তিকা পুথোক্নবা, হিদাক পুথোক্নবা, লাইওং খঙদোকপা অমসুং চাংয়েং তৌবগী মতাংদা ভারতনা পায়খৎলিবা থবকশিংগী হৌজিক ওইরিবা ফিবম প্রধান মন্ত্রীনা কুপ্না অমুক হন্না য়েংশিনখ্রে । ভারতকী তিকা পুথোকপা কম্পেনীশিং অসি মখোয়গী মগুন লৈবা, য়াম্না পুথোকপা ঙম্বা অমসুং মালেমগী লৈবাক কয়াদা লৈবগী মমিং চৎলি । মসিগী মথক্ত, ঙসিদি মালেমগী লৈবাকশিং তিকা পুথোক্নবা থিজিনবগী নৌরিবা তাঙ্কক অমদা লৈরি । মসিগা মান্নবা মওংদা ভারতকী ইন্সিতিতুৎশিং অমসুং স্তার্দ-অপশিং লম অসিদা মাংজিল থারি । কোরোনা তিকা পুথোক্নবা ভারতকী তিকা ৩০ হেন্না তোঙান-তোঙানবা তাঙ্ককশিংদা লৈরি লোয়ননা তিকা খরদি চাংয়েং তৌবগী থাক য়ৌরে ।

মসিগা মান্নবা ফিবমদা, হিদাক পুথোক্নবা থবক অহুম পায়খৎলে । অহানবদা, হৌজিক শীজিন্নরিবা হিদাকশিং শীজিন্নবনি ।  কাংলুপ অসিগী মনুংদা লৈবা হিদাক মখল মরি শুংবা অমসুং য়েংশিনবগী থবক চৎথরি । অনিশুবদা, লেবোরেতোরিগী ভেরিফিকেসনগা লোয়ননা অফবা মখলগী কম্পুতরগী মতেং লৌদুনা অনৌবা হিদাকশিং অমসুং মোলিকুলশিং পুথোক্নবা থবক পায়খৎলে । অহুমশুবদা , ভাইরস হাৎপা ঙম্বা মগুনশিং য়াওবা পাম্বীশিং অমসুং পোৎলমশিং থিজিল্লে ।

আর তি-পি সি আর অমসুং এন্তিবোদি দিতেক্সন অনিমক য়াওনা, লাইওং খঙদোকপা অমসুং চাংয়েং তৌবগী মতাংদা, রিছর্স ইন্সতিতুৎশিং অমসুং স্তার্দ-অপশিংনা অনৌবা তেস্তশিং পুথোক্লে । মসিগী মথক্ত, লৈবাক অসিগী লেবোরেতোরিশিং শম্নদুনা, হায়রিবা তেস্ত মখলশিং অসি পাংথোকপা অঙকপা ফংনা হেনগৎলে । ভারতকী স্তার্দ-অপশিং অমসুং ইন্দস্ত্রিশিংনা হৌজিক দরকার ওইরিবশিং ফংহন্দুনা, চাংয়েং তৌনবা মপান্দগী রিএজেন্তশিং পুশিল্লকপদা থেংনরিবা খুদোংচাদবশিং কোকহল্লে । হৌজিক লৈরিবা ফিবম অসিদগী হিরম অসিদা মতম কুইনা লৈহৌগদবা ইন্দস্ত্রি অমা শেমগৎনবগী থাজবা পীরি ।

মতিক চাবা নিয়মশিংগা লোয়ননা য়াম্না য়াংনা ইন্সতিতুৎশিং,ইন্দস্ত্রি অমসুং সরকার পুন্না চৎমিন্নবা অসি প্রধান মন্ত্রীনা খঙজিনখি । অসিগুম্বা মতেং পীনবা অমসুং খোঙজেল অসি স্তেন্দার্দ ওপেরেতিং প্রোসিদিউয়র অমগী মখাদা থম্নিংবগী অপাম্বা প্রধান মন্ত্রীনা ফোংদোকখি । অসিগুম্বা অৱাবা মতম অসিদা ঐখোয়গী থবকশিং সাইন্তিফিক ওইবা মওংদা পাংথোক্নবা মহাক্না তকশিনখি ।

হিদাক পুথোক্নবা হোৎনবদা কম্পুতর সাইন্স, কেমিস্ত্রি অমসুং বাইওতেক্নোলোজি পুনশিনবদা থাগৎলদুনা , লেবোরেতোরিদা হিদাক পুথোকপা অমসুং চাংয়েং তৌবদা কম্পুতর সাইন্সকা শম্নহন্নবগী সবজেক অসিগীহেক্কাথোন অমা পাংথোক্নবা ৱাফম প্রধান মন্ত্রীনা ফোংদোকখি । হেক্কাথোন অদুদা মাইপাক্লবা মীওইশিং মখা তানা শেমগৎনবা স্তার্দ-অপশিংনা লৌখৎকদবনি ।

প্রধান মন্ত্রীনা হায়খি বেসিক্তগী হৌরগা এপ্লাইদ সাইন্স ফাওবদা ভারতকী সাইন্তিস্তশিংগী অনৌবা পুথোকপা অসিগা ইন্দস্ত্রিগা পুন্না চৎমিন্নবা অসিদা অপেনবা পোকই । অসিগুম্বা মখলগী চাউথোকচবা, ওরিজিনেল ওইবা অমসুং মরম চাবা অসিনা মাংলোমদা চংশিল্লিবা ঐখোয়গী থবকশিং লমজিংগদবনি । মসি খক্তনা ঐখোয়না সাইন্সতা মালেমগী মরক্ত খ্বাইদগী ফবা ওইবা ঙমগনি অমসুং তুংইন্নবা ওইরোইদবনি ।

*****