ইকায়খুম্নরবা প্রধান মন্ত্রী শ্রী নরেন্দ্র মোদিনা ঙরাং ইন্দিয়াগী জি.দি.পি.গী চাদা ১০গা মান্নগদবা লুপা লাখ করোর ২০গী অখন্নবা শেল-থুমগী অমদি পুম্নমক শুপচিল্লবা পেকেজ অমা লাউথোকখ্রে‍। মহাক্না आत्मनिर्भर भारत अभियान নৎত্রগা ইরোমদোম লেপচবা ঙম্বা ইন্দিয়া খোঙজঙগীদমক মীয়ামগী মফমদা থমখি‍। মহাক্না অত্মনির্ভর ভারতকী য়ুম্বী মঙা – শেন্মিৎলোন, মচাক মথুম, থৌওং, ভাইব্রেন্ত দেমোগ্রাফী অমসুং দিমান্দগী মতাঙদসু ফোঙদোকখি‍।

ঙসি মফমসিদা পাঙথোকখিবা পাউগী মীফম অমদা শেন্থুম অমসুং কোর্পোরেত এফ্যার্সকী কেন্দ্র মন্ত্রী শ্রীমতি নির্মলা সিতরমননা মহাক্কী ৱাহৌদোক্তা প্রধান মন্ত্রী শ্রী নরেন্দ্র মোদিনা ঙরাং লৈবাকসিদা পীবা ৱারোলদা পুম্নমক শুপচিল্লবা মীৎয়েং অমা থমখ্রে হায়না ফোঙদোকখি‍। মহাক্না মখা তানা হায়খি মদুদি মতম নীংথিনা লৌরবা মতুংদা পাক শন্না খন্নরবা মতুংদা ফংলকপা মচাকশিংসিনা কোবিদ-১৯গী লান্থেংদা শেল-থুমগী পেকেজ অসিগী শরক অমা ওইরি হায়না প্রধান মন্ত্রী মশামক্না থাজবা পীখি‍।

“মরুওইবা পান্দমদি মরোমদোম লেপচবা ঙমবা ইন্দিয়া অমা শেমগৎপনি, মদুমক্না শেল-থুমগী পেকেজ অসিবু আত্ম নির্ভর অভিয়ান কৌরিবনি‍। অত্ম নির্ভর ভারত অভিয়ান শেকগৎকদৌরিবা য়ুম্বীশিং পল্লদুনা শ্রীমতি সিতরমননা ঐখোয়গী লম, শিন্মী, শেল-থুম মরাং কায়বা অমসুং আইন হায়বসিদা মীৎয়েং থমগনি হায়না ফোঙদোকখি‍।

শেল-থুমগী মন্ত্রীনা মখা তারদুনা হায়খি মদুদি প্রাধান মন্ত্রী শ্রী নরেন্দ্র মোদিনা লুচিংলিবা লৈঙাক অসিনা মীয়ামগী ৱাফমশিং তাদুনা অমদি মীয়ামগী অপাম্বশিং তৌদুনা লাক্নলি, অদুনা ইং ২০১৪দগী হৌরগা হৌজিকফাওবদা অহোংবা পুরকখিবা ৱাফমশিং অমুক নিংশিনবা মরম চায়।

“বদজেত ২০২০ হেক লাউথোকপা মতুংদা কোবিদ-১০ লাকখি অদুগা লোকদাউন ১.০ হেক লাউথোকখিবা মতুং পুং খরগী মনুংদা প্রধান মন্ত্রী গরিব কল্য়ান য়োজনা (পি.এম.জি.কে.ৱাই) লাউথোকখি,” হায়না শ্রীমতি সিতরমন্না হায়খি‍।‍ ঐখোয়না পেকেজ অসিদা শেমগৎ শাগৎলক্কদৌরিবনি হায়না মহাক্না মখা তাখি‍।

“ঙসিদগী হৌরগা লাক্কদৌরিবা নুমিৎ খরনিসিদা মফমসিদা ঐনা শেল-থুম মন্ত্রালয়গী কাংবু পুম্নমক পুরক্তুনা ঙরাং প্রধান মন্ত্রীনা থমখিবা প্রধান মন্ত্রীগী অত্ম  নির্ভর ভারতকী মংলান অসিগী মতাংদা অকুপ্পা ৱারোল ফোঙদোক্লগনি‍,” হায়না শ্রীমতি সিতরমন্না হায়খি‍।

থবক থৌরমশিংদা অমুক হঞ্জিন্নবগীদমক হায়বদি শিন্মী অমদি থবক পীরিবা মীশিং, লল্লোন ইতিকশিং, মরুওইনা মাইক্রো স্মোল অমসুং মেদিয়ম এন্তর্প্রাইজেসশিং হান্নগী পোত্থোক পুথোকপগী ফীভমদা হঞ্জিল্লক্নবা শন্মীশিংসু থবক হঞ্জিন্নবগী ৱাফমদা মীৎয়েং থমবা থৌরাংশিং ঙসি শ্রীমতি নির্মলা সিতরমন্না লাউথোকখি‍। নন-বেঙ্কিং ফাইনান্স ইনস্তিত্যুসনশিং (এন.বি.এফ.সি.), হাউজিং ফাইনান্স কম্পেনীশিং (ঐচ.এফ.সি.), মাইক্রো ফাইনান্স সেক্তর অমসুং পৱার সেক্তর মপাঙ্গল কনখৎহন্নবগী থৌরাংশিং ফোঙদোকখি‍। মসি নত্তবদসু লল্লোন ইতিকশিংগী তেক্স রিলীফ, পব্লিক প্রোক্যুরমেন্তগী মতাংদা থিকাদারশিংদা থিকাগী য়ান-ৱাফমশিংদগী রিলীফ অমসুং রিয়েল ইস্তেৎ সেক্তরদা কম্প্লাইএন্স রিলীফকী মতাংশিংসু কোনশিনখি‍।

হৌখিবা চহী মঙাসিদা লৈঙাকসিনা ইন্দস্ত্রী অমসুং এম.এস.এম.ই.শিংগীদমক তোঙান তোঙানবা থৌরাংশিং লৌখৎখ্রে‍। রিয়েল ইস্তেৎ সেক্তরদা ইন্দস্ত্রী অসিদা তরু তরুবা ফীভম পুরক্নবগীদমক রিয়েল ইস্তেৎ (রিগুলেসন অমদি দেভেলপমেন্ত) এক্ত (রেরা) ইং ২০১৬তা চৎনহনখি‍। কাংলুপ অসিগী অৱাবা মায়োক্নরিবশিংদা মতেং ওইননবা পুবা ঙমগদবা ময়ায় ওইবা শেন্থোক্কী ওইবা য়ুম শাবগী অখন্নবা ফন্দ অমা মমাং চহীদা শেনখ্রে‍। এম.এস.এম.ই.শিংদা লৈঙাক্কী লোয়শঙ অমদি পি.এস.য়ু.শিংনা শেন পীরকপদা থেংথবা য়াওরকপদা মতেং ওইননবা সমাধান পোর্তেল ইং ২০১৭দা হৌদোকখি‍। লৈবাকসিদা এন্ত্রেপ্রিন্যুরসিপ হেনগৎহন্নবা অমদি এম.এস.এম.ই.শিংদা ক্রেদিৎ চঙশিল্লকপদা তেং ওইননবা অতৈ তোঙান তোঙানবা ক্রেদিৎ গরেন্তী স্কিমশিংগীদমক এস.আই.দি.বি.আই.গী মখাদা স্তার্তঅপশিংগী ফন্দশিংগী ফন্দ অমা শেমখ্রে‍।

মখাগী থৌরাংশিংসি ঙসি লাউথোকখি:-

এম.এস.এম.ই.শিং য়াওনা লল্লোন ইতিক্কীদমক লুপা লাখ করোর ৩গী ইমর্জেন্সী ৱর্কিং কেপিতেল ফেসিলিতী

লল্লোন ইতিকশিংদা মতেং পীননবগীদমক ২০২০ ফেব্রুৱারী ২৯দা লৈখিবা অতোনবা ক্রেদিৎকী চাদা ২০গী চাংদা অহেনবা ৱর্কিং কেপিতেলগী শেনফম হন্থবা শেন্দোয়দা তর্ম লোনগী মওংদা পীগনি‍। খুদোংচাবা অসি শিংদোক্তবা শেনফম লুপা করোর ২৫ফাওবগী মনুংদা লৈবা অদুগা চহীগী শেনফম লুপা করোর ১০০ফাওবগী মনুংদা লাকপা একাউন্ত স্তেন্দর্দ ওইবা য়ুনিৎশিংদা ফংহনগনি‍। য়ুনিৎশিং অসিনা গরেন্তী নৎত্রগা মখোয়গী কোলেতরেল অমত্তা পীবগী মথৌ তারোই‍। শেনফম অসি ইন্দিয়া লৈঙাক্না লুপা লাখ করোর ৩.০গী শেনফম পুথোক্তুনা এম.এস.এম.ই. লাখ ৪৫ হেনবদা চাদা ১০০ গরেন্তী পীগনি‍।

অৱাবা তারবা এম.এস.এম.ই.শিংগীদমক লুপা করোর ২০,০০০গী সবওর্দিনেৎ দেব্ত

অৱাবা তারবা নৎত্রগা এন.পি.এ. তারবা এম.এস.এম.ই. লাখ ২দা লুপা করোর ২০,০০০গী সবওর্দিনেৎ দেব্ত কাইথোক্লে‍। ক্রেদিৎ গরেন্তী ত্রস্ত ফোর মাইক্রো এন্দ স্মোল এন্তর্প্রাইজেসশিং (সি.জি.তি.এম.এস.ই.)দা লুপা করোর ৪,০০০ হাপ্তুনা লৈঙাক্না মখোয়দা ঙাক্লৌ পীগনি‍। বেঙ্কশিংনা অসিগুম্বা এম.এম.এম.ই.শিংগী প্রমোতরশিংদা মখোয়গী লৈরিবা স্তেক্কী চাদা ১৫গা মান্নদা শেনফম য়াম্লবদা লুপা লাখ ৭৫গী চাংদা সবওর্দিনেৎ-দেব্ত পীগদনি হায়না খল্লি‍।

এম.এস.এম.ই. ফন্দগী ফন্দশিংদা লুপা করোর ৫০,০০০গী ইক্যুতী হাপচিনবা

এম.এস.এম.ই.শিংদা ইক্যুতী ফন্দিংগী ঙাক্লৌ পীননবা লৈঙাক্না লুপা করোর ১০,০০০গী কোরপসকা লোয়ননা ফন্দশিংগী ফন্দ অমা শেমগনি‍। হায়রিবা ফন্দশিংগী ফন্দ অসি মমা অমা অমসুং মচানুপী খরগগী খুত্থাঙদা চলাইগনি‍। মচানুপী ফন্দশিংগী চাংদা ১:৪গী চাংদা শেন থাদদুনা ফন্দশিংগী ফন্দ অসিনা লুপা করোর ৫০,০০০গী ইক্যুতী শেমগৎপা ঙমগনি হায়না পারি‍।

এম.এস.এম.ই.গী অনৌবা মশক

শেন থাদবগী চাং ৱাংখৎহন্দুনা এম.এস.এম.ই.গী মশক হোংদোক্লগনি‍। লাকপা শেনফমগী অহেনবা চৎনা কাংলোন অমসু হাপচিন্নবা হোৎনরি‍। মেনুফেকচরিং অমসুং সর্ভিসি সেক্তরগী মরক্ত লৈরম্বা খেন্নবসু মুত্থৎলগনি‍।

এম.এস.এম.ই.গী অতৈ থৌরাংশিং

ত্রেদ ফেয়রশিং অমসুং একজিবিসনশিংগী মহুৎ শিন্দোক্নবা এম.এস.এম.ই.শিংগী ই-কৈথেল শম্নহনবগী থৌরাং য়োকখৎকনি‍। এম.এস.এম.ই.শিংনা লৈঙাক অমসুং সি.বি.এস.ই.শিংদগী ফংগদবশিং নুমিৎ ৪৫নিগী মনুংদা থাদোক্লগনি‍।

লুপা করোর ২০০ ফাওবগী লৈঙাক্কী তেন্দরশিংগী ওইনা মালেমগী তেন্দর পীদবা

লুপা করোর ২০০গী মখাগী মমল ওইগদবা গুদ্স এন্দ সর্ভিস লৌবগী মতাংদা মালেমগী তেন্দর ইনক্বাইরি য়াহন্দনবা লৈঙাক্কী জেনেরেল ফাইনান্সিএল রুল্স (জি.এফ.আর.) শেমদোক্লগনি‍।

লল্লোন ইতিক অমসুং ওর্গনাইজ শিন্মীশিংগীদমক এম্প্লোয়ীজ প্রোভিদেন্ত ফন্দগী ঙাক্লৌ

পি.এম.জি.কে.পি.গী মখাদা হৌদোকখিবা স্কিম ইন্দিয়া লৈঙাক্না থবক পীরিবা অমদি শিন্মী অনিমক্কীদমক তলবকী চাদা ১২গী চাং ই.পি.এফ.দা হাপ্পগী থৌরাং অদু থা অহুম অমগা শাংদোক্তুনা জুন, জুলাই অমসুং ওগস্ত ২০২০ ফাওবগী তলবশিংগীদমকসু পুথোক্লগনি‍। মসিনা পীগদবা অপুনবা কান্নবদি শিন্মী লাখ ৭২.২২দা লুপা করোর ২৫০০ রোমনি‍।

থা অহুমগী ওইনা থবক পীরিবা অমদি শিন্মীশিংগী থা অহুমগী ই.পি.এফ. হন্থহনবা

লাক্কদৌরিবর  থা ৩সিগী ওইনা ই.এফ.পি.ও.না কোনশিনবা ইস্তাব্লিসমেন্ত খুদিংমক্কী থবক পীরিবা অমদি শিন্মীশিংগী লেংনা লৈরিবা পি.এফ. শেনখায়া হান্না লৈরমবা চাদা ১২দগী চাদা ১০দা হন্থহল্লে‍। মসিনা থাদা লুপা করোর ২২৫০গী চাংদা শেনফম মরাং কায়বা হেনগৎহনগনি‍।

এন.বি.এপ.সি./ঐচ.এফ.সি./এম.এফ.আই.শিংগীদমক লুপা করোর ৩০,০০০গী অখন্নবা লিকুইদিতী স্কিম

আর.বি.আই.না পুথোক্তুনা লৈঙাক্না লুপা করোর ৩০,০০০গী অখন্নবা লিকুইদিতী স্কিম হৌদোক্কনি‍। থাদগদৌরিবা শেনফম অসি এন.বি.এফ.সিশিং, ঐচ.এফ.সি.শিং অমসুং এঢ়.এফ.আই.শিংগী ইনভেস্তমেন্ত গ্রেদ দেব্ত পেপরদা লৈরিবা প্রাইমারী অমদি সেকেন্দরী মার্কেত ত্রাঞ্জেক্সনদা থাদগনি‍। মসি ইন্দিয়া লৈঙাক্ন চাদা ১০০ গরেন্তী পীগনি‍।

এন.বি.এপ.সিশিং/এম.এফ.আই.শিংগী লাইএবিলিতীশিংগীদমক লুপা করোর ৪৫,০০০গী পার্সিএল ক্রেদিৎ গরেন্তী স্কিম ২.০

হান্না লৈরিবা পার্সিএল ক্রেদিৎ গরেন্তী স্কিম অসি হোংদোকপগী থবক চত্থরি অমদি হৌজিক্তি মসিনা রেতিং য়ামদবা এন.বি.এফ.সিশিং, ঐচ.এফ.সি.শিং অমদি অতহ মাইক্রো ফাইনান্স ইনস্তিত্যুসনশিং (এম.এফ.আইশিং)না পুবা শেনফমবুসু কোনশিল্লগন‍ি‍। ইন্দিয়া লৈঙাক্না পব্লিক সেক্তর বেঙ্কশিংদা চাদা ২০ ফর্স্ত লোস সোভেরেন গরেন্তী পীগনি‍।

দিসকোমশিংগীদমক লুপা করোর ৯০,০০০গী লিকুইদিতী ইঞ্জেক্সন

পৱার ফাইনান্স কোর্পোরেসন অমসুং রুরেল ইলেক্ত্রিফিকেসন কোর্পোরেসননা মান্নবা ইনস্তোলমেন্ত অনিদা দিসকোমশিংদা লুপা করোর ৯০০০০ ফাওবগী চাংদা লিকুইদিতি হেনগৎহনগনি‍। শেনফম অসিনা দিসকোমশিংনা ত্রান্সমিসন অমদি জেনেরেসন কম্পেনীশিংদা মখোয়গী দ্যুশিং থিদোকপদা শীজিন্নগনি‍। মখাতানা সি.পি.এস.ই. জি.ই.এন.সি.ও.শিংনা দিসকোমশিংদা রিবেত অমা মৈ শীজিন্নরিবশিংদা ফিক্স চার্জকী তেংবাং ওইনা য়ৌহন্নবগীদমক্তা পীগনি‍।

থিকাদারশিংদা পীবা তেংবাং

রেলৱেজ, রোদ ত্রান্সপোর্ত এন্দ হায়ৱেজকী মন্ত্রালয় অমসুং সি.পি.দব্লিউ.দি.গুম্বা সেন্ত্রেল এজেন্সি পুম্নমক্না থিকাদারশিংদা ই.পি.সি অমসুং কন্সেসন এগ্রিমেন্ত য়াওনা থিকাগী থবকশিং লোইশিনবগী মতম থা তরুকফাওবা শাংদোক্কনি‍।

রিয়েল ইস্তেৎ প্রোজেক্তশিংগী তেংবাং

স্তেৎ লৈঙাকশিংদা রেরাগী মখাদা ফোর্স মজেয়র ক্লোজ চৎনহন্নবা পাউতাক পীখ্রে‍। রেজিস্তর তৌবগী থবক অমদি রেজিস্তর তৌরবা প্রোজেক্ত খুদিংমক্কী লোইশিনবগী মতম থা তরুকফাওবা শাংদোক্লগনি‍ অমদি স্তেৎশিংগী লৈরিবা ফীভমগী মতুং ইন্না থা ৩ অমগসু শাংদোরকপসু য়ারি‍। মসিগা লোয়ননা রেরাগী মখাদা লৈরিবা তোঙান তোঙানবা স্তেতুতরী কম্প্লাইএন্সসু শাংদোক্লগনি‍।

লল্লোন ইতিকশিংদা পীবা তেক্সকী তেংবাং

প্রোপ্রাইতরসিপ, পার্তনরসিপ অমসুং এল.এল.পি.শিং অমদি কোওপরেতিবশিং য়াওনা চেরিতেবল ত্রস্তশিং অমসুং নন-কোর্পোরেত ব্যুজিনেস অমদি প্রোফেসনশিংগী ৱাৎহৌরিবা তেক্স রিফন্দ খুদক্তা থাদোক্কনি‍।

তেক্সকা মরী লৈনবা থৌরাংশিং

‘তেক্স দিদক্সন এত সোর্স’ অমসুং ‘তেক্স কল্লেক্তেদ এত সোর্স’কী রেত হন্থবা – রেসিদেন্তশিংদা পীবা নন-সেলরিদ পেমেন্ত খুদিংমক্কী তি.দি.এস. রেত, অমসুং তেক্স কল্লেক্তেদ এত সোর্সগী রেত লৈরিবা রেতকী চাদা ২৫গী চাংদা শেনবা চহী ২০-২১গী লেমহৌরিবা মতমসিগী ওইনা হন্থরগনি‍। মসিনা লুপা করোর ৫০,০০০গী চাংদা লিকুইদিতী লৈহনগনি‍।

ইনকম তেক্স রিতর্নস ফোর এসেসমেন্ত চহী ২০২০-২১গী অরোয়বা মতম পুম্নমক নভেম্বর ৩০, ২০২০ ফাওবা শাংদোক্লগনি‍। মতৌ অসুম্না তেক্স ওদিত তৌবগী অরোয়বা মতমসু ওক্তোবর ৩১, ২০২০ ফাওবা শাংদোক্লগনি‍।‍

“বিবাদ সে বিস্বাস’ স্কিমগী মখাদা অহেনবা শেনফম চঙদনা তেক্স থিদোকপগী তাং দিসেম্বর ৩১, ২০২০ ফাওবা শাংদোক্লগনি।

****