থাগৎখিবা:
07 MAY 2020 3:18PM by PIB Imphal
রেলৱে মন্ত্রালয়না মসিগী কোচ ৫২৩১বু কোবিদ কেয়র সেন্তরশিং ওইনা ওন্থোক্লে। কোচশিং অসি য়াম্না মাইল্দ ওইবা কেসশিংদা শিজিনবা য়াই। কোচশিং অসি স্তেতকী খুদোংচাবা ৱাৎপা মফমশিংদা অমদি কোবিদ কেসশিং চিংনবা অমসুং কনফার্ম ওইরবা অনিমক্কী আইসোলেসনগীদমক কেপাসিতী হেঙ্গৎপা মথৌ তাবা মতমদা শিজিন্নবা য়াই।
হকশেল অমসুং য়াইফ-য়ুম্বাল মন্ত্রালয়না ইশু তৌবা গাইদলাইনশিং (মখাদা পীরিবা লিঙ্কতা) য়াওরি।
কোবিদ-১৯গী মায়োক্তা লান চত্থরদুনা ইন্দিয়া রেলৱেনা ভারত সরকারগী হেল্থ কেয়রগী হোৎনরিবশিংদা মতেং পাংনবা হোৎনবা য়াবা হোৎনরি। ইন্দিয়ন রেলৱেনা রাজ্যশিংদা মসিগী কোবিদ কেয়র সেন্তর ৫২৩১ ফংহন্নবা থৌরাং তৌরে। জোনেল রেলৱেনা মসিগী কোচশিং অসি ক্বরেন্তাইনগী খুদোংচানবগীদমক ওন্থোক্লে।
স্তেসন ২১৫গী মনুংদা রেলৱেনা স্তেসন ৮৫দা হেল্থকেয়র ফেসিলিতীশিং ফংহনগনি, স্তেসন ১৩০দা, করিগুম্বা রাজ্যশিংনা স্তাফ অমসুং মরুওইবা হিদাক-লাংথকশিং ফংহনবা য়ারগদি মখোয়না কোবিদ কেয়র কোচশিং হায়জরকপা য়াগনি। ইন্দিয়ন রেলৱেনা মসিগী কোবিদ কেয়র সেন্তরশিংগীদমক স্তেসন ১৫৮বু ৱাতরিং অমসুং চার্জিংগী খুদোংচাবগা লোয়ননা অমদি স্তেসন ৫৮বু ৱাতরিংগী খুদোংচাবগা লোয়ননা থৌরাং তৌরি। (মখাদা পীরিবা লিঙ্ক এনেক্সর Aদা লিস্ত য়াওরি)
কোবিদ কেয়র সেন্তরশিং অসিগী মথক্তা ইন্দিয়ন রেলৱেনা কোবিদ-১৯গী শিংনবশিং থেংননবা দোক্তর ২৫০০ অমসুং পেরামেদিক স্তাফ ৩৫০০০ হেন্না মথৌ তৌহল্লি। তোঙান-তোঙানবা জোনশিংনা তেম্পোরেরী বেসিসতা দোক্তরশিং অমসুং পেরামেদিকশিং লৌরি। দেদিকেতেদ হোস্পিতাল ১৭তা চাউরাক্না ফমুং ৫০০০ অমদি রেলৱে হোস্পিতালশিংদা হোস্পিতাল ব্লোক ৩৩বু কোবিদ-১৯ অনাবশিংগী লাইয়েংনবগীদমক মশক খঙদোক্তুনা থৌরাং তৌরে।
হকশেল অমসুং য়াইফ-য়ুম্বাল মন্ত্রায়গী গাইদলাইনগী মতুং ইন্না রাজ্য সরকারশিংনা রেলৱেদা হায়জরকপগী চেরোল থারক্কনি। রেলৱেনা রাজ্যশিং/য়ুনিয়ন তেরিতোরীশিংদা কোচশিং অসি য়েন্থোক্কনি। রেলৱেনা য়েন্থোকপা লোয়রবা মতুং ত্রেন অসি মথৌ তাবা ইনফ্রাস্ত্রকচরগা লোয়ননা দরকার ওইরিবা স্তেসনদা খামগনি অমদি দিস্ত্রিক্ত কলেক্তর/মেজিস্ত্রেৎ নত্রগা ওথোরাইজ তৌরবা মীওই অমদা শিন্নগনি। ত্রেন অসি খামদুনা থম্লিবা মফম অদুদা রেলৱেনা ৱাতরিং, ইলেক্ত্রিসিতী, শেমজিন-শাজিনবা, থোং-থাক্নবা শেম-শাবশিং অমসুং সেক্যুরিতীগী য়েংশিনগনি।
হকশেল অমসুং য়াইফ-য়ুম্বাল মন্ত্রালয়না পীবা গাইদলাইনগী লিঙ্ক:
স্তেসনগী লিঙ্ক এনেক্সর A:
****