ঙাকশেল মন্ত্রালয়
মিশন সাগর : আই.এন.এস. কেসরীনা মালদিবতা চান-থক্নবা পোৎলম খুৎশিন্নখ্রে
Posted On:
12 MAY 2020 6:59PM by PIB Imphal
ভারত নেভীগী জহাজ কেসরীনা ২০২০গী মে ১২দা মিশন সাগরগী শরুক ওইনা মালদিবকী মালে হিথাংফমদা থুংখ্রে। ভারত সরকারনা মরূপ লৈবাকশিংদা তেংবাং পীরি অমদি মসিগী শরুক ওইনা আই.এন.এস. কেসরীনা মালদিবকী মীয়ামগীদমক চান-থক্নবা পোৎলম তন ৫৮০ পুদুনা চৎখি। লমদম অসিদা কোবিদ-১৯ লাইচৎ অমসুং সোসিয়েল দিস্তেন্সিংগী য়েংদুনা ২০২০গী মে ১২দা খুৎশিন্নবগী থৌরম অসি ওনলাইনগী খুত্থাংদা পাংথোকখি। থৌরম অদুদা মালদিবকী ফোরেন মিনিস্তর অবদুল্লা শাহিদ অমসুং দিফেন্স মিনিস্তর মারিয়া অহমেদ দিদিনা শরুক য়াখি। ভারতকী মায়কৈদগী মালদিবতা ভারতকী হায় কমিস্নার শ্রী সঞ্জয় সুধীরনা শরুক য়াখি। ফোরেন মিনিস্তর শ্রী অবদুল্লা শাহিদনা ভারতনা পাংলক্লিবা তেংবাং অদুগীদমক থাগৎপা ফোংদোকখি।
জহাজ দিপ্লোই তৌরিবা অসি প্রধান মন্ত্রীগী “সাগর” অমদি মসিগী নাইবরহুদ ফার্সত পোলিসীগী মীয়েং মখাদা চত্থবনি, অনিমক অসিদা মালদিব মরুওইবা অমা ওইরি। মিশন অসি দিফেন্স অমসুং এক্সতর্নেল এফিয়র্স মন্ত্রালয় অমসুং ভারত সরকারগী অতোপ্পা এজেন্সীশিংগী মরক্তা অচেৎপা মরীগা লোয়ননা মাংলোমদা চংশিল্লি।
মিশন সাগরনা ওপরেসন সমুদ্র সেতুগী তুংওইননা নক্ননা চৎলি, মদুগী পান্দমদি মালদিব য়াওনা অতোপ্পা লৈবাকশিংদগী ভারত মচাশিংবু ভারত্তা পুরকপনি। ২০২০গী মে ৮ অমসুং ১০দা আই.এন.এস. জলশ্বা অমসুং আই.এন.এস. মগরনা ভারত মচা ৯০০ ভারত্তা পুরকখ্রে।
ভারত অমসুং মালদিব অসি অচেৎপা দিফেন্স অমসুং দিপ্লোমেতিক্কী মরী লৈবা য়াম্না নক্নবা সমুদ্রগী য়ুমলোন্নবশিংনি।
784P.jpeg)
****
(Release ID: 1623472)
Visitor Counter : 197
Read this release in:
English
,
Punjabi
,
Urdu
,
Hindi
,
Bengali
,
Assamese
,
Odia
,
Tamil
,
Telugu
,
Kannada
,
Malayalam