ঙাকশেল মন্ত্রালয়
ওপরেসন সমুদ্র সেতু – আই.এন.এস. জলাশ্ব অনিশুবা ফেজগীদমক মালদিবতা হনখ্রে
Posted On:
14 MAY 2020 6:15PM by PIB Imphal
সমুদ্রগী লম্বীদা মীরৈবাক্তগী ভারত মচাশিংবু ইরমদমদা পুরক্নবগীদমক ওপরেসন সমুদ্র সেতুগী অনিশুবা ফেজ হৌনবগীদমক ইন্দিয়ন নেভীগী জহাজ জলাশ্ব মালদিবকী মালেদা হনখ্রে। জহাজ অসি ২০২০গী মে ১৫গী অয়ুক্তা মালেগী হিথাংফমদা থুংলুগনি অমদি মালদিবকী ইন্দিয়ন এম্বেসীদা হান্ননা রেজিস্তর তৌরবা ভারত মচাশিংবু জহাজদা তোংহনবা হৌগনি। আই.এন.এস. জলাশ্বগী অনিসুবা খোংচৎতা ভারত মচা ৭০০ জহাজদা তোংহনগনি অমসুং মে ১৫গী নুমিদাং ফাওবদা কোচীগীদমক থৌরক্লগনি।
মসিগী মমাং ২০২০গী মে ১২দা ভারত মচা ৬৯৮বু মায় পাক্না কোচীদা পুরক্লবা মতুং আই.এন.এস. জলাশ্বনা ভারত মচাশিং পুরক্নবা মহাক্কী অনিসুবা ফেজগীদমক থৌরাং তৌবগী মখাদা অহানবা ফেজদা তোংলকখিবা ভারত মচাশিংনা কনখিবা মফমশিং অদু অখন্ননা মিৎয়েং চংবগা লোয়ননা জহাজবু দিসইনফেক্সন অমসুং সেনিতাইজ তৌখি।
জহাজ অসি মালে হিথাংফমদা খামগনি অমসুং ২০২০গী মে ১৫দা ভারত মচাশিংগী অনিসুবা কাংলুপ্পু জহাজদা তোংহনবগী থবক তৌগনি, মদুদা নুপী অমসুং অঙাং ১০০ য়াওনা চাউরাক্না ভারত মচা ৭০০পু ভারত্তা পুরক্কনি। মরমদমদা হল্লকপা পাম্বা ভারত মচাশিংবু জহাজ তোংদ্রিঙৈ মাংওইননা মেদিকেল্লী স্ক্রীন তৌগনি, শক্তাক চেশিং পীগনি অমদি মখোয়গা লোয়নরকপা পোৎলমশিং সেনিতাইজ তৌগনি।
****
(Release ID: 1624015)
Visitor Counter : 201
Read this release in:
Urdu
,
English
,
Hindi
,
Marathi
,
Assamese
,
Punjabi
,
Odia
,
Tamil
,
Telugu
,
Kannada
,
Malayalam