রেলৱে মন্ত্রালয়
ইন্দিয়ন রেলৱেজনা খনগৎলবা পেসেঞ্জর সর্বিস খরা তপ্না তপ্না চলাইবা হৌরগনি
Posted On:
10 MAY 2020 8:26PM by PIB Imphal
ইন্দিয়ন রেলৱেজনা ২০২০গী মে ১২দগী অহানবগী ওইনা ত্রেন পুংবা ১৫ (হল্লকপগী খোংচৎ ৩০)না পেসেঞ্জর ত্রেন চেনবা অমুক হৌনবা থবক শিল্লি। ত্রেনশিং অসি নই দিল্লীদগী দিব্রুগর, অগর্তলা, হাউরা, পত্না, বিলাসপুর, রাঞ্চী, ভুবনেশ্বর, সেকন্দরাবাদ, বেঙ্গলুরু, চেন্নৈ, তিরুবন্থপুরম, মদগাওন, মুম্বাই সেন্ত্রেল, অহেমদবাদ অমসুং জম্মু তাৱী ফাওবা অখন্নবা ত্রেন ওইনা চেনগনি।
মসিগী মতুংদা ইন্দিয়ন রেলৱেজনা কোবিদ-১৯ কেয়র সেন্তর ওইনা শিজিন্ননবগীক কোচ ২০,০০০ অমসুং নুমিৎ খুদিংগী পন্দুনা লৈরিবা শিন্মীশিংগী ওইনা চেল্লিবা “শ্রমিক স্পিসিএল”গী ত্রেন ৩০০ খাক্তুনা থমখ্রবা মতুংদা লেমহৌরিবা ত্রেনগী মশিং য়েংলবা মতুংদা অহেনবা অখন্নবা ত্রেনশিং অনৌবা লম্বীশিংদা চেনবা অমুক হৌরক্কনি।
ত্রেনশিং অসিদা রিজার্বেসন তৌননবা বুকিং তৌবসি মে ১১গী নুমিদাং পুং ৪দগী হৌগনি অমসুং বুকিং অসি আই.আর.সি.তি.সি.গী ৱেবসাইৎ (https://www.irctc.co.in/) খক্তদা তৌবা য়াগনি। রেলৱে স্তেসনশিংদা লৈবা তিকেৎ কাউন্তর খুদিংমক লোনগনি অমসুং প্লেৎফোর্ম তিকেৎ য়াওনা অতৈ তিকেৎ অমত্তা থারোই। অচুম্বা তিকেৎ পায়রবা পেসেঞ্জর খক্তনা রেলৱে স্তেসন্দা চংবা য়াগনি। পেসেঞ্জর খুদিংনা শুংশোই শোইদনা মায় কুপকদবনি অমসুং চৎলমদাইদা স্ক্রীনিং তৌগদবনি অমসুং কোবিদকী সিম্পতম উত্তবা মীওইখক্তনা ত্রেন্দা কাবা য়াগনি। ত্রেনগী সেদ্যুল য়াওবা অকুপ্পা মরোলদি মতমগী মতুং ইন্না তোঙান্না থোক্কনি।
****
(Release ID: 1622822)
Visitor Counter : 279
Read this release in:
English
,
Urdu
,
Hindi
,
Marathi
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada