(মসিদা হৌখিবা পুং ২৪ দা থোকখিবা কোবিদ-১৯গা মরী লৈনবা চেফোংশিং, ফিল্দ ওফিসশিংদগী ফংবা পাউশিং, অমসুং পি.আই.বি.না লৌখৎপা ফেক্ত চেকশিং য়াওরি )

• হৌজিক ফাওবদা লৈবাক অসিদা কোবিদ-১৯ কনফার্ম তৌরবা কেস ৬২,৯৩৯গী লৈবগী মনুংদগী মীওই ১৯,৩৫৭ নাবা ফখ্রে, নাবা ফবগী চাং ৩০.৭৬% য়ৌরে। হৌখিবা পুং ২৪গী মনুংসিদা মীওই ১,৫১১ নাবা ফখ্রে।
• ঙরাংদগী কেস ৩২৭৭ হেনগৎখ্রে।
• হকশেল মন্ত্রালয়না কেস কা হেন্না ৱাংনা লৈখ্রবা অমসুং কেস মশিং হেনগৎলক্লিবা রাজ্য ১০দা কেন্দ্রগী কাংবু অমা থাগদৌরি।
• কেবিনেৎ সেক্রেতরীনা রাজ্য/য়ু.তি.শিংদা দোক্তর, নর্স অমসুং পেরামেদিকশিংনা চত্থোক চৎশিন তৌবদা অথিংবা লৈহল্লোইদবনি অমসুং কোরোনা লান্মীশিংবু ঙাকশেন্নবা খোংথাং পুম্নমক লৌখৎকদবনি হায়খ্রে।
• "শ্রমিক স্পিসিয়েল" ত্রেন ৩৬৬ তোঙান -তোঙানবা রাজ্যশিংদগী থাবা হৌখ্রে
• সি.বি.এস.ই. বোর্দকী পরিখাগী পাউখুম চে য়েংনবগীদমক মহৈলোইশঙ ৩০০০দা অয়াবা পীখ্রে।

হকশেলগী ইনফ্রাস্তকচর অমসুং হকশেলগী খুদোংচাবশিং কোবিদ-১৯ য়েংশিন্নবগীদমক মতীক চানা শেম শাখ্রে

লৈবাক অসিদা কোবিদ-১৯ য়েংশিন্নবা হায়দুনা হকশেলগা মরী লৈনবা ইনফ্রাস্ত্রকচরশিং অমসুং খুদোংচাবশিং থিদোক্তুনা শেম শাখ্রে। কোবিদ-১৯গীদমক মীয়ামদা পীগদবা হকশেলগী ফেসিলিতীশিং অসি কাংলুপ অহুম থোক্না খাইদোক্লি। ১০/০৫/২০২০ফাওবদা, রাজ্য/য়ু.তি. খুদিংমক্তা লৈবা দিস্ত্রিক্ত ৪৮৩দা ফেসিলিতী ৭৭৪০ খঙদোকখ্রে, মসিদা হোস্পিতাল অমসুং রাজ্য সরকার অমসুং দেন্দ্র সরকারনা পীবা খুদোংচাবশিং য়াওরি। আইসোলেসন বেদ ৬৫৬৭৬৯, কনফার্ম্দ কেসশিংগী ফমুং ৩০৫৫৬৭, চিংনবা কেসশিংগী ফমুং ৩৫১২০৪, ওক্সিজেন লৈবা ফমুং ৯৯৪৯২, ওক্সিজেন মনিফোল্দ য়াওবা ফমুং ১৬৯৬ অমসুং আই.সি.য়ু. বেদ ৩৪০৭৬ লৈরে। হৌজিক ফাওবদা, মীওই ১৯,৩৫৭ ফখ্রে। হৌখিবা পুং ২৪ অসিদা অনাবা ১৫১১ নাবা ফখ্রে। মসিনা নাবা ফবগী চাং ৩০.৭৬% য়ৌরে। অপুনবা কনফার্ম তৌরবা মশিং অসি হৌজিক ৬২,৯৩৯নি। ঙরাংদগী ভারত্তা কোবিদ-১৯ কনফার্ম তৌরবা কেস ৩২৭৭ হেনগৎলে।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1622631

কোবিদ-১৯ লাকশিনবদা মতেং ওইনবগীদমক কেন্দ্রগী কাংবু রাজ্যশিংদা থাগদৌরি

হকশেল অমসুং য়াইফ-য়ুম্বাল মন্ত্রালয়না কেস কা হেন্না লৈখ্রবা অমসুং হেনগৎলক্লিবা রাজ্য ১০দা কেন্দ্রগী কাংবু অমা থাগদৌরি। কাংবু অসিনা রাজ্যগী হকশেল বিভাগশিংদা কোবিদ-১৯ শন্দোকপা থিংনবা মতেং পাংগনি। কাংবু অসি হকশেল অমসুং য়াইফ-য়ুম্বাল মন্ত্রালয়দগী মথক থোংবা ওফিসরশিং, জোইন্ত সেক্রেতরী থাক্তা লৈবা নোদল ওফিসর অমসুং পব্লিক হেলথ এক্সপর্তশিংনা শাবনি। রাজ্যশিং অসিগী দিস্ত্রিক্ত/শহরশিংগী মনুংদা লাইনা অসিনা শোকহল্লবা মফমশিংদা রাজ্যগী হকশেল বিভাগশিংনা লাকশিন্নবা খোংথাংশিং লৌখৎপদা মতেং পাংগনি।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1622573

কেবিনেৎ সেক্রেতরীনা রাজ্য অমসুং য়ু.তি.শিংগী চীগ সেক্রেতরী অমসুং হেলথ সেক্রেতরীশিংগা লোইননা কোবিদ-১৯গী ফিবম য়েংশিন্নবগীদমক মীফম অমা ফমখ্রে

কেবিনেৎ সেক্রেতরীনা হায়খি, মাইগ্রেন্ত লেবর লাখ ৩.৫ পুদুনা রেলৱেজনা শ্রমিক স্পিসিয়েল ত্রেন ৩৫০ মথৌ তৌরি। অহেনবা শ্রমিক স্পিসিয়েল ত্রেনশিং চেনবা য়ানবগীদমক রাজ্য সরকারশিংনা রেলৱেজগা খুৎশম্নবীনবা হায়খি। মহাক্না বন্দে ভারত মিসনগী মখাদা মপান লমদা লৈবা ভারত মচাশিংনা হল্লকপা য়ানবা হোৎনবদা রাজ্যশিংনা লৌরিবা থৌদাংশিংসু থাগৎপা ফোংদোকখি। কেবিনেৎ সেক্রেতরীনা রাজ্য/য়ু.তি.শিংদা দোক্তর, নর্স অমসুং পেরামেদিকশিংনা চত্থোক চৎশিন তৌবদা অথিংবা লৈহল্লোইদবনি অমসুং কোরোনা লান্মীশিংবু ঙাকশেন্নবা খোংথাং পুম্নমক লৌখৎকদবনি হায়না ফোংদোকখি। রাজ্যশিংগী চীফ সেক্রেতরীশিংনা মখোয়-মখোয়গী রাজ্যদা ওইরিবা ফিবম তমখি অমসুং কোবিদ-১৯দগী ঙাকথোক্নবা হোৎনবগা লোইননা শেল-থুমগী থবক থৌরমশিংসু তপ্না-তপ্না হৌবগী মথৌ তারিবসিসু পুখৎখি।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1622632

প্রধান মন্ত্রীনা রাজ্যশিংগী মুখ্য মন্ত্রীশিংগা মীফম পাংথোক্কনি

প্রধান মন্ত্রী শ্রী নরেন্দ্র মোদীনা রাজ্যশিংগী মুখ্য মন্ত্রীশিংগা লোইননা ৫শুবা মীফম অমা হয়েং মে ১১, ২০২০দা নুংথিল পুং ৩ তাবা মতমদা ভিদিও কনফরেন্সিংগী খুথাংদা পাংথোক্কনি।

ইন্দিয়ন রেলৱেজনা মে ১০, ২০২০ (১৫০০) ফাওবদা "শ্রমিক স্পিসিয়েল" ত্রেন ৩৬৬ লৈবাক শিনবা থুংনা চেনখ্রে

মে ১০, ২০২০ ফাওবদা, "শ্রমিক স্পিসিয়েল" ত্রেন পুন্না ৩৬৬ লৈবাক অসিগী রাজ্যশিংদগী চেনখ্রে। মসিগী মনুংদগী ত্রেন ২৮৭না মাগী পন্থুংফম য়ৌবা ঙমখ্রে অমসুং ত্রেন ৭৯না লম্বীদা লৈরি। হায়রিবা ত্রেন ২৮৭ অসি আন্ধ্র প্রদেশ (ত্রেন ১), বিহার (ত্রেন ৮৭), হিমাচল প্রদেশ (ত্রেন ১), ঝারখন্দ (ত্রেন ১৬), মধ্য প্রদেশ (ত্রেন ২৪), মহারাস্ত্রা (ত্রেন ৩), ওরিশা (ত্রেন ২০), রাজস্থান (ত্রেন ৪), তেলঙ্গানা (ত্রেন ২), উত্তর প্রদেশ (ত্রেন ১২৭), নোংচুপ বঙ্গাল (ত্রেন ২)দা খামখি। হায়রিবা শ্রমিক স্পিসিয়েল ত্রেনশিং অসিদা, সোসিএল দিস্তেন্সিং ঙাকপগা লোইননা মীওই ১২০০ রোম তোংবা য়াই। ত্রেনশিং অসিদা মী তোংখত্ত্রিঙৈ মমাংদা স্ক্রীনিং মতীক চানা তৌবা মথৌ তাই। খোংচৎকী মনুংদা, পেসেঞ্জরশিংদা লেম্না চাক্লেন অমসুং ঈশিং পীখি।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1622664

য়ুমলৈ-কৈরৈ মন্ত্রালয়না সি.বি.এস.ই.দা এফিলিএৎ তৌরবা মহৈলোইশঙ ৩০০০দা সি.বি.এস.ই. বোর্দকী পরিখাগী পাউখুম চে য়েংবা হৌনবগীদমক অয়াবা পীখ্রে।

কেন্দ্রগী ঐচ.আর.দি. মন্ত্রী শ্রী রমেশ পোখ্রিয়াল 'নিশঙ্ক'না য়ুমলৈ-কৈরৈ মন্ত্রালয়না অয়াবা অসি পীবীবগীদমক থাগৎপা ফোংদোরক্লি। মহাক্না হায়, লৈবাক অসিদা লৈরিবা সি.বি.এস.ই.দা এফিলিএৎ তৌরবা মহৈলোইশঙ ৩০০০দা এসেস্মেন্ত সেন্তর ওইনা শকখঙখ্রে অমসুং ইভালুএসন তৌবগীদমক হায়রিবা মহৈলোইশঙশিং অসিদা অখন্নবা পর্মিসন পীগনি।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1622553

লো মন্ত্রীনা এতোর্নী জেনরেল, সোলিসিতর জেনরেল অমসুং ভারত সরকারগী লো ওফিসরশিংগা য়েংশিন মীফম অমা ফমখ্রে

লো অমসুং জস্তিসকী মন্ত্রী শ্রী রবি শঙ্কর প্রসাদনা ঙসি লো ওফিসরশিংগী কাংবু অমগা লোইননা খন্ন-নৈনবগী মীফম অমা ফমখ্রে। অসিগুম্বা অরুবা লাইচৎ অমা লাকশিন্নবা হোৎনবা হায়বসি গবর্নান্স সীস্তেম অসিনা থেংনরিবা শিংনবা কয়া অমা থোক্লক্কনি অমসুং ভারত সরকার অমসুং রাজ্য সরকারশিংনা লৌরিবা ৱারেপশিং অসি থাজবীবা অমা চংই। লোগী মন্ত্রীনা হায়খি, অসিগুম্বা খুদোংচাদ্রবা মতম অসিদা থাংগৎলকপা ওবরজিলিয়স ওইবা পি.আই.এল.শিংদি নাথৈবনা চুমগনি হায়খি। লোগী মন্ত্রীনা হৌজিক ওইরিবা খুদোংচাদবা মতম অসিবু জস্তিস পীনবা হোৎনবদা দিজিতেল সিস্তেম মপাঙ্গল কন্নবা খুদোংচাবা অমা লৌহৌনবা হোৎনগদবনি হায়না পুক্নিং চিংশিনখি।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1622675

মিশন সাগর – মে ১০, ২০২০

ভারত সরকারনা কোবিদ-১৯গী লাইচৎ অসিগীদমক্তা মতেং পাংবগী শরুক অমা ওইনা ইন্দিয়ন নেভেল শিপ কেসরীনা চানবা পোৎশিং, ঐচ.সি.ক্যু. তেব্লেৎ অমসুং অখন্নবা অয়ুর্বেদকী হিদাক য়াওবা কোবিদকা মরী লৈনবা হিদাকশিং পুদুনা মেদিকেল এসিস্তেন্স তীম অমগা লোইননা মে ১০, ২০২০দা মালিদব, মোরিসস, সেচিলস, মদাগাস্কার অমসুং কোমোরোসকীদমক্তা খোংশানখ্রে। ‘মিশন সাগর’ হায়রিবা থৌওং অসি মফমশিং অসিদা ভারতনা ফর্স্ত রেস্পোন্দর ওইবগী থৌদাং অমসুং লৈবাকশিং অসিগা লৈনরিবা ফজবা মরী অসিগী মতুং ইন্না কোবিদ-১৯ লাইচৎ অমসুং মসিগী মতুংদা লাক্কদবা অৱাবা কয়াবু থেংনমিন্ননবগীদমক্তা পাইখৎপা খোংথাং অমনি।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1622644

রিতেলরশিং অমসুং বিল্দিংশিং অমসুং কন্সত্রক্সন প্রোফেস্নেলশিংবু এম.এস.এম.ই.শিং ওইনা রেজিস্তর তৌনবা মখোয়না থাগৎলকখিবশিং য়েংশিল্লগনি: শ্রী গরকরী

কেন্দ্রগী এম.এস.এম.ই. অমসুং রোদ ত্রান্সপোর্ৎ অমসুং হাইৱেজশিংগী মন্ত্রী, শ্রী নীতিন গরকরীনা ঙসি ভারতকী রেতেলরশিংগী এসোসিয়েসন অমসুং প্রক্তিস তৌরিবা ইঞ্জিনীয়রশিং, আর্কিতেকশিং অমসুং তাউন প্লানরশিংগী এসোসিয়েসন (ভারত)দা থাজবা পীরকখ্রে মদুদি মখোয়না এম.এস.এম.ই. ওইনা রিজিস্তর তৌনবগীদমক্তা হায়জরক্লিবা অদু য়াম্না থুনা য়েংশিল্লগনি। মহাক্না হায়রিবা সংস্থানশিং অসি এম্প্লোইমেন্ত পীরিবশিংগী মিৎয়েংদা য়েংবা তঙাইফদনা মথৌ তাই অমসুং মখোয়না শিন্মীশিংদা খুদোংচাবা কয়া অমা খুদম ওইনা ইন্সুরেন্স, মেদিকেল, পেন্সন, অসিনচিংবশিং অসি ফংহনবা ঙমব্রা হায়বশিং অসি য়েংশিনগদবনি হায়না খল্লি।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1622527

কোবিদ-১৯ লোকদাউন লৈবনা মরম ওইদুনা অকনবা অথিংবা কয়া থম্লবসু নেস্নেল ফর্তিলাইজর্স লিমিতেদনা য়োনবগী চাং এপ্রিল ২০২০দা ৭১% য়ৌবা ঙম্লে

অকুপ্পা ৱারোলগীদমক, https://pib.gov.in/PressReleseDetail.aspx?PRID=1622635

পি.আই.বি. ফিল্দ ওফিসশিংদগী ফংবা পাউ

• হিমাচল প্রদেশঃ রাজ্য সরকারনা হায়জরকপগী মতুং ইন্না, কেন্দ্র সরকারনা থিবিম/মার্গাও/কারমলি (গোৱা)দগীনা উনা ফাওবা গোৱাদা পন্দুনা লৈরিবা হিমাচল প্রদেশ মচাশিং চৎপা য়ানবা অখন্নবা ত্রেন অমা থাবগী অয়াবা পীখ্রে।
• পঞ্জাবঃ পঞ্জাব স্কুল এদ্যুকেসন বোর্দকী মখাদা লৈবা ক্লাস ১০গী মহৈরোইশিং পরিখা অমত্তা থাহল্লোইদৌরি, মখোয়-মখোয়না প্রি বোর্দতা পীখিবা পর্ফোরমেন্সকী মখা পোন্না প্রমোসন পীরগনি হায়না মুখ্য মন্ত্রীনা ফোংদোকখ্রে। রাজ্য সরকারনা পঞ্জাব স্কুল এদ্যুকেসন বোর্দকী মখাদা লৈবা ক্লাস ৬তগী ১০ ফাওবগী মহৈরোইশিংসু কোবিদকী খুদোংচাদবনা মরম ওইদুনা মতম কুইনা লোকদাউন তৌরুবা অমসুং কর্ফিয়ু তৌরুবনা পরিখা অমত্তা তৌদনা প্রমোসন পীরগনি হায়না মুখ্য মন্ত্রীনা ফোংদোকখ্রে। ক্লাস ১১ অমসুং ১২কী মহৈরোইশিংগীদি কেন্দ্র সরকারগী ৱারেপ্না লেপকনি।
• হরিয়ানাঃ হরিয়ানা সরকারনা কোরোনাভাইরস শন্দোকপা লাকশিন্নবা অমসুং নাম্মা শোইরবশিংগী চেকশিল থৌরাংগী ওইবা তৌবা য়াবা থৌরাংশিংগী কাংলোন অমা থোকখ্রে। বিভাগশিংগী মকোকশিং নত্ত্রগা ওফিসশিংগী মকোকশিংদা মখোয়গী ওফিসকী থবক্কী রোস্তর লৌখৎপা মতমদা কা হেন্না ফিবম শোকপা নাম্মা শোইরবা মীওইশিং লৌখৎপীদনবা হায়খি। হরিয়ানা সরকারনা মহৈরোইশিংগী মহৈ তম্বগী থবকশিং হৌনবা কন্না হোৎনরি। অতোপ্পা অমদনা, একাদেমিক সিল্লেবসশিং দি.তি.ঐচ. চেন্নেল মঙাদা থারি অমসুং হরিয়ানা ইদুসাতসু রাজ্য অসিদা লৈবা কেবল ওপরেতরশিংনা থারি।
• মহারাস্ত্রাঃ মহারাস্ত্রদা লৈবা অপুনবা কোবিদ-১৯ কেস মশিং অসি ২০,২২৮ য়ৌরে, পুং ২৪ অসিদা নৌনা ১,১৬৫ নাবগী মনুংদা নৌনা মীওই ৪৮ লৈখিদ্রে। মুম্বাই খক্তদা কেস ১২,৮৬৪ য়ৌরে অমসুং ৪৮৯ লৈখিদ্রে।
• গুজরাতঃ এ.আই.আই.এম.এস. দিল্লীগী দিরেক্তর রন্দীপ গুলেরিয়ানা অহেমদবাদ উন্নবা অমদা হায়খি, কোবিদ-১৯ অনাবশিংনা ময়াম খঙখিবদগী হন্থনা য়েংবীগনি খন্দুনা হোস্পিতালদা ঙন্না পুখত্তবা অমসুং অতোপ্পা লাইনা দাইএবিতিস, হাইপর্তেন্সন, হার্ত অমসুং কিদনীগী লাইনা লৈমিন্নবনা গুজরাত্তা লৈতবা মশিং য়াম্লিবনি। রাজ্য অসিদা লৈবা পোজিতিব কেস মশিং অসি ৭,৭৪৭নি, অদুগা লৈখিদবা মশিংনা ৪৫২নি।
• রাজস্থানঃ কোবিদ কেস ৩৩ অমসু ঙসি রাজস্থান্দা রিপোর্ত তৌরে, মসিগা লোইননা রাজ্য অসিদা লৈবা অপুনবা পোজিতিব কেস ৩,৭৪১ শুরে। রাজ্য অসিদা নাবা ফগৎলকপগী চাং ৬০% য়ৌদুনা ফগৎলক্লি। মীওই ২,১৭৬ হান্ননা ফখ্রে অমসুং মীওই ১,৯১৭না হোস্পিতালদগী দিসচার্জ তৌখ্রে।
• মাধ্য প্রদেশঃ এম.পি.দা অনৌবা কোরোনাভাইরস কেস ২৭৩ লাক্লে, মসিনা অপুনবা রিপোর্ত তৌরবা কেস ৩,৬১৪ য়ৌরে। হৌজিক ফাওবদা নারবা মীওইশিংগী মরক্তগী মীওই ১,৬৭৬ নাবা ফখ্রে, অমসুং ২১৫না লৈখিদ্রে।
• গোৱাঃ ফেক্তরিজ এক্ত ওব ১৯৪৮কী মখাদা লেবর লো কোম্থোকপদা অতৈ রাজ্যশিংগা লোইননা গোৱাসু য়াওখ্রে অমসুং কোবিদ লাইচৎনা মরম ওইদুনা থা অহুমগী ওইনা নোংমদা পুং ১২ থবক শুবদা অয়াবা পীখ্রে। অহেনবা পুংশিং অসিগী অহেনবা খুৎশুমল হাপকনি হায়রি।
• কেরলাঃ কেরলা হাই কোর্তনা রাজ্য সরকারদা তমিল নাদুগা লোন্নবা ৱালায়ার ঙমখৈগী চেক পোস্ততা ঙরাংদগী পন্দুনা লৈরিবা মীওইশিংদা অমুক্তদা পাইখৎপা খোংথাং অমা ওইনা ই-পাস পীবীনবা হায়খ্রে। সরকারনা মাংজৌননা হায়খ্রবসু মী কয়ানা ঙমখৈগী চেক পোস্ততা পাস য়াওদনা থোমজিন্নরক্লি। আই.এস.এস. জলাশ্বাদা মালদিবতগী হোন্দোরকপা কেরলা মচা ৬৯৮ ঙসি অয়ুক কোচিদা থুংলখ্রে। হায়রিবা ৬৯৮ অসিদগী, ৪৪০ অমনা কেরলাদগীনি, ১৫৬না তমিল নাদুদগীনি অমসুং অতৈশিংদুনা লৈবাক অসিগী তোঙান-তোঙানবা রাজ্যশিংদগীনি। অতোপ্পা ১২১ অমসু লক্ষদ্বীপতগী কোচিদা ঙসি এম.ভি. অরাবিয়ন সমুদ্রদগী থুংলখ্রে। দোহাদগী ফ্লাইৎতা তোংদুনা লাকপা মীওই ১৮২সু ঙসি অহিং থিরুবনন্থপুরমদা থুংলরগনি।
• করনাতাকাঃ রাজ্য অসিদা লৈরিবা কোবিদ-১৯ অনাবা ৬০%দি লাইওং উত্তে। শ্রমিক ত্রেন মরি য়ু.পি., বিহার, ঝারখন্দগীদমক থাদোকখ্রে। কোবিদ-১৯ কেস হেনগৎলকপনা খল্ল খল্লগা সেম্পল সর্বে তৌনবা খঙহনখ্রে। খ্বাইদগী ৱাংবা কেস ওইনা রাজ্য অসিদা অনৌবা কেস ৫৩ লাক্লে, অপুনবা ৮৪৭ য়ৌরে। রাজ্য অসিদা চহী ৫৭ শুরবী অমা মে ৭তা লৈখিদবদু কোবিদ পোজিতিব ওইরবা মতুংদা লৈখিদবা মীওই ৩১ শুরে হায়না রিপোর্ত তৌখ্রে।
• আন্ধ্র প্রদেশঃ মপাল লৈবাক্তা পন্দুনা লৈবা তেলুগুগী মীয়াম পুদুনা লাক্কদবা অহানবা এয়র ইন্দিয়াগী ফ্লাইৎ অসু মুম্বাই অমসুং হায়দ্রবাদতা থুংলগদবদু বিজায়ৱারাগী গানাবরম এয়রপোর্ত্তা নিংথৌকাবা অয়ুক্তা থুংলগদৌরি। থুংলরিবা পেসেঞ্জরশিংদু এয়রপোর্ত্তা স্ক্রীন তৌগনি অমসুং ক্বারেন্তিন সেন্তরশিংদা নুমিত ১৪নি য়েংশিনগনি। হৌখিবা পুং ২৪ অসিদা কোবিদ-১৯গী অনৌবা কেস ৫০ রিপোর্ত তৌখ্রে; ৩৮ দিসচার্জ তৌখ্রে অমসুং অমা লৈখিদ্রে। অপুনবা কেস ১৯৮০ শুরে। এক্তিব কেসঃ ১০১০, নাবা ফখ্রবা; ৯২৫, লৈখিদ্রবাঃ ৪৫। পোজিতিব কেসতা মশিং ৱাংনা লৈবা দিস্ত্রিক্তশিং, কুর্নুল (৫৬৬), গুন্তুর (৩৮২), কৃষ্ণ (৩৩৯)
• তেলঙ্গানাঃ সিতী পুলিসনা হায়দ্রবাদকী সেন্তর খরদা ত্রাবেল রেজিস্ত্রেসন্দা অথিংবা থমখিবদগী মীওই লাখ কয়ানা তেলঙ্গানাদগী ময়ুমদা হনবগী ফিবম মতম খরগা শাংথখিবা তারি। অপুনবা পোজিতিব কেস মশিং ১১৬৩ শুরে, এক্তিব কেস ৩৮২, দিসচার্জ ৭৫১, লৈখিদ্রবা ৩০।
• অসমঃ হকশেল মন্ত্রী হিমন্ত বিস্বা শর্মনা দিপুতী কম্মিস্নর খুদিংমক্কা ভিদিও কনফরেন্স অমা ফমদুনা কোবিদ-১৯গীদমক চত্থরিবা অসম কম্ম্যুনিতী সর্বিলেন্স প্রোগ্রাম য়েংশিনখ্রে।
• মনিপুরঃ চেন্নইদগী জিরিবাম তানা মপান্দা পন্দুনা লৈরুবা মনিপুরীশিং পুরক্কদবা অখন্নবা ত্রেন অমা ঙসি নুমিদাং ৱাইরমদা থাদোক্কদৌরি। হল্লক্লিবা মীওইশিং অসিগীদমক ক্বারেন্তিন সেন্তরশিং শেম শাদুনা থমখ্রে।
• মিজোরমঃ মিজোরমদা, কন্তেনমেন্ত অমসুং প্রিবেন্সন ওব কোবিদ-১৯ ওর্দিনান্স, ২০২০গী মখাদা কাংলোন থুগাইবা মীওই ১৩২৩দগী ফাইন লৌখৎখ্রে।
• নাগালেন্দঃ নাগালেন্দদা চীঞ্জাক, হিদাক লাংথক অমসুং অতোপ্পা তঙাইফদবা পোৎলমশিং মরাং কাইনা লৈরি। তঙাইফদবা পোৎলমশিং য়েল্লিবা কমর্সিএল গারীশিং অমসুং সর্বিস প্রোবাইদরশিদা অথিংবা লৈতে। দিমাপুর দিস্ত্রিক্ত এদমিনিস্ত্রেসন্না হার্দৱেয়রগী দুকানশিং অয়ুক পুং ৬তগী অয়ুক পুং ৯ ফাওবা মে ১১দগী হাংবা য়াবগী অয়াবা পীখ্রে।

পি.আই.বি.গী ফেক্তচেক

****