কোবিদ-১৯ লোকদাউন্না মখল-মখা কয়াগী লোজিস্তিক্স অমসুং অতোপ্পা শিংননীংঙাই ওইবা থবকশিং লেপ্লগসু, কেমিকেল অমসুং ফর্তিলাইজর মন্ত্রালয়গী কেমিকেল অমসুং ফর্তিলাইজরগী বিভাগকী মখাদা লৈবা প্রাইবেৎ সেক্তর ইয়ুনিৎ অমা ওইরিবা ঐচ.আই.এল.  (ভারত) লিমিতেদনা লৈবাক অসিগী লৌমী কাংলুপশিংদা তিলহাৎ হীদাকশিং ৱাত্তনা ফংহন্নবা কন্না হোৎনরি অমদি তাল্লক অসিমক্তদা অফ্রিকাগী লৈবাকশিংদগী য়াম্না চাউবা মওংদা দি.দি.তি. থাদোরক্নবা হায়রক্কনি হায়বগী ওইথোকপা লৈ।

ঐচ.আই.এল.না ৱর্ল্দ হেল্থ ওর্গনাইজেসন্না মেলরিয়াগী কেসশিং লাক্কদৌরিবা থা অহুমসিদা মফমদুদা হেনগৎলকপগী পীখিবা ৱার্নিং অদু য়েংঙগা সাউথ অফ্রিকান দিভেলপমেন্ত কম্ম্যুনিতী (এস.এ.দি.সি.) তরাদা দি.দি.তি. থাদোরক্কে হায়বগী চে ইখ্রে।

লৈবাক অসিদা মেগী ৭ ফাওবা লৈরিবা লোকদাউন মতমদা, লৌউবা কাংলুপশিংনা লোকদাউনগী চৈনা ফাওহন্দনবা ঐচ.আই.এল.না দি.দি.তি.তেক্নিকেল মেত্রিক তন ১২০.৪০, দি.দি.তি. দবল্যু.দি.পি. চাদা ৫০গী মেত্রিক তন ২২৬.০০, মলাথিওন তেক্নিকেল মেত্রিক তন ৮৫.০০, হিঙ্গোল মেত্রিক তন ১৬.৩৮ অমসুং ফোর্মুলেসন মেত্রিক তন ২৭.০০ পুথোকখ্রে। মসিদা নত্তনা রাজস্থান অমসুং গুজরাত্তা কৌজেং-হারৌশিং লাকশিন্নবা থৌরাংশিং ওইনা মলাথিওন তেক্নিকেল পুথোকপগী থবকসু তৌখ্রে। এন.ভি.বি.দি.সি.পি. সপ্লাই তৌরক্নবা হায়রকপগী মতুংইন্না দি.দি.তি. দবল্যু.দি.পি. চাদা ৫০ অসি ওরিশাদা থাখ্রে।

ঐচ.আই.এল.গী মেনুফেকচরিং য়ুনিৎশিং মরি লৈননা সোসিয়েল দিস্তেন্সিং অমদি স্তেন্দর্দ ওপরেতিং সিস্তেম (এস.ও.এস.)গী মতুংইন্না খ্বাইদগী মী মশিং য়ামদনা থবক তৌরি। য়ুনিৎশিং অসিদা মহিক-মতাই লৈহন্দনবগী থাকশিং হেনগৎহেনখ্রে। ফেক্তরীদা চংলকপা থবক তৌফম, প্লান্তশিং, ত্রকশিং অমসুং বসশিং পুম্নমক মরাং কাইনা মহিক-মতাই লৈতনবা তৌরি।

মমাংগী চয়োলদা কম্পনীশিংগী পুন্না য়োনবগী চাং অসি লুপা লাক্ষ ২৭৮.৮২নি। য়োনখিবা মসিদা এগ্রোকেমিকেলশিং, হারশিং অমসুং মরুশিং য়াওরি। ওনলাইনগী তেন্দরগী থৌওংশিং অমসুং লাংবা-খোম্বগী থবকশিংসু পায়খৎখ্রে।

****