কেন্দ্রগী হকশেল অমসুং য়াইফ-য়ুম্বালগী মন্ত্রী দা. হর্শ বর্ধন্না ঙসি কোবিদ-১৯ লাকশিন্নবা অমসুং য়েংশিন্ননবা মসিগীদমক্তা লৌখৎলিবা পাম্বৈশিংগা লোইননা লৈরিবা ফিভম অদুবু য়েংশিন্নবা অরুনাচল প্রদেশ, অসম, মনিপুর, মেঘালয়, মিজোরম, নাগালেন্দ, ত্রিপুরা অমসুং সিক্কিমগা লোইননা অৱাংবা থাক্কী মীফম অমা পাংথোকখ্রে, ঙসিগী মীফম অসিদা শ্রী অস্বীনি কুমার চৌবেসু য়াওখি। য়েংশিনবগী মীফম (ভিদিও কনফরেন্সিংদা) অদুদা মিজোরমগী হকশেল মন্ত্রী, দা. লালথাংল্যানা, অরুনাচল প্রদেশকী হকশেল মন্ত্রী, শ্রী অলো লিবাং, অমসুং অমসুং অসমগী হকশেল অমসুং য়াইফ-য়ুম্বালগী রাজ্য মন্ত্রী, শ্রী পীয়ুশ হজারিকাগা লোইননা রাজ্য নিপান্দগী সেনিয়র ওফিসিয়েলশিংসু মীফম অসিদা শরুক য়াখি।

হৌরকপদা দা. হর্শ বর্ধন্না লৈবাক অসিদা কোবিদ-১৯ লান্থেংনবদা রাজ্যশিংনা কৎথোক্লিবশিং অদুগীদমক্তা থাগৎপা ফোংদোকখি। “মসি য়াম্না নুংঙাইনীংঙাই ওই অমসুং অৱাং-নোংপোক্কী রাজ্য অয়াম্বদা গ্রীন জোন উবা ফংবা হায়বসি পুক্নীং থৌগৎনীংঙাইনি। হৌজিক ফাওবদা, অসম অমসুং ত্রিপুরা খক্তমক কোবিদ-১৯গী এক্তিব ওইবা কেসশিং লৈ; অতোপ্পা রাজ্যশিংদি গ্রীন জোন্দা লৈ। ঐখোয় পুন্না মিৎয়েং চংদুনা অমসুং থবক তৌমিন্নদুনা ওরেঞ্জ জোনশিংবু গ্রীন জোনশিংদা ওন্থোকমিন্নসি অমসুং রাজ্যশিংদা লৈরিবা প্রোতেক্তিব স্তেতস অসি লেংদনা থমসি”, হায়না মহাক্না হায়খি। দা. হর্শ বর্ধন্না হায়খি মদুদি মে ৯, ২০২০ ফাওবদা লৈবাক অসিদা অপুনবা কেস ৫৯,৬৬২ শুখ্রে, মসিদা মীওই ১৭,৮৪৭তি নাবা ফখ্রে অমসুং অশিবা মশিংনা ১,৯৮১ শুখ্রে হায়রি। হৌখিবা পুং ২৪ অসিদা অনৌবা কনফর্ম কেস ৩,৩২০ থোরকখ্রে অমসুং পেসেন্ত ১৩০৭না নাবা ফখ্রে। মহাক্না মখা তানা পনখি মদুদি শিবগী চাং অসি ৩.৩%নি অমসুং ফগৎলকপগী চাংনা ২৯.৯%নি। মহাক্না মখা তানা অমুক্কসু হায়খি মদুদি (ঙরাং ফাওবগী মতুং ইন্না) আই.সি.য়ু.দা হৌজিক এক্তিব ওইরিবা কোবিদ-১৯গী পেসেন্তশিংগী ২.৪১% লৈ, ০৩৮%না ভেন্তিলেতরদা অমসুং ১.৮৮%না ওক্সিজেন সপ্পোর্ত্তা লৈ। দা. হর্শ বর্ধন্না হায়খি, “লৈবাক অসিদা তেস্ত তৌবগী কেপাসিতী হেনগৎখ্রে অমসুং সরকারগী লেবোরেতরী ৩৩২ অমসুং লনাইগী লেবোরেতরী ১২১দা, নোংমদা তেস্ত ৯৫,০০০ তৌরি। পুন্না পুনশিল্লগা, কোবিদ-১৯গীদমক্তা হৌজিক ফাওবদা তেস্ত ১৫,২৫,৬৩১ তৌখ্রে। ”

এন.ই.গী রাজ্যশিংগা কুপথনা ৱারী শাবা মতমদা, মখোয়না তেস্ত তৌনবা ফেসিলিতীশিং, হেল্থ ইনফ্রাস্ত্রকচর, সর্ভিলেন্স, কনতেক্ত ত্রেসিং তৌবা অসিনচিংবশিংগা মরী লৈনবা ৱাফমশিং অমসুং মখোয়না তৌবা খ্বাইদগী ফবা থবক্কী মতাংদসু খঙহনখি। দা. হর্শ বর্ধন্না কোবিদ-১৯গা লান্থেংননবা কেন্দ্রনা হৌজিক ফাওবদা লৌখৎখিবা পাম্বৈশিংগী মরমদা পনখি। “ ইকাইখুম্নরবা প্রধান মন্ত্রী শ্রী নরেন্দ্র মোদিনা লুচিংদুনা, সরকারগী খ্বাইদগী ৱাংবা থাক্তা পোলিতিকেল কমিৎমেন্ত পীবা অসিনা লুচিংদুনা নোবেল কোরোনা ভাইরসকী লাইনা (কোবিদ-১৯) অসিগী মায়োক্তা সরকারনা থবক থৌরমশিং পাইখৎলি। ভারতনা চেকশিন থৌরাংশিং লৌখৎলে অমসুং পাম্বৈ কয়া অমা মতম চানা শিজিন্নদুনা অমসুং নোবেল কোরোনা ভাইরসকীদমক্তা সর্ভিলেন্স তৌনবা অরিংবা সীস্তেমশিং শিজিন্নদুনা লাইচৎ অসিগা লান্থেংনরি ” হায়না দা. হর্শ বর্ধন্না হায়খি।

কেন্দ্রগী হকশেল মন্ত্রীনা কোবিদ-১৯গা লান্থেংননবা মতিক চাবা পাম্বৈশিং লৌখৎখ্রে হায়না খঙহল্লকখ্রে অমসুং কেন্দ্র অমসুং রাজ্যশিংনা পুন্না হোৎনবদগী কোবিদ-১৯গীদমক্তা ওইবা হোস্পিতালশিং মতিক চানা হেনগৎলকপা, আইসোলেসন অমসুং আই.সি.য়ু. ফমুংশিং অমসুং ক্বরেন্তাইন সেন্তরশিং খঙদোকখ্রে অমসুং শেমগৎখ্রে। মসিনা ঐখোয়দা কোবিদ-১৯না মরম ওইরগা খঙহৌদনা থোরকপা খুদিংমক মায়োক্ননবা লৈবাক অসিনা নীংথিনা শেম-শাদুনা লৈরে হায়বগী থাজবা পী। কেন্দ্রনা রাজ্যশিং/য়ু.তি.শিং/ কেন্দ্রগী ইন্সতিত্যুসনশিংদা মাস্কশিং অমসুং পর্সোনেল প্রোতেক্তিব ইক্যুইপমেন্তশিং, ভেন্তিলেতরশিং অসিনচিংবা মতিকচানা পীদুনা মতেং পাংলি হায়না মহাক্না মখা তাখি।

অৱাং-নোংপোক্তা কোবিদ-১৯ লাকশিনবগী পোজিতিব স্তেতস অসি লেংদনা থম্নবা, দা. হর্শ বর্ধন্না হল্লক্লিবা অতোপ্পা মফমদগী লাকপা শিন্মীশিং, মহৈরোইশিং অমসুং মপান লমদগী হল্লক্লিবশিং অদুবু হকশেল অমসুং য়াইফ-য়ুম্বালগী মন্ত্রালয় অমসুং এক্সতর্নেল এফিয়র্সকী মন্ত্রালয়না পীবা গাইদলাইনশিং অমসুং প্রোতোকোলশিংগী মতুং ইন্না সক্রীন তৌদুনা অমসুং ক্বরেন্তাইন তৌননবা পাউতাক পীরকখ্রে। মহাক্না পেসেন্তশিং দিসচার্জ তৌনবগীদমক্তা পীবা গাইদলাইনশিং অদু নৌনা অমুক শেমদোকখ্রে অমসুং মসিবু রাজ্যশিংনা ঙাক্না চৎপা মথৌ তাই।

দা. হর্শ বর্ধন্না হায়খি, “রাজ্য খরা অমদি অসিগী মাইকৈদা থবক তৌখ্রে, অতোপ্পশিংনা হেন্না কান্নবা সর্ভিলেন্সতা মিৎয়েং থমগদবনি, কন্তেক্ত ত্রেশিং, য়ুম অমদগী অমদা চত্তুনা সর্ভে তৌবা অমসুং ঙন্না দাইগ্নোসিস তৌহৌগদবনি”। মহাক্না হায়, “সিব্যর এক্যুৎ রেসপিরেতরী ইনফেক্সন্স (এস.এ.আর.আই.) / ইনফ্লুয়েঞ্জা লাইক ইলনেস (আই.এল.আই.)গীদমক্তা সর্ভিলেন্স তৌবা অসি হৌখিবা নুমিৎ ১৪দগী করিমত্তা থোক্ত্রিবা অমসুং কেস অমত্তা থোরকপগী পাউ লৈতবা জিলাশিংদনা হেন্না খনখৎকদবনি অমসুং মরু ওইনা মেদিকেল কোলেজ হোস্পিতালশিংগা খুৎশম্নদুনা আই.দি.এস.পি. নেৎৱার্ক্কী খুত্থাংদা খরা হেন্না তৌগদবনি”, হায়না মহাক্না মখা তাখি। মহাক্না রাজ্যশিংদা কনতেক্ত ত্রেসিং তৌনবা, সর্ভিলেন্স তৌনবা অমসুং মীয়াম্না মশা মতোমতা য়েংজনবগীদমক্তা আরোগ্য সেতু এপ অসি দাউনলোদ তৌবদা খরা কন্না তকশিন্নবা হায়রকখ্রে। মহাক্না রাজ্যশিংদা কোবিদ-১৯গীদমক্তা ওইবা ফেসিলিতীশিং খুদম ওইনা কোবিদকীদমক্তা ওইবা হোস্পিতালশিং, কোবিদ হেল্থ সেন্তরশিং অমসুং কেয়র সেন্তরশিং অসিগী সর্বিসশিং অসি মীয়ামদা ফংহনবদা মতেং পাংনবা মসিগী ই-পাউশিং অসি মীয়ামগী মফমদা পীথোক্নবা পাউতাক পীরকখ্রে। রাজ্যশিংদা হায়রকখ্রে মদুদি হেল্থ ইনফ্রাস্ত্রকচর হেনগৎনবগীদমক্তা দি.ও.এন.ই.আর.গী মন্ত্রী (দি.ও.এন.ই.আর.গী মন্ত্রালয়)না শেন্থংশিং কাইথখ্রে অমসুং মসিগী শেন‌থংশিং অসিগী মখাদা শেন্থংশিং লৌথনবগীদমক্তা রাজ্যশিংনা মখোয়গী প্রোপোজলশিং অদু থাজিনবা মথৌ তাই।

ইন্তর্নেস্নেল বোর্দর্শিং লৈবা রাজ্যশিংগীদমক্তদি, দা. হর্শ বর্ধন্না হায়খি মদুদি এন্ত্রী পোইন্তশিংদা রাজ্য অদুদা চংলক্লিবা মীপুম খুদিংমক স্ক্রীন্নিং তৌদুনা অমসুং গাইদলাইনশিংগী মতুং ইন্না ক্বরেন্তাইন প্রোতোকোলশিং নীংথিনা ইন্দুনা খুদোংথিবা থোক্তনবা বোরদর্দা লৈরিবা রাজ্যশিংনা মতিকচাবা পাম্বৈশিং লৌখৎপা মথৌ তাই।

রাজ্যশিংদা নীশিংহল্লকখ্রে মদুদি কোবিদ-১৯ য়েংশিনবদা নত্তনা , কোবিদ-১৯গী নত্তবা হেল্থ সর্বিসশিং অদুসু চপ মান্ননা মরু ওই অমসুং মখোয়শিং অসি থৌওইদনা তৌরোইদবনি। হেল্থ কেয়র সর্বিসশিং খুদম ওইনা মীরোল্লবী নুপিশিংগীদমক্তা ওইবা এ.এন.সি.শিং, ইম্যুনাইজেসন দ্রাইবশিং, ও.পি.দি./আই.পি.দি. সর্বিসশিং, এন.সি.দি.শিংগী স্ক্রীনিং তৌবা অমসুং তি.বি. দাইগ্নোসিস তৌবা অমসুং লায়েংবনচিংবা মতিক চাবা য়েংশিনফম থোকপা মথৌ তাবশিং পীগদবনি। মখোয়দা পাউতাক পীখ্রে মদুদি ভেক্তর বোর্ন লাইনাশিং ঙাকথোক্নবগীদমক্তা মতিক চাবা পাম্বৈশিংসু লৌখৎকদবনি। মশিং য়াম্লবা মীয়ামদা মখোয়গী হেল্থকেয়র পীনবগীদমক্তা তেলিমেদিসিন অমসুং তেলি-কাউন্সেলিংগী ফেসিলিতীশিংসু শিজিন্নবা য়াই। রাজ্যশিংশিংদা হেল্থকেয়র স্তাফশিং, পেরেমেদিকশিং অমসুং অতোপ্পা হেল্থকেয়র ৱার্করশিংদা মখোয়গী শেল-থুম পীবা, তোলব অমসুং ইনসেন্তিবশিং পীননবা পাউতাকসু পীরকখ্রে। মসিগীদমক্তা রাজ্যশিংদা পাউতাক পীরকখ্রে মদুদি এন.ঐচ.এম.গী শেন্থংশিং অদু হকশেলগী দিপার্তমেন্তশিংদা শোইদনা থারকখি হায়বা য়েংশিনগদবনি। রাজ্যশিংদা খঙহল্লকখ্রে মদুদি কোবিদকী নত্তবা তঙাইফদনা চংবা সর্বিসশিংগীদমক্তা ওইবা ৱাকৎশিং য়েংশিন্নবা অমসুং মীয়ামদা মখোয়গী মফমশিংদা মথৌ তাবা ই-পাউশিং পীননবগীদমক্তা ১০৭৫গী মথক্তা হেলপলাইন নম্বর ১০৪সু শিজিন্নবা য়াগনি। রাজ্যশিংদা পাউতাকসু পীরকখ্রে মদুদি মখোয়না তঙাইফদনা চংবা হিদাক-লাংথকশিংগী স্তোকশিং মতিকচানা থমগদবনি অমসুং ভোলন্তিয়রশিং য়াওহন্দুনা হোম দিলিভরী তৌবা য়াবশিংসু খঙদোক্কদবনি।

রাজ্য খরদা মৈখু থোক্তবা হিদাক-মনা শিজিন্নবা য়াম্না লৈবা অদু য়েংলগা, দা. হর্শ বর্ধন্না রাজ্যশিংদা মসি পাকশন্না শিজিন্নবা অসি থিংননবগীদমক্তা অকনবা থবক থৌরমশিং পাইখৎনবা অমসুং মীয়ামগী ওইবা মফমশিংদা তিন শিৎপা থিংননবা পাউতাক পীরকখ্রে, মসিনা কোবিদ-১৯ শন্দোরকপা থিংবদা মতেং পাংগনি। মসিগী মাইকৈদা অকনবা অহোংবা অমা পুরকপা মথৌ তাই হায়না মহাক্না হায়খি। মহাক্না হিদাক-মনা চাবা থিংবা অমসুং মীয়ামগী ওইবা মফমশিংদা তিন শিৎপদা ফাইন থিহনবা রাজ্যশিংনা হোৎনরিবশিং অদুবু থাগৎপা ফোংদোকখি।

মীফম অদুদা প্রিন্সিপাল সেক্রেতরী (হকশেল) অমসুং অতোপ্পা সেনিয়র স্তেৎ ওফিসিয়েলশিংগা লোইননা সুকুমারী প্রীতি সুদন, সেক্রতরী (ঐচ.এফ.দবল্যু.), শ্রী রাজেশ ভুশন, ও.এস.দি. (ঐচ.এফ.দবল্যু.), সুকুমারী বন্দনা গুর্নানী, এ.এস. & এম.দি. (এন.ঐচ.এম.), দা. মনোহর অগ্নানী, জোইন্ত সেক্রেতরী (এম.ও.ঐচ.এফ.দবল্যু), দা. এস.কে. সিংহ, দাইরেক্তর, এন.সি.দি.সি.না শরুক য়াখি।

****