ಪ್ರಕಟಣಾ ದಿನಾಂಕ:
09 MAY 2020 9:04PM by PIB Bengaluru
ಕೋವಿಡ್-19 ನಿರ್ವಹಣೆಗೆ ಬೆಂಬಲ ನೀಡಲು ರಾಜ್ಯಗಳಿಗೆ ಕೇಂದ್ರ ತಂಡಗಳ ನಿಯೋಜನೆ
ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಸಚಿವಾಲಯ, ಅತಿ ಹೆಚ್ಚಿನ ಕೋವಿಡ್-19 ಪ್ರಕರಣಗಳನ್ನು ಹರಡುತ್ತಿರುವ ಮತ್ತು ಹೆಚ್ಚಿನ ಪ್ರಕರಣಗಳಿರುವ 10 ರಾಜ್ಯಗಳಿಗೆ ಕೇಂದ್ರ ತಂಡಗಳನ್ನು ನಿಯೋಜಿಸಲು ನಿರ್ಧರಿಸಿದೆ. ಈ ತಂಡಗಳು ಕೋವಿಡ್-19 ನಿಯಂತ್ರಣಕ್ಕೆ ಆಯಾ ರಾಜ್ಯಗಳ ಆರೋಗ್ಯ ಇಲಾಖೆಗಳಿಗೆ ಅಗತ್ಯ ನೆರವು ನೀಡಲಿವೆ.
ಈ ತಂಡಗಳಲ್ಲಿ ಕೇಂದ್ರ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಸಚಿವಾಲಯದ ಹಿರಿಯ ಅಧಿಕಾರಿ, ಜಂಟಿ ಕಾರ್ಯದರ್ಶಿ ಮಟ್ಟದ ನೋಡಲ್ ಅಧಿಕಾರಿ ಮತ್ತು ಸಾರ್ವಜನಿಕ ಆರೋಗ್ಯ ತಜ್ಞರು ಇರುತ್ತಾರೆ. ಈ ತಂಡಗಳು ಆಯಾ ರಾಜ್ಯಗಳ ಜಿಲ್ಲೆಗಳು/ನಗರಗಳಲ್ಲಿ ಸೋಂಕಿತ ಪ್ರದೇಶಗಳಲ್ಲಿ ನಿರ್ಬಂಧಿತ ಕ್ರಮಗಳನ್ನು ಜಾರಿಗೊಳಿಸಲು ರಾಜ್ಯ ಆರೋಗ್ಯ ಇಲಾಖೆಗಳಿಗೆ ನೆರವು ನೀಡಲಿವೆ.
ತಂಡಗಳನ್ನು ಈ ಕೆಳಗಿನ ರಾಜ್ಯಗಳಿಗೆ ಕಳುಹಿಸಲಾಗುವುದು:
- ಗುಜರಾತ್
- ತಮಿಳುನಾಡು
- ಉತ್ತರ ಪ್ರದೇಶ
- ದೆಹಲಿ
- ರಾಜಸ್ಥಾನ
- ಮಧ್ಯಪ್ರದೇಶ
- ಪಂಜಾಬ್
- ಪಶ್ಚಿಮ ಬಂಗಾಳ
- ಆಂಧ್ರಪ್ರದೇಶ
- ತೆಲಂಗಾಣ
ಇದು ಅಧಿಕ ಸೋಂಕಿತ ಪ್ರಕರಣಗಳಿರುವ ಜಿಲ್ಲೆಗಳಿಗೆ ಈ ಮೊದಲೇ ಕಳುಹಿಸಲಾಗಿರುವ ಸಾರ್ವಜನಿಕ ಆರೋಗ್ಯ ತಜ್ಞರ 20 ಕೇಂದ್ರ ತಂಡಗಳಲ್ಲದೆ, ಇದೀಗ ಹೆಚ್ಚುವರಿಯಾಗಿ ಕಳುಹಿಸಲಾಗುತ್ತಿದೆ.
ಉನ್ನತ ಮಟ್ಟದ ತಂಡವನ್ನು ಇತ್ತೀಚೆಗೆ ಮುಂಬೈಗೆ ನಿಯೋಜಿಸಲಾಗಿದ್ದು, ಅಲ್ಲಿ ಕೋವಿಡ್-19 ನಿರ್ವಹಣೆಗೆ ಆ ರಾಜ್ಯಕ್ಕೆ ಬೆಂಬಲ ನೀಡುತ್ತಿದೆ.
***