হ্যুমেন রিসোর্স চাউখৎ-থৌরাংগী মন্ত্রালয়
য়ু.জি.সি.না মহৈরোইশিংগী, ওজাশিংগী অমসুং ইন্সতিত্যুসনশিংগী কোবিদ-১৯গা মরী লৈনবা ৱাহং অমসুং ৱাকৎশিং য়েংশিন্নবা তোঙান-তোঙানবা খোংথাং লৌখৎখ্রে
Posted On:
11 MAY 2020 12:14PM by PIB Imphal
য়ু.জি.সি.না এপ্রিল ২৯,২০২০দা কোবিদ-১৯গা মরী লৈননা পরিখাশিং অমসুং একাদেমিক কেলেন্দরগা মরী লৈনবা কাংলোনশিং ফোংখ্রে। মসিগী মখা তানা, য়ুনিবর্সিতী খুদিংমক্তা স্তেকহোল্দরশিংগী অপাম্বগী মতুং ইন্না হকশেল্দা খ্বাইদগী ৱাংবা মফম অমা থমদুনা কাংলোনশিং অসিবু ঙাকপগা লোইননা মখোয়গী একাদেমিক এক্তিবিতীশিং শেম্নবা খঙহনখ্রে।
য়ুনিবর্সিতীশিংনা মখাগী খোংথাংশিং অসি মহৈরোইশিংগী, ওজাশিংগী অমসুং ইন্সতিত্যুসনশিংগী কোবিদ-১৯না মরম ওইদুনা থোরকপা ৱাহং অমসুং ৱাকৎশিং য়েংশিন্নবা লৌখৎখ্রেঃ
১. অখন্নবা হেল্পলাইন নম্বরঃ ০১১-২৩২৩৬৩৭৪ হাংদোকখ্রে।
২. ইমেল এদ্রেসঃ covid19help.ugc[at]gmail[dot]com শেমখ্রে।
৩. মহৈরোইশিংনা মখোয়গী ৱাকৎশিংদু য়ু.জি.সি.গী ওনলাইন স্ত্যুদেন্তস গ্রিভান্সেস রিদ্রেসেল পোর্তেল https://www.ugc.ac.in/grievance/student_reg.aspxদা হাপকৎপা য়ারগনি।
৪. য়ু.জি.সি.দা মহৈরোইশিংগী, ওজাশিংগী অমসুং ইন্সতিত্যুসনশিংগী কোবিদ-১৯না মরম ওইদুনা থোরকপা ৱাহং অমসুং ৱাকৎশিং য়েংশিন্নবা অমসুং লোইশিন্নবা তাস্ক ফোর্স অমা শেমখ্রে।
য়ুনিবর্সিতী অমসুং কোলেজ খুদিংমক্না হায়রিবা পব্লিক নোতিস অসিবু মখোয়গী ওফিসিএল ৱেবসাইত্তা অপ্লোদ তৌবীনবা অমসুং ওজাশিং অমসুং মহৈরোইশিংদা কম্ম্যুনিতী ইমেল অমসুং অতোপ্পা দিজিতেল মীদিয়াশিংগী খুথাংদা থাবীনবা খঙহনখ্রে।
****
(Release ID: 1622888)
Visitor Counter : 156
Read this release in:
English
,
Urdu
,
Hindi
,
Marathi
,
Bengali
,
Assamese
,
Punjabi
,
Odia
,
Tamil
,
Telugu
,
Kannada
,
Malayalam