(মসিদা হৌখিবা পুং ২৪ দা থোকখিবা কোবিদ-১৯গা মরী লৈনবা চেফোংশিং, ফিল্দ ওফিসশিংদগী ফংবা পাউশিং, অমসুং পি.আই.বি.না লৌখৎপা ফেক্ত চেকশিং য়াওরি )

• হৌজিক ফাওবদা লৈবাক অসিদা কোবিদ-১৯ কনফার্ম্দ কেস ৫৯,৬৬২গী লৈরে; মীওই ১৭,৮৪৭ নাবা ফখ্রে অমসুং মীওই ১,৯৮১ লৈখিদ্রে।
• পুং ২৪গী মনুংদা অনৌবা কোবিদ-১৯ কেস ৩৩২০ রিপোর্ত তৌরকখ্রে।
• অসম অমসুং ত্রিপুরা নত্তনা অতোপ্পা অৱাং নোংপোক্কী রাজ্য অয়াম্বা গ্রীন জোন ওইরে।
• লৈবাক অসিদা নোংমদা তেস্ত ৯৫,০০০ তৌদুনা হৌজিক ফাওবদা লাখ ১৫.২৫ হেন্না তেস্ত তৌখ্রে।
• কেন্দ্রগী য়ূমলৈ-কৈরৈ মন্ত্রী কোবিদ-১৯ য়েংশিন্নবগীদমক লুরবা তানফম অসিদা পায়খৎলিবা থবক থৌরমশিংগীদমক সি.এ.পি.এফ.শিংবু শিংথাখ্রে।
• লেবর মন্ত্রালয়না কোবিদ-১৯গী মতাংদা সোসিএল পার্তনরশিংগা লোইননা শিন্মীশিং অমসুং শেন্মিৎলোন্দা পীরক্কদবা শাফুশিং হন্থহন্নবা খন্নখ্রে।
• শ্রী নকবীনা মশীং য়ামজদবা কাংলুপনা কোবিদ-১৯ থেংননবা হোৎনবদা চপ মান্নবা থৌদাং লৌরি হায়খ্রে।

•  

  দা. হর্শ বর্ধন্না অৱাং নোংপোক্কী রাজ্যশিংদা কোবিদ-১৯গী মতাংদা শেম-শারিবশিং অমসুং লাকশিন্নবগী লৌখৎলিবা থৌরাংশিংগী মতাংদা য়েংশিনখ্রে

  কেন্দ্রগী হকশেল অমসুং য়াইফ-য়ুম্বাল মন্ত্রী দা. হর্শ বর্ধন্না অরুনাচল প্রদেশ, অসম, মনিপুর, মেঘালয়, মিজোরম, নাগালেন্দ, ত্রিপুরা অমসুং সিক্কিমদা লৈরিবা কোবিদ-১৯গী ফিবম য়েংশিনবগা লোইননা অৱাং নোংপোক লমদম অসিদা লাকশিন্নবা অমসুং য়েংশিন্নবা লৌখৎলিবা থৌরাংশিং য়েংশিন্নবা ঙসি মীফম অমা পাংথোকখ্রে। লৈবাক অসিদা লৈনাক অসিদা কোবিদ-১৯ থেংনবদা রাজ্যশিং অসিগী কত্থোকপশিংবু শিংথারদুনা মহাক্না হায়, "অৱাং নোংপোক থংবা রাজ্যশিংদা লৈরিবা গ্রীন জোনশিং অসি উরুবদা খরা শাফরগদবোই নিংবগা লোইননা পুক্নিংদা থৌনা কয়া হাপ্পগুম থোকই।হৌজিক ফাওবদা, অসম অমসুং ত্রিপুরাদা কোবিদ-১৯ কেস লৈবা নত্তনা লেমহৌরিবা রাজ্যশিং অসিদি গ্রীন জোন ওইরে।" অৱাং নোংপোক থংবা রাজ্যশিংদা লৈরিবা কোবিদ-১৯ লাকশিনবগী থবক অসি মনীং হন্দনবা দা. হর্শ বর্ধন্না রাজ্যশিং অসিদা মাইগ্রেন্ত লেবরশিং, মহৈরোইশিং, অমসুং মপানলমদা লৈরুবা য়ুমদা হল্লক্লিবা মীওইশিংবু পীরিবা কাংলোনশিং অমসুং তৌগদবশিং ইন্দুনা নীংথিনা স্ক্রীন তৌবা অমসুং ক্বাতেন্তিন্দা থমগদবনি হায়না পাউতাক পীখি।

  দা. হর্শ বর্ধন্না মে ৯, ২০২০ ফাওবদা, লৈবাক অসিদা অপুনবা কেস ৫৯,৬৬২ লৈরে হায়খি, মসিগী মনুংদগী মীওই ১৭,৮৪৭না নাবা ফখ্রে অমসুং ১,৯৮১না লৈখিদ্রে হায়খ্রে। হৌখিবা পুং ২৪ অসিদা, অনৌবা কনফার্ম্দ কেস ৩,৩২০ লাক্লে অমসুং ১৩০৭না নাবা ফখ্রে। মহাক্না মখা তানা, লৈতবগী চাং অসি ৩\৩% নি অমসুং নাবা ফগৎলকপগী চাংনা ২৯.৯%নি হায়খি। মহাক্না মখা তারদুনা (ঙরাং ফাওবদা) আই.সি.য়ু.দা কোবিদ-১৯ অনাবা ২.৪১% লৈ, ভেন্তিলেতরদা ওক্সিজেন থাজন্দুনা ১.৮৮% লৈ হায়খি। মহাক্না অসিমসু হায়খি, "লৈবাক অসিদা তেস্ত তৌবগী চাং হেনগৎলক্লি অমসুং সরকারগী লেব ৩৩২দা অমসুং প্রাইবেত লেব ১২১দা নোংমদা তেস্ত ৯৫,০০০ তৌরি। অপুনবা ওইনা হৌজিক ফাওবদা কোবিদ-১৯ তেস্ত ১৫,২৫,৬৩১ তৌখ্রে।"

  অকুপ্পা ৱারোলগীদমক, https://pib.gov.in/PressReleseDetail.aspx?PRID=1622486

  দা. হর্শ বর্ধন্না তমিল নাদু, তেলঙ্গানা অমসুং কর্নাতকাদা কোবিদ-১৯ লাকশিন্নবা লৌখৎলিবা থৌরাংশিং অমসুং শেম শারিবশিং য়েংশিনখ্রে

  দা. হর্শ বর্ধন্না হায়খি, " কোবিদ-১৯ থেংননবগীদমক লৌখৎফম থোকপা থৌরাংশিং মতীক চানা লৌখৎলি অমসুং কেন্দ্র অমসুং রাজ্য সরকারশিংগী অপুনবা থৌরাংশিং, কোবিদ খক্তগী হোস্পিতাল মশীং হেনগৎলকপা, আইসোলেসন অমসুং আই.সি.য়ু.গী ফমুং অমসুং ক্বারেন্তিনগী মশক খংদোকপা অমসুং হেন্না ফগৎলকপগা লোইননা ঐখোয়না কোবিদ-১৯না থোকহল্লকপা খুদোংচাদবশিং থেংননবা শেম শাদুনা লৈরি।" কেন্দ্র রাজ্য/য়ু.তি./কেন্দ্রগী ইন্সতিত্যুসনশিংদা মাস্ক অমসুং পর্সনেল প্রোতেক্তিব ইক্বিপমেন্তশিং, ভেন্তিলেতরনচিংবা মতীক চানা পীরি হায়না মহাক্না মখা তাখি। 

  অকুপ্পা ৱারোলগীদমক, https://pib.gov.in/PressReleseDetail.aspx?PRID=1622170

  শ্রী অমিৎ শাহনা ওল সেন্ত্রেল আর্ম্দ পুলিস ফোর্সেসকী দিরেক্তর জেনরেলশিংগা লোইননা য়েংশিন মীফম ফমখ্রে

  কেন্দ্রগী য়ুমলৈ-কৈরৈ মন্ত্রীনা ঐখোয়গী সি.এ.পি.এফ.শিংনা কোবিদ-১৯ থেংননবগীদমক লুরবা মতম অসিদা পায়খৎলিবা থবক থৌরমশিং শিংথাখ্রে। শ্রী শাহনা হায়খি, মোদী সরকার অসিনা কোবিদ-১৯ শন্দোক্লকপা অসিদা নুংনাংবা ফোংদোকপদা নত্তনা চেকশিন থৌরাংগী ওইবা থবকশিং, সেক্যুরিতী অমসুং সি.এ.পি.এফ.শিংগী য়াইফনবগীদমকসু হোৎনবা য়াবশিং হোৎনরি। মীফম অসিগী মনুংদা, সি.এ.পি.এফ.শিংনা লাইনা অসিবু লাকশিন্নবা হোৎনবদা লৌরিবা থৌদাংশিংগী মতাংদা খন্নখি। ফোংদোক্নখিবশিংগী মনুংদা চেকশিল-থৌরাংগী ওইবা ভাপ তানবা অমসুং ত্রেনিং পীবা, মেস অমসুং বেরেক্তা পীরিবা খুদোংচাবশিংগী শিন-লাংবা হোংদোক হোংজিন তৌবা, আয়ুশকী কাংলোনগী মতুং ইন্না হকচাং ফহন্নবা হোৎনবা, অমসুং সেক্যুরিতী পার্সনেলশিংগী চহী অমসুং মখোয়গী হকশেলগী হিস্তরীগী মতুং ইন্না পর্সনেল মেনেজমেন্ত পীবা।

  অকুপ্পা ৱারোলগীদমক, https://pib.gov.in/PressReleseDetail.aspx?PRID=1622294

  প্রধান মন্ত্রী শ্রী নরেন্দ্র মোদী অমসুং ইতলীগী প্রধান মন্ত্রী হিজ এক্সিলেন্সী জিউসেপ্পী কোন্তেগী মরক্তা ফোন তৌনখ্রে

  প্রধান মন্ত্রী শ্রী নরেন্দ্র মোদীনা ঙসি ইতলীগী প্রধান মন্ত্রী হিজ এক্সিলেন্সী জিউসেপি কোন্তেগা লোয়ননা তেলিফোন্দা ৱারী শানখ্রে। প্রধান মন্ত্রীনা কোবিদ-১৯ লাইচৎনা মরম ওইদুনা ইতলীদা লৈখিদ্রবশিংগী মফমদা মহাক্কী ওইবা অৱাবা ফোংদোকখি। লুচিংবা অনিনা মখোয় মশাগী লৈবাকশিংদা অমসুং মালেমগী থাক্তা লাইচৎ অসিগী হকশেল অমসুং ইকোনোমিক ইম্পেক্ত থেংননবা দরকার ওইবা খোংথাংশিংদা খন্ন-নৈনখি। মখোয়না অমনা অমগী সোলিদরিতী ফোংদোক্নখি অমসুং অমনা অমগী পন্দুনা লৈরিবা লৈবাক মচাশিংদা নাকল অনিগী ওইবা তেংবাং ফংহনবগীদমক থাগৎপা ফোংদোক্নখি। প্রধান মন্ত্রীনা শ্রী কোন্তেবু ইতলীদা মরুওইবা হিদাক-লাংথকশিং অমসুং অতোপ্পা পোৎলমশিং ফংহনবদা ভারতনা মতেং পাংগনি হায়বা থাজবা পীখি।

  অকুপ্পা ৱারোলগীদমক, https://pib.gov.in/PressReleseDetail.aspx?PRID=1622278

  কেন্দ্রগী লেবর অমসুং এম্প্লোইমেন্ত মন্ত্রালয়না লোকদাউন লাওথোরকপনা ইন্দস্ত্রী অমসুং ৱর্করশিংনা মায়োক্নরিবা খুদোংচাদবশিংবু হন্থহন্নবা লৌখৎপা য়াবা খোংথাংশিং লৌখৎলগনি

  কেন্দ্রগী লেবর অমসুং ইম্প্লোইমেন্ত মন্ত্রালয়না সোসিএল পার্তনরশিংগা তমথিরবা কোবিদ-১৯না ওইহল্লক্লিবা ফিবমশিং অসিগী মতাংদা খন্ননবা ৱারী শান্নখ্রে অমদি ৱর্করশিংগী শেল-থুমদা পীরক্লিবা চৈথেং অসি হন্থহন্নবা লাল্লোংশিং অমদি থৌশিলশিং পায়খৎনবা তাক্তুনা খঙহন্নবা খন্নখ্রে। লেবর অমসুং ইম্প্লোয়মেন্তকী রাজ্য মন্ত্রী শ্রী সন্তোশ কুমার গঙ্গ্বার (আই.সি.)না ইম্প্লোয়মেন্ত ওর্গনাইজেসনশিংগা ৱেবিনার অমা পাংথোকখ্রে। মহাক্না হায়খি মদুদি মহাক্কী মন্ত্রালয়না ইন্দস্ত্রীগীদমক মথৌ তারিবশিং য়েংশিনগনি অমদি ইন্দস্ত্রী অসি অমুক হন্না হিংগৎহন্নবা অমদি শেন্মীৎলোন অমুক নৌনা হাংননবা হোৎনবা য়াবশিং হোৎনগনি। মহাক্না মখা তানা হায়খি মদুদি লেবর অমসুং ইম্প্লোয়মেন্তকী মন্ত্রালয়না ইন্দস্ত্রী অসিনা মায়োক্নরিবশিং, মরু ওইনা এম.এস.ম.ই.গী সেক্তরশিং অমুক হন্না থবক্তা লাক্নবা অতৈ মরি লৈনবশিংগা তান্নরি।

  অকুপ্পা ৱারোলগীদমক, https://pib.gov.in/PressReleseDetail.aspx?PRID=1622243

  এন্তাইতী খরগী অনৌবা রেজিস্ত্রেসন, এপ্রুবেল তৌবগী থৌওংশিং ওক্তোবর ১, ২০২০ ফাওবা য়ৈথোকখ্রে

  হৌজিক ওইরিবা হ্যুমেনিতরিয়ন অমসুং শেন্মিৎলোনগী লুরবা তাঞ্জা অসি য়েংলদুনা সি.বি.দি.তি.না এন্তাইতী খরগী অনৌবা এপ্রুবেল/রেজিস্ত্রেসন,নোতিফিকেসন তৌবগী থৌওংশিং ওক্তোবর ১, ২০২০ ফাওবা য়ৈথোক্লগনি। মসিগী মতুং ইন্না ইনকম তেক্স এক্তকী সেক্সন ১০ (২৩ সি.), ১২ এ.এ., ৩৫ অমসুং ৮০ জি.গী মখাদা এপ্রুব/রেজিস্তর/নোতিফাই তৌরবশিংগী ওইনদি ওক্তোবর ১, ২০২০দগী থা অহুম ফাওবগী মনুংদা, হায়বদি দিসেম্বর ৩১, ২০২০গী মমাংদা, ইন্তিমেসন ফাইল তৌগদবনি। মখা তানা অনৌবা এন্তাইতীগী এপ্রুবেল/রেজিস্ত্রেসন,নোতিফিকেসন তৌবগী শেমদোক্লবা চৎন-কাংলোনশিং অসি ওক্তোবর ১, ২০২০দগী চৎনবা হৌগনি।

  অকুপ্পা ৱারোলগীদমক, https://pib.gov.in/PressReleseDetail.aspx?PRID=1622387

   

  ইনকম-তেক্স এক্ত, ১৯৬১গী সেক্সন ৬কী মখাদা লৈবা রেসিদেন্সীগী মতাংদা শেংদোকপা

  ইনকম-তেক্স এক্ত, ১৯৬১ (এক্ত)গী সেক্সন ৬তা মীওই অমনা লৈবা মফমগী মতাংদা পল্লি। মীওই অমা ভারতকী রেসিদেন্তনি নত্ত্রগা নন-রেসিদেন্তনি নত্ত্রগা ইচম চম্বা রেসিদেন্তনি নত্ত্রগা মীওই অদুনা চহী অমগী মনুংদা ভারত্তা লৈবা (ইন্তর-এলিয়া)গী মখা পোল্লি। হৌখিবা চহী ২০১৯-২০দা ভারত্তা মীওই কয়া অমা মতম খরগী ওইনা লাকখি অমসুং মখোইগী নন-রেসিদেন্ত নত্ত্রগা ভারতকী ইচম চম্বা রেসিদেন্ত নত্তে হায়বা মখোইগী থাক অদু মাংদনবা চহী অসি লোইদ্রিঙৈগী মমাংদা হনখিগে খন্না লাকখিবা মীওই কয়া য়াওই হায়বগী ৱাফম কয়া লাকখি। তৌবতবু নোভেল কোরোনা ভাইরস (কোবিদ-১৯) শন্দোরকপদগী লাকখিবা লোকদাউন অমসুং মালেমগী মফমশিংদা পাইবা ফ্লাইৎশিং লেপখিবদগী মখোইশিং অসি ভারত্তা মখা তানা লৈথবা তাখি। মখোইশিং অসি মশানা য়াদ্রবসু ওইরক্লিবা ফিভম অসিনা ভারতকী রেসিদেন্ত ওইখিবা য়াবগী ফিভম অমা লাক্লে। অসিগুম্বা তাঞ্জাসিদা অৱাবা খরা কোকহন্নবা হায়দুনা সি.বি.দি.তি.না মসিগী হীরম অসিগা মরী লৈননা শেংদোক ৱারোল থোকখ্রে।  

  অকুপ্পা ৱারোলগীদমক, https://pib.gov.in/PressReleseDetail.aspx?PRID=1622386

  খুন্নাই অসিগী মীয়াম পুম্নমক্কা লোইননা কোবিদ-১৯ থেংননবা হোৎনবদা মশিং য়ামজদবা কাংলুপকী মীওইশিংনা চপ মান্নবা থৌদাং লৌরিঃ মুখতার অব্বাস নকবী

  কেন্দ্রগী মাইনোরিতী এফিয়র্স মন্ত্রী শ্রী মুখতার অব্বাস নকবীনা ঙসি মাইনোরিতী এফিয়র্স মন্ত্রালয়গী স্কিল দিবেলপমেন্ত থৌরাংশিংগী মখাদা ত্রেন তৌরবা হেলথ কেয়র এসিস্তেন্ত ১৫০০ হেন্না কোরোনানা নারবা অনাবশিংবু লাইয়েংবদা মতেং পাংলি হায়না হায়খ্রে। লৈবাক অসিদা লোইরিবা তোঙান-তোঙানবা হোস্পিতাল অমসুং হেলথ কেয়র সেন্তরশিংদা লৈবা কোরোনা অনাবশিং লাইয়েংবদা মতেং পাংলিবা হেলথ কেয়র এসেস্তেন্তশিং অসিগী মনুংদগী চাদা ৫০দি নুপীমচানি হায়না শ্রী নকবীনা ফোংদোকখি। লৈবাক অসিদা লৈরিবা তোঙান-তোঙানবা দবল্যু.এ.ক্যু.এফ. বোর্দশিংনা পি.এম. অমসুং সি.এম.গী কোরোনা রিলিফ ফন্দদা তোঙান-তোঙানবা লাইনীংগী, খুন্নাইগী অমসুং ইন্সতিত্যুসনেল ওর্গনাইজেসনশিংগী মতেংগা লোইননা করোর ৫১ মতেং পাংখ্রে।

  অকুপ্পা ৱারোলগীদমক, https://pib.gov.in/PressReleseDetail.aspx?PRID=1622442

  লৈবাক শিনবা থুংনা চংদ্রবা য়াদ্রবা পোৎ-চৈ অমসুং হিদাক-লাংথক ৱাত্তনা ফংহন্নবা হায়দুনা ঙসি ফাওবদা লাইফলাইন উরানগী ফ্লাইৎ ৪৯০ পাইখ্রে

  এয়র ইন্দিয়া, এল্লাইএন্স এয়র, আই.এ.এফ. অমসুং লনাইগী কেরিয়র কয়ানা লাইফলাইন উরানগী মখাদা ফ্লাইৎ ৪৯০ পাইখ্রে। মে ৮, ২০২০দা তোন ৬.৩২গী কার্গো পুদুনা ঙসি ফাওবদা পুখিবা কার্গো অসি তোন ৮৪৮.৪২নি। এলাইন্স এয়রনা মে ২, ২০২০দা ফ্লাইৎ ২ পাইখি অমসুং আই.এ.এফ.না ফ্লাইৎ ৮ পাইখি। লাইফলাইন উরান্না ঙসি ফাওবদা পাইরিবা নোংথক্কী অরাপ্পসি কিলোমীতর ৪,৭৩,৬০৯নি। ‘লাইফলাইন উরান’ ফ্লাইৎশিং অসি ভারতনা কোবিদ-১৯গা লান্থেংনরিবা অসিদা লৈবাক অসিগী মনুং হঞ্জিনবা মফমশিংদা চংদবা য়াদ্রবা মেদিকেলগী কার্গোশিং পুথোক পুশিন তৌননবা এম.ও.সি.এ.না চলাইদুনা মতেং পাংলি। জম্মু অমসুং কশ্মীর, লদাখ, ইথৎশিং অমসুং অৱাং নোংপোক্কী লমদমশিংদা মরু ওইবা মেদিকেল কার্গোশিং অমসুং অনাবা মীওই কয়া পুথোক পুশিন তৌননবা পৱন হন্স লিমিতেদ য়াওনা হেলিকপ্তর সর্বিস কয়া চলাইরি। পৱন হন্সনা মে ৮, ২০২০ ফাওবদা অরাপ্পা কিলোমীতর ৮,০০১ পাইদুনা তোন ২.৩২গী কার্গো পুথোক পুশিন তৌখি।

  অকুপ্পা ৱারোলগীদমক, https://pib.gov.in/PressReleseDetail.aspx?PRID=1622458

  কোবিদ-১৯ লাইচৎনা পীরিবা শীংনবশিং কয়াগী মরক্তা আর.সি.এফ.না এন.পি.কে. ফর্তিলাইজর সুফালা য়োনবদা চাদা ৩৫ হেনগৎলে হায়খ্রে

  অকুপ্পা ৱারোলগীদমক, https://pib.gov.in/PressReleseDetail.aspx?PRID=1622469

  পি.আই.বি. ফিল্দ ওফিসশিংদগী ফংবা পাউ

• অসমঃ অসমদা মীওই অহুম অমগসু কোবিদ-১৯ পোজিতিব ওইরে। অপুনবা কেস ৫৬ শুজল্লক্লে, এক্তিব কেস ২১, দিসচার্জ ৩৪ অমসুং লৈখিদবা ১নি হায়না অসমগী হকশেল মন্ত্রীনা ত্বীৎ তৌখ্রে। গৌহাতীদা অনৌবা কোবিদ-১৯ কেস লাক্লিবসিগী য়েংদুনা মখাগী মফমশিং অসি কন্তেনমেন্ত জোননি হায়না লাউথোকখ্রেঃ আমিয়ো নাগর, চান্দমারি, দা. বি. বরুৱা কেন্সর হোস্পিতালগী অকোইবা অমসুং গৌহাতী মেদিকেল কোলেজ অমসুং হোস্পিতালনি।
• অনুরাচল প্রদেশঃ মুখ্য মন্ত্রীনা লাইওং উত্তবা মীওই ফাওবা য়াওনা রাজ্য অসিদা চংলকপা মী খুদিংমক কোবিদ-১৯ শন্দোকপা থিংনবগীদমক তেস্ত তৌগদবনি হায়না লাউথোকখ্রে।
• মনিপুরঃ কোলকতাদা লৈবা প্রাইবেৎ হোস্পিতালশিংদা থবক তৌদুনা লৈবী মনিপুরদগী নর্স ২২ রাজ্য অসিদা য়ৌখ্রে অমসুং মখোয় ক্বারেন্তিন সেন্তরদা থমখ্রে।
• মেঘালয়ঃ মেগালয়গী শিল্লোংদা মমাংদা থবক পোজিতিব ওইখ্রবা মীওই অদুগা থবক শুমিন্নরম্বা অতোপ্পা মীওই অমসু কোবিদ-১৯ প্রিকোসনরী রিতেস্তেস্ত তৌবদা পোজিতিব ওইরে। হায়রিবা মীওই অসি মশা মউ ফনা উবগা লোইননা লাইওং অমত্তা উত্তে হায়না মেঘালয়গী মুখ্য মন্ত্রীনা ত্বীৎ তৌরি।
• মিজোরমঃ কেন্দ্রগী হকশেল মন্ত্রী দা. হর্শ বর্ধন্না রাজ্য অসিনা কোবিদ-১৯ লৈত্রবা রাজ্য অমা ওইরকপগা লোইননা ইনফেন্ত মোর্তালিতী রেত্তা পোইন্ত ১০ হন্থরকপগীদমক মিজোরমগী হকশেল মন্ত্রীদা থাগৎপা ফোংদোকখ্রে।
• নাগালেন্দঃ কোবিদ নত্তবা অরুবা লাইনা লাইয়েংনবগীদমক রাজ্য অসিগী মপান্দা পুগদবা অনাবশিংনা মপানগী হোস্পিতাল অদুগী অয়াবা চেগা লোইননা অনাবগী এপ্লিকেসন্দা য়াওরবতদা অয়াবা পীগনি হায়না  সরকারনা হায়খ্রে। নাগালেন্দগী প্লান্নিং মন্ত্রীনা হায়রি, রাজ্য অসিগী মপান্দা পন্দুনা লৈরিবা মীওই ৩৩না ই পাসকীদমক থারক্লে অমসুং অতোপ্পা মীওই ৭,০১৫না সরকারদা মখোয়গী হল্লক্নবগীদমক শীনবীনবা হায়জরকখ্রে।
• সিক্কিমঃ মুখ্য মন্ত্রীনা গবর্নর শ্রী গঙ্গা প্রসাদকা উন্নদুনা কোরোনাভাইরসনা মরম ওইদুনা শোকহল্লবা শেন্মিৎলোন হিংগৎহন্নবা খন্নখ্রে; মতীক চাবা খোংথাংশিংগী মতাংদা পাউদমখ্রে।
• ত্রিপুরাঃ অতোপ্পা রাজ্য ১১দা পন্দুনা লৈরিবা ত্রিপুরাদগী মীওই ১৭,০০০না রাজ্য অসিদা হল্লক্নবগীদমক ওনলাইন পোর্তেলদা মিং চনখ্রে। মসিগা লোইননা মাইগ্রেন্ত শিন্মী ৩৩,০০০শু মখোয়গী রাজ্যদা থাগদৌরি।
• মহারাস্ত্রঃ রাজ্য অসিদা মীওই ১,০৮৯ পোজিতিব ওইরকপগা লোইননা কোবিদ-১৯ কেস ১৯,০৬৩ লৈরে। ভারস অসিনা মরম ওইদুনা মীওই ৩৭ অমগা পুং ২৪ অসিদা লৈখিদ্রে, মসিনা অপুনবা মীওই ৭৩১ লৈখিদ্রে। হৌখিবা পুং ২৪ অসিদা মুম্বাইদা মীওই ৭৪৮ অমসু পোজিতিব ওইরে, মসিনা সহর অসিদা পুন্না মীওই ১১,৯৬৭ পোজিতিব ওইরে। মহারাস্ত্রদা পুলিস পার্সনেল ৭১৪সু পোজিতিব ওইরে।
• গুজরাতঃ দা. রন্দীপ গুলেরিয়া, ওল ইন্দিয়া ইন্সতিত্যুত ওব মেদিকেল সাইন্সেসনা অহ্মেদবাদ সিবিল হোস্পিতালদা লৈবা দোক্তরশিংগা উন্নদুনা কোবিদ-১৯ লাইয়েংবগী কাংলোনশিংগী মতাংদা ঙসি পাউতাক পীখ্রে। মরকসিদা, গুজরাত্তা মীওই ২৪ অমগা শিবগা লোইননা অপুনবা মীওই ৪৪৯ শুখ্রে অমসুং কোবিদ-১৯ পোজিতিব কেস ৭,৪০৩ শুদুনা মহারাস্ত্রগী মথংদা লৈবাক অসিগী খ্বাইদগী য়াম্বা অনীশুবা রাজ্য ওইরে।
• রাজস্থানঃ রাজস্থান্দা অনৌবা কোরোনাভাইরস কেস ৫৭ অমগা হাপচিল্লক্তুনা অপুনা কেস ৩,৬৩৬ শুখ্রে। অপুনবা লাইনা অসিনা নারবশিংগী মনুংদগী হৌজিক ফাওবদা ১,৯১৬না নাবা ফখ্রে অমসুং ১০১ লৈখিদ্রে।
• মধ্য প্রদেশ: মধ্য প্রদেশ্তা ঙসি পোজিতিব ওইবা কেস ৮৯ লাকখ্রে, মসিনা অপুনবা রিপোর্ত তৌরবা কেস ৩,৩৪১ য়ৌরে। অপুনবা নারবা মশীংদগী মীওই ১,৩৪৯ নাবা ফখ্রে, অমসুং মীওই ২০০না রাজ্য অসিদা লৈখিদ্রে। থংন-থংননা নুমিৎ হুম্নিদা, এম.পি.দা পোজিতিব কেস মশীংদগী নাবা ফবগী মশীংনা হেল্লক্লি।
• ছতিসগরঃ মুখ্য মন্ত্রী শ্রী ভুপেস ভাগেলনা প্রধান মন্ত্রী শ্রী নরেন্দ্র মোদীদা অইবা চেরোল থাদুনা  কোবিদ-১৯ মতুংদা ওইরক্কদবা শেন্মিৎলোনগী খুদোংথীবদগী ঙাকথোক্নবা লুপা করোর ৩০,০০০গী পেকেজ পীবীনবা হায়জখ্রে। অনৌবা কেস ৬০ লাকখ্রে অমসুং লৈতবগী পাউদি লৈত্রি। লৈবাক অসিদা কা হেন্না অনাবা লৈতবা রাজ্যশিংগী মনুংদা ছতিসগরসু অমা ওইরি।
• কেরলাঃ কেরলা সরকারনা রেদ জোন নত্তবা মফমশিংদগী হল্লকপা য়ানবগী পাস পীবগী থবক মখা চত্থখ্রে। রাজ্য অসিগী ঙমখৈ ময়া ওইবা চেক পোস্তশিংদা পাস য়াওদনা চংলকপা কেরলা মচা কয়া পন্দুনা লৈরি।  কোত্তায়ম দিস্ত্রিক্তকী এদমিনিস্ত্রেসন্না তমিল নাদুগী থিরুবালুর দিস্ত্রিক্ততগী হল্লকখিবা ক্বারেন্তিন তৌদনবা হোৎনরিবা মহৈরোই ৩৪ খংদোক্নবগী থবক হৌখ্রে। ভন্দে ভারত মিসনগী মখাদা মুস্কাত, কুৱেত অমসুং দোহাদগী পাইরকখিবা ফ্লাইৎ অহুম ঙসি অহীং কোচিদা থুংলগনি। ঙরাং মীওই ১০ নাবা ফখিবগা লোইননা মীওই অমা কোবিদ-১৯ পোজিতিব ওইবগী রিপোর্ত লাকখ্রে। হৌজিক অনাবা ১৬ তমক লাইয়েংলি।
• তমিল নাদুঃ রাজ্য অসিনা হাই কোর্তনা য়ু য়োনবা থিংখিবগা মরী লৈননা সুপ্রীম কোর্ত্তা থাংগৎকদৌরি। মুখ্য মন্ত্রীনা প্রধান মন্ত্রী মোদীদা ইলিক্ত্রিসিতী এক্ত শেমদোক শাদোকপগী থবক মরক্কী ওইনা লেপ্পীনবা হায়জখ্রে। ভন্দে ভারত মিসনগী মখাদা দুবাইদগী মীওই ৩৫৯ পুদুনা লাকপা এয়র ইন্দিয়াগী ফ্লাইৎ অনী ঙসি অঙনবা অয়ুক্তা চেন্নই ইন্তর্নেসনেল এয়রপোর্ত্তা থুংলখ্রে। অতোপ্পা মালেসিয়াদগী পাইদুনা লাকপা মীওই ১৬৮ তোংবা ফ্লাইৎ অমগসু তিরুচী ইন্তর্নেসনেল এয়রপোর্ত্তা ঙসি থুংলগনি। ঙরাং ফাওদা লৈরিবা অপুনবা কেস মশীং; ৬০০৯, এক্তিব কেসঃ ৪৩৬১, লৈখিদ্রবাঃ ৪০, দিসচার্জ তৌখ্রবাঃ ১৬০৫। হৌজিক ফাওনদা লৈরিবা কেস অসিদগী ১৫৮৯দি কোয়েম্বদু কৈথেল হাংদোক্লুবগা মরী লৈনৈ।
• করনাতকাঃ ঙসি অনৌবা কেস ৩৬ রিপোর্ত তৌরকখ্রে। বেঙ্গলোর ১২, উত্তারা কনাদা কেস ৭, দবঙ্গিরী ৬, চিত্রদুর্গা, বিদার অমসুং দক্ষিন কনাদাদা অহুম-অহুম অমসুং তুমকুর অমসুং বিজয়াপুরাদা অমমম।  হৌজিক ফাওবগী অপুনবা কেস মশীং ৭৮৯নি।  হৌজিক ফাওবদা মীওই ৩০ লৈখিদ্রে অমসুং মীওই ৩৭৯ নাবা ফদুনা দিসচার্জ তৌখ্রে।
• আন্ধ্র প্রদেশঃ রাজ্য অসিদা আইন্না য়াদবা মওংদা য়ু য়োনবা অমসুং লৈঙোই পুবা থিংনবা স্পেসল ইনফোর্সমেন্ত ব্যুরো অমা শেমখ্রে। য়ু য়োনবা দুকান ৩৫০০ লৈরম্বদগী ২৯৩৪দা হন্থদুনা য়ু য়োনবা দুকান মশীং হন্থনবা য়াথং থোকখ্রে। হৌখিবা পুং ২৪দা সেম্পল ৮৩৮৮ তেস্ত তৌরবা মতুংদা কোবিদ পোজিতিব কেস ৪৩ লাকখি, মীওই ৪৫ দিসচার্জ তৌখি অমসুং মীওই অহুম্না লৈখিদ্রে। অপুনবা কেস মশীং ১৯৩০ য়ৌরে। এক্তিব কেসঃ ৯৯৯, নাবা ফরবাঃ ৮৮৭, লৈখিদ্রবা ৪৪। পোজিতিব ওইবা কেস্তা মাং থারিবা জিলাঃ কুর্নুল (৫৫৩), গুন্তুর (৩৭৬) কৃষ্ণ (৩৩৮) অমসুং অনন্তপুর (১০২)।
• তেলঙ্গানাঃ আই.সি.এম.আর.না থা তরুক্কী ওইনা ই.এস.ই. হোস্পিতাল অমসুং গান্ধীদা কোবিদ-১৯ নারবা মীওইশিংদা প্লাজমা থেরাপী পীবগী অয়াবা পীখ্রে। রাজ্য অসিদা মাস্ক য়াওদনা চৎপা মীওইশিংদগী লুপা ১,০০০গী ফাইন লৌবা হৌখ্রে। গাচিবাউলিদা লৈবা কন্সত্রক্সন সাইত অমদা থবক শুবা মাইগ্রেন্ত শিন্মীশিংনা মখোয়বু ময়ুমদা হলহন্নবা হায়দুনা দিমান্দ তৌখ্রে। হৌজিকফাওবগী অপুনবা কেস মশীং:  ১১৩২, এক্তিব কেসঃ ৩৭৬, লৈখিদ্রবাঃ ২৯, নাবা ফরবাঃ ৭২৭।  
• চন্দীগরঃ য়ু.তি. চন্দীগর এদমিনিস্ত্রেতরনা দিপুতী কম্মিসনরশিংদা য়ৌগদৌরিবা রাজ্যশিংগা পাউ ফাওনদুনা ময়ুমদা হন্নিংবা পদুনা লৈরিবা মীওইশিং অমসুং মাইগ্রেন্ত লেবরশিংবু মেদিকেল স্ক্রীনিং তৌরবা মতুংদা থাখিনবা হায়খ্রে। এন.আর.আই.শিং অমসুং চন্দীগর মচা ৫০০০রোম মপান্দগী নোংথক লম্বীদা হল্লক্কদৌরি।
• পঞ্জাবঃ পঞ্জাব সরকারনা কোবিদ-১৯ লাইচৎকী মনুংদা চানবা পোৎলমশিং অমসুং তঙাইফদবা পোৎলমশিং অশোই অঙাম য়াওদনবা হোৎননবা পাউতাক পীখ্রে। মরু ওইবা পাউতাকশিং অদুদা, পঞ্জাব সরকারনা দুকান মপুশিং, দেলিবরী স্তাফশিং অমসুং কস্তমরশিংদা ফিগী মাস্ক মতম চুপ্পদা উপনবা খংহনখি। পোৎ লৈবদু মীকুপ অমা খক্তমক চংলবসু মাস্ক উপ্পীনবা হায়রি। কঞ্জুমর/কস্তমরশিংগী এদবাইজরি অদুদা, পঞ্জাব সরকারনা ফিগী খাউ পুদুনা পোৎ লৈবা চৎপীনবা হায়খি। ফিগী খাউশিং অদু শিজিন্নবা লোইরবা মতুংদা নিংথীনা সাপোন্না শু-চাম্বীনবা খংহনলক্লি।   
• হরিয়ানাঃ হরিয়ানা সরকারনা লেপখিবগী মতুং ইন্না, মখোয়গী রাজ্যশিংদা হন্নিংবা মাইগ্রেন্ত লেবরশিংনা নুমিৎ ৭নিগী মনুংদা বস ৫,০০০ অমসুং ত্রেন ১০০ শিজিন্নদুনা রাজ্য সরকার অসিনা শেল তিংহন্দনা লেম্না ময়ুম য়ৌহনগনি হায়খ্রে। চত্থোক-চৎশিন্দা চংবা শেল পুম্নমক রাজ্য সরকারনা পুথোক্কনি হায়খ্রে। হৌজিক ওইরিবা ফিবম অসিদা, মুখ্য মন্ত্রীনা সরকারগী শিন্মী খুদিংমক, দিস্ত্রিক্ত এদমিনিস্ত্রেসন য়াওনা, লোকদাউন মনুংদা, মাইগ্রেন্ত লেবরশিংগী চানবা অমসুং তঙাইফদবা পোৎলম খুদিংমক অমসুং লৈফম শীনবীদুনা মখোয়বু ময়ুমদগী লাপ্না লৈরে হায়বগী ৱাখল পোকহল্লোইদবনি হায়খ্রে।  

• পি.আই.বি.গী ফেক্তচেক

****