ପ୍ରତିରକ୍ଷା ମନ୍ତ୍ରଣାଳୟ
ଅପରେସନ ସମୁଦ୍ର ସେତୁର ଦ୍ୱିତୀୟ ପର୍ଯ୍ୟାୟରେ ଆଇଏନଏସ ଜଳଶ୍ଵର ମାଲଦ୍ୱୀପ ପ୍ରତ୍ୟାବର୍ତ୍ତନ
ପୋଷ୍ଟ କରାଯିବା ଦିନାଙ୍କ:
14 MAY 2020 6:15PM by PIB Bhubaneswar
ଅପରେସନ ସମୁଦ୍ର ସେତୁର ଦ୍ଵିତୀୟ ପର୍ଯ୍ୟାୟରେ ଭାରତୀୟ ସାମୁଦ୍ରିକ ଜାହାଜ ଜଳଶ୍ଵ ଭାରତୀୟ ନାଗରିକଙ୍କୁ ଦେଶକୁ ଫେରାଇଆଣିବା ଲାଗି ମାଲେ, ମାଲଦ୍ୱୀପକୁ ଫେରିଯାଇଛି । ଏହି ଜାହାଜ ମେ’ 15, 2020 ଦିନ ସକାଳେ ମାଲେ ବନ୍ଦରରେ ପ୍ରବେଶ କରିବ ଏବଂ ମାଲଦ୍ୱୀପରେ ଭାରତୀୟ ଦୂତାବାସରେ ପଞ୍ଜୀକୃତ ହୋଇସାରିଥିବା ଭାରତୀୟ ନାଗରିକଙ୍କୁ ନେଇ ଯାତ୍ରା ଆରମ୍ଭ କରିବ । ଦ୍ୱିତୀୟ ଯାତ୍ରା ସମୟରେ, ଆଇଏନଏସ ଜଳଶ୍ଵ 700 ଭାରତୀୟ ନାଗରିକଙ୍କୁ ନେଇ ସେହିଦିନ ରାତି ସୁଦ୍ଧା କୋଚି ଅଭିମୁଖେ ଯାତ୍ରା ଆରମ୍ଭ କରିବାକୁ ଯୋଜନା କରିଛି ।
ଏହାପୂର୍ବରୁ, ମେ’ 12, 2020ରେ 698 ଭାରତୀୟ ନାଗରିକଙ୍କୁ କୋଚିକୁ ସଫଳତାର ସହ ଫେରେଇ ଆଣିବା ପରେ, ଆଇଏନଏସ ଜଳଶ୍ଵ ସ୍ଥାନାନ୍ତରଣ ପ୍ରକ୍ରିୟାର ଦ୍ୱିତୀୟ ପର୍ଯ୍ୟାୟ ପ୍ରସ୍ତୁତି କାର୍ଯ୍ୟ ପାଇଁ ଆଗେଇ ଆସିଥିଲା । ସଂପୂର୍ଣ୍ଣ ଜାହାଜ ଉପରେ ନଜର ରଖାଯାଇ ପ୍ରତ୍ୟାବର୍ତ୍ତିତ ନାଗରିକଙ୍କ ଦ୍ଵାରା ବ୍ୟବହାର ହୋଇଥିବା ଅଞ୍ଚଳକୁ ସଫା ଓ ସଂକ୍ରମଣମୁକ୍ତ କରାଯାଇଥିଲା ।
ଏହି ଜାହାଜଟି ମେ’ 15, 2020ରେ ଭାରତୀୟ ନାଗରିକଙ୍କ ପ୍ରତ୍ୟାବର୍ତ୍ତନର ଦ୍ଵିତୀୟ ପର୍ଯ୍ୟାୟ କାର୍ଯ୍ୟ ଆରମ୍ଭ କରିବ ଯେଉଁଥିରେ 100 ମହିଳା ଏବଂ ଶିଶୁଙ୍କ ସମେତ ପ୍ରାୟ 700 ଭାରତୀୟ ନାଗରିକ ପ୍ରତ୍ୟାବର୍ତ୍ତନ କରିବେ । ପ୍ରତ୍ୟାବର୍ତ୍ତନ ଲାଗି ଘୋଷଣା ହୋଇଥିବା ଭାରତୀୟ ନାଗରିକମାନେ ଜାହାଜରେ ଯାତ୍ରା କରିବା ପୂର୍ବରୁ ସେମାନଙ୍କ ମେଡିକାଲ ସ୍କ୍ରିନିଂ, ଆବଣ୍ଟିତ ପରିଚୟପତ୍ର ଏବଂ ବ୍ୟାଗକୁ ସାନିଟାଇଜ କରାଯିବ ।
**********
(ରିଲିଜ ଆଡି: 1623887)
ପରିଦର୍ଶକ କାଉଣ୍ଟର : 285
ଏହି ରିଲିଜ ପଢନ୍ତୁ :
Urdu
,
English
,
हिन्दी
,
Marathi
,
Assamese
,
Manipuri
,
Punjabi
,
Tamil
,
Telugu
,
Kannada
,
Malayalam