হকশেল অমসুং য়াইফ-য়ুম্বাল মন্ত্রালয়
কোবিদ-১৯দা জি.ও.এম.গী ১৫শুবা মীফম পাংথোকখ্রে; কোবিদ-১৯গী হৌজিক ওইরিবা ফিভম, শেম-শারিবশিং অমসুং পায়খৎলিবা থবক-থৌরমশিং য়েংশিনখ্রে
দা. হর্শ বর্ধন্না হায় লোদ এরিয়া মেনেজমেন্ত অমসুং কেস ফেতেলিতী মেনেজমেন্তদা মিৎয়েং থম্নবা অকনবা ৱাফম থমখ্রে
Posted On:
15 MAY 2020 3:29PM by PIB Imphal
হকশেল অমসুং য়াইফ-য়ুম্বালগী কেন্দ্র মন্ত্রী দা. হর্শ বর্ধনগী লুচিং মখাদা ঙসি নির্মন ভবনদা কোবিদ-১৯দা অৱাংবা থাক্কী গ্রুপ ওফ মিনিস্তর্স (জি.ও.এম.)কী ১৫শুবা মীফম পাংথোকখ্রে। মীফম অসিদা সিবিল এবিয়েসনগী মন্ত্রী হর্দীপ এস. পুরী, মপাল থৌরম পুবা মন্ত্রী দা. এস. জয়শঙ্কর, গৃহ রাজ্য মন্ত্রী নিত্যানন্দা রাই, শিপ্পিং অমদি কেমিকেল অমসুং ফর্তিলাইজর্সকী রাজ্য মন্ত্রী শ্রী মনসুখ লাল মান্দাবিয়া অমসুং হকশেল অমসুং য়াইফ-য়ুম্বালগী রাজ্য মন্ত্রী অশ্বিনি কুমার চৌবেগা লোয়ননা চিফ ওফ দিফেন্স স্তাফ বিপিন রাৱৎ শরুক য়াখি।
মালেমগী থাক্তা অমসুং লৈবাক মনুংদা কোবিদ-১৯ কেসশিংগী হৌজিক ওইরিবা ফিভমদা প্রজেন্তেসন অমা লান্থোকখি। মালেম পুম্বদা কোবিদ-১৯ পোজিতিব কেস ৪২,৪৮,৩৮৯ য়ৌরে, মীওই ২,৯৪,০৪৬ লৈখিদবগা লোয়ননা শিবগী চাং চাদা ৬.৯২ ওইরি। অদুম ওইনমক ভারত্তা কোবিদ-১৯ পোজিতিব কেস পুন্না ৮১,৯৭০ ওইরি অমসুং শিবগী চাং চাদা ৩.২৩ ওইরি। হৌজিক ফাওবদা মীওি ২৭,৯২০ নাবা ফখ্রে। করিগুম্বা হৌখিবা পুং ২৪গী য়েংলগদি, মীওই ১৬৮৫ নাবা ফখ্রে। মসিনা অনাবা ফবগী অপুনবা চাং অসি চাদা ৩৪.০৬ ওইরি। লোকদাউন মমাংগী অরোইবা হপ্তাদা মসিগী চাং অসি নুমিৎ ৩.৪ ওইখি। মসিদা হৌখিবা হপ্তাদা নুমিৎ ১২.৯ ফাওবা ফগৎলক্লে।
গ্রুপ ওফ মিনিস্তর্স (জি.ও.এম.)না কোবিদ-১৯গী কন্তেনমেন্ত স্ত্রেতেজী অমসুং মেনেজমেন্ত এস্পেক্তশিংগা লোয়ননা কেন্দ্র অমসুং রাজ্য সরকারশিংনা লৌখৎলিবা খোঙথাংশিং কুপথনা খন্ন-নৈনখি। ভারতকী কেস লোদকী চাদা ৭৯ লৈবা ম্যুনিসিপাল এরিয়া ৩০ লৈরি হায়না জি.ও.এম.দা পাউদমখি। মাইগ্রেন্ত লেবরশিং হলকপা অমসুং মীরৈবাক্তগী হল্লকপশিংদগী তোঙান-তোঙানবা রাজ্যশিং/য়ুনিয়ন তেরিতোরীশিংগী মাংদা তারিবা শিংনবশিংগী মতাংদসু জি.ও.এম.না খন্ন-নৈনখি।
জি.ও.এম.দা মসিমসু খংহনখি মদুদি হকশেল অমসুং য়াইফ য়ু্ম্বাল মন্ত্রালয়না কোবিদ-১৯গী হেন্না ফবা অমসুং ইফেক্তিব মেনেজমেন্তকীদমক ইন্দিকেতরশিং, হৌরকফমশিং অমসুং দরকার ওইবা থবক-থৌরমশিংগা মরী লৈনবা ভারত সরকারগী তোঙান-তোঙানবা রিকমেন্দেসনশিংবু হান্ননা রাজ্যশিং/য়ুনিয়ন তেরিতোরীশিংগা লোয়ননা শেয়ার তৌখ্রে।
লৈবাক অসিদা হেঙ্গৎলক্লিবা মেদিকেল ইনফ্রাস্ত্রকচরগী মতাংদসু জি.ও.এম.দা পাউদমখি। ঙসি ফাওবদা পুন্না ফেসিলিতী ৮,৬৯৪ লৈরি, মদুদা দেদিকেতেদ কোবিদ হোস্পিতাল ৯১৯, কোবিদ হেল্থ সেন্তর ২,০৩৬ অমসুং কোবিদ কেয়র সেন্তর ৫,৭৩৯ য়াওরি। মসিদা য়াম্না লুবা কেসশিংগীদমক অপুনবা ফমুং ২,৭৭,৪২৯, আই.সি.য়ু. বেদ ২৯,৭০১ অমসুং আইসোলেসন বেদ ৫,১৫,২৫০ লৈরি। মসিদয়ু নত্তনা হৌজিক লৈবাক অসিদা কোবিদ-১৯ থেংননবগীদমক ভেন্তিলেতর ১৮,৮৫৫ লৈরি। কেন্দ্রনা রাজ্যশিং/য়ুনিয়ন তেরিতোরীশিং/সেন্ত্রেল ইন্সতিত্যুসনশিংদা N95 মাস্ক লাখ ৮৪.২২ অমসুং পি.পি.ই. লাখ ৪৭.৯৮সু ফংহনখ্রে। জি.ও.এম.দা মসিমসু খংহনখি মদুদি দোমেস্তিক মেনুফেকচররশিংনা নুমিৎ খুদিংগী পি.পি.ই. লাখ ৩গী ময়া অমসুং N95 মাস্ক চাউরাক্না লাখ ৩ পুথোক্তুনা তুংদা লৈবাক অসিগী দরার ওইবশিং মতিক চানা ফংহল্লগনি।
আই.সি.এম.আর.গী দি.জি. দা. বলরাম ভারগভানা জি.ও.এম.দা পাউদমখি মদুদি গবর্নমেন্ত অমসুং প্রাইবেৎ লেবোরেতরী ৫০৯গী খুত্থাংদা নোংমদা তেস্ত ১,০০,০০০ তৌদুনা লৈবাক অসিদা তেস্তিং কেপাসিতী হেঙ্গৎলে। হৌজিক ফাওবদা লৈবাক অসিদা পুন্না তেস্ত লাখ ২০ পাংথোকখ্রে। তেস্তিং ফেসিলিতী হেঙ্গৎহন্নবা এদভান্স মেচিনশিং লৈরে অমদি ওর্দর তৌখ্রে। মসিদসু নত্তনা নেস্নেল সেন্তর ফোর দিজিজ কন্ত্রোলনা রিয়েল তাইম পি.সি.আর. তেস্তিং পরফোর্ম তৌনবগীদমক মপুং ফানা ওতোমেতিক ওইবা হায় এন্দ মেচিন COBAS 6800 শিজিন্নরি। COBAS 6800না পুং ২দা চাউরাক্না সেম্পল ১২০০ তেস্ত তৌবা ঙমই। তেস্তিং কিৎশিং হৌজিক মরাং কায়না লৈরি অমদি রাজ্য/য়ুনিয়ন তেরিতোরীশিংদা লৈরিবা আই.সি.এম.আর.গী দিপোৎ ১৫দা য়েন্থোকখ্রে।
এক্সতর্নেল এফিয়ার্স মন্ত্রালয় অমসুং সিবিল এবিয়েসন মন্ত্রালয়না তোঙান-তোঙানবা লৈবাকশিংদগী ভারতমচাশিং পুরক্নবগীদমক রাজ্যশিংগী তেংবাংগা লোয়ননা ফ্লাইৎশিংগী মতম য়াত্থোকপগী মতাংদসু জি.ও.এম.দা পাউদমখি। থৌরাং অসিগী অহানবা ফেজদা ভারত মচা চাউরাক্না ১২,০০০ পুরকখ্রে অমসুং মখোয়-মখোয়গী মরী লৈনবা রাজ্যশিংদা ক্বরেন্তাইন তৌখ্রে।
মীফম অদুদা প্রীতি সুদন সেক্রেতরী (ঐচ.এফ.দবল্যু), রাজেশ ভুশন ও.এস.দি./সেক্রেতরী (ঐচ.এফ.দবল্যু), প্রদীপ সিংহ খারোলা সেক্রেতরী (সিবিল এবিয়েসন), অনুপ ৱাধাৱন সেক্রেতরী (কমর্স), প্রোফেসর বলরাম ভারগাবা দি.জি.-আই.সি.এম.আর, অনন্দ স্বরুপ দি.জি. আই.তি.বি.পি., শ্রী দাম্মু রবি এদিস্নেল সেক্রেতরী (এম.ই.এ.), শ্রী অনিল মালিক এদিস্নেল সেক্রেতরী (এম.ঐচ.এ.), দা. সি.এস. মোহাপাত্রা এদিস্নেল সেক্রেতরী (ইকোনোমিক এফিয়ার্স), শ্রী লব অগরৱাল জে.এস. (এম.ও.ঐচ.এফ.দবল্যু)গা লোয়ননা ইনফোর্মেসন অমসুং ব্রোদকাস্তিং মন্ত্রালয়দগী মীহুৎশিং অমসুং অতোপ্পা ওফিসিয়েলশিংসু শরুক য়াখি।
কোবিদ-১৯গা মরী লৈনবা তেক্নিকেল ইসুশিং, গাইদলাইনশিং অমসুং এদভাইজরীদা ঔথেন্তিক অমসুং অপদেত ওইবা ইনফোর্মেশন পুম্নমক্কীদমক চানবীদুনা চাং নাইনা ভিজিৎ তৌবীয়ু https://www.mohfw.gov.in/.
কোবিদ-১৯গা মরী লৈনবা তেক্নিকেলগী ৱাহংশিং technicalquery.covid19[at]gov[dot]inদা অমসুং অতোপ্পা ৱাহংশিং ncov2019[at]gov[dot]inদা ইমেল তৌবীরকপা য়াগনি অমদি @CovidIndiaSeva দা ত্বীৎ তৌবীরকপা য়াগনি।
কোবিদ-১৯দা করিগুম্বা মখল অমা হেক্তগী ৱাহং লৈরগদি হকশেল অমসুং য়াইফ-য়ুম্বাল মন্ত্রালয়গী হেল্পলাইন নম্বর +91-11-23978046 নত্রগা 1075 (তোল-ফ্রী)দা চানবীদুনা কোল তৌবীরকউ। কোবিদ-১৯দা রাজ্যশিং/য়ুনিয়ন তেরিতেরীশিংগী হেল্পলাইন নম্বরশিংগী লিস্ত মখাগী অসিদগী ফংবীগনি https://www.mohfw.gov.in/pdf/coronvavirushelplinenumber.pdf .
****
(Release ID: 1624308)
Visitor Counter : 204