(মসিদা হৌখিবা পুং ২দা থোকখিবা কোবিদ-১৯গা মরী লৈনবা চেফোংশিং, ফিল্দ ওফিসশিংদগী ফংবা পাউশিং, অমসুং পি.আই.বি.না লৌখৎপা ফেক্ত চেকশিং য়াওরি )

• হৌজিক ফাওবদা লৈবাক অসিদা কোবিদ-১৯ কেস ৭০,৭৫৬গী লৈরে, মসিগী মনুংদগী মীওই ২২,৪৫৫ নাবা ফখ্রে, মসিনা নাবা ফবগী চাং ৩১.৭৪দা হেনগৎলে অমসুং মীওই ২২৯৩ লৈখিদ্রে।
• পুং ২৪গী মনুংদা অনৌবা কোবিদ-১৯ কেস ৩৬০৪ রিপোর্ত তৌরকখ্রে।
• হান্না নুমিৎ ১৪নিদা ১০.৯ ওইরম্বা দব্লিং তাইমসু নুমিৎ ৩নিদা ১২.২ ওইদুনা ফগৎলে।
• প্রধান মন্ত্রীনা রাজ্য/য়ু.তি.শিংগী মুখ্য মন্ত্রীশিংগা ভারতনা কোবিদ-১৯ থেংনরিবসিদা খুমাং চাউশিন্নবগী মতাংদা খন্ন-নৈনখ্রে; খুঙ্গংগী মফমশিংদা কোবিদ-১৯ শন্দোকপা থিংনবা থৌরাং পায়খৎকদবনি হায়না প্রধান মন্ত্রীনা ফোংদোকখ্রে।
• ঙসি অয়ুক্তা তোঙান-তোঙানবা রাজ্যশিংদগী "শ্রমিক স্পিসিএল" ত্রেন ৫৪২ থাখি।
• বন্দে ভারত মিসনগী মখাদা হৌখিবা নুমিৎ ৫নি অসিদা ভারত মচা ৬০৩৭ য়ুমদা হল্লকখ্রে

দা. হর্শ বর্ধন্না হিমাচল প্রদেশ, উত্তরাখন্দ, জম্মু-কশ্মীর অমসুং লদাখতা কোবিদ-১৯গী মতাংদা শেম-শারিবশিং অমসুং লাকশিন্নবগী লৌখৎলিবা থৌরাংশিংগী মতাংদা য়েংশিনখ্রে

কেন্দ্রগী হকশেল অমসুং য়াইফ-য়ুম্বাল মন্ত্রী দা. হর্শ বর্ধন্না জম্মু অমসুং কশ্মীর, অমসুং লদাখকী লেফতনেন্ত গবর্নর অমসুং উত্তরাখন্দ অমসুং হিমাচল প্রদেশকী মুখ্য মন্ত্রীশিংগা অৱাংবা থাক্কী মীফম অমা পাংথোকখ্রে। মাইগ্রেন্ত লেবরশিংনা ময়ুমদা হল্লকপগা মরী লৈননা, রাজ্য/য়ু.তি.শিংনা হল্লক্লিবা খুদিংমকপু চেৎনা য়েংশিনবা, কন্তেক্ত ত্রেসিং তৌবা, মতীক চানা তেস্ত তৌবা অমসুং মতম চানা লাইয়েং হৌনবা হায়খি। হায়রিবসিদা মপান্দগী হল্লক্কদবশিংসু য়াওরে।

মে ১২, ২০২০ ফাওবদা, লৈবাক অসিদা অপুনবা কেস ৭০,৭৫৬ লৈরে, মসিগী মনুংদগী মীওই ২২,৪৫৫না নাবা ফখ্রে অমসুং ২,২৯৩না লৈখিদ্রে। হৌখিবা পুং ২৪ অসিদা, অনৌবা কনফার্ম্দ কেস ৩,৬০৪ লাক্লে অমসুং ১৫৩৮না নাবা ফখ্রে। হান্না নুমিৎ ১৪নিদা ১০.৯ ওইরম্বা দব্লিং তাইমসু নুমিৎ ৩নিদা ১২.২ ওইদুনা ফগৎলে হায়না মহাক্না হায়খি। লৈতবগী চাং অসি ৩.২% নি অমসুং নাবা ফগৎলকপগী চাংনা ৩১.৭৪%নি হায়খি। মহাক্না রাজ্যশিংদা কোবিদ নত্তবা তঙাইফদবা থবকশিংবুসু চপ মান্ননা য়েংশিনবা মথৌ তাই হায়খি।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1623292

প্রধান মন্ত্রীনা রাজ্য অমসুং য়ুনিয়ন তেরিতোরী পুম্নমক্কী মুখ্য মন্ত্রীশিংগা ৱারী শানখ্রে

প্রধান মন্ত্রী শ্রী নরেন্দ্র মোদীনা কোবিদ-১৯গী মায়োক্তা চত্থরিবা ভারতকী লান্দা তুংগী পোরম য়াৎনবগীদমক ঙসি লৈবাক অসিগী রাজ্য অমসুং য়ুনিয়ন তেরিতোরী পুম্নমক্কী মুখ্য মন্ত্রীশিংগা ৱারী শানখ্রে। ঐখোয়গী নাক্তা শিংনবা অনি লৈরি- লাইনাগী ত্রান্সমিসন রেৎ হন্থনবা, অমদি গাইদলাইন পুম্নমক ঙাক্না চৎতুনা পব্লিক এক্তিবিতী তপ্না-তপ্না হেঙ্গৎহনবনি হায়না মহাক্না হায়খি। প্রধান মন্ত্রীনা মখা তানা হায়খি মদুদি হৌজিক খুঙ্গংগী লমদমশিংদা কোবিদ-১৯ শন্দোকপা থিংনবা হোৎনবা তাই। ভারতনা কোবিদ-১৯ মতুংগী ফংগদৌরিবা তাঞ্জাশিংগী কান্নবা লৌগদবনি হায়না প্রধান মন্ত্রীনা হায়খি। ঐখোয়না মসি খঙগদবনি মদুদি কোবিদ-১৯গী মতুংদা মালেম অসি মপুংফানা অহোংবা লাক্লে। হৌজিক মালেমগী লাঞ্জাওগী মতৌগুম প্রি-কোরোনা, পোস্ত-কোরোনাগী মালেম ওইরগনি। মসিগী ঐখোয়গী থবক তৌবগী মওং-মতৌদা মরুওইবা অহোংবা পুরক্লগনি।  মসিনা ঐখোয়গী থবক তৌবগী মওং-মতৌদা মরুওইবা অহোংবা পুরক্লগনি। মহাক্না হায়খি মদুদি মীওই অমদগী হৌরগা মীওইবা জাতি পুম্বা পুন্সিগী অনৌবা লম্বী অসি “জন সে লেকর জগ তক”কী প্রিন্সিপলদা য়ুমফম ওইরগনি।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1623160

ইন্দিয়ন রেলৱেনা লৈবাক পুম্বদা ২০২০গী মে ১২ (পুং ০৯:৩০) ফাওবদা “শ্রমিক স্পিসিয়েল” ত্রেন ৫৪২ ওপরেৎ তৌরি

২০২০গী মে ১২ ফাওবদা, লৈবাক অসিগী তোঙান-তোঙানবা রাজ্যশিংদগী “শ্রমিক স্পিসিয়েল” ত্রেন পুন্না ৫৪২ ওপরেৎ তৌরি, মদুগী মনুংদা ত্রেন ৪৪৮দি মখোয়গী পন্থুংফম য়ৌখ্রে অমদি ত্রেন ৯৪না লম্বীদা লৈরি।

মসিগী ত্রেন ৪৪৮ অসি আন্ধ্র প্রদেশ (ত্রেন ১), বিহার (ত্রেন ১১৭), ছতিসগর (ত্রেন ১), হিমাচল প্রদেশ (ত্রেন ১), ঝার্খন্দ (ত্রেন ২৭), কর্নাতকা (ত্রেন ১), মধ্য প্রদেশ (ত্রেন ৩৮), মহারাস্ত্রা (ত্রেন ৩), ওরিশা (ত্রেন ২৯), রাজস্থান (ত্রেন ৪), তমিল নাদু (ত্রেন ১), তেলঙ্গনা (ত্রেন ২), উত্তর প্রদেশ (ত্রেন ২২১), ৱেস্ত বেঙ্গল (ত্রেন ২)গুম্বা তোঙান-তোঙানবা রাজ্যশিংদা পন্থুংফম ওইরি। মসিগী শ্রমিক স্পিসিয়েল ত্রেনশিং অসিদা য়াম্লবদা চাউরাক্না পেসেঞ্জর ১২০০না সোসিয়েল দিস্তেন্সিং ঙাক্না তোংদুনা চৎপা য়াহল্লি। ত্রেন তোংদ্রিঙৈ মাংওইননা পেসেঞ্জরশিংবু মতিক চানা স্ক্রীনিং তৌরি। খোংচৎ মনুংদা পেসেঞ্জরশিংবু চাকলেন অমসুং ঈশিং লেম্না পীরি।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1623212

পেসেঞ্জর ত্রেনগী সর্বিসশিং অমুক মথং-মনাও নাইনা মথৌদা হঞ্জিল্লকপা হৌরে

ইন্দিয়ন রেলৱেগী পেসেঞ্জরগী ত্রেনগী সর্বিসশিং অমুক মথং-মনাও নাইনা ত্রেন ৮গা লোইননা মথৌদা হঞ্জিল্লকপা হৌরে। ত্রেন নম্বর ০২৪৪২ ন্যু দিল্লীদগী বিলাসপুর ফাওবগী ওইবা অহানবা ত্রেন অসিনা ঙসি হায়বদি মে ১২,২০২০দা ন্যু দিল্লীগী রেলৱে স্তেসন্দগী কোবিদ-১৯না মরম ওইদুনা পেসেঞ্জর ত্রেন সর্বিসশিং য়ৈথোক্লুরবা মতুংদা অহানবা থবক তৌবা হঞ্জিল্লকপা অখন্নবা ত্রেন ওইনা মহাক্কী খোংচৎ হৌখ্রে। পুন্না অখন্নবা ত্রেন ৩না ন্যু দিল্লীদগী থাখ্রবগী মতম অসিদা ন্যু দিল্লীগী অতোপ্পা শহরশিংদগী অখন্নবা ত্রেন ৫সু লমথারগনি। মসিগী অখন্নবা ত্রেন সর্বিসশিং অসি ইন্দিয়ন রেলৱেনা মথৌ তৌহনবা শ্রমিক স্পিসিয়েল ত্রেনগী মথক্তা হাপচিল্লকপা ওইগনি।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1623256

মে ৭, ২০২০দগী হৌদুনা বন্দে ভারত মিশনগী মখাদা ফ্লাইৎ ৩১দা মপান লমদগী ভারত মচা ৬০৩৭ হল্লকখ্রে

লৈবাক অসিগী মীওইশিং অদুবু ভারত্তা অমুক হন্না পুরক্নবা লৌখৎখিবা চাউরবা খোংথাংশিং অদুগী মনুংদা অমা ওইনা ভারত সরকারনা বন্দে ভারত মিসন মে ৭, ২০২০দা হৌদোকখি।  মিশন অসিগী মখাদা সিবিল এভিয়েসন মন্ত্রালয়না ভারত মচাশিং অদুবু মশাগী মরমদা পুরক্নবগীদমক্তা এক্সতর্নেল এফিয়র্স মন্ত্রালয় অমসুং রাজ্য সরকারশিংগা পুন্না থবক তৌমিন্নরি। এয়র ইন্দিয়ানা মাগী মখাদা লৈরিবা এয়র ইন্দিয়া এক্সপ্রেসকা লোইননা অহানবা তাংকক্তা ভারত মচা ১৪,৮০০ পুরক্নবা লৈবাক ১২দা খুদম ওইনা য়ু.এস.এ., য়ু.কে., বঙ্গলাদেশ, সিঙ্গাপুর, সাউদী অরাবিয়া, কুৱেৎ, ফিলিপিন্স, য়ু.এ.ই. অমসুং মলেসিয়াদা পুন্না ফ্লাইৎ ৬৪ (এয়র ইন্দিয়ানা ৪২ অমসুং এ.আই. এক্সপ্রেসনা ২৪) মথৌ তৌহল্লি।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1623233

পি.এম.না মালেমগী নর্সশিংগী নুমিত্তা নর্সশিংদা তৌবীমল খঙবা উৎখ্রে

প্রধান মন্ত্রী নরেন্দ্র মোদীনা মালেমগী নর্সশিংগী নুমিৎকী থৌরমদা নর্সশিংদা তৌবীমল খঙবা উৎখ্রে। “মালেমগী নর্সশিংগী নুমিৎ অসি ঐখোয়গী মালেম অসিবু তেক্ত কাইদনা থম্নবা হায়দুনা অহিং নুংথিল নাইদনা মশক থোক্না হোৎনরিবা নর্সশিংদা তৌবীমল খঙবা উৎপগী অখন্নবা নুমিৎ অমনি। হৌজিক হৌজিকসু মখোইনা কোবিদ-১৯বু মায়থিবা পীননবা কন্না হোৎনরি। ঐখোয়না নর্সশিং অমসুং মখোইগী ইমুং-মনুংদা তৌবীমল খঙবা উৎচরি”।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1623284

মালেমগী নর্সশিংগী নুমিৎ পালন তৌখ্রে

মালেমগী নর্সশিংগী নুমিৎকী থৌরমদা কেন্দ্রগী হকশেল অমসুং য়াইফ-য়ুম্বাল মন্ত্রালয় মন্ত্রী দা. হর্শ বর্ধন্না ভিদিও কনফরেন্সকী খুথাংদা থৌরম মপু ওইখি। হন্দক্কী চহী অসিদি ৱার্লদ হেলথ ওর্গনাইজেসন্নসু চহী অসিবু 'নর্স অমসুং মিদৱাইফশিংগী চগী' হায়না লাউথোক্লদুনা হেন্না মগুন লৈবা চহী অমা ওইরে। নর্সকী শিনফমদা লৈরিবা পুম্নমক্কী কত্থোকপগী থবকশিংবু শিংথারদুনা অমসুং মখোয়বু মপাঙ্গল কল্লবা হেলথকেয়র পীবগী পথাপকী ফৈরানি হায়না পল্লদুনা দা. হর্শ বর্ধন্না হায়খি, "নখোয়গী থবকশিং অসিগী মগুন অমসুং অশেংবা শক্তমদি ৱাহৈনা শিংথাবগী লোইবা নাইরোই, মসি নখোয়গী হোৎনজমন্দুনি। নখোয়গী মীনুংশি, কত্থোকপা অমসুং পুক্নিং ফাথবা ঙম্বা অমসুং নুমিত্তু কয়াম ৱাবা ৱাদবা থিদনা অনাবশিংনা মতম চুপ্পদা মমাংদা থমদুনা হোৎনবীবগীদমক থাগৎপা ফোংদোকচরি।" লৈরিবা লাইচৎ অসিগী মনুংদা মখোয়গী মরু ওইবা থৌদাং অমসুং লেপ্পা লৈতবা থবকশিংগীদমক্তা তৌবীমল খঙবা উৎখি।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1623233

সরকারনা গান্ধী পীস প্রাইজ ২০২০গী নোমিনেসন লৌবগী মতম তাং ১৫/০৬/২০২০ ফাওবা শাংদোকখ্রে

অকুপ্পা ৱারোলগীদমক, https://pib.gov.in/PressReleseDetail.aspx?PRID=1623034

দা. জিতেন্দ্র সিংনা এ.এস.ও.সি.ঐচ.এ.এম.না শিনবা ইন্দো-বঙ্গলাদেশ “ভর্চুয়েল কনফরেন্স”তা ৱা ঙাংখ্রে

কেন্দ্রগী দি.ও.এন.ই.আর.গী রাজ্যগী মন্ত্রী (আই/সি) দা. জিতেন্দ্র সিংনা ঙসি হায়খ্রে মদুদি ইকোনোমী, লাল্লোন-ঈতিক, সাইন্তিফিক রিসর্চ অমসুং অতোপ্পা মখল মখা কয়াগী হিরমশিংদা অনৌবা অহোংবা পুরকপগী ওইথোকপা য়াবগা লোইননা কোবিদকী মতুংদা অনৌবা খুদম-চাংদমশিং থোরকপা য়াবা লৈ।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1623094

তেক্নোলোজী সেন্তরশিংনা তিএল তাইম ক্বান্তিতেতিব মাইক্রো পি.সি.আর. সিস্তেমগী মরু ওইবা মচাকশিং শাবা হৌরে

এম.এস.এম.ই. মন্ত্রালয়গী ভুবনেস্বর, জমশেদপুর অমসুং কোলকত্তাগী তেক্নোলোজী সেন্তরশিংনা এ.এম.তি.জেদ., বিশাখাপত্নমগী রিএল তাইম ক্বান্তিতেতিব মাইক্রো পি.সি.আর. সিস্তেমগী মরু ওইবা মচাকশিং শাবা হৌরে। মসিগী মেচিন অসিনা কোবিদ-১৯ তেস্তকী ফল পুং ১ ফাদনা পীবা ঙমই (চাংচত্তা চংবা মতম্না পুং ২৪) অমসুং হায়রিবসি প্রাইবেৎ এম.এস.এম.ই. ইন্তর্প্রাইজনা পুথোকপনি।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1623027

সি.এস.আই.আর.- নেস্নেল এরোস্পেস লেবোরেতরীশিং (এন.এ.এল.), বেঙ্গলুরুনা কোবিদ-১৯গীদমক্তা নুমিৎ ৩৬নিদা বাইপেপ নন ইনবেসিব ভেন্তিলেতর “স্বস্থ ৱায়ু” পুথোকখ্রে

সীস্তেম অসি এন.এ.বি.এল.না শকখঙলবা এজেন্সীশিংনা সেফতী অমসুং পর্ফোরমেন্সকীদমক্তা সর্তিফাই তৌরকখ্রে। বাইপেপ নন ইনভেসিব ভেন্তিলেতর অসি ভাইরস শন্দোকপগী অকিবা খরা হন্থনবা মাইক্রোকন্ত্রোলর-বেস প্রিসাইজ ক্লোস্দ-লুপ এদাপতিব কন্ত্রোল সীস্তেমনি।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1623108

এম.এস.এম.ই.গী মন্ত্রালয়না চেম্পিয়ন্স পোর্তেল হৌদোকখ্রে

এম.এস.এম.ই.গী মন্ত্রালয়না তেক্নোলোজীদা য়ুম্ফম ওইবা কন্ত্রোল রুম-কম-মেনেজমেন্ত ইনফোর্মেসন সীস্তেম, চেম্পিয়ন্স পোর্তেল www.Champions.gov.in হৌদোকখ্রে। অনৌবা আই.সি.তি. তুলশিং শিজন্নরিবা সীস্তেম অসিনা লৈবাক অসিগী অমসুং মালেমগী থাক্তা চেম্পিয়নশিং ওইনা অচৌবা লীগতা ভারতকী এম.এস.এম.ই.শিংনা খোং থাংজিনবা ঙম্নবা মতেং পাংবগী পান্দম থম্লি।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1623201

বি.পি.পি.আই.না পি.এম.কেয়র্স ফন্দদা লুপা লাখ ২৫ কৎখ্রে

অকুপ্পা ৱারোলগীদমক, https://pib.gov.in/PressReleseDetail.aspx?PRID=1623295

পি.আই.বি. ফিল্দ ওফিসশিংদগী ফংবা পাউ

• চন্দীগরঃ চন্দীগর এদমিনিস্ত্রেতরনা মাইগ্রেন্তশিংনা চৎনবগীদমক অখন্নবা "শ্রমিক ত্রেনশিং" শীনবীবগীদমক এদমিনিস্ত্রেসনগী থবকশিংবু অপেনবা পোকপা ফোংদোকখ্রে। মহাক্না পেসেঞ্জরশিংদা চানবা অমসুং থক্নবা ঈশিং মতীক চানা পীবীবগীদমক অমসুং রেল তিকেৎকী অচংবা শেনফম এদমিনিস্ত্রেসন অসিনা পুথোকখিবগীদমক নুংঙাইবা ফোংদোকখি।
• পঞ্জাবঃ পঞ্জাব সরকারনা গুরুদ্বারা মজনু কা তিল্লাদা হৌজিক লৈরিবা মীওইশিং য়াওনা দিল্লীদা থা অমা হেন্না পন্দুনা লৈরক্লবা পঞ্জাবীশিং পুরক্নবগীদমক পঞ্জাব রোদৱেজ বস ১৩ থাখ্রে। কোবিদ-১৯গী হকশেলগী তঙাইফদবা থবক ওইনা পঞ্জাবতা হল্লক্লবা মীওই পুম্নমক ক্বারেন্তিন শোইদনা তৌগদবনি। সরকারগী এজেন্সীশিং অমসুং প্রাইবেৎ ত্রেদরশিংনা পঞ্জাবতা গেহু মেত্রিক তন ১,৫০,৯১৮ লৈশিনবগী ২৬শুবা নুমিত্তা  লৈশিনখ্রে। সরকারগী এজেন্সীশিংনা গেহু মেত্রিক তন ১,৫০,৭৭১ লৈখি অমসুং প্রাইবেৎ ত্রেদরশিং (আরতিয়াশিং)না মেত্রিক তন ১৪৭ লৈখি।
• হরিয়ানাঃ মালেমগী লাইচৎ কোবিদ-১৯না ওইহল্লকপা খুদোংচাদবশিংনা মরম ওইদুনা রাজ্য অসিদা পন্দুনা লৈরিবা মাইগ্রেন্ত লেবরশিং অমসুং শিন্মীশিংদা পীরিবা অৱাবশিং উরদুনা হরিয়ানা সরকারনা ময়ুম হন্নিংবনা খৌরাংলবা মাইগ্রেন্ত লেবরশিংবু মখোয়-মখোয়গী রাজ্যদা থাননবা শেম শাবগী থবক মখা চত্থরি। ঙরাং, লৌমী মাইগ্রেন্ত লেবর ১,২০৮ রেৱারীদগী অমসুং অম্বালা কেন্তন্মেন্ততগী মাইগ্রেন্ত লেবর ১,১৮৮ স্পিসিএল শ্রমিক ত্রেনশিংদা মখোয়গী ইমুং মনুংশিংগা লোইননা থাদোকখ্রে।
• হিমাচল প্রদেশঃ মুখ্য মন্ত্রীনা রাজ্য সরকারনা কেপিতেল এক্সপেন্দিচর ককথরোই অদুবু কান্নবা ফংদ্রবা অমসুং অরেম্বা এক্সপেন্দিচরশিং লাকশিন্দুনা অহেনবা কান্নবা ফংগদবা খোংথাং সরকারনা লৌখৎকনি হায়না ফোংদোকখ্রে। মহাক্না হায় মদুদি রাজ্য সরকার অসিনা মুখ্য মন্ত্রী শাহরী অজিবিকা গরেন্তী য়োজনা হৌদোক্তুনা রাজ্য অসিদা শহর মচাশিংদা লৈরিবা ইমুং খুদিংমক্তা নুমিৎ ১২০নিগী অনস্কিল্দ ইমপ্লোইমেন্ত পীনবা হৌদোকখ্রে।
• কেরলাঃ কেরলা সরকারনা রাজ্য অসিদা লম্বী অমসুং রেলদা চংলকপদা অয়েৎপা লৈতনবগীদমক কুপ্না তাক্লবা কাংলোন অমা ফোংখ্রে। পাস য়াওদনা চংলকপা মীওইশিং ইন্সতিত্যুস্নেল ক্বারেন্তিন তৌগদবনি। কেরলা হাই কোর্তনা ভারতকী মপান্দা লৈরুবা মীওইশিংগী রাজ্য অসিদা লাক্লবা মতুংদা তৌগদবা ক্বারেন্তিনগী কাংলোন্দা রাজ্য সরকারদা কেন্দ্র অমসুং রাজ্য সরকারগী কাংলোনশিং য়েংলবা মতুংদা ম্যেক শেংনা খঙহন্নবা হায়খ্রে। গল্ফতা ঙসি কোবিদ-১৯না মরম ওইদুনা কেরলা মচা মঙা লৈখিদ্রে। গল্ফতগী রেস্ক্যু ফ্লাইৎ মরি রাজ্য অসিদা ঙসি অহিং লাক্কদৌরি। মালদিবতগী পন্দুনা লৈরুবা ভারত মচা ২০২ পুরক্কদবা  অনীশুবা জহাজ ঙসি নুমিদাং কোচীদা থুংলগনি। হৌজিক ফাওবদা, কোবিদ-১৯ এক্তিব কেস ২৭ লাইয়েংদুনা লৈরি অমসুং রাজ্য অসিদা হোৎস্পোত ৩৪ লৈরি।
• তমিল নাদুঃ বিহারদগী মাইগ্রেন্ত লেবর ১,১৪০ পুদুনা চৎকদবা অখন্নবা ত্রেন ঙসি তিরুনেলবেলিদগী থাদোক্লগনি। দ্রাইবর অমা কোবিদ-১৯ পোজিতিব ওইবদগী কুম্বাকোনম কৈথেল লোনখ্রে। রাজ্য অসিদা কোবিদ-১৯ খক্তগী ওইবা হোস্পিতাল লিংখৎনবা প্রাবেৎ এসেতশিং খঙদোক্নবা খোংথাং লৌখৎলি। সরকারনা কার্দ পায়রবা মীওই খুদিংমক্তা জুনগী রাসন লেম্না ফংহন্নবা লুপা করোর ২১৯ কাইথোক্কদৌরি। মদ্রাস মেদিকেল কোলেজদা প্লাজমা থেরাপীগী ত্রাইএল হৌখ্রে। হৌজিক ফাওবদা লৈবা অপুনবা কেসঃ ৮০০২, এক্তিব কেসঃ ৫৮৯৫, লৈখিদ্রবাঃ ৫৩, দিসচার্জ তৌখ্রবাঃ ২০৫১। চেন্নইদা লৈবা এক্তিব কেস মশীং ৪৩৭১নি।
• করনাতকাঃ ঙসি অনৌবা কেস ৪২ রিপোর্ত তৌখ্রে। গ্রীন জোন্দা লৈবা হসন দিস্ত্রিক্ততা অনৌবা কেস ৫ রিপোর্ত তৌরকখ্রে। ঙসিগী হৌজিক ফাওবদা লৈবা কেসঃ বাগলকোৎ ১৫, ধার্ৱাদ ৯, হসন ৫, বেঙ্গলোর ৩, য়াদ্গিরী, বিদার অমসুং দকশিন কনাদাদা অনি-অনি অমসুং চিকাবলাপুর, মান্দ্যা, বেলারী অমসুং কালবুর্গীদা অমমম। অপুনবা কেস ৯০৪, লৈখিদ্রবা ৩১ অমসুং মীওই ৪২৬ হৌজিক ফাওবদা দিসচার্জ তৌখ্রে। ঙসি মুখ্য মন্ত্রীনা শেলথুম বিভাগকী ওফিসিএলশিংগা রাজ্য অসিগী কোবিদকী মনুংদা ওইরিবা শেলথুমগী ফিবমগী মতাংদা মীফম অমা পাংথোকখ্রে।
• আন্ধ্র প্রদেশঃ রাজ্য অসিগী কোনুং বিশাখাপত্নমদা হোংদনবগীদক রাজ্য অসিনা হাই কোর্ত্তা এফিদেবিৎ থাগৎখ্রে। এস.সি.ই.আর.তি.না পব্লিক স্কুলশিংদা ইংলিস মেদিয়ম হাপহন্নিংবগী অপাম্বা ফোংদোক্তুনা আন্ধ্র প্রদেশ সরকারদা চেনা ৫৮ পানবা রিপোর্ত অমা পীখৎখ্রে। হৌখিবা পুং ২৪দা সেম্পল ১০,৭৩০ তেস্ত তৌরবা মতুংদা কোবিদ পোজিতিব কেস ৩৩ লাকখি, মীওই ৫৮ দিসচার্জ তৌখি অমসুং মীওই অমা লৈখিদ্রে। অপুনবা কেস মশীং ২০৫১ য়ৌরে। এক্তিব কেসঃ ৯৪৯, নাবা ফরবাঃ ১০৫৬, লৈখিদ্রবা ৪৬। পোজিতিব ওইবা কেসতা মাং থারিবা জিলাঃ কুর্নুল (৫৮৪), গুন্তুর (৩৮৭) কৃষ্ণ (৩৪৬) অনন্তপুর (১১৫), নেল্লোর (১১১)।
• তেলঙ্গানাঃ য়ু.কে.দগী হায়দেরবাদতা মীওই ৩৩১ পুদুনা লৈবাকপোকপা নুমিৎকী অঙনবদা 'বন্দে ভারত মিসন'গী মরিশুবা ফ্লাইৎ শহর অসিগী রজিব গান্ধী ইন্তর্নেস্নেল এয়রপোর্ত্তা থুংলখ্রে। তেলঙ্গনা স্তেৎ রোদ ত্রান্সপোর্ত কোর্পোরেসন (তি.এস.আর.তি.সি.)না লোকদাউন অসি হেক হাংদোকপগা মী অমগা অমগগী অথাপ্পা ঙাক্না চৎনবগীদমক বসকী কেপাসিতীশিং হান্নদগী হন্থনবা হোৎনগদৌরি। ঙরাং ফাওবগী অপুনবা কেস মশীং:  ১২৭৫, এক্তিব কেসঃ ৪৪৪, লৈখিদ্রবাঃ ৩০, নাবা ফরবাঃ ৮০১।
• মহারাস্ত্রঃ রাজ্য অসিদা কোবিদ-১৯ কেস ২৩,৪০১ লৈরে। মুম্বাইদা অহানবা কেস রিপোর্ত তৌরকখিবা হেক মতুংদগী হৌজিক ফাওবদা কেস ১৪,৩৫৫ লৈরি। ভারস অসিনা মরম ওইদুনা পুলিস পার্সনেলশিংদা শন্দোক্লকপগী চাং হেনগৎলক্লি- ভাইরস অসিনা ওফিসর ১০৬ অমসুং কোন্সতেবল ৯০১ নারে। নাগপুরদা কোবিদ কেস ৩০০ য়ৌরে, ঙরাং কেস অনী অমগসু রিপোর্ত তৌরকখ্রে। ওরেঞ্জ সিতী অসিদা কোরোনা ভাইরসনা মরম ওইদুনা মী মরি লৈখিদ্রে।
• গুজরাতঃ রাজ্যগী হকশেলগী বিভাগনা থাদোরকপা খ্বাইদগী নৌবা দেতাগী মতুং ইন্না অনৌবা কেস ৩৪৭ লৈরে অমসুং মীওই ২০ লৈখিদ্রে। হৌজিক, রাজ্য অসিগী অপুনবা মশীং ৮,৫৪১ লৈরে অমসুং কোবিদকা মরী লৈননা লৈখিদবা মীওই ৫১৩ শুরে। অনৌবা কেসশিং অসিগী মনুংদগী ২৬৮না অহেমদবাদতগীনি, ২৯না বাদোদরাদগী, ১৯না সুরত্তগী অমসুং ১০না গান্ধীনাগরদগীনি।
• রাজস্থানঃ ঙসি (নুংথিল পুং ২ ফাওবয়া) রিপোর্ত তৌরকখিবা অপুনবা পোজিতিব কেস মশীং ৬৮ শুর, মসিগী মনুংদগী কেস ৩২না উদয়পুরদগীনি। অয়াম্বা অনাবশিংদি জয়পুর অমসুং জধপুরদগীনি, উদয়পুরনা অহুমশুবা মফমদা লৈ। কেসকী দব্লিং রেতনা রাজস্থান্দা নুমিৎ ১৮নি লৈরি, মসিনা নাবা ফগৎলকপগী চাং ৬০দা লৈদুনা খরা শাফরি। রাজ্য অসিদা কোবিদ-১৯ কেস ৩,৯৮৮ রিপোর্ত তৌরি, মসিগী মনুংদগী ১,৫৫১না এক্তিব কেস ওইরি অমসুং মীওই ২,০৫৯না নাবা ফদুনা দিসচার্জ তৌখ্রে।
• মধ্য প্রদেশ: মধ্য প্রদেশ্তা অনৌবা পোজিতিব ওইবা কেস ১৭১ লাকপগা লোইননা, অপুনবা রিপোর্ত তৌরবা কেস ৩,৭৮৫ য়ৌরে। মসিগী মনুংদগী অনৌবা কেস ৩০না বোপালদগীনি অমসুং ৮১না ইন্দোরদগীনি।
• গোৱাঃ মুখ্য মন্ত্রী প্রমোদ সাৱন্তনা মে ১৭কী মতুংদা লোকদাউনগী অহুমশুবা ফেজ লোইরবা মতুংদা অখন্নবা কোম্থোকপা খরা থম্বগী ৱাফম পুখৎলকপগা লোইননা গোৱাদা খরা কোম্থোকপা লৈগদরা হায়না পান্নরি, মরুওইনা রাজ্য অমদগী রাজ্য অমদা চত্থোক চৎশিন তৌবদা। গোৱাদা এক্তিব কেস অমত্তা লৈত্রি।
• অরুনাচল প্রদেশঃ হকশেল মন্ত্রীনা নাহরলাগুন্দা অনীশুবা কোবিদ-১৯ তেস্ত সেন্তর হাংদোকখ্রে; ত্রুএন্তনা তেস্তশিং পাংথোক্কদৌরি।
• অসমঃ ইন্তর্নেস্নেল নর্সেস দেগী থৌরমদা কোবিদ-১৯ থেংননবা হোৎনবদা নর্সশিংগী লেপ্পা লৈতবা অমসুং কত্থোকপগা লোইননা মমাং থাদুনা হোৎনবনা কোরোনাভাইরস লান্থেংনবগী য়াংলেন শরু ওইরিবনি হায়না ফোংদোকখ্রে।
• মনিপুরঃ দিস্ত্রিক্ত খুদিংমক্তা য়ুমদা হল্লক্লিবশিংগীদমক সরকারনা সেন্ত্রেলাইজ স্ক্রীনিং সেন্তর হাংদোক্নবা খঙহনখ্রে। ওফিসিএল সেন্তরশিং অসিদা লাইওং উত্তবা পুম্নমক নুমিৎ ১৪নি ক্বারেন্তিন তৌদুনা লৈগদবনি হায়খ্রে। লাইহৌগুম্বগী লাইওং লাকপা খুদিংমক আইসোলেসন ৱার্দতা থমদুনা য়েংশিনগনি।
• মিজোরমঃ মুখ্য মন্ত্রীনা মপান্দা পন্দুনা লৈরিবা মিজো খুদিংমক্কী য়াইফনবা রাজ্য সরকার অসিনা হোৎনগনি হায়না থাজবা পীখ্রে, সরকারনা লৌখৎলিবা খোংথাংশিং অসিদা মতেং পাংবীনবা ফোংদোরক্লি।
• নাগালেন্দঃ দিমাপুরদা ওদ-ইবন কাংলোন চৎনবা হৌবগী অহানবা নুমিত্তা গারী ৭৪৬তা পেনালাইজ তৌখ্রে; লুপা লাখ ১.৪১ ফাইন ওইনা খোমগৎখ্রে।
• সিক্কিমঃ ব্লেক কেৎ দিবিজন জি.ও.সি. মেজর জেনরেল আর.সি. তিৱারীনা সিক্কিমগী গবর্নরদা ফোন তৌদুনা সিক্কিমগী আর্ম্দ ফোর্সেস পার্সনেলশিংগী মরক্তা কোবিদ-১৯ কেস অমত্তা লৈহন্দনা লৌখৎলিবা চেকশিল-থৌরাংশিং অমসুং ঙাকশেলগী খোংথাংশিংগী মরমদা পাউদমখ্রে।

****