গী চেং-হৱাই ৮ য়ুনিয়ন রাজ্য/য়ুনিয়ন তেরিতোরীশিংদা য়েন্থোকখ্রে অমসুং ভারত সরকারনা রাজ্য অসিগী মনুংদা গারী, দীলরশিংগী মার্জিন্নচিংবশিংগা কোন্ননা য়েন্থোকপা অসিদা চংগদবা চাদিংপুম্বা ককথগনি হায়না শ্রী পাসৱান্না হায়খি।   

রাজ্য/য়ুনিয়ন তেরিতোরীশিংগী লমশিংদা য়েন্থোক্নবগী ওর্দর থোকখ্রে হায়না মহাক্না ফোংদোকখি। অকক্নবা রাজ্য/য়ুনিয়ন তেরিতোরীশিংগী এন.এফ.এস.এ.গী মখাদা লৈবা অপুনবা বেনিফিসিয়রীশিংদগী শরুক ১০% দা য়েন্থোকখ্রে। বেনিফিসিয়রীশিং মশক খঙদোকপা অমসুং অসিগুম্বা চেং-হৱাইশিং য়েন্থোকপা অসি মরি লৈনবা রাজ্য/য়ুনিয়ন তেরিতোরীশিংনা তৌগদবনি।

 

 

https://static.pib.gov.in/WriteReadData/userfiles/image/image00230HW.jpg https://static.pib.gov.in/WriteReadData/userfiles/image/image0030UF2.jpg

চেং-হৱাইশিং মপুং ফানা য়েন্থোক্লবা মতুংদা মখোয়দা য়েন্থোকপগী মওং অদু  পি.এম.জি.কে.ৱাই.গী মতাংদা চৎনরিবা অদু হেন্না চাওবা মওংদা ফুদ অমসুং পব্লিক দিস্ত্রিব্যুসন বিভাগতা হায়বা ঙম্ননবা মেকানিজম অমা শেমগৎনবা  খঙহনখ্রে হায়না শ্রী পাসৱান্না হায়খি। করিগুম্বা চে-হৱাই য়েন্থোকপদা লেমহৌবা/অৱাৎ-অপা লৈরগদি  জুলাই ১৫, ২০২০ ফাওবা রাজ্য/য়ুনিয়ন তেরিতোরীশিংনা বিভাগ অসিদা পাও  খঙহল্লকপা য়াই।  চেং-হৱাই য়েন্থোকপগী মতাংদা খন্ননবা মথংগী চয়োলদা রাজ্য/য়ুনিয়ন তেরিতোরীশিংনা মীফম অমা ফমগদৌরি শ্রী পাসৱান্না হায়খি।

  https://static.pib.gov.in/WriteReadData/userfiles/image/image0042Y1L.jpg

মসিদা নত্তনা ‘জাতি অমা কার্দ অমা’ হায়বা স্কীম অসিগী মখাদা রেসন কার্দপু নেস্নেল পোর্তেবিলিতী ওইনবগীদমক বিভাগ অসিনা ইন্তিগ্রেতেদ মেনেজমেন্ত ওফ পব্লিক সিস্তেম মেনেজমেন্ত( আই.এম.-পি.দি.এস. )না হৌখ্রে হায়না হায়খি। মে ১, ২০২০দা রাজ্য/য়ুনিয়ন তেরিতোরী ১৭কী বেনিফিসিয়রীশিংনা  ‘জাতি অমা কার্দ অমা’ স্কীম হৌদোকখ্রে হায়রদুনা মহাক্না মখা তানা পাউদমখি। জুন ২০২০দা রাজ্য/য়ুনিয়ন তেরিতোরী ৩ অমসু হাপচিন্দুনা অগস্ত ২০২০দা পুন্না রাজ্য/য়ুনিয়ন তেরিতোরী ২৩না স্কীম অসিগী শরুক অমা ওইরগনি হায়না হায়খি। এফ.পি.দি. বিভাগনা রাজ্য/য়ুনিয়ন তেরিতোরী পুম্নমক্তা চৎনহন্নবা পান্দম থম্লি। তমথিরবা কোবিদ-১৯গী মতম অসিদা মাইগ্রেন্ত লেবরশিংনা ও.এন.ও.সি. স্কীমগী কান্নবা ফংলগনি, মসিনা জাতি অমা কার্দ অমগী মনুংদা চনবা রাজ্য/য়ুনিয়ন তেরিতোরীশিংগী মফম অমদা বাইওমেত্রিক ভেরিফিকেসন তৌদুনা  পি.দি.এস. বেনিফিসিয়রীশিংনা এফ.পি.এস.কী দুকান অমদগী হেক্তা মখোয়গী রেসন কার্দ অদু লৌথোকপা য়াগনি।

রাজ্য/য়ুনিয়ন তেরিতোরীশিংগী ওইনা মাইগ্রেন্ত লেবরশিংগী চানবা চেং-হৱাইগী অতৈ ফংফমশিংগী মতাংদা খঙনবগীদমক মসিদা ক্লিক তৌবীয়ু।

****



(Release ID: 1624697) Visitor Counter : 192