তমথিরবা কোবিদ-১৯গী মতাংদা তোপ-তোপ্পা অমসুং অহানবা মখল অমা ওইনা পায়খৎপা খোংথাংদা, অৱাং-নোংপোক লমগী চাউখৎ-থৌরাং (দোনর)গী রাজ্য (মনিংতম্বা)গী কেন্দ্র মন্ত্রী, পি.এম.ও.গী রাজ্য মন্ত্রী, পর্সোনেল, পব্লিক, মীয়ামগী ৱাকৎশিং, পেন্সনশিং, এতোমিক ইনর্জী অমসুং স্পেসকী রাজ্য মন্ত্রী দা. জিতেন্দ্রনা ঙসি দি.ও.পি.তি., দি.এ.আর.পি.জি. অমসুং দি.ও.পি.পি.দবল্যু বিভাগ অহুমগী স্তাফশিং অমসুং সেক্সন ওফিসরশিংগা ভিদিও কনফরেন্সকী খুত্থাংদা ৱারী শান্নখ্রে। 

মোদী সরকারনা মাগী ইম্প্লোয়ীশিংগী য়াইফনবা ৱাশক্লি অমসুং মতম পুম্নমক্তা থাক ৱাংনা খনবগা লোয়ননা মখোয়গীদমক্তা য়াইফনবা তৌরি হায়বা উৎলি হায়না দা. সিংহনা হায়খি। কোবিদ-১৯ থোক্লিঙৈগী মতমদা,  ওফিসতা চাদা ৩৩গী স্তাফশিং লৈদুনা য়ুমদগী য়াথং তৌবা থবক্কী য়াম্না হেল্দী ওইবা সিস্তেম অমগী মতুং ইন্দুনা থবক তৌখ্রে অমসুং মসি ঐখোয়গী য়াম্না নুংঙাইনা থবক তৌনবা মফম ওই হায়বগী অথোইবা খুদম অমনি হায়না মহাক্না হায়খি। মন্ত্রালয় অসিগী মকোক থোংবা ওফিসরশিংনা অতৈ স্তাফশিংবু খুদোংথিবদা তাহন্দনা হোৎনরিবা তাঞ্জাসিদা মমাং থানা লমজিংদুনা বিভাগশিং অসিগী আউতপুৎশিং অদু হেনগৎখ্রে অমদি মফম অমত্তদা ৱর্ক কলচরদা  অৱাবা মায়োক্নদ্রে হায়না দা. সিংহনা হায়খ্রে।

দা. জিতেন্দ্রনা স্তাফশিং অমসুং ওফিসরশিংদা প্রমোসন য়াওনা লোকদাউন অসি হেক লৌথোকখিবগা মখোয়গী ৱাকৎশিংগী মতাংদা শোয়দনা থবক পায়খৎকনি হায়খ্রে। অদুম ওইনমক মহাক্না,  মখা শমথদুনা প্রমোসন ৪০০দি হান্না মাংজৌননা চহিসিগী জনুৱারীদা থোকখ্রে হায়না মহাক্না হায়খি।

অনৌবা চাং নাইবা মওংদা থবক তৌবগী এনভাইরেম্নেন্তকী কনফরেন্স অসিগী মরুওইবা ৱাখল্লোন্দি ইম্প্লোয়ীশিং অমসুং মখোয়গী ইমুং-মনুংগী য়াইফনবা করিনো হায়বদু খঙদোকপনি অমসুং করিগুম্বা মখল অমত্তগী ৱাকৎ লৈরগসু মদু নীংথিজনা হৈ-শিংবা মওংদা লোইশিন্নবা তৌগনি  হায়না দা.জিতেন্দ্রনা হায়খি। পর্সোনেলগী মন্ত্রালয়না অতোপ্পা মন্ত্রালয়শিংনা থবক তৌবগী চৎনবীশিং অদু চৎনহনগনি অমসুং অতৈ মন্ত্রালয়শিংনসু অসিগুম্বা কনফরেন্স অসি পাংথোক্নবগী ইঙ্গিৎ অমা পীগদবনি হায়না মহাক্না হায়খি ।

দি.এ.আর.পি.জি.গী সেক্রতরী দা. ক্ষত্রপতি শিবাজী, দি.ও.পি.তি.গী সেক্রতরী দা. সি. চন্দ্রমৌলী অমসুং অতৈ মকোকথোংবা ওফিসিএলশিংনা মীফম অদুদা শরুক য়াখি।

****